لبنات صباح الخير والانوار بغيت نتسامح معاكم لاني غادي نغبر عليكم

صباح الخير
ما سخيتش بيكم لكن قلت نسلم عليكم من دابة ونتسامح معاكم الا غلط في حق اي واحدة فيكم تسمح ليا واذا اي واحدة فيكم هازة في خاطرها من جيهتي تسامحني اللسان ما فيه عظم كيفما عارفين انا غادي ننقطع فترة عليكم نتمنى ما تكونش طويلة على حسب الظروف والمشاغل ولكن تاكدو انكم دايما في بالي قضيت معاكم اسعد الاوقات بالضحك ومشاركة الافكار واقتسمنا الحلوة والمرة مرينا بأوقات جدا عسيرة وكنتو نعم الاخوات واكثر من الاخوات احفظ لكل واحدة منكن جميلها في داخلي وعمري ما ننسى وقفتكم معاية كل واحدة باسمها
كل واحدة فيكم تركت اثر في نفسي بنكهتها الخاصة لكل واحدة منكن طعم خاص كاراكتر مختلف كنحماق عليكم كاااملين وليت نفكر فيكم بحال الا قاعدين معاية وفعلا افراد من عايلتي وحبابي لعزاز عليا بزاااااااف
المهم انا ما كنبغيش نودع دغيا كنبدا نبكي هههههههه ما غاديش نطول عليكم انشاء الله ونحاول نرجع في اقرب وقت ممكن
المساااااامحة بنات عيشة لغزالات عمرني ما ننساكم
من تبغيو تفطرو تفكروني ههههههههه

الله يديك وجيبك فنجى حبيبتي وتلقاي داركم واحبابك وعائلتك كيف بغيتي ودوزي عطلة زوينة تنساي بيها ستريس ديال العام كله ومرحبااا والف مرحبا بيك فبلادك غتنور بيك وبوليداتك راني نتسناك تزوريني وتنوريتي

توصلي على خير حبيبية ولكن ضروري تبقاي طلي علينا مرة مرة , وملي تسبقني المغرب عنداك تسوطي فداكشي لمخبية لينا ماماك بوحدك هههههههههههههههه نشوهك فأسفي .

مطوليش علينا اموووووووولة حبيبة والله مسخيناش بيك

تمشي وتجي بالسلامة ما تعطليش

امال حبيبة الله يوسلك على خير وتدوزي عطلة مزيونة ومتنساش انا نستناك في تطوان تنوريني انتي ومعزيز عليك

ياختي هاد اللحضة والله صعيبة عليا ولفت نلقاء كل صباح والله ومنورنا في المنتدى متغبريش مرة مرة طلي علينا ومتنسناش والله اختي عندي عزيزة بزااااااااااااااف وانتي اختي والله اللي ديما في جنبي

طريق السلامة الله يجيبك على خير

شكرا حبيبتي الزعرية غادي دايما نتفكرك ونتفكر هضيرياتك الي كيحمقوني هههههههههههه انشاء الله الا كنت غادي ننزل للرباط نقولها ليك نشربو قهيوة مع بعض ونشوفك وتشوفيني على الطبيعة

كريمة الحبيبة ديالي والله حتى انا ما سخيت بيكم غادي تبقاو في قلبي ونحاول ما امكن انه نطل ضروووري ما نستغناااش عليكم احبي

فاتي رفيقة دربي في المغامرات ههههههههههههه دوزنا وقت صعيب مع بعض لكن قربنا من بعضياتنا بزااااااااف وحببتنا في بعض نشكر الظروف الي لقاتني بيك
لا كوني هانية ما ناكلهاش وما دوزش ليا بلا بيك والا لقيت مازال نشري ونخبي في الفريزر باش نديرو حفلة من تجي ههههههههههه

نادية دلوعتنا والزين الاصلي نحاول نرجع انشاء الله في اقرب وقت حتى انا ما سخيتش بيكم تستاهلي كل خير وانشاء الله من نرجع نلقاك عروسة ونفرحو ليك ويكمل ليك ربي بكل خير

كزاوي خويا بارك الله فيك
الله يشافيك اخويا ومن نرجع نلقى مشكلتك ما بقاش ليها الاثر وحتى انتا مش غير تحل المشكلة ما نبقاو نشوفوك

بالوما لغزالة لقلب الابيض والعفوية لهلا يخطيك احبيبة انشاء الله الا اتاحت ليا الفرصة علاش لا, نجي نطل عليك بتطوان
تهلاي في راسك وديري عقلك وتهلاي في راجلك زمانك راه هادشي الي انتي فيه غير تغيير من مرحلة لمرحلة كيولي فيها شوية الاضطرابات لاكن باصلك الطيب وتربيتك الحسنة غادي تتغلبي عليها وتتجاوزي المرحلة بنجاح الله يتاويكم للخير الحبيبة

amal123 كتب:بالوما لغزالة لقلب الابيض والعفوية لهلا يخطيك احبيبة انشاء الله الا اتاحت ليا الفرصة علاش لا, نجي نطل عليك بتطوان
تهلاي في راسك وديري عقلك وتهلاي في راجلك زمانك راه هادشي الي انتي فيه غير تغيير من مرحلة لمرحلة كيولي فيها شوية الاضطرابات لاكن باصلك الطيب وتربيتك الحسنة غادي تتغلبي عليها وتتجاوزي المرحلة بنجاح الله يتاويكم للخير الحبيبة

الله يخاليك ليلي والله انتي احسن صديقة واخت ربي يعطيك قد نيتك وتمشي وتجي لينا بالسلامة وسلمي على داركم واتمنى والله تنوريني في تطوان نهزك فوق راسي والله

امل الله يدك فنجا و يردك فنجا
عطلة سعيدة عزيزتي
و عواشر مباركة

شكرا زهيرو ديالنا تهلاي ليا في البنات وفطريهم كل صباح ياك خليت ليك العهدة المسمن واتاي لا يفلت هههههههههههههه

انشاء الله دوزي عطلة مرتاحة وتاكدي غادي نتوحشوك

تمشي و تجي على خير ان شاء الله

الحنونة شكرا بزاف الحبيبة حتى انا غادي نتوحشكم بزاف ومن نرجع انشاء الله تكون امورك ولات مزيانة مع حبيبك

شكرا مريامتي ضروري ماغادي نطل عليكم ولكن غادي نكون في قسم الطبخ عندك تهلاي ليا فيه مزيااااان داك القسم تما غادي نسكن انا
رمضان على الابواب

اموله حبيبتي انتي فعلا انسانه طيبه وحنونه ومكانتك بقلوبنا واكيد غادي نشتاقو لك بزاف وغتخلي بلاصتك فارغه ونتمنى توصلي بالف سلامه وتلقاي الاهل والاحباب بالف خير وصحه وسلامه ونشوفوك على خير احبيبه والمسامح كريم ويجعله في ميزان حسناتك يارب ويسر امورك ويغلبك على الديوانيين هههههه
درب السلامه حبوبه

حبيبة ديالي واالله العظيم جبتيلي البكية
مالك اهتي ياك غادي تكونيكتاي من المغرب
و ان شاء الله نشوفك
و نشوف وليداتك الغزيييولييين
الله يجيبك على خير

والله حتا ولفناااااك بزاااف غادي نتوحشوووك الغزالة ديالنا نتمناو طلي علينا واخا غير مرة مرة وحاولي ترجعي لينا في اقرب وقت والله يجيبك على خير ازين موااااح عليك

تمشي و تجي على خير ان شاء الله

تمشي وترجعي بالسلامة اموله غادي نتوحشوك بزاف ولفناك فالصراحه غادي تخلي بلاصتك كبيره نتمنى تفوجي مزيان انتي وليداتك الله يحفظهم ليك فالمغرب وتشوفي الحباب وتشوفي ميمتك وماتنسايش طلي عليا فكازا راك عارفاني كاينه بوحدي جي مرحبا بيك نهزك على الراس والعين راه صديقة عزيزة عليا بزاف ونتمنى منك تواعديني الا جيتي كازا اتصلي فيا

tamchi w tji 3la khir inchallah tdawziha mazian m3a 3a2iltk ntmanna lik 3otla sa3ida akid ghantwahchouk bazzaffff hbiba

الله يجيبك على خير اختي وتلقاي عائلتك على خير وبخير وحاولي ما تغيبيش علينا

الله يجيبك على خير امولتي و يحفظ ليا وليداتك ...
و مرحبا بيك عندي انت و الكتاكيت ...
متنسايش الا جيتي تعلمينا بوصولك بالسلامة

شكرا بزاف عيون المها على الدعيوة الغزالة بحالك بصح نيت هههههههههههههههههههه الديوانة كيفشخونا مزياااان والحمد لله هههه

حيزبونة انا عارفاك احبي حنينة بزاف اكثر مني ههههههههه ضروري غادي نطل ولكن كتعرفي الشطون والاحباب والعراضات ولكن ضروري لاني انا الي غادي نتوحشكم او بزااااااااف

رينا الغزالة اكيد غادي نحاول نطل كيفما قلت ليكم راه انا الي غادي نتوحشكم وما نقدر على فراقكم غير باش الا تاخرت تعذروني ههههههههههههههههههههه وما ديرش ليا حيزبونة حضر لوووووول

شكرا فيروزة المنتدى بارك الله فيك

انشاء الله ريم الفلا من ننزل كازا نتصل ليك نشربو قهيوة في موروكو مول ضروري اعتز بصداقتك الحبيبة بارك الله فيك وحتى انا غادي نتوحشكم كاملين كل واحدة باسمها
خلي ليا رقمك ريم الفلا في داري حتى لو اورلاين نلقاه من ندخل

ناتي انشاء الله نحاول ما نغبرش بارك الله فيك وشكرا انك دخلتي تسلمي عليا

بارك الله فيك نومي انشاء الله نشوفكم بكل خير حتى نتوما ونلقاكم في احسن الحال والاحوال غادي نتوحشكم بزاااف

مهيرتي يا مهيرتي شكرا لسؤالك ودعيواتك الله يحفظ ليك وليدك ويفك وحايلك على خير نشوفك انشاء الله باحسن حال
انشاء الله من نوصل غادي نخبركم لكن ما غاديش نكون منتظمة باش ندخل يعني ممكن شي عضوات ما نتلاقاش بيهم لانه اختلاف الاوقات ممكن ما نشوفهمش داكشي علاش قلت ندير موضوع ونسلم على الجميع ونخلي لكل واحدة تعليق الي تذكرني وتدعي معايا من تقراه انشاء الله نشوفكم على خير ونتلاقاو في ساعة سعيدة ما تباع بامواااااااال هههههه

تمشـــــــــــــــــــي وترجعــــــــــــــــي في أمـــــــان اللـــــه حبــــــــــــــبتي [b]

الله يسلمك للاحبي

amal123 كتب:مهيرتي يا مهيرتي شكرا لسؤالك ودعيواتك الله يحفظ ليك وليدك ويفك وحايلك على خير نشوفك انشاء الله باحسن حال
انشاء الله من نوصل غادي نخبركم لكن ما غاديش نكون منتظمة باش ندخل يعني ممكن شي عضوات ما نتلاقاش بيهم لانه اختلاف الاوقات ممكن ما نشوفهمش داكشي علاش قلت ندير موضوع ونسلم على الجميع ونخلي لكل واحدة تعليق الي تذكرني وتدعي معايا من تقراه انشاء الله نشوفكم على خير ونتلاقاو في ساعة سعيدة ما تباع بامواااااااال هههههه

امين يا الغالية ...نتمنى تخلي ليا رقمك فين غتكوني عند حنونة نتاصل بيك ان شاء الله

ألله يدّيكم على خيرويجعل طريقكم حرير،وفاش ماحطيتوايديكم ورجلكيم يكون التيسير.

ألله يغطيك بالستر،ويفرشليك الرضى والزهر،وعلى عديانك مرفوعة الشان والقدر.
وحتى انتي أختي دعي مع الواليدة راها حاجة بيت الله،يسلكها من هذيك المصيبة إللي عندها فالدار،ودعي معايا يعطيوني الإقامة هاذ الشهر،بربي ونت ماتدعيلي أختي ألله يرحم ليك الوالدين.

هههههههههه متخفيش غادي نصومهم حتى ترجعي. و ديك ساعة نوجد ليهم فطور كبير

تمشي وترجعي لينا بسلامه ويحفضك ويحميك انتي ووليداتك ياربي
غادي نتوحشوك بزااااااااااااااااااااااااااااااااااااااف بيزو ازين

أختي امال سفر سعيد و لو اننا ولفناك بزاف نتمنى لك عطلة سعيدة في وسط اهلك و احبابك و خصوصا والديك الله يخليهم لك بكل صراحة اصعب موقف نقل بسلامة لاعز الناس راه بلاصتك كبيرة في قلوبنا لهذا كنطلب منك مرة مرة طلي علينا .
غير للتذكير راه كاتبتك في هد الصفحة كبيلة بسرعة و خرجت لكن لقيت الرسالة لم تسجل

تمش فالنجا وتجي فالنجا اختي والله يفرحك بزمانك ووليداتك وتشوفي ولادهم وولاد ولادهم والله يخل ليك ماعز عليك فهاد الدنيا ويشد ليك فواليديك ويمتعكم برضاهم ديما.شكرا اختي لمواساتك لي فهاد الظرووووف ربي يجعلها فميزان حسناتك....شكرا امل من القلب

بكيتيني الخايبة عرفتي الى مشفتكش مني تجي غنحماق ضروري ومؤكد ولا غنلحق عليك حتى لاسفي ضروري تواصلي معانا مرة مرة واخا غير من تليفون نهدرو فدارك الله يجيبك ويرجعك بالسلامة سلميلي على الدار كاملين والكتاتيت ديولي باي حبي الابدي

amal123 كتب:انشاء الله ريم الفلا من ننزل كازا نتصل ليك نشربو قهيوة في موروكو مول ضروري اعتز بصداقتك الحبيبة بارك الله فيك وحتى انا غادي نتوحشكم كاملين كل واحدة باسمها
خلي ليا رقمك ريم الفلا في داري حتى لو اورلاين نلقاه من ندخل

ان شاء الله الله يجيبك على خير راه كنت صفطت ليك رقمي غادي نصفطو ليك دابه ونفس الشي حتى انا تنعتز بصداقتك راكي اخت عزيزة عليا بزاف

اختي امال الله يوصلك على خير و سلمي على مالييييين الدار