صباح النور على البنور موضوع بغيت ناخد رايكم فيه

لكل إنسان مهما كان له أخطاء و عيوب ,
يعتريه النقص ' كل ابن آدم له خطاء ' .
على سبيل المثال : لو كان لك صديق وهذا الصديق به من الصفات
الجميلة الشيء الكثير ولكنه نمّام
او عيب في الشكل او الجسم او الاسلوب
أو كذّاب أو كثير الكلام ,, هل ستواجهه ؟؟
واذا كانت هذه الصفات فيك ( مثلاً ) هل سترضى اذا واجهك بها .
بصراحة هل ستعتبرها هدية ؟؟؟؟!!!!!

أم ستعتبرها إهانة وتدخل فيما لايعنيني أم وقاحة؟

انتظرو .. وفكرو قبل الإجابة قليلاً .

إذا كنت تعتبر المصارحة بالعيوب هدية كما قال عنها سيدنا عمر بن الخطاب رضي الله عنه : ( رحم

الله امرأ اهدى إلي عيوبي ) . فما هو لون الغلاف أو شكل الغلاف ( أقصد هنا الأسلوب ) الذي تحب أن

تغلّف به هديتك ؟


هل تعرف عيوبك بشكل واضح وجلي ؟ وأيهما أكثر وضوحا بالنسبة لك . عيوبك أو صفاتك الحسنة؟

بصراحة :

هل أنت مع هذه المقولة .. هل ترضى أن يصارحك احد بعيوبك ؟

وطبعا نبدا انا الاولى ونقول ليكم رايي في الموضوع
انا ممكن نقبل الانتقاد او التنبيه او الملاحظة لكن الفكرة انه الانتقاد من من غادي يكون ؟؟؟ مثلا من راجلي وينتقد شي في شكلي لا ما نتقبلهاش ممكن رايه في لبسي مثلا نتقبلو لانه ممكن نبدلو
الخلاصة كنتقبل النقد لكن على حسب الشخص الي موجه لي النقد ممكن نتقبلو من شخص وما نتقبلوش من شخص ثاني

صباح النور امال كيف صبحتي ازين موةضوع مزيون نبدا معاك انا

حتا انا فحالك كنتقبل النقد لكن حسب الشخص وحسب داك الكلمات اللي غادي يقلهوملي كانو خايبين منبغيش مرة

ازين بصحة تقصيرة البارح والله بقا فيا الحال مكلستش معاكم لكن ضروف خرجت مع الحمار وجينا للدار مخاصمين

هيا انتي ما كتبغيش النقد بشكل عام لكن تجمليييه بحالي هههههههههه
على حسب الشخص وخاصه ينتقي الكلمات الي غادي يستعمل باش يوصل ليا المعلومة او النقد لوووووول

بصح كاين شي نقد من شي ناس كيولي اهانة اما من ناس خرين كيكون عادي مع انه نفس نقد
متلا الى عكوزتي الى نتاقدات شكلي ولا لبسي ولا اي حجة منتقبلهاااااش لاني كنعرف اصلا سوء نيتها ههههه وهو نفس نقد توجه لي جارتا ولا غير زميلة فلعمل نتقبله عادي
النقد تتنقبلوه على حساب نوعية العلاقة مع الشخص لي كينتاقدنا واش باغي لك لخير ولا باغي غير يطنز عليك وايضا الطريقة وقدام شكون...يقدر قدام شي عناصر منرداااش لي ينتقدني متلا قدامي راجلي ولا قدام شي عويقة من عائلته
وخلااااص الى راجلي نتاقدني قدام شي حد مشى فيها الزغبي هههه

امال حسب شي مرة انسان ينافقك انا ديما شعري لميش واحد المرة بغيت نبدل وعملتو اسود بنت عمتي عندها صالون تجميل داكشي مزيون عندها مشيت عندها قلتلها صبغلي اسود مهم صبغت ملي كملت ليا ههههه قاتلي جيتي مزيونة بزااااااااااف انا شوية معجبنيش راسي مهم مشيت للدار قاتلي ماما مجاش معاك مرة ومبغيتش نرزي شعري ونرجع اللون ديالو وانا مفقوصة على النفاق حيت هي قاتلي جاك كيحمق بغا ناس تضحك عليا كملتها مشيت للمدرسة بنات كنشير ليهم وانا بعيدة مكلمونيش ملي وصلت ههههه قالو ليا معقلناكش شكون انتي ولون اصفر احسن دوزت شهر وانا بالحجاب وداك بنت عمتي منتيقهاش دبا مرة حيت منافقة

الزعرة سلاحك دائما واجد قفرها راجلك ههههههههه انتي دايرة شعار الي هضر يرعف لووووووووووووول
بصح كلامك الانتقاد على حسب الشخص وكاين انتقادات ممكن ما نتقبلهاش حتى من اي اي اي حد نهااااائيا وابدا حتى انا راسي ما نبغيهش يقول ليا هاد الهضرة ههههههههههههههههه

امال وكاين نفاق عاود انا نفضل يصارحوني انما النفاق منبغيهش وشي مرة نتصارح منبغيش كيف كادلاو معيا يوحلو هههههههههه

زين قولي ليا شنو رايك في النقاب

بالوما هاداك شكل اخر الاذواق تختلف ممكن فعلا عجبها بغض النظر انه عندها صالون باغية تمشي خدمتها
هاديك يا انه فعلا عجبها والادواق كتختلف من شخص للثاني
يا انها بغات تضحك عليك الناس ودارتها ليك بالعمد
يا اما هيا دوقها خايب بزااااف

بالوما بغيتي ديري النقاب ؟؟؟؟
بغيتي رايي الشخصي ولا راي الدين
انا بالنسبة ليا كنحسو مش ضرورة الحجاب كافي ودينا ما فرضش النقاب خير دليل على كلامي انه في الحرم النقاب ممنوع في المناسك الحج او العمرة
وحتى الصلاه مش مباح فيها النقاب والرسول عليه الصلاة والسلام قال انه المراة ما يبين منها سوى الوجه والكفين واشار ليهم
يعني انا الصراحة ما تيعجبنيش النقاب مع اني في دولة اكثرها منقبين لكن حتى راجلي ضد النقاب ما كيحملوش نهائيا
هذا رايي الخاص

وماشي انا راجل جاتو عليه اصحبتي تقول عندو ملكات الجمال ههههههه

زين بارح جاتني موافقة على والوراق غادي نرجع للمغرب نهار الاتنين انشاء الله بارح قطع ليا ورقة الطيارة

ايوا على سلامتك من كملتي وريقاتك
موضوع النقاب الا راجلك بغاك تنقبي واجب عليك طاعته هادشي الي ممكن نقول ليك بلا ما تعاندي موضوع مش مهم

منقدرش والله اختي كلشي اه انا خمار وزولتو اصحبتي خالني دايراه صيف اللي تزوجنا الصيف اللي فات جا لقاني زولتو

بالوما راسك قاصح اختي كتقلبي على الصداع معاه كوني مطيعة غادي تهناي من المشاكل

ههههه وخا زين راسي انا اكتر من قاصح لكن دبا نحاول معاه بالاتي هي احسن وانشاء الله يبغي انا كنعرف ندوخو
ونخاليه يقوليا وييييييييييييييي مراتي اللي قلتيه نعملوه

انا عن نفسي كانتقبل النقد من اي واحد ولكن خص هادااك الواحد مايكون فيه حتى عيييب و هذا مايمكنش اذن انا ماكان نتقبلش النقد







فهمتو شي حاجة




انا ندوي بصح دابا


ماكانحملش اللي يبقى يقول ليا انتي زوييينة جا معاك هادشي كاتعرفي تلبسي
جيتي زوينة



اااااااااااااااااوااااااااااااااااه

راه باينة واش صباغة

مابانش ليه العيب شي نهار واه ديما ديما

هادا سميتو نفاق

كانتمنى لو كل واحد يكون صادق ويقول عيبنا لا الجسدي ولا الفكري وحتى تعامل ديالنا و حنا نتقبلووه

باش حنا نبدلوووووه
شكرا امولة على طرح الموضوع

بالوما فتحي موضوع بغينا موضووع النقاب يتناقش


حتى انا كانفكر ندير النقاب

بغينا نشوفو اراء كثار فهاد الموضوع

ونخليييو موضوع امال حتى هو فيه مايتقال تاهو

حيزبونة وخا ازيني ناقشوه نشفو البنات شنو يقولو

بالنسبة للنقد، انا تنفضل يgول ليا بنادم حاجة خايبة على انه ينافقني، و انا وجهي قاسح الى ماعجباتنيش شي حاجة فشي حد عندي عزيز، فلبلا تانgولها ليه يبغيني ولا يكرهني
انا عندي موضوع حتى انا غادي نفتحو ليوم

انا بعدا راجلي الا طلب مني النقاب نديرو اشنو بغيت مازال نكسب راجلي ونهنا في عيشتي ونكسب اخرتي
طاعة الزوج من طاعة الله والا كنت نبغيه غادي نضحي باي شئ باش ما نتخاصموش وحتى هوا اكيد غادي يقدر هادشي وما غاديش يفرض عليا لمجرد الضد لا ما غادي يطلب مني الشئ حتى يكون فعلا باغيني نديرو مش مجرد ضد اوصافي هادي هيا النقطة

الانتقاد لي يكون بطريقة محترمة وراقية مثل النصيحة اتقبلووو
وكاين لي ينتاقدك وتقول ياريت كون غا بقا ساكت معندهم لا اسلوب لا هم يحزنون
وانا عن نفسي مكنبغيييش نتاقد شي حد

صراحة كنشوفي راسي ملي كينتاقدني شي حد ايا كان و تكون طريقة مزيانة او لا ....كندير النفس و نتبدل ..وخا منرضاش في الاول ...لكن كنجمع النوضة و نتغير ...
لكن الا ماجانيش النقد كنبقا كيف انا ...
النقد ايا كان اسلوبو خايب و زوين ..
خايب لانو كيجرح و يحشمك حدا الخلق ..
و زوين لانو كيحفزك على التغيير و العطاء ..

مشكورة امولتي على الطرح

شكرا اختي امال على الطرح
النقد البناء من عند شخص كيعرفني حق المعرفة معنديش مشكل حيت ما يمكن يصدر عليك احكام الا اللي عارفك مزيان واكيد الاسلوب حتى هو مهم مايكونش بطريقة لاذعة و جارحة والنقد البناء البعيد عن الغل والسجال من عند شخص نيتو حسنة اكيد غادي يكون اغلى هدية

شكرا لمروركن عزيزاتي