صباااااااحكم مبروك كي صبحتو يلاه تعالو نتصالح معاكم شحال هادي ما فطرتو عندي

تذكير بمساهمة فاتح الموضوع :

صباحكم صباح غزاااال تسمعو فيه كل الاخبار الزوينة
صباح اتاي المشحر وقهيوة معطرة وحليبة سخونة
صباح الكرواصة والبيتي فور والبارزيان
هههههههههههه
غيرت على الملاوي والمسمن راه دار ليهم ثقبة في القلب وكرهوه من مسبتي هههههه
غادي نكرهم في الكرواصة والشنيك لووووووول
صباحكم مبروك
كل واحدة تجيب فطورها راني دايرة غير بحسابي بوحدي ههههههههههههه

نبدا أنا الأولى كندير فيها

2 ريوس كبار ثومة + 2 بصلة مشلضة + شوية ربيع مقطع + مربوط + العدس الحلبة كندير 10 الحبات + المساخن + سكنجبير + البزار + الكركم + الملح + السمن + الدجاج البلدي ماتنكلش الأبيض. والمسمن تنصايب الورقة . ملي نطيبها نحط لكم الطريقة بالصور.

عرفتو كنت هاد الصيف مع عائلة راجلي اول ماكلة تيبتها جبتها مالحة هههههههه لكن جات مزيونة انا جتني هي هاديك حيت كنبغي الملح وهما جاتهم مالحة شوية

تاني حاجة بقاو يحشموني وري لينا طياب تطوان وانا نقول اويلي شنو نطيب ليهم وانا نعملهم اكلة مبخرة ههههههههههه قلتلهم راه المرق ماشي مزيان كيغلض وانا اكترية كنكول مبخر وعجبهم قاليك بدلو شوية لكن تبارك الله عليهم كيعرفو يطيبو داكشي اللي فيهم مزيان

بالوما السر في مسمن الرفيسة ما ديريش الخميرة غير الماء والملح وقطيييرة الزيت الرومية وتقسحي العجينة ما ترخفيهاش باش ما يجيش كتجري فيه وهوا يجر فهمتي كديريها قاسحة العجينة وكتعطيها الدليك مزياااان حتى تبدا تطرطق بحال المسكة ايوا وتديريها في بلاستيك غدائي وتخليها ترتاح
من تجي تقسميها كويرات وتدهنيهم بالزيت باش ما يقشبوش وينشفو
وتغطيهم بالبلاستيك ثاني عاد تبداي تمديها مزيان وتكوني موجدة زلافة الزبدة والزيت مخلطين
الطياب كل واحد وطريقتو انا كندير طريقة كتجيني ساهلة
كنطيب واحدة محلولة باقية كطيب فوق البوطة نحط فوقها الاخرى ونقلب ونمد واجدة اخرى ونحطها فوق الي طابت ونقلب ونرجع نحط واحدة اخرى لييين ما يولي عندي بزااف فوق بعض بحال المييييل فوووي
المهم كتبداي تحيدي الي طابت توجدي واحد الزيف نقي وتحطي فوقو ومن تبرد تقطعيها انا وليت نقطعها بالمقص كتجي بحال السباكيتي وبالصحة
انا عجنت ليكم يلاه

فاتي احنا ماكنديروش الثومة ما نعرف علاش ولكن غادي نجربها هاد المرة بالثوم ممكن يعجبني

fati-fleur كتب:نبدا أنا الأولى كندير فيها

2 ريوس كبار ثومة + 2 بصلة مشلضة + شوية ربيع مقطع + مربوط + العدس الحلبة كندير 10 الحبات + المساخن + سكنجبير + البزار + الكركم + الملح + السمن + الدجاج البلدي ماتنكلش الأبيض. والمسمن تنصايب الورقة . ملي نطيبها نحط لكم الطريقة بالصور.

حتا ماما كتديرها فحالك غير بلا حلبة قولي ازين شنو هما المساخن باينة كتجي لديدة حتا انا كتعجبني بجداد بلدين اما الرومي مافيه مداق

المساخن ابالوما هما مجموعة ديال العطرية الي عاقلة انه فيها الكوزة وبسيبيسة وقعقلة لانه العطار الي كيجمعهم ليك

amal123 كتب:بالوما السر في مسمن الرفيسة ما ديريش الخميرة غير الماء والملح وقطيييرة الزيت الرومية وتقسحي العجينة ما ترخفيهاش باش ما يجيش كتجري فيه وهوا يجر فهمتي كديريها قاسحة العجينة وكتعطيها الدليك مزياااان حتى تبدا تطرطق بحال المسكة ايوا وتديريها في بلاستيك غدائي وتخليها ترتاح
من تجي تقسميها كويرات وتدهنيهم بالزيت باش ما يقشبوش وينشفو
وتغطيهم بالبلاستيك ثاني عاد تبداي تمديها مزيان وتكوني موجدة زلافة الزبدة والزيت مخلطين
الطياب كل واحد وطريقتو انا كندير طريقة كتجيني ساهلة
كنطيب واحدة محلولة باقية كطيب فوق البوطة نحط فوقها الاخرى ونقلب ونمد واجدة اخرى ونحطها فوق الي طابت ونقلب ونرجع نحط واحدة اخرى لييين ما يولي عندي بزااف فوق بعض بحال المييييل فوووي
المهم كتبداي تحيدي الي طابت توجدي واحد الزيف نقي وتحطي فوقو ومن تبرد تقطعيها انا وليت نقطعها بالمقص كتجي بحال السباكيتي وبالصحة
انا عجنت ليكم يلاه

شكرا امولة حتا ماما كتعمل طبقة فوق طبقو وعندها واحد المقلة عندها فحال القبة بيها كتطيبهم لكن انا غادي نتبع هاد الطريقة عجبتني والله شكرا ازين ديالي نوجدها غدا انشاء الله

amal123 كتب:المساخن ابالوما هما مجموعة ديال العطرية الي عاقلة انه فيها الكوزة وبسيبيسة وقعقلة لانه العطار الي كيجمعهم ليك

شكرا زيني قولي هادوما ادا شربتهم يزولو ليا البرودة من الراحم

اييييه بالوما هادو راهم كديريهم في المرقة ديال الدجاج البلدي راهم زوينين بزااااااف للبرودة
وكنطيبو بيهم الحوت حتى هوا كيجي غزااااال وصحي
وحتى الي بغات تحمل تبقى ديرهم في الشوربة

أنا المسمن ديال الرفيسة كيكون مختالف على المسمن المعروف بحيت ديال الرفيسة كنقطعو قريصات صغار قد المشماشة وكنورقوهم رقاق ونعملو وحدة فوق وحدة فالمقلة نقدرو نوصلو حتى لعشرة فالمقلة دفعة واحدة منها كنكسبو الوقت ومنها مكاتكهمش وملي كيوجد كنقطعوه بمقص خاص بالمطبخ على شكل رشتة كيتفور باش يتبشبش قبل التقديم

شكرا امال انا كنت مشيت عند واحد طبيبة وقاتلي عندي البرودة في الرحم دبا ناخدهم ونبقا نعملهم لكن مماكداش انا قالتلي واحدة في طب عام على حسب الحريق ديال العادة الشهرية بعيد عليكم كيقتلني والله تشوفي ياختي البارح جاتني وبوحدي في الدار والله بكيت وخا بالدوا متزولش ودبا مزال مريضة بيها ومع الفتيح اللي فبطني منقولكش تقول كنولد هههههه


لالة حبي شكرا ازين انا درتهالو بمسمن عادي قلت نجربها هيداك انما جات خايبة ومعجنة

بالومتي قبل ماتمشي لهولندا دوزي عندي لباريس نعلمك طيبي الرفيسة ديال المعكازات ههههه

ههههههههههههه صافي ازين علميني وصافي لكن ازين الراجل غادي يرجع فبرشلونة من بعد العرس غادي نعيشو فيها قولي ازين قريبة عليك غادي نكون ولا لا

لالة حــــــبي كتب: رماد أنتى راني عارظة عليكم غير لجردة وكل وحدة تجيب فطورها معاها آخر الشهر هدا أصحبتي

فعلا الجريدة فنة غير الجلسة فيها تشبع وتفاجي الهم شكرا احبيبة

mohera كتب:

لالة حــــــبي كتب: مهييييييييييييرة هاكي حبي بالصحة أنا راني نموت على الرفيسة فالفطور ياك غير مسمن مسمن هههههه [ندعوك للتسجيل في المنتدى أو التعريف بنفسك لمعاينة هذه الصورة]

الله عيى طبسيل ...توحشت الرفيسة لي كتصاوب ليا عمتي الله يرحمها ...
كانت كتفرح ليا بزاف الا حملت ..و تبقا تعيط و تسول فيا و تقولي
اربي الا مقولي ليا اش تشيهيتي نصاوبو ليك ....
و الله الا بكيت دابا حتى شبعت ..كانت كتدير ليا خاطري بزاف الله يرحمها و تحزر فيا و تفششني

بالصحة و الراحة الاخوات هدشي عنكم كيشهي واخا انا دائما كنجي معطلة حرام عليك لالة حبي بكيتي لي مهيرتي العزيزة حاولو عليها راها كتوحم مسكينة و فكرتوها في المرحومة

والله الا فكروني فيها و بقيت غير كنبكي هاد الصباح توحشتها يا اختي ...
تمنيتها غير تجي تطل عليا ..و الله .
الله يرحمها ..فين باقي بحالها سبحان الله ..الله ينور قبرها و يسعدها في الاخرة يا رب

mohera كتب:والله الا فكروني فيها و بقيت غير كنبكي هاد الصباح توحشتها يا اختي ...
تمنيتها غير تجي تطل عليا ..و الله .
الله يرحمها ..فين باقي بحالها سبحان الله ..الله ينور قبرها و يسعدها في الاخرة يا رب

الله يرحمها و يغفر لها متبكيش و انت واحلة في روحك كلنا غاديين نموتوا راني على سبة فكرتيني في المرحوم بعد المرات كنكول مع راسي يا ربي خليه غير يطل علينا و يمشي لكن هيهات ثم هيهات الله يرحم امواتنا و اموات جميع المسلمين و تهلاي لي في راسك اكمي يحفض ربي التما

امين ا تسانو ...
مكنقدرش كل يوم كنتفكرها مع انو دابا تقريبا عام و نص باش مشات عند المولى ..
و سبحان الله كلما كتزورني في الاحلام كنطير بالفرحة ..
لانها اقل ما يمكن اني نقول عليها انها رائعة بزاف ..
و خلات في كل مكان بصمة و حكمة ...
سعداتها هيا مصيرها الجنة نتمنى نكونو حداها حتا حنا في الجنة ان شاء الله ..
الله يرحم موتانا حبيبتي و يرحمنا معاهم