صباااااااحكم مبروك كي صبحتو يلاه تعالو نتصالح معاكم شحال هادي ما فطرتو عندي

من طرف **amal123** الثلاثاء يونيو 12, 2012 12:25 am

صباحكم صباح غزاااال تسمعو فيه كل الاخبار الزوينة
صباح اتاي المشحر وقهيوة معطرة وحليبة سخونة
صباح الكرواصة والبيتي فور والبارزيان
هههههههههههه
غيرت على الملاوي والمسمن راه دار ليهم ثقبة في القلب وكرهوه من مسبتي هههههه
غادي نكرهم في الكرواصة والشنيك لووووووول
صباحكم مبروك
كل واحدة تجيب فطورها راني دايرة غير بحسابي بوحدي ههههههههههههه

من طرف **الفيروزة** الثلاثاء يونيو 12, 2012 1:09 am

صباح الخير والخمير .. صباح الزبدة والكوفيتير .. صباح الملوي والبغرير .. صباح الجبن والكاشير .. صباح الضحك والتكركير .. صباح أتاي المشحر .. صباح الدجاج المحمر .. صباح كسكسو المفور .. صباح الحوت المكور .. صباح وجهكم المنور
واش احنا في لبال ولا نسيتوينى .. أيوا لعنو الشيطان وسولو فينا

هانا جيت وجبت معايا فطوري غير قبلو

[ندعوك للتسجيل في المنتدى أو التعريف بنفسك لمعاينة هذه الصورة]

من طرف **الفيروزة** الثلاثاء يونيو 12, 2012 1:22 am

آمال أجي تفطري بالكرموص هههههههه توحشناه تاهو تفضلي

[ندعوك للتسجيل في المنتدى أو التعريف بنفسك لمعاينة هذه الصورة]

من طرف **أمير الليل** الثلاثاء يونيو 12, 2012 1:42 am

أنا بغيت شي نص نص هاد الساعة الله يرضي على ختي

من طرف **karima78** الثلاثاء يونيو 12, 2012 1:59 am

صباح النور أمال
صباح النور فيروزتي
صباح النور أمير
الله يسعد صباحكم ويجعل نهاركم خير وبركات
ناري بغيت الكرموس ولكن منقدرش نسبقوا هو الأول ههههههه

صباح الخير عليكم عرفتو شنو نديرو كل وحدة تهز فطورها واجيو نفطرو فجردة الجو غزال شهوة منو أجيو نبدلو جو [ندعوك للتسجيل في المنتدى أو التعريف بنفسك لمعاينة هذه الصورة]

من طرف **fati-fleur** الثلاثاء يونيو 12, 2012 2:22 am

صباح الخير الغزالات

من طرف **أمير الليل** الثلاثاء يونيو 12, 2012 2:46 am

من طرف **fati-fleur** الثلاثاء يونيو 12, 2012 2:52 am

أمير مالك بايت البارح سهران .هاي نص نص
[ندعوك للتسجيل في المنتدى أو التعريف بنفسك لمعاينة هذا الرابط]

من طرف **amal123** الثلاثاء يونيو 12, 2012 2:54 am

امير اويييييييييييييييلي فيييييييق انت مالك هههههههههههه
فيروزتي صباحك مبروك وكرموص مبرع هاداك الله يعطيك الخير هههههه
للاحبي الجردة عندك غزالة شهوا منها غير ديال الفطور الصباح
فاتي الامورة صباحك عسل يا عسل
نادية صباحك مبروك الحبيبة كيف اصبحتي

من طرف **amal123** الثلاثاء يونيو 12, 2012 2:56 am

وي فاتي امير كتدخن وينستون العفيريت هههههههههه
فاتي راه كان سهران البارح واقيلا مع بالوما هههههههههههههه
لهلا يحط علينا باطل لووووووووووول

من طرف **زهرة ايلول** الثلاثاء يونيو 12, 2012 2:58 am

صباح نور و فل و ياسمين

كيف صبحتو يا لغزالات

من طرف **fati-fleur** الثلاثاء يونيو 12, 2012 2:59 am

هههههههههههههههههههههههههه
شفت بالوما حتى هي صبحت ناعسة خليهم يتبرعوا ههههههههههه
الغرقات

من طرف **fati-fleur** الثلاثاء يونيو 12, 2012 3:01 am

صباح الورد والزهور أزهيرو فين غبرتي بلاتي عليك علاش مابقيتيش كتجي عندنا ؟

من طرف **رماد انثى** الثلاثاء يونيو 12, 2012 3:04 am

صباح الورد على الجميع

كي صبحتو

شكون غادي يفطرني هاد الصباح امال دايرة بحسابها وفاتي عنها غير القهوة نص نص لالة حبي دايرة بياسا من الحاجة واقيلا باين ليا غادي نفطر مع فيروزة الى قبلات
تحياتي

من طرف **paloma blanca** الثلاثاء يونيو 12, 2012 3:07 am

صباح الخير البنات انا يالله نضت من النعاس مموجدة والو نفطر معاكم وصافي شكون يدوقني

من طرف **fati-fleur** الثلاثاء يونيو 12, 2012 3:07 am

هههههههههههههههه رماد أنثى كلنا غادي نفطروا عند الفيروزة .

من طرف **أمير الليل** الثلاثاء يونيو 12, 2012 3:08 am

فاتي فلور شكرا ختيتو بالحق أنا نص نص مانشربها غير فطاس بيض هههههه خوك كعرار شوية

من طرف **أمير الليل** الثلاثاء يونيو 12, 2012 3:09 am

أمال ماكانكمي مكانسكر مكانسهر من الخدمة لدار ومن الدار لخدمة غير الله يجيب شي بنت الناس تسترني من الباطل ههههههه

من طرف **paloma blanca** الثلاثاء يونيو 12, 2012 3:09 am

amal123 كتب:وي فاتي امير كتدخن وينستون العفيريت هههههههههه
فاتي راه كان سهران البارح واقيلا مع بالوما هههههههههههههه
لهلا يحط علينا باطل لووووووووووول

ههههههه عقتي بينا العفريتة عليها مدخلناش البارح فليل كنت معروضة بالعشاء

من طرف **mohera** الثلاثاء يونيو 12, 2012 3:12 am

صباح الخير عليكم ...

و الله الا التصاور لي حطيتو كيجيبو النشاط في الصباح Wink

رماد أنتى راني عارظة عليكم غير لجردة وكل وحدة تجيب فطورها معاها آخر الشهر هدا أصحبتي

من طرف ولد عيشة الثلاثاء يونيو 12, 2012 3:13 am

صباح الخير عليكم أمير عطيني هاديك القهيوة نشربها حتى يجيبولك الطاس .

من طرف **paloma blanca** الثلاثاء يونيو 12, 2012 3:16 am

fati-fleur كتب:هههههههههههههههههههههههههه
شفت بالوما حتى هي صبحت ناعسة خليهم يتبرعوا ههههههههههه
الغرقات

هههههه والله عاد نضت البارح ياختي بايتة فايقة طارلي النعاس منعست حتا للصباح معرفت والله علاش بايتة نتقلب

من طرف **mohera** الثلاثاء يونيو 12, 2012 3:18 am

لالة حــــــبي كتب: رماد أنتى راني عارظة عليكم غير لجردة وكل وحدة تجيب فطورها معاها آخر الشهر هدا أصحبتي

امولة و للا حبي ...اش هاد التسقريم ...
فطروني غير انا راه فيه الاجر لي وكل الحاملة ....
يا له راه انا همزة لي باغي يدير الحسنات...

أمير الليل كتب:فاتي فلور شكرا ختيتو بالحق أنا نص نص مانشربها غير فطاس بيض هههههه خوك كعرار شوية

أمير الليل ماطلبتي غير الموجود الله ياودي حتى نا عندي واحد الراجل بحالك القهوة مايشربها غير ف الطاس [ندعوك للتسجيل في المنتدى أو التعريف بنفسك لمعاينة هذه الصورة]

من طرف **paloma blanca** الثلاثاء يونيو 12, 2012 3:22 am

والمسمومات هههه مبغينش تفطروني وخا عليكم

من طرف **amal123** الثلاثاء يونيو 12, 2012 3:24 am

مهيرتي والله ما نعزها فيك كرواصتي خديها انا غادي ناكل الكرموص لووووووول
راه قالت ليك للاحبي اخر الشهر هذا كيبقى غير الكونفليكس والحليب هههههههههههههههههههه

مهييييييييييييرة هاكي حبي بالصحة أنا راني نموت على الرفيسة فالفطور ياك غير مسمن مسمن هههههه [ندعوك للتسجيل في المنتدى أو التعريف بنفسك لمعاينة هذه الصورة]

من طرف **amal123** الثلاثاء يونيو 12, 2012 3:25 am

بالوما كولي الكرموص هههههههههههههههه
وعانداك يصير ليك بحال الي صار لواحد المرا ههههه بلا ما نشرح لوووووووووووووول

أمووووول فكرتيني بالذي مظى الكورنفليكس والليمون لووووووول

من طرف **amal123** الثلاثاء يونيو 12, 2012 3:27 am

وناااااااري ونااري للاحب اش هاد الرفيسة على الصباح اويلي
المرا كتوحم حرام عليك ما بقاتش مازال تدخل هنا
مهيرة راني عرفت الوحم ديالك بحالي الي شفتها بغيت ندوق منها
ههههههههههههههههه

من طرف **amal123** الثلاثاء يونيو 12, 2012 3:28 am

وايه للاحبي ههههههههه الماضي البعيد ههههههه

من طرف **fati-fleur** الثلاثاء يونيو 12, 2012 3:29 am

للا حبي حرام عليك فهاد الصباح والله حتى شهيتيني فيها دابا غاد نوض نطيبها .

من طرف **paloma blanca** الثلاثاء يونيو 12, 2012 3:31 am

amal123 كتب:بالوما كولي الكرموص هههههههههههههههه
وعانداك يصير ليك بحال الي صار لواحد المرا ههههه بلا ما نشرح لوووووووووووووول

هههههههههههههه ولا انا نفطر بالرفيسة امل بغاني نفطر بالكرموس باش نبات هههه داخلة خارجة ههههههههههههه

من طرف **mohera** الثلاثاء يونيو 12, 2012 3:32 am

amal123 كتب:مهيرتي والله ما نعزها فيك كرواصتي خديها انا غادي ناكل الكرموص لووووووول
راه قالت ليك للاحبي اخر الشهر هذا كيبقى غير الكونفليكس والحليب هههههههههههههههههههه

لالالالا يا الحبيبة الكرواصة مبغيتهاش ..بغيت الكرموس تكناريت هيا لي كنتسنى امتا تخرج للاسواق ههههههه و الله ..
تربعي حدايا ندوقك يا الحبيبة

من طرف **paloma blanca** الثلاثاء يونيو 12, 2012 3:32 am

fati-fleur كتب:للا حبي حرام عليك فهاد الصباح والله حتى شهيتيني فيها دابا غاد نوض نطيبها .

غاتي اختي نجي نتغدا معاك حتا انا شهتني غير مكنعرفش نطيبها هههه ماما مسكينة اللي تديرها اما اختكم فحال السطل كتعرف غير تاكل

fati-fleur كتب:للا حبي حرام عليك فهاد الصباح والله حتى شهيتيني فيها دابا غاد نوض نطيبها .

فاتي غير سكتي حتى نا شهاتني لكن منقدرش نشربها عندي القلب ظعيف باركة علية غير الحب هههههه

من طرف **amal123** الثلاثاء يونيو 12, 2012 3:35 am

اويلي يا بالوما ما تعرفيش مازال تعوطي الرفيسة ههههههههههههههه
لالالا انتي دابة تزوجتي خاصك تعلمي كلشي

من طرف **paloma blanca** الثلاثاء يونيو 12, 2012 3:37 am

ههههههههههه ياختي انا من المدرسة للزواج معمري طيبتها والله وحتا المسمن مكنعرفش نعملو ههه كيجيني شي مسمن بلا منقوليك نهار نطيبهم في الدار الراجل يبات فحال اللي كلات الكرموس هههههههههههه

من طرف **amal123** الثلاثاء يونيو 12, 2012 3:37 am

فاتي صيفطي طبيسيل مع ارامكس هههههههههههه
ناري اشنوندير دابة انا بلاتي عليك اللاحبي اش بغيتي عندنا درتي لينا الجوووووووووووووع هههههههههههههههه
فاتي كثري المساخن ختك فيها البرودة ههههههههههه

من طرف **mohera** الثلاثاء يونيو 12, 2012 3:37 am

لالة حــــــبي كتب: مهييييييييييييرة هاكي حبي بالصحة أنا راني نموت على الرفيسة فالفطور ياك غير مسمن مسمن هههههه [ندعوك للتسجيل في المنتدى أو التعريف بنفسك لمعاينة هذه الصورة]

الله عيى طبسيل ...توحشت الرفيسة لي كتصاوب ليا عمتي الله يرحمها ...
كانت كتفرح ليا بزاف الا حملت ..و تبقا تعيط و تسول فيا و تقولي
اربي الا مقولي ليا اش تشيهيتي نصاوبو ليك ....
و الله الا بكيت دابا حتى شبعت ..كانت كتدير ليا خاطري بزاف الله يرحمها و تحزر فيا و تفششني

من طرف **amal123** الثلاثاء يونيو 12, 2012 3:39 am

الله يرحمها الحبيبة مهيرة
شفتي اللاحبي جبدتي لينا الصداع بهاداك الطبسيل غير الي يكبو ليك على راسك ههههههههههههههههههههههههههه
انا دابة جاتني الجهلة بغيت الرفيسة عاد الموحمة مسكينة

من طرف **paloma blanca** الثلاثاء يونيو 12, 2012 3:39 am

مهيرتي الله يرحمها ويسكنها فسيح جناته ومتبكيش حبيبة ربي بغها والله اترتي فيا من جهتها قليل تلقا عمات مزيانين

من طرف **amal123** الثلاثاء يونيو 12, 2012 3:40 am

اجيييييييييييييو البنات واش هاديك فيها الثومة ولا تخيل ليا
بان لي بحال الا فيها ضريسات الثومة او لا هاديك بصلة ؟؟؟؟؟؟؟
نقلبوها طبخ يلاه قولو لينا كيفاش كطيبوها واشنو كديرو فيها نعاونو بالوما تعلم هههههههههههه

من طرف **paloma blanca** الثلاثاء يونيو 12, 2012 3:41 am

وانا علموني كيف نعملها

امولة وحتا انا ماشي كسولة كنعرف نطيب شي حجات كيجو غزالين غير اختي العجين منعرفلوش مزيان ديال المسمن باش ندير الرفيسة يالله كنتعلم Very Happy

مهيرة الله يرحمها ويرحم جميع المسلمين ويلي حبيبة حنى مابغيناكش تغبني وتبكي نشطي وحاولي تنساي راه كلنا ليها

من طرف **amal123** الثلاثاء يونيو 12, 2012 3:43 am

احنا كنديرو فيها المساخن والتبزيرة والبصلة جوانح والسمن والخرقوم ونشحرو الدجاج مزاااااااين وقبطة القزبر ندخلوها للفروج في الكريشة ههههههه المهم من نزيدو الماء كنرميو العدس ومن يطيب كلشي كنسقيو
الحلبة كنسلقوها بوحدها والي بغاها يحطها قدامو ما بقاوش الناس كيبغيوها مع انها مفييييدة ايوا صافي
العجينة عليكم ديال المسمن ههههههههه

من طرف **paloma blanca** الثلاثاء يونيو 12, 2012 3:43 am

ههههه وانا منطلق منكم حتا تعلموني

لكن صراحة ناس الدخل كيعرفو يطيبو علينا احنا في الشمال اكترية ميعرفوش انا نقولها تبارك الله عليكم والله منين نمشي للرباط عند عائلة بابا تبارك الله عليهم وحتا عائلة الراجل بنات صغار يالله عمرهم 16 سنة حادكين في الطياب وانا زرقة هههه

amal123 كتب:اجيييييييييييييو البنات واش هاديك فيها الثومة ولا تخيل ليا
بان لي بحال الا فيها ضريسات الثومة او لا هاديك بصلة ؟؟؟؟؟؟؟
نقلبوها طبخ يلاه قولو لينا كيفاش كطيبوها واشنو كديرو فيها نعاونو بالوما تعلم هههههههههههه

أمال أنا عندي الوليدة مكاديرش فيها التومة لكن أنا ندير فيها التومة صاينة ملي كطيب ونبغي نسقي كنحايدها لوحا