علي زهر عندي ياربي

السلام عليكم البنات والله حتي توحشتكم بزاف بزاف وعواشركم مبروكه شحال هدي ما دخلت وتوحشت كل وحده ووسميها انا الي شدني عليكم جات ام خطيب ديالي من سعوديه دوز عطله هنا مهم
انا الي بغيت خطيبي سعودي اليوم كملنا 3 سنوات ديال خطوبه ومشكل هو تصريح كيرفضوه واليوم قال ليا خويا مشي هو مخطيبي ورفضوه ليه تاني وانا فحاله هو في حاله والله حتي تعذبت اقسم بي الله لدرجه تمنيت الموت كنبغيو بعضياتنا بزاف وهو دار مستحيل باش يخرج تصريح وهو ماعمري ذكر ليا ناس كيقول ليا بغيتك بحلال تعس معاك بحلال وبغيت لي تتعرف اي معلومه عن زواج بدون تصريح حتي يطلع لينا وندفعوه تاني بصراحه صافي عيت من بعد ديالو 5 سنوات ديال مصاحبه و3 سنوات خطوبه بزاف والله هو مابقي باغي يصبر وانا كثر منه وحتي م امه شحال بكات اليوم لما شافتني بكيت وهو جرح راسو اليوم وعمل 17 غرزة ليدو والله حتي تقهرت علي ها تصريح الله يخليكم الي عندها اي معلومه ماتبخل عليا ومانسي خيرها
وسمحو ليا مالقيت لمن نعاود ولتاجات ليكم نتوما في امان الله

حبيبة واش التصريح من هنا من المغرب ولا منين ؟؟
الا من المغرب احسن خليه يحاول يدير ليك اقامة عمل على اي مكان تما بالسعودية انشاء الله حتى لو صالون طلعي اقامة عمل وتكاتبي معاه تما بالسعودية او اي دولة عربية

وزرتني بركه احبيبه امل
اختي هنا مشينا نعملو لعقد ويقوليه لعدول ضروري من تصريح زواج من السعوديه ومشي لسعوديه وهدي 3 سنوات كيدفع ويرفضو ليه
وانا كنقلب نعمل عقد بلا تصريح وهنا قانون زيروهم واما علي سفر شي بلاد اخري نزوجو فيها مستحيل بابا ميخلنيش
وشتي علي زهر اختك
ومشي خالي هدر مع واحد لعدول علي حساب نعطيو الفلوس ويكتبو لينا حتي نجيبو تصريح رفض
واليوم قالو ليا كاين واحد في محكمه ديالمنطقه الجديده سميتو رضوان ولكن ماعندي لا تليفون ديالو ولا حتي كنيتو والله قربت نهبل والله

اختي الله يكون معاك صعيبة والله انشاء الله يخرج التصريح لكن حتا الحل اللي قالتو امال ديريه غير صافري انتي وشي حد معاك كبير من العائلة

حبيبه امي ملاك المشكل القانون فالسعوديه الى بغا يتزوج اجنبيه خصو يكون مزوج سعوديه وعاد الثانيه تكون مغربيه او اي جنسيه مبقاوش يسمحو لهم يتزوجو باش يقللو العنوسه عندهم والحل الوحيد انكم تسافرو اي دوله اخرى غير المغرب مكيطلبوش فيها الموافقه ديال بلادهم وتكتبي عقدك فيها ومن بعد تجي طلعي عقد مغربي هنا من المحكمه لان الى غتسناي موافقه السعوديه عمرك تزوجي سولي محامي هو غيتكلف لك بالاوراق المهمه باي دوله تمشو لها والله يوفقك ياربي

شكرا بلومتي علي دعوه ديالك
اختي عيون مها راه بابا هو الي مكس ليا وغم عندي خويا لكبير يسافر معايا ومابغاش بابا شتي علي زهر
والله حرت ماعرفت ماندير والله

ملاك ايمي كتب: شكرا بلومتي علي دعوه ديالك
اختي عيون مها راه بابا هو الي مكس ليا وغم عندي خويا لكبير يسافر معايا ومابغاش بابا شتي علي زهر
والله حرت ماعرفت ماندير والله

حبيبه دري له القفل التطويع باش ميعكسش لك ويوافق على كلامك

اختي عيون مها عندك شي فكره اشمن بلاد الي يمكن يعملو ينا لعقد والله وهو قال ليا مستعد اي مبلغ يطلبوه غير يعملو لينا لعقد بي حلال
انا كنتظر رد ديالك اختي

والله حتي درتو ليه باقي مابن ليا حيت بابا هادي 20 يوم معفر علينا ومكيهدرش مع امي وشحال طلبو خويا باش يوافق والو بحاله كتهدري مع الحيط

الله يهديه فهاذ العواشر ويسر امورك متشدوش معاه لعكس ودبا يوافق باذن الله اما تمشيو لمصر احسن بلد تعقدو فيها او تركيا باش ميعكسو لكم والله يفرجها عليك احبيبه وينولك الي فخاطرك ياربي

امين احبيبه الله يحفضك ليا
راه اختي كنديرو ليه خاطر فوق لازم والله
والله يهديه وصافي

امين والله يغلبك علهم فهاذ لعواشر ويسر لك فالزواج دري صدقه وخرجيها لوجه الله على الله يفك صراحك او اول يوم فرمضان خرجي الفطور وجبه كامله لشي مسكين وربي يعينك

امين احبيبه والله الا ريحتني كلما نهدر معاك كنترتاح الله يريحك دنيا والاخرة ياربي
غاندير الي قولتي ليا
غير بغيت نسولك جارتنا قالت ليا سخني مو فوق البوطه وطفيه في ماء وقولي يبردت قلبي علي عصبيه
حيت اختي تنتعصب بزاف
وايش رائيك بي هاد وصفه