سلام عليكم واحد لمساعدة أختكم الله يسهلها عليكم

سلام أنا عضوة جديدة معاكم نتمنى نلقى ترحيب منكم
ماتسورش هاد لمنتدى شحال عجبني بزاف ومن خلاله وليت كانعرف شحال من حاجة
وكانشكر لعضوات لكريمات على هاد لجتهاد لي كايديره وكيفيدونا بزاف
لمهم أ خوتي أنا جيت ليوم قصدكم ولمقصود الله
مشيت عند واحد سيدة كاتهز الخط هادشي غي ليوم
قاتلي عندك حمو ومعكسليك مع رجال وهادشي صحيح أي رجال تلقيت مكنكملش معاه ٣ أشهر كيمشي مشيا بلا رجعة
بلحق مقاتلي ولو شنو ندير ولكن لحاجة لي عقلت عليها بي أنها مقدرتش تكملي لكارتا حيت تزيرات أما أنا خلاص بدير كانتجرع لمهم حالة حتى خرجت عاد تفاجأت عليا
لمهم أختي أنا قتلكم وسارحتكوم
الله يخليكم قولولي شنو ندير باش حمو يرضى عليا ومايبقاش عارض عليا
أي واحد كان كايشوفني كايقولي مملوكا
وصراحة أختي أي حاجة كانحت عليها يدي كاتسدق إلا الرجال سبحان الله لعظيم
حبيببتي قولولي شنو ندير الله يفتحها فوجهكم فهاد لعواشر
ولي تساعدني نبقى ندعي معايا حتى ربي ينولها لي بغات
أنا كانتسنا ردود ديالكم وماتخلاوش عليا
الله يرحم بها لوالين
أي واحدة دخول واخا ماتعرفش غي تخلي رد ديالها
باش نحس بكم راكم معايا

سلام حبيبتي مرحبا بيك معانا
ان شاء الله البنات الي كايفهمو فهاد الشي يعاونوك

شكرا حبيبتي على رد ديالك لهلا يخطيك

حتى انت الله يسر ليك امورك يكون خير ان شاء الله

شكرا بزاف وحتى نتي كذالك

حبيبة مرحبا بيك اولا ثانيا موضوع الشوافات مش دايما كيقولو الصراحة او كيعرفو شكون الملك الي عندك بالضبط ادا خاصك ديري واحد الوصفة كانت في المنتدى القديم ديال الشمع في كل الالوان وكتشعليهم باش تعرفي شكون الي عندك
المهم انا غادي نكتب ليك الوصفة بالضبط انشاء الله في كل الاحوال ما ديريهاش هاد الايام حتا يفوت رمضان
الله يدير ليك تاويل الحبيبة الملوك الا كانو مزيانين او بالاحرى لجواد راهم يوقفو معاك ويعاونوك اما اذا عندك العوارض راهم كيتعاندو معاهم ويهربو عليك الرجال انشاءالله غادي نكتب ليك الوصفة قريبا

إن شا الله أختي ولكن أختي راه بصح حيت عندي لعارض غي مع رجال والله لقسم هادشي بصح
شكر لمرورك أختي لكريمة

مرحبا والف مرحبا اختي وسطت اخواتك بنات عيشه ونتمناو لك الاستفاده والله يفك صراحك ماعليك غير تمشي تزوري سيدي شمهروش لانه يعتبر محكمه الجان وتما تيحكمو اي واحد منهم ويزولوه لك لانهم جميع الملوك مجموعين فيه ضروري قبل رمضان او بعد العيد انتي والوقت المسموح لك بيه والله يسر امورك باذن الله ويفك صراحك

خصك تشوفي اللي يهزو عليك راه كاينين اللي تيديرو الليلة تيهزو الملوك على اللي مقادينش عليهم ولا مسببين ليهم مشاكل فحياتهم الله يبعدهم عليك مابعدت السما من الارض
ومرحبا بيك بيناتنا

اختي بما اني كندير كارطا خليني نقوليك واحد الحاجة ماشي اي وحدة تسرح كارطة راه كتقول الصح تانيا قليل المرات اللي تقدر اللي تدير الفال تعرف سميت اللي عندك هي تعرف الهوية ديالو راجل او امرأة معاكس او مزيان الخ اما الاسم بالضبط راه باش تعرفو عندو شروطو ماشي غير الكارطة بوحدها احبيبة وانا جدتي هي اللي عندها حمو تديرلو الدبيحة والحلو وكتشرب الدم ولكن حسن ليك بلااااااااااااش هادشي محيت جدتي حالة خاصة ما نصحكش ديري هادشي احبيبة وعلى حساب ماشفت هي ممعكس معاه بالعكس الخير فايض عليها ةاللي دارت فيها يديها كتطلع وبالاخص الرجال ههههه كانت تزوجات صغيرة وزوجات خوالاتي صغار
حاولي تأكدي الزين

جربي فهاد رمضان تقربي لله و قراي لقرٱن بزاف وقلبي على آيات لي تايقراو للجن
وكيما gلت مغربية قلبي على لي يحيدو عليك