البنات واحد المساعدة الله يعطيكم ما تمنيتو

عافاكم البنات اللي عندهم شي فكرة
أنا بغيت ندير الوصفة ديال القفل ديال الأخت عيون المها واش نقدر نديرها هاد الأيام اللي باقا قبل رمضان ولا حتى يخرج رمضان
سؤال اخر
بغيت نشرب حليب الحمارة(حشاكم) قالولي راه يبطل السحر بجميع أنواعه ولكن ما عرفتش الا شربتو واش مازال تصدق ليا شي خدمة في ايدي واخا ما نقيسوش أنا بيدي غير نشربو
عااافاكم البنات اللي تعرف شي حاجة ما تبخلش بالجواب

ريحانه حبيبه غير دريها لانها بالقران ماشي شيطانيه غتصلي زوج ركعات وتبقاي فبلاصتك موجهة للقبله وقراي على القفل وربي يسر لك فيها انا عاد درتها امس للواليد صخن عليه الراس هالاايام على الواليده وهو يتهدن واليوم سافر خوا ليها الدار من الصداع هههههههه
اما بخصوص حليب الحماره منصحكش تشربيه عمر الخدمه ديال تنجح لك احسن حاجه تشوفي شمراه تلقطق انا عاد درتها اليوم عند واحد السيده هنا فمراكش تزول ليك السحر وعمر شسحر يشد فيك احسن تحصين للواحد هو اللقاطه انا طليقت راجلي قهراتني ولكن اليوم الحمد لله ربي نصرنا عليها فهاذ لعواشر والله يسر للجميع

سيري يا ختي عيون المها الله يعطيك ما تمنيتي في هاد الشهر الكريم ويغلبك على عديانك

الطنجاوية شكرااا الزين على النصيحة
أنا ما عندي ماندير بيه كاع بالناقص

alah yskhar maha 9olili kif 3amla dakj wsfa dyla 9fil

ريحانة كتب:سيري يا ختي عيون المها الله يعطيك ما تمنيتي في هاد الشهر الكريم ويغلبك على عديانك

امين احبيبه وربي يسر لك جميع امورك ياربي

طنجاوية كتب:الزين راه حليب الحمارة كيغلض الصوت رد بالك منو

عيون المها الحبيبة كيف حالك توحشتك
واخا تشرحلي شنو زعما تلقيطة؟

زين ديالنا الطنجاوي انا الحمد لله بالف خير نتمنى حتى انتما تكونو بالف خير
التلقيطه هي كتلقطك كلك شعر راسك والشفار والرموش والتحت توتو وتحت البيطان والدفار ديال ايدك بزوج ورجلك بزوج وكتمسح مناخر بزوج بكلينكس وودنك ولعاب ديال سنانك وهي كتقرا قرايه فخاطرها ومع الحنه والسكر والدقيق والبيض والشمع كتجمع زوج كموسات وحده تبتيها عند راسك وحده تحت رجيك كلهم من تحت السرير وثاني يوم كتديهم عندها وكتغسل لك بالفاس والمرده ديال الوراثه ومن بعد كتقلط من داكشي الي لقطات منك وكديرها كموسه وتعطيها لك تخبيها وكتقولك وايك تفرطي فيهم عمر السحر يقيسق وخا اشنو يديرو لك والله كتحسي بنفسك مهدوده فاول يوم وثاني يوم كتولي وحده اخرى كتحيد عليك الغمه والمرض والراس كلشي كيزول منك

paloma blanca كتب:alah yskhar maha 9olili kif 3amla dakj wsfa dyla 9fil

حبيبه بالوما عواشرك مبروكه كتشري القفل وكتقراي عليه سورة الاخلاص مائه 100مرة وكتسديه وانتي كتقولي اللهم اعقد لسان فلان ولد فلانه وكتحطيه تحت حاجه تقيله باش يتقال عليه لسانه معاك

حبيبه عيون مها فين جات هاد مراءة الي كياينه في مراكش الله يرحم ليك الواليدين الي مقولي ليا انا هاد شهرين مانا مشي تلهيه حاسه براسي تبدلت والله فينا نعاس بزاف وكنبقا سهرانه وعصبيه واي واحد كنبغي نتخاصم معاه

ملاك ايمي كتب:حبيبه عيون مها فين جات هاد مراءة الي كياينه في مراكش الله يرحم ليك الواليدين الي مقولي ليا انا هاد شهرين مانا مشي تلهيه حاسه براسي تبدلت والله فينا نعاس بزاف وكنبقا سهرانه وعصبيه واي واحد كنبغي نتخاصم معاه

حبيبه كاينه فسيدي عبد العزيز ملي كتدخلي السويقه ديال رياض لعروس وانتي غاديه لسيدي عبد لعزيز اخر السويقه كيبان لك التقويسه قبل منها كاينه على ايدك ليسريه واسمها لاله فاطمه العلويه هي بوحدها الي كاينه تما كدير الدون الي سولتيه يوريك محلها والله يحظك وينجيك من كل شر ياربي

شكرا احبيبه مورا العرس واعيد الفطر ان شاء الله نمشي لعندها وش اختي كطلب بزاف حيت بغيت ندير بحسابي اختي
سيري الله ينور طريقك وينصرك علي عديانك ويجعلك ديما عاليا وغالبه عديانك ياربي

العرس ماشي ديالي ديال خويا الله ههههههههههه
انا باقه معطله والله تمنيت نتواصل معاك بتليفون راكي عزييزة وربي شاهد عليا وحتي ماما الله يحفضك ليا

الله يكمل عليه بالخير ويسعدو لعمر كله ياربي هي كطلب 700درهم بكلشي لقاطه وقليع والقبول وباذن الله نرسل لك اميل فيه رقم تلفوني واي مساعده انا عالراس والعين والى كنتي فمراكش انا نديك عندها لان غدا غاديه لرباط زوجه اخي دارت عمليه ديال الكلس ونرجه اما نهار الخميس او الجمعه باذن الله

والله يخلي لك الواليده ويطول لكم بعمرها حتى تشوفكم عرايسات وتشوف اولاد اولادكم يارب وقوليها عواشر مباركه ويدخل عليكم رمضان بالصحه والسلامه وباش ماتمنيتو

ربي يخليك ازين ديالي الله يشافي مرات خوك احبيبه وشكرا بزاف احبيبه والله ما نسي خيرك ياربي يحضك ليا

العفو احبيبه الشكر لله احنا غير سبب وربي يعين الجميع ونفرحو بيك عروس باذن الله

امين اختي

chokran a khti 3oyom lmaha lah ijazik bikhir ila kan momkin sifti liya num dyalak o email hata howa rah insha lah mora ramdan nji l marakech bach namchi 3andha lah ijazik bikhir rah ay haja dartha ma katsda9ch o 3andi nas hasdini 3la walo insha lah mora ramdan nji l marakech o natla9aw ana wiyak lah i3tik ma tmaniti sifti liya num dyalak o email. merci bcp

fink a khti 3oyon lmaha lah ijazik bikhir jawbini

صباح النور اختي السوسيه رمضان كريم وتقبل الله طاعتكم
حبيبه هذا اميلي ورسلي لي رساله عالاميل برقم تلفونك وانا نتصل بيك ومرحبا بيك فاي وقت
[ندعوك للتسجيل في المنتدى أو التعريف بنفسك لمعاينة هذا الرابط]