موهيرة و الهموم .............

صباح الخير حبيباتي .......كيف الاحوال ..نتمنى تكونو باحسن الاحوال ان شاء الله ..

وليت خايفة بزاف هاد الايام وليت خايفة من المستقبل بزاف ..خايفة على ولادي و راجلي ..خايفة عليهم بزاف ..
معرفت مالي هاد الايام مريضة في خاطري ..
كملات عليا العدوزة و بنتها و مرت خوه دعيتهم الله ياخد فيهم الحق ...عصبوني و بكاوني بزاف لدرجة انو لي كرشي مبقيتش حاسة بتحركاتو .....
عييت نصبر و نقول حشومة مندير ليهم والو خلي الزبل دبر راسو و لكن هيا مكتعرف غير تجر في فلوسو ..
ديما تسخروا يجيب حبابها من المطارات و يديها في ما بغات رغم انو الطاكسيات موجودين في كل مكان ..وحتا العمال دياولو .و تخوي لو الجيوببببببببببببببببببببببببب..........بزاف...و تنقول صافي دابا تهدن و هيا عاد ما زايدة فيه ...حتى من السفر ديما لاصقيناااااااااااااااااااااااااا فين ما مشينا ...............و ممنوع يقرب ليا .
كنت درت ليها الكارطة زلقيتها كتغير مني بزاف هادي امو لي دوزات حياتها كيف بغات ..جات دابا حاسداني ..
اما اختو العقربة مكفهاش التحكم لي دايرا ليه ...شادا ليه التيليكموند ...تحركو كيف بغات ...و في الاخير ولدو مكتبغيهش ...
وعلاش اش دار هو ..مادار والو ..ولد مكمل حتا عامين و 4 اشهر ..كتحرشي عليه باه ...
ممنوع يهز او يحط شي حاجة في ديك الدار ممنوع يدخل لبيت النعاس .ممنوع ...ممنوع .....بزاف ..
و علاش ولاد اخوانك الاخرين متكدويش معاهم نهائيا ..............علاش هادا لي عندو الانتيردي ...

هاد الاسبوع كتغوت عليه بزاف برغم من انو الكل كيشهد على ولدي بانو درويش و غزال ماشاء الله............
طلع ليا الدم بزاف ...سمحت بزاف في حقوقي لكن ولدي ابداااااااااااااااااااااااااااااااااااااااااا
بقيت كنشوف فيهم ....و قلت ابدا و الله لوالديهم لباقي كان هادشي .....الا ولادي منسمحش لاياكان يعقدهم ليا ...

و واحد مرت خوه من نهار تزوجت و هيا بحال الا دخلت عليها ضرة ...مخلات مادارت باش تقاد ..و تقادات ..دارت العجب العجاب ...و باقا حسداني يا لطيف ...
بقات كتشوفني داك النهار شي شوفات يا لطيفففففففففففففففففففففففففففففففففف....خلات راجلها في الول ميحملني ميقبلني و دابا خلاتو ميشوف في ولد اخوه ...
جيا من عندهم الجفايف مكفاوني ينشفو عيوني مرضت و بقيت غير ناعسة و البيبي مسمعت ليه حس ....اما ولدي خليتو في دارنا ..لانو الا بقا معايا غادي غير يمرض ....

جيت و رجعت الصفحات و مرضت ............علاش عزيز عليهم الحكام و الكارثة انو الراجل تيشوف كلشي و ميتكلمش ...

نضت بزز قلت ندير التفوسيخة بالخرقة .............ما بان والو ..مع انو موالفة كتبان النتيجة
الغد ليه درت التفوسيخة الصور بالملحة ......و من بعد محبة الصور ...........ما بان والو نهائيا ...........
كان عقلي غيخرج ليا من بلاصتو ..
اشنو ندير باش تصدق ليا الحاجة ...
سمحو ليا صدعتكم بهمومي لكن انتوما لي عندي تسمعوني ...

زيدي فوسخي ومني يدخل رمضان ضوبلي داكشي لي كنتي تاتصلي و فكل ركعة و سجدة طلبي الله و عاودي وكني متيقنة فالله غادي ياخد ليك لحق
ربي معاك

شكرا ليك مريامتي ...ياك تيقولو الخدمة كتحبس في 15 شعبان ..

كلشي على النية، غي فوسخي ماتحبسيش

ان شاء الله حبيبتي

مهيرتي والله بقيتي فيا هاد الجنوس عندك مكيجيوش معاهم بنات الناس وكنت قبيحة كراه كلهم خايفين منك

هادو عداو على ديالي انا مكنكسرهمش عاطية تيقار لراسي مزيان نتصل في الصواب وهادي عام مشفت العقروشة وهانية منها انما انتي متبقاش تمشي عندهم مرة وديري للحيلة معاهم بينهم هما اللي غالطين حدا راجلك والله يهانيك منهم

أختي مهيرة و الله إلا عزتي علي
زيدي فوسخي و ما ديري في بالك والوا و متفقسيش رانتي حاملة
دعيهم الله يخد فيهم الحق و الله لهيهم عليك.
ديري ليهم التباريد : الصورهم و أساميهم مع الملح في الماء و ديرهم في الفريكو راها زوينة.
و تهلاي غير في راسك و وليداتك الله يخليهم ليك و ميكي على الزبل و ما تعري ليهم أي اهتيمام
راهم داكشي لي باغين غير يشوفوك مريضة و مفكسة.
الله يغلبك عليهم

داكشي اميرة والله مهيرة انسانة طيبة متستاهلش والله لكن دبا يخلصهم الله انا ومنها نعطيهم التيقار منتكلمش معاهم مرة وضربي من تحت لتحت

حبيبه الله يعينك ويحفظك ويحفظ وليدات ديها فصحتك وفجمالك وقادي لي راسك وتهلاي فيه وخليك ديما متالقه باش يتفقسو ويقولو انك ممسوقاش ليهم ونصيحه عمرك تبني العيب منك خليهم هما قدام رجالهم الي مسمومات وحقودات وخا الراجل مكيهضروش ولكن كيشوفو الافعال وفالاخر غيعارفو اهم عيالتهم هما الحقودات والله يغلبك عليهم ياربي
اتحسبني عليهم وربي يمهل ولا يهمل
وانتي خوذي فسخ الحنش دريه فتوب ابيض وحزيه ديما معاك والله وخا اشنو يديرو يتفسخ وحطي منه شويه فبزطام راجلك ورخري بيه راه كيفوسخ من داكشي وربي يصبرك ويعيط الصحه ويخليك لوليداتك وزوجك هما المهمين فحياتك باقي اعتبريهم مكاينينش فالوجود

سلام حبيبتي ديها فصحتك و فوليداتك ولي فكرشك عافاك حبيبتي ماتفقسي راسك ولي تعدى عليك فهاد الشهر الكبير عند الله الله يخرجها فيه
الله يفك وحايلك على خير

مهيرة متفقصيش راكي حاملة بحال داك النوع خاصو ضربيه غير بالبارود خدمي شغلك وجري راجلك جهتك وبرديه من جيهتهم وتهلاي فولدك مزيان الله يخليه ليك و فوسخي راسك وراجلك باللدون وحصني دارك بسورة الواقعة والله يغلبك عليهم

الله يكون معاكي اختي موهيرة ويصبرك ويغلبك عليهم في هالايام الفضيلة

تحياتي موهيره وصبرا جميلا اختي فكرتيني فماداز علي انا استسلمت لظروف قاهره اما انت نتمن تاخدي العبره فوسخي دارك وراجلك وسد فمك ماتصادعي مع حد راك واحله فروحك والصحه هي راس مالك..........انا همي جا من خوتو اما امو عمرت كلمه العيب سمعتها منها ولكن بناتها عقارب والعياد بالله...............الله يشد بايدك اختي ويغلبك عليهم

مهيرة صبري ومتفقسيش اصلا نتي حاملة دابا نفسيتك تتكون مكتئبة وخصوصا مع الحرارة وكملوها عليك دوك القوم شوفي خدمي راجلك مزيان وفوسخي وهما اللي عطاك عطيه هدشي اللي بغات الوقت والى غوتات لك على ولدك هدري قول اجي اولدي وعنقيه وبوسيه ضدهم ومتبقايش تمشي عندم بزاف عطيهم تيقار احسن الاحتكاك يولد الشرارة المهم متنسايش لي عطاك كلمة عطي لباباه عشرة المهم هو راجلك تخدميه ضبعيه هدا مابغات الوقت اختي موهيرة اش بغى يوقع كاع وراني سبقت قلت مسحي سمق ودنيك ليمنى وعطيه لي يشربو فشي حاجة باش يرجع يسمع ليك طمنينا عليك

اختي مهيرة الله يبعد عليك العديان في هد النهار كبير عند الله تهلاي في راسك و وليداتك ديها في صحتك راك واحلة في روحك و ديري اللي كالوا لك الاخوات و انا نصيحة مني كثري من الدعاء هد ايام العواشر راه الادعية تستجاب خصوصا للمظلوم و هد العكوزة الله يهديها و يتلفها حتى تنساك و تخليك هانية مع راجلك

3wacher mabrouka akhti thallay frassek o fewlidatak hadouk homa rass malek allahiyfakkak 3la khir o ynasrak rabi 3la dak lguenss

الصبر ثم الصبر الله يغلبك اعليهم والي نوصيك اعليه هو تخلي عيبك بعييييييييييد وعامليهم بالحسنى وكوني متاكدة ان ربي غادي ينصرك اعليهم

مهيرة حبيبة أول مرة نقرى ليك شيء من هدا القبيل وعرفت بلي الكاس فاض الله يغلبك عليهم

مهيرة كلامك مؤثر الصراحة , الله يفرج عليك اصلا نتي طيبة بزاف و تستاهلي كل خير