موهيرة لعل المانع خير

حبيبتي فين غبرتي؟ حضورك مميز وليه بصمة خاصة نتمنى تكوني بخير ودخلي طمنينا عليك

صباح نور فيروزة كيصبحتي?
مهيرة غابرة عليا وقيلة بدات كتوجد لبيبي الله يفك وحايلها على خير

صباح النور فيروزة والزعرية انشاء الله المانع خير لمهيرة والله يعطيها وقفة ساهلة

صباح الانوار بنات عيشه باذن الله ترجع لنا بالف سلامه ويفكها على خير ويسهل لها ماصعاب وللجميع يارب

مرحبا البنات فعلا موهيرة غبرات اليوم كنت نطيب الغدا وجات فبالي والله العظيم ان شاء الله المانع خير والله يفك وحايلها على خير

آمين البنات سبحان الله كاينين ناس مكتسخايش بيهم ودغيا كتفتقدي وجودهم وموهيرة وحدة منهم الله يمتعها بالخير ويدوز شهور حملها على خير ويفكها بالخير

الله يفكها على خير وكنتمنى تكون بصحة وسلامة يارب

الفيروزة كتب:حبيبتي فين غبرتي؟ حضورك مميز وليه بصمة خاصة نتمنى تكوني بخير ودخلي طمنينا عليك

الله يا الغالية يسول فيك الخير و الرباح يا بنت الاصل ..
اش غادي نقوليك معرفت مالي هاد الايام ...حالتي غادا و كتطور ..معصبة و راسي باقي شوية ضارني و ولدي كنعصيه مسكين بلا منشعر ..و غير كنغوت على الراجل ...
حتا البيبي حسيت بيه ولى سخفان في الكريشة ...
مبغيت نسمع القران مبغيت نجلس في الدار بغيت و مبغيت ...
و الله الا فيا شي حاجة ...
مكرهتش لي يدير ليا كشف يشوف ليا اش صابني يا لطيف ...

و انتي يا الغالية لباس عليك ..الوليدات شدو العطلة

الزعرية الحرة كتب:صباح نور فيروزة كيصبحتي?
مهيرة غابرة عليا وقيلة بدات كتوجد لبيبي الله يفك وحايلها على خير

اهلا بحبيبتنا الغالية ...لالالالالا موجدت والو ..هاد المرة غير ..
كنسى لراسي واش حاملة ههههههههه

paloma blanca كتب:صباح النور فيروزة والزعرية انشاء الله المانع خير لمهيرة والله يعطيها وقفة ساهلة

يا ربي يا الحبيبة ...كدايرة لباس عليك ..فوقاش غترجعي لتطوان

عيون المها كتب:صباح الانوار بنات عيشه باذن الله ترجع لنا بالف سلامه ويفكها على خير ويسهل لها ماصعاب وللجميع يارب

اللهم امين عنداك تنسايني من الدعوات ...
كدايرة ..و كيف جاك الجو ...

ريم الفلا كتب:مرحبا البنات فعلا موهيرة غبرات اليوم كنت نطيب الغدا وجات فبالي والله العظيم ان شاء الله المانع خير والله يفك وحايلها على خير

اللهم امين والله القلوب عند بعضها ...دايما كتجي في بالي انتي و الاعضاء ...و الله
الله ييسر ليك امورك يارب

الفيروزة كتب:آمين البنات سبحان الله كاينين ناس مكتسخايش بيهم ودغيا كتفتقدي وجودهم وموهيرة وحدة منهم الله يمتعها بالخير ويدوز شهور حملها على خير ويفكها بالخير

الله يحفظك و يحفظ ليك اهلك يا رب

أهلا بالغالية حبيبتي مايكون باس راه الحمل كيدير هاكة كيجيوك بعض الأيام كتكرهي كلشي وتمللي من كلشي وكيجيك القنط وكيزيد عليك الروتين خاصك تبدلي الجو وتفوجي شوية مع الحباب وتبدلي شوية الروتين ووليدك أختي مزال صغير راهم مشطونين بسلامتهم وكتشدهم فيهم العين كيبقاو غير يبكيو على والو ديري الرقية ليك ولولدك ومتبقايش ضربيه راه مزال صغير وخاصو الخاطر شوية

أنا لباس لحمد لله لوليدات شدو العطلة كنتسناو غير النتائج بغيت نسافر شوية ونتبحر راني غملت وسط الحيوط هههههههه الله ينجح وليداتنا ووليدات المسلمين

nati87 كتب:الله يفكها على خير وكنتمنى تكون بصحة وسلامة يارب

اللهم امين و الله يفرحك عما قريب ...و يرزقك الدرية كاملة الصورة و الصحة ان شاء الله ...

مهيرتي على السلامة انا وصلت البارح انا في تطوان توحشنالك حبيبة والله

الفيروزة كتب:أهلا بالغالية حبيبتي مايكون باس راه الحمل كيدير هاكة كيجيوك بعض الأيام كتكرهي كلشي وتمللي من كلشي وكيجيك القنط وكيزيد عليك الروتين خاصك تبدلي الجو وتفوجي شوية مع الحباب وتبدلي شوية الروتين ووليدك أختي مزال صغير راهم مشطونين بسلامتهم وكتشدهم فيهم العين كيبقاو غير يبكيو على والو ديري الرقية ليك ولولدك ومتبقايش ضربيه راه مزال صغير وخاصو الخاطر شوية

أنا لباس لحمد لله لوليدات شدو العطلة كنتسناو غير النتائج بغيت نسافر شوية ونتبحر راني غملت وسط الحيوط هههههههه الله ينجح وليداتنا ووليدات المسلمين

امين ..
و الله ماشي بخاطري..و المشكل ولى يشوفني بنظرات حزينة و مؤنبة كتقطعني ...الله يقتل شياطيني ...
الرقية يا اختي مبقيت قدرت نسمعها ...حتا الصلاة قطعتها ...الله يغفر ليا ...

فين ناوية تسافري ان شاء الله

paloma blanca كتب:مهيرتي على السلامة انا وصلت البارح انا في تطوان توحشنالك حبيبة والله

يتوحشك الخير يا الفنون اشخبار الواليدة سلمي ليا عليها ..
جا معاك راجلك

ههههه ازين والو بوحدي جيت نوجد العرس مابقيلي ليه والو قلبي مقبوض والله وفيا الخلعة والله

ماما مزيانة راها ديما تسولني عليكم والله وتسلم عليكم بزاااااااااااف

الله يفك كلشي بخير وتنوضي بالصحة والعافية
يارب

paloma blanca كتب:ههههه ازين والو بوحدي جيت نوجد العرس مابقيلي ليه والو قلبي مقبوض والله وفيا الخلعة والله

ماما مزيانة راها ديما تسولني عليكم والله وتسلم عليكم بزاااااااااااف

متخافي والو يا الحبيبة ..دريها في يد الله و كلشي غيدوز بخير و على خير ..

الحنونة 8 كتب:الله يفك كلشي بخير وتنوضي بالصحة والعافية
يارب

اللهم امين يا الحبيبة ...
و الله يسعدك يا رب و فرحة فرحة كبيرررررررررررررررررررررة ان شاء الله

موهيرة الصلاة الصلاة حبيبتي متقطعيهاش عفاك راه كتحسي بالسكينة مللي كتقربي من الله وكتبعد عليك الهم والغم

الله على وليدي حشومة عليك أش ذنبو مسكين شدي وليدك وعنقيه وحسسيه بحنانك وخرجي معاه ولعبي معاه راهم غير ملائكة ومعندو لاين منك أموهيرة الله يهديك

باغية نمشي للشمال لسهل الله للسعيدية وتطوان والقصر نتبحرو شوية ونتقداو شوية للرمضان إن شاء الله لكتب الله

الفيروزة كتب:موهيرة الصلاة الصلاة حبيبتي متقطعيهاش عفاك راه كتحسي بالسكينة مللي كتقربي من الله وكتبعد عليك الهم والغم

الله على وليدي حشومة عليك أش ذنبو مسكين شدي وليدك وعنقيه وحسسيه بحنانك وخرجي معاه ولعبي معاه راهم غير ملائكة ومعندو لاين منك أموهيرة الله يهديك

باغية نمشي للشمال لسهل الله للسعيدية وتطوان والقصر نتبحرو شوية ونتقداو شوية للرمضان إن شاء الله لكتب الله

و الله الا شفتيه بديك النظرات حتى تنوضي تسلخيني بالكراطة هههههه
و الله يا ختي ما بخاطري حتى كنقول غنرجع ليها و منقدرش استغفر الله العظيم ...لان عندي مس قديم و متعالجش ..

الشمال زوين كنت فيه داك الصيف في المضيق و مارتيل نقي و غزال ..
الله يديكم و يجيبكم على خير

ٱمين إوا معليك غير بشي قارئ متمكن دبا متنفعك غير الرقية بآيات قرآنية عنداك تمشي عند شي فقيه يصرعك ولا يقرا عليك شي تخربيق؟ راكي حاملة والجنين كيثأثر دغيا بالأعمال الروحانية الله يحفضك ويحفظ جنينك

اللهم امين ..
ان شاء الله غنحاول ندير الرقية من جديد

مهيرة كي بقيتي ما درتيش الملحة الي قلت ليك انا متاكدة راكي ما كتسمعيش الي فيك الحبيبة كله علامات العين لانه المرا الحامل كيكون برجها خفيف وتشد فيها العين دغيا الله يهديك الا ما ديري الملحة وعومي بيها ولا طفيها تحتك راه غادي تزيدي مازال تعصبي ماشي مزيان للتيلاد الي في كريشة ردي البال لراسك وتهلاي في راسك

توحشنالك حبيبة

amal123 كتب:مهيرة كي بقيتي ما درتيش الملحة الي قلت ليك انا متاكدة راكي ما كتسمعيش الي فيك الحبيبة كله علامات العين لانه المرا الحامل كيكون برجها خفيف وتشد فيها العين دغيا الله يهديك الا ما ديري الملحة وعومي بيها ولا طفيها تحتك راه غادي تزيدي مازال تعصبي ماشي مزيان للتيلاد الي في كريشة ردي البال لراسك وتهلاي في راسك

و الله الا حالتي حالة واكلة الدقة مزيان ...عرفتي عندي حساد كتار من اهل زوجي ...حسدوني لاني حاملة ...الله يسترنا دنيا و اخرة ..
بالحق الحمد لله

عرفتي التبويقة ديال الملحة عجباتني ههههههههههه الله يعطيك الخير ..
كندير ملحة عادية في كاسرونة تسخن شوية حتا كتطرطق غير شوية ..
و نحطها تحتي و نكب عليها الماء ...كتعجبني هاديك التبويقة هههههههههههه
و كنخليها حتا الغد ليه عاد كنكبها في قرقارة الكوزينة ...كنخاف نكبها تكون باقا سخونة ..

لالة حــــــبي كتب: توحشنالك حبيبة

يتوحشك الخير يا الحبيبة ...
عرفتي مبقيتش نقدر نعيش بلا بيكم ...كنتفكركم بزاف و بالي دايما معاكم و الله

واقيلا كيجربو فينا القبولات الحبيبة ديالي ...
الله يديمها محبة بيناتنا يا رب