رجاءا تفسير لحلم غريب.......

هاد الحلم حلمت بيه ملي ولدت ابني و بالضبط ملي خرجت من الكلينيك يعني بعد 3 ايام ..
منعستش في بيتي نعست في بيت اخر مع ولدي و امي ..
و باليل كنحلم خير و سلام ان ولدي تيدوي في الكونة و الجنون دايرين بيه و بيا مكنشوفهمش لكن حاسة بوجودهم و كلامهم و ولدي بحال الا تيدوي نعاهم ولا معرفت كيفاش ...
المهم انو تيدوي في الكونة هدرة فشي شكل و الجن كاينين حتا هما تيتكلمو ...و الاحدات كلها هيا هاديك يعني نفس البيت نفس وضعيات النوم ..بحال الا كنتفرج في الوقائع من خلال كاميرا ...
ملي فقت في الصباح قلت للواليدة ..منعستش مزيان بقيت غير كنحلم بالكوابيس ...
قالت ليا حتا انا الله يستر كنحلم داكشي خايب ..و معنات ليا بالجن لكن مسولتهاش كيفاش ..


هادي اول مرة كنحكي فيها حلمي و نتمنى نلقى تفسير صحيح من اصحاب الخبرة ...

و هاد الايام ولى ولدي كيتخلع بالليل بزاف و الا فاق بحال الا كيشير في بعض الاماكن او لا تيبقى تيشوف فيها ...
و الله وليت خايفة عليه ...
الله يحفظ وليداتنا اجمعين ..

ان شاء الله خير ماديري في بالك والو بقاي تطلقي القران حدا ولدك تقبلي مروري

ان شاء الله ...دايما كنشعل القران الحمد لله ...
شكرا لمرورك حبيبتي

مهيرتي انشاء الله خير ديري قران حدا ولدك وقرايه قبل متنعسي

غير بقاي ترقيه يمكن الكلينك لي ولدتي فيه هو اللي عامر بداكشي اكيييد الدراي تيكون مرفوع عليهم الحجاب ممكن يشوف شي حوايج متنشوفوهمش بيتي لو موس تحت راسو بالليل ومينعس حتى ترقيه الله يشفيه ليك وينزل عليه السكينة

تحياتي مهيرتي خير وسلام الوليدات حافظاهم الملائكه والله يفرحك بيهم عرسان وتشوف الاحفاد وولاد ولادهم بطوله العمر والصحه

شكرا ليكم حبيباتي الغاليات على القلب ...
نتمنى يكون الامر عادي

فكرتني في راسي في صغر . شوفي يا إما ولدك كيشفهم و غا يبقى يشوفهم حياتو كلها . يا إما كيف غلط ليا عيون المها أنه إلى الأم عندها جن عاشق ولد كي تزاد فيه عرق ديالهم و حدة را كاين حديت ديال رسول كي تسماو المغربون فالحالة لولا نودي شوفي شي فقيه يكتب لك و تقطعهم لأنا رقية راحة صعبة بزاف أنا را كنت غا نموت فيها قلبي مشى يتفرقع و عد ولدك نتي صغير بزاف ما غا يستحملش.

انا عندي مس ...بالحق مكنطيحش موالو عادية ..
اما ولدي و الله معرفت ....
شكرا ليكي اختي ...الله ينولك مرادك

لكن انتي واش كنتي تشوفيهم في صغرك

الله يحفظكم ويبعد عليكم كل شر ياربي معليك غير الملح رشيها حدا ولدك وملي تغسلي له دري شويه فالماء وممكن دري له شويه فالماء يشربو وباذن الله يبعد عليك الشياطين ومتخافيش هذوك غير المسلمين مكاياذيوش كيكونو ولادهم كيلعبو مع الانس الاطفال وهما احباب الله وملائكه فالارض متخافي والو وحطي يدك على راسو وقراي ايه الكرسي ثلاث مرات عله مره الصباح وملي يبغي ينعس والله الحافظ من كل مكروه