واحد السوال غريب شويه ولكن بغيتكم تجاوبوني عليه

اشنو رايكم في الناس ديال تيفلت منطقه عندنا في المغرب اسمها تيفلت انا ماعارفاهاش فين جات اصلا لكن في شي ناس باغين يتناسبو معاهم عطوني رايكم في ناس هاد المنطقة من ناحيه الكرم والحداقة والظرافة في انتظار رايكم

السلام امولة توحشتكوم

يتوحشك الخير كون غير بقيتي نعاسه هههههه من فقتي مابقينا نشوفوك

شكرا كريمة على الرد بارك الله فيك

ناس تيفلت مزيانين مرات خويا من تماك ناس كرماء وعندهم نخوة وأنانيين شوية ولكن مقبولين الله يكمل بالخير

شكرا فيروزة على الرد ديالك

صاحب راجلي هو مراتو من تمااا و ديمااا فاش يجيييو عندنااا يقولو لينا اجييييييو حتى حشمنا انا وراجلي ومشيينااا
عرفتي بلاصة وااااااااااعرة بزاااف جبال الخضرة و الناس واخى ماكايعرفوكش يقولو ليك دخل والكرم تبارك الله وفمهم زويين
انا بعدا عجبووووني الله ييسر الاموور

شكرا حيزبونه
هيا منطقه واحدة ولا اكثر من منطقه كتسمى تيفلت يعني على حسب القبايل ؟؟؟؟

لا منطقة وحدة بحال الى قلتي جمعة السحايم و لكن من تمشي كاتلقاااي قرى صغيرة كاتنتمي ليها بحال الى قلتي تيفلت هي الفيلاج

انا عكس هاد شي لي قلتو، زموريين واعرين، يعطيوكم حلاوة لسان و لكن ماخفي كان اعضم
واخا يقولو ناس طوب و حجر، انا مانعرف إلا ناس يالطيف منهم، كليت معاهم و صرفت عندهم و فلخر هزوني و جمعوني ردو زين طلة يڭوليا ماحاملش نشوفك!!!!!
إلا كان خوك ردي ليه لبال ويلا شي حد قريب ليك نصحيه يرد لبال

hadol rah tassila dial lakhmissat 3warin hehehhe