موضوع شائك!!!!

الخيانة الزوجية!!!!
ماشي ديال الراجل!!!!
مارأيكن فلمرأة لي تخون زوجها؟

نبدا انا!!
حنا فمجتمع تاينبذ لخيانة ولكن الى حد ما تايتقبل خيانة ديال الراجل،
عينو زايغة، باقي خضر، مالقاش لي باغي، و زيد و زيد
ايوا ولمرأة؟

لمرا فيها موتها ههههههههه
ولكن تعرفي انا شفتهم بزاف حالات قدامي كانت حصلها الراجل والناس كلهم عرفو ومع ذلك رجعها كيفاش ما عرفتش ههههههه

انا بنظري الخيانه صعبه بحد ذاتها للطرفين و تكون قويه بالنسبه للجنسين لان الخيانه لاتعرف ذكر وانثي

حتا انا امال والله الا شفتهم بعيني وحدة ياله مزوجة مكينش شهر وباقا تمشي عند صاحبها الله يسترنا ياربي

موضوع رائع اختي الخيانة حرام لا من راجل ولا المراة وخا المجتمع كيلوم المراة اكتر لكن في دينا نفس العقاب والراجل ولا المراة اللي يخونو بعضهم ماتماك عيشة بنهم حرامت والله يحفض والله بزاف نساء خانو رجالهم وهاد الضاهرة كاينة والله يسترنا حتا يسترنا التراب

3abro 3la jad waldihom 3la homa 3andhom zantit ola3yalat maytat li dar dabn istahal la3koba

خيانة مجرد تفكر فراجل اخر خيانة انا راجلي صاحبو تزوج بواحدة وديما تقوليه فلان كان احسن نسات راجلها تزوج بيها واخر كان غير يضحك عليها لكن كيف قالت امال كيرجعوهم ومعرفينش كيفاش هههههه

وكاين انواع الله يستر واحد جارتنا راجلها في الخارج وهي ديما مصاحبة تصاحبت مع صحبو دراجلها وخرجت معاه مدة عامين جا راجل عملو العرس كنقول فبالي انا زعما صحبو مقلوش الناس كنبقا متعجبة

ههههههههههه حسينة لوووووووول
المرا كيلومها المجتمع اكثر لانه ارتباط الموضوع باختلاط الانساب وكينتج عليه مصائب اخرى اما الراجل هاااانية عندو يطير ويرجع هههههههههه

انا جبدت هاد لموضوع حيت مانقدش نهضر فيه مع ناس لي قراب ليا، و اكثر مع لي معنين بلأمر!!!!!!!حيتت غادي نخرب اسرة!!
انا عندي سيدة كنت تانgول صديقة ولكن برا يالباس عليا تاتكون صاحبتي، تقت فيها و حطيت عليها راس، بحكم انني بعيدة على عائلتي، لمهم، تانعرفها قريبة سنتين، مدة كافية باش نتيقو فبعضنا و نخرج اسراري كي لحمارة اعزكم الله، ومن شهر هادا تعرفت على واحد لأخ من طرفها
ايوا مانgوليكمش اش كتشفت، خيانة من وهيا مخطوبة، مني دارت ومن مور لعرس!!!!!!!!!

انا لي ضرني انو راجلها مزيان، باغيها، عائلتو مزيانين، و هازينها فوق راسهم، و انني تقت فيها وعطيتها نيتي، وهي ضحكات على لغباء ديالي!!!!
تانشوف فلوس ديما كاينة، ب 4000 و انا 9500 وماتايشيط ليا حتى ريال، و تانgول راه لبركة و انا ماتانجيريش مزيان!!! ولكن انا معولا على صالير ماشي تانخطف بليصات!!!!!!

اختي مريم فمجتمعنا وحتى فمجتمعات غربية أصعب حاجة يتقبلها الراجل والعائلة والأسرة ووالمجتمع هي خيانة المرأة لأن الراجل كيف قالو ٱمهاتنا وجداتنا غير راجل وخا يديرها كنلقاو ليه 1000 مبرر ومكيكونش هناك ضحايا بزاف بحال فحالة خيانة المرأة ياك احنا عيالات؟ إوا راه نقدر نتقبل خيانة راجل لمرتو ومنقدرش نستوعب خيانة إمرأة لراجلها مع أنهم فحالة الخيانة بجوج بحال بحال

وهاد السيدة اللي كتعرفي من الأحسن تبعدي منها وتنصحيها تبعد على داكشي اللي كدير

بداية جمعة مباركة لحبيباتي ..
تانيا شكرا مريامتي على طرحك هاد الموضوع ...
الخيانة صعبة و محرمة عند المولى عز و جل ..
لكن الناس ديما كتغفر للرجل الخيانة ايا كانت اسبابو ..انما المراة لالالالالالالالالالالالالالالا ممنوع ...
هادشي ميخليناش نقولو اوا علاش حنا لا ...لا استغفر الله العظيم ...الخيانة حرام و ماخصش الانسان يقلب على اعدار وهمية باش تبان ليه جائزة ابدا...

و سبحان الله ..
الراجل مكيتاثرش داتيا بعواقب الخيانة الا ادا كانت شريكتو في الخيانة مريضة بمرض جنسي معدي ...
لان الله عز و جل سمح ليه بالتعدد ...
بينما المراة لا ...الله عز و جل خلق ليها جهازها التناسلي و كانه فيه كود ...كيعرفو غير راجلها او شريكها الاول ..
و الا تفارقات معاه او مات ...كيخص جهازها التناسلي مدة 4 شهور باش ينسا الكود ..و هادي تقريبا هي فترة العدة الي معروفة ...ولو انو الناس كيقولو باش نعرفوها واش حاملة او لا مع انو الحمالة كتعرف من شهرها .

كلامك صحيح مهيرة
مريامتي الحبيبة هاد السيدة بعدي منها لا تقولي ليها ولا تنصحيها ديري راسك ما شفتي والو من رايي انا نقول ليك الي انا ممكن نديرو في بلاصتك
لانه هاد النوع ما يقديش فيها النصح وغادي تولي خايبة في نضرها وممكن عدوتها لانك عرفتي سرها
ابعد عن الشر وغني له

مانقد نgول والو لأنو السيد لي كشفها لي مانقدش نخسرو

حبيبة مريامتي حاول تبعد من هاد المرا هي بشويش متبينشايت ليلها انك باغا تنهي صداقتكم ، و بالنسبة لموضوع د الخيانة أنا ضدها لا للراجل و لا للمرأة مع أنه حنا فمجتمع كنتقبلو الخيانة د الرجل واخا كتوجعنا من داخل ديالنا ، الله يهدي الجميع

اختي مريامتي هذ الضاهرة ولات كثيرة في مجتمعنا مع كل الاسف حتى في عملي كانوا 2 مزوجات خائنات بالعلالي ماشي سترين عيبهم .الخيانة على العموم حرام للرجل و المراة . و انا مع الاخت امال شفت شحال من زوجة حصلوها البوليس متلبسة في منزل عشيقها لكن مع كل الاسف الزوج كيسمح لها. و نعطيكم مثل حي عندي صديقة زوجها خفيف و عينيه زايغة دائما كيسهر بالليل و عندها واحد جارتها زوجها في الخارج و كانت صديقتي كتشكي للجارة كل معاناتها المهم اخر مرة سمعت ان رجلها طايح مع شي وحدة و حملات منو و داها للطبيب دار لها اجهاض و مسكينة صاحبني بقات تبكي على هد الجارة . وواحد النهار ولدها الصغير خارج مع باباه في السيارة نزل الاب يشري شي حاجة و خلى البورطابل و صنات عليه واحد السيدة و جاوب الولد و سمع صوت الجارة و حتى الرقم ديالها سجلو و داه لماماه و كتاشفت ان الجارة هي اللي مصاحبة مع الرجل و هي اللي عمل لها الاجهاض الخ.... صديقتي تصدمات بزاف و راها الان مطلقة منو و شوفي الصديقات و الجارات اش كيعملو من مشاكل اختي مريامة اعطي لديك الصديقة التيساع و خودي الحدر منها لانها مادية ممكن تمشي حتى مع راجلك و الله يسترنا نساء اواخر الزمن

الله يسمح على الجميع
انا شفت منظر اخر من هاد النوع البنت متفقة مع عشيقة باباها ضد ماماها و كتمشي لعندها لدارها و كلشي لانها كتشريلها اللباس . والله مافهمت هاد البنت غريبة بزاااف