موضوع عن الحمل المرجو الدخوووول

سلام حبيباتي
ليوم بغيت نهضرو على الحمل, كيفاش نقدرو نوجدوله نفسيا وماديا ومعنويا,واش خاصه يكون بعد تمهيد وتخطيط اولى تلقائي...شحال ديال مدة ديال الزواج باش نبداو نفكرو فالانجاب
شنو هو السن المناسب للحمل والولادة...اشنو الاستعدادات الطبية الموصى بها...
كيفاش كتشفتو الحمل ديالكم او كتاشفو لمقربين ديالكم الحمل ديالهم وكيف كانت ردة الفعل اشنو خاصنا نديرو فالاسابيع الاولى للحمل
اشنو طقوس ولعادات لي كتدار للحامل في مناطق البلاد...
وبزاف الاسئلة لي نتمنى يفدونا بالاجوبة ديالها امهات المنتدى وحتى العزبات لي عاشو هاد الحدت مع اخواتهم اوصديقاتهم Smile

من طرف **الفيروزة** الأربعاء يونيو 13, 2012 7:37 am

ياكما درتيها؟ ههههههه جاوبي بصراحة وحنا غنفيدوك بتاجربنا

ههههه والله احبيبة مزال وليني كنقول هادي اخر بلاكيطة ديال لحبوب لي نشرب...بغيت نتوجد نفسيا وكلشي لتغيرات لي كتوقع انا كتنود في حبوبة كندرونجا بقا غير خنيفيس فكريشة

من طرف **زهرة ايلول** الأربعاء يونيو 13, 2012 7:55 am

نبدا انا هههههه اختي واحدا حملات بعد تخطيط ما بين لول و ثاني 8 سنوات. فاش كدير 6 شهور حمل كتوجد كلشي من طقطق سلام عيكم
اختي اخرى ما كاين تخطيط لا والو ههههههههههه
اختي اخرى اخرى ههههههههه مفهما هي وراجلها يولدو متابعين باش كلشي يكبر فمرا و عجوزتها معوناها جابت ليها هاذ اسبوع 20 سليب حيت كتحد لبنتا حفاظ

الله يرزقنا ذرية صالحة يا رب

اميين يا رب شكرا زهرتي ربي يخليك
قولي لي اشنو هو طقطق واشنو سلام عليكم اشنو كتشري وتوجد للمولود

من طرف **mohera** الأربعاء يونيو 13, 2012 8:05 am

نتمنى تكوني درتيها حبيبتي ...
بالنسبة ليا كلشي دوزت غير هكاك ربي لطف بيا الحمد لله ..
موجدت ليه لا نفسانيا و لا ماديا والو ...
في اول حبالتي ..الناس لي ردو البال اما انا والو ...كانت فيا حريق البولة حشاك بزاف و كنت كنشرب العشوب باش يفوتني الحال ...ديك الساعة كنت مسافرة ..و ملي شفتهم شاكين فيا ..درت طست و لقيت راسي حاملة لكن مقلتها لحد ..
ملي رجعت دوزت و اتاكد ليا الحمل الحمد لله ..بقات الوالدة ضاراني بزاف ...
دازت شهور الحمل كلها عيانة و معصبة مع المشاكيل ..و محضيتش راسي مع الملح ...برغم اني كل 25 يوم عند الطبيبة ..و التحاليل و الدوا ..كلشي درتو ..
في الاسبوع الي تقرر فيه موعد الولادة و تقريبا باقي ليها شي 4 ايام ..جاتني السخانة و ما انتبهتش للامر ...بقات فيا بزاف ..
الغد ليه شدني وجع النهار كلو...و كان عطلة بقيت في داري كنجمع فيها و نقاد ..و تنقول صافي غتحل الوالدة ..
لكن بقا فيا غير الوجع كل نصف ساعة ..
مشيت بالليل عند حماتي قالت ليا هيا و بنتها
اوا صافي هداك ماشي وجع الولادة ..
سكت و جلست و الليل كلو هكاك حيت بقيت عندها ..
مهدا مني الوجع حتال الغد ليه مع 8..
شربت حليب باللويزة و نعست ...
تصلت بطبيبتي حكيت ليها اش كان ..قالت ليا اجي لعندي في العشية ...
مشيت عندها ...و دخلت قلباتني حاجة وحدة لي كتقول و تعاود ..
فيناهما دقات قلبو ...........مات..
كانت صدمة خرجت بدموعي ...لكن انا لي درتها لراسي ..انا لقتلتو بالملح و الاعصاب ...
هداك حبيبي ولدي ..كنت ندوي معاه في كرشي و كلشي ...
الحمد لله هنا بغا و لهيه بغا ..و هوا ماماتش راه كيتسناني لفوق الحمدلله ...حمدتك يا ربي و شكرتك ..
من بعد 3 شهور ..حملت و تبعت تاني عندها ..و ولا عندي الوسواس الخناس ...راضة البال كثر من القياس ...
و الحمد لله ولدت وخا بالفتيح لانو الطبيبة كانت خايفة ليتخنق ...
و الحمد لله ...
في الرفيسة درتها عادية و السبوع كدالك و مدرتش العادات ..
لانو همي كان اني نتفك بخير و على خير ..
معندي مندير بالبروتوكول و القيل و القال تاع البشر ..
و هانا الحمد لله حاملة الله يكمل عليا بالف خير ...و عادي الحمد لله ...
كيوصل الوقت كنمشي لعند الطبيبة و ندير لي كتقول ليا ..
معنديش مع البروتوكول فيهاد المسائل لانو كتشد فيا عين بنادم بزاف ...و يكفيني موصلني منها في عرسي ..

ناس زمان تيقولو ..للنافسة رجل في الدنيا و رجل في القبر ..
حيت كتكون حساسة و مهدودة حيت الولادة سبحان الله كتنقص من الجهد و العمر ...

كثرت عليك
كتبت ليك قصة حياتي ههههههههههه

من طرف **mohera** الأربعاء يونيو 13, 2012 8:06 am

بالنسبة للحوايج غادي نكتبهم ليك داكشي لي غايخصك و داكشي ديال البيبي

من طرف **زهرة ايلول** الأربعاء يونيو 13, 2012 8:10 am

اول حاجة متلبس ف كلينيك يكون داكشي مفتوح من صدر باش تجي رضاعة ساهلا..
و داكشي لعيلات الويز نفسات زيف ربطي راسك باش يتجمع ليك ... صابونك كلشي صاك ديالك بوحدو و صاك بيبي بوحدو
بيبي دي ليه بزاف لباسي كبلي حيث منين كيبدلو ليه كيزولو كلشي و يعودو يلبسوه كلشي نقي.
اسبوع خاصك تكوني موجدا سلو و حلوى ى كلشي ديالو. لكانو غادي يجيو عندك لحبايب كلينك خاصك توجدي على بكري هادوك لعيبات ديال فنيد كيكونو مديكوريين ليجي عندك تعطي منو ناس ليزروك
وسخك فين تولدي شعرك داكشي بيبي بلا منوصيك عليه جمعي و لمي ليطيح فيد عديان

من طرف **زهرة ايلول** الأربعاء يونيو 13, 2012 8:11 am

وجدي حوايج بيبي لزور ناموسية. كريمات باش ميطيبش ليك بيبي شامبوان صابون عطى الله ما تشري و توجدي اازين

ربي يخليك مهيرة حبيبة وهداك لوليد طوير من طويرات لجنة عند ربي تشوفيه فدار لحق
مازال يا حبيبة مدرتها مزال لكينة ماساليتها وليني كنفكر نحبسها باش ترتاح لوالدة 3 ولا 4 اشهر ولا لي دار سيدي ربي
دابا 7 شهور زواج قلت نقفل العام ونحيد بلاكة 90 ويسهل الله فشي درية صالحة
لبارح حلمت راسي حاملة كنولد و كنغووووت وكرشي كبييييرة ههههه فقت موحشة لوليدات

من طرف **زهرة ايلول** الأربعاء يونيو 13, 2012 8:16 am

بلعكس مهيرة كنستفدو من بعض باش نكونو عيالات حرات. جاوبني فموضوع لكتبتي ديال بالوما..
زعرية آشمن فانيد كتشربي ديال لحمالة و قولي مادرش ليك اعراض جانبية

زهرة لحبيبةعلم وينفد خصوصا دم نفاس صعيبة الى خدمو بيها الله يحفظ
حنا فسبع اشهر كتحني فحال لعروسة الادين ورجلين والاغلبية حتى يفوتة 7 شهور ولا قبل يحنيو باش ميحسبوش ليهم ناس ويضربوهم بلعين Wink

شهر الاول كنت كناخد jasmin دراااتني فلوالدة مع انها خفيفة وكيعطيوها لبنات لي عندهم مشكل العادة الشهرية غير منتظمة
من الشهر التاني كناخد mercilon زويييينى مكدرش les regles كيجيو فوقتهم ماكديرش فيضانااات مكديرش لحبوب مكتغلضش بمررررة

من طرف **زهرة ايلول** الأربعاء يونيو 13, 2012 8:25 am

الله يحفظك زعرية..

من طرف **mohera** الأربعاء يونيو 13, 2012 8:28 am

حبيبتي الزعرية ..و الله الاولاد نعمة من المولى عز و جل ...و كيساعدو بزاف في ترابط الزوجين ...خاصك تخلقي جو في دارك بينك و بين زوجك و اولادك ...
انا ضد دوك الناس لي تيقولو حتى نعيشو حياتنا عاد نديروا الاولاد ...
ملي جربت الاولاد لقيتهم هما ملح الحياة الزوجية ...
حيدي عليك الفانيد و وقتما جا الخير ينفع ...
الله يفرحك عما قريب و نفرحو لفرحك ان شاء الله...
حلمك لي حلمت دليل انو كان عندك هم و انزاح بفضل الله ..

من طرف **mohera** الأربعاء يونيو 13, 2012 8:29 am

زهرة ايلول كتب:بلعكس مهيرة كنستفدو من بعض باش نكونو عيالات حرات. جاوبني فموضوع لكتبتي ديال بالوما..
زعرية آشمن فانيد كتشربي ديال لحمالة و قولي مادرش ليك اعراض جانبية

جاوبتك حبيبتي ...
اليوم انا ثرثارة في المنتدى ههههههههههههههه

من طرف **مغربية حرة** الأربعاء يونيو 13, 2012 8:29 am

اختي الزعرية الحرة باين لي درتيها الف مبروك و الله يكمل عليك بالخير الحاجة اللي نوصيك حاولي تهدني في فترة الحمل باش ولدك يخرج مهدن ان شاء الله كولي مزيان و نقصي بزاف من الحركة في 3 شهور الاولى بعدي على الحمام الشعبي و من الاحسن عومي في دارك هدشي اللي عندي و الله يجعل كلشي مبارك ا مسعود cheers

من طرف **مغربية حرة** الأربعاء يونيو 13, 2012 8:32 am

mohera كتب:
زهرة ايلول كتب:بلعكس مهيرة كنستفدو من بعض باش نكونو عيالات حرات. جاوبني فموضوع لكتبتي ديال بالوما..
زعرية آشمن فانيد كتشربي ديال لحمالة و قولي مادرش ليك اعراض جانبية

جاوبتك حبيبتي ...
اليوم انا ثرثارة في المنتدى ههههههههههههههه

بالعكس اختي مهيرة انت كتنصحي الاخوات و راه ربي اللي غادي يجازيك الله يكثر من امثالك

من طرف **زهرة ايلول** الأربعاء يونيو 13, 2012 8:35 am

بصح مهيرا انا قررت لمزوجا دابا و عندها اقدمية غادي نتصاحب معها هههههه. باش تقول ليا كلشي

من طرف **mohera** الأربعاء يونيو 13, 2012 8:37 am

مغربية حرة كتب:
mohera كتب:
زهرة ايلول كتب:بلعكس مهيرة كنستفدو من بعض باش نكونو عيالات حرات. جاوبني فموضوع لكتبتي ديال بالوما..
زعرية آشمن فانيد كتشربي ديال لحمالة و قولي مادرش ليك اعراض جانبية

جاوبتك حبيبتي ...
اليوم انا ثرثارة في المنتدى ههههههههههههههه
بالعكس اختي مهيرة انت كتنصحي الاخوات و راه ربي اللي غادي يجازيك الله يكثر من امثالك

شكرا ليك حبيبتي ...
انا طبعي هكا ...مكنبغيش الناس تطيح في اخطائي ...

من طرف **mohera** الأربعاء يونيو 13, 2012 8:38 am

زهرة ايلول كتب:بصح مهيرا انا قررت لمزوجا دابا و عندها اقدمية غادي نتصاحب معها هههههه. باش تقول ليا كلشي

مرحبا بصداقتك حبيبتي ...
دايما طلبي المشورة و النصائح و سمعي لقصص الناس و كلامهم ............حتى الا طحت في شب امر تاخدي القرار الصح ..

و ربي المعين

من طرف **amal123** الأربعاء يونيو 13, 2012 8:46 am

مهيرة باقي ما تسجلتي في الموقع الي قلت ليك ؟؟؟
الزعرية هاد الموقع فيه كل استفساراتك موقع زوين بزاف انا حمالتي دوزتها معاه كيجيني احسن من الطبيب في الوصف والشرح

من طرف **amal123** الأربعاء يونيو 13, 2012 8:51 am

وصية لكل واحدة باغية توجد لا ما مزيااانش والا بديتي توجدي الحوايج بعد السابع وما يشوفهم حد ابدا ابدا غير انتي وممكن ماماك وتخلي معاهم حريمل في خنيشة هادشي الي ممكن نقول ليك على التوجاد بعد السابع وما يشوفوهم عينين ومن تولد التربية اول لبسة تكون قديمة اي ديال وليد اخر وطبعا الحوايج يتصبنو اول ما تشريهم صابون الحجرة او صابون الداراري الصغار

زهرة ايلول كتب:الله يحفظك زعرية..

العفو الزين

mohera كتب:حبيبتي الزعرية ..و الله الاولاد نعمة من المولى عز و جل ...و كيساعدو بزاف في ترابط الزوجين ...خاصك تخلقي جو في دارك بينك و بين زوجك و اولادك ...
انا ضد دوك الناس لي تيقولو حتى نعيشو حياتنا عاد نديروا الاولاد ...
ملي جربت الاولاد لقيتهم هما ملح الحياة الزوجية ...
حيدي عليك الفانيد و وقتما جا الخير ينفع ...
الله يفرحك عما قريب و نفرحو لفرحك ان شاء الله...
حلمك لي حلمت دليل انو كان عندك هم و انزاح بفضل الله ..

مهيرة راه كل شهر كنقول هادي اخر بلاكيطة هدي اخر بلاكيطة وكنخااااف من الحمل ولولادة
الله يفرحك باش كتمناي يالحبيبة

من طرف **زهرة ايلول** الأربعاء يونيو 13, 2012 9:01 am

امال حوايج قدام ماشي كلشي آختي كيديرها على حسب تقاليد

من طرف **زهرة ايلول** الأربعاء يونيو 13, 2012 9:01 am

حوايج دراري صغار يتصبنو كيف قالت امل. وقبل عاصر زوليهم من حبل نشير

مغربية حرة كتب:اختي الزعرية الحرة باين لي درتيها الف مبروك و الله يكمل عليك بالخير الحاجة اللي نوصيك حاولي تهدني في فترة الحمل باش ولدك يخرج مهدن ان شاء الله كولي مزيان و نقصي بزاف من الحركة في 3 شهور الاولى بعدي على الحمام الشعبي و من الاحسن عومي في دارك هدشي اللي عندي و الله يجعل كلشي مبارك ا مسعود

مغربية لحبيبة والله حتى مزال مدرتها غير كنفكر فيها جديا
بصح عندك لحق حمام زنقة كيجمع غير لوسخ...انا عافية ولدي يي مهدن موحاااال يا لكبيدة هههههه

زهرة ايلول كتب:بصح مهيرا انا قررت لمزوجا دابا و عندها اقدمية غادي نتصاحب معها هههههه. باش تقول ليا كلشي

انا الى بغيتيني فلمسخ وتقلاش رجلين موجودة ههههه فالولاد وطبيخ حيدي علي منصلاحش ليك

من طرف **زهرة ايلول** الأربعاء يونيو 13, 2012 9:05 am

زعرية نسول فحاجة مقودا ممكن???

amal123 كتب:مهيرة باقي ما تسجلتي في الموقع الي قلت ليك ؟؟؟
الزعرية هاد الموقع فيه كل استفساراتك موقع زوين بزاف انا حمالتي دوزتها معاه كيجيني احسن من الطبيب في الوصف والشرح

فيناهوا الموقع امولتي?

amal123 كتب:وصية لكل واحدة باغية توجد لا ما مزيااانش والا بديتي توجدي الحوايج بعد السابع وما يشوفهم حد ابدا ابدا غير انتي وممكن ماماك وتخلي معاهم حريمل في خنيشة هادشي الي ممكن نقول ليك على التوجاد بعد السابع وما يشوفوهم عينين ومن تولد التربية اول لبسة تكون قديمة اي ديال وليد اخر وطبعا الحوايج يتصبنو اول ما تشريهم صابون الحجرة او صابون الداراري الصغار

درتيها لي فلبال الله يرضي عليك عطيني حوايج وليداتك ندرق بيهم بخوشتي
Smile

زهرة ايلول كتب:زعرية نسول فحاجة مقودا ممكن???

تفضلي احبيبة على الراس ولعين

من طرف **amal123** الأربعاء يونيو 13, 2012 9:12 am

انا نحطو ليك دابة غزال غزال ممكن هما يتبعو معاك حتى تحملي ومن تحملي كل اسبوع يصيفطو ليك اشنو فادي يكون عندك هههههه بحال الشوافة معاك من تولدي يبقاو متبعين معاك راني حطيتو في موضوع خاص بمهيرة وللاحبي بلاتي نشوفو ليك لاني بره كنطل عليكم من الثقيبة ديت ولدي للطبيب

حطيه لي امولة الله يستر عليك احبيبة
مالو ولدك??

من طرف **amal123** الأربعاء يونيو 13, 2012 9:20 am

الزعرية غير بالي موجود الخير نشنحم لاختي يوصلوك لباب الدار لكن ولاد ولدي ولد الحوايج عليا ما تهزي هم عندنا التفركيييس ما نقولش ليك هههههه هنا في هاد الموضوع دخلي ليه داية ةتسجلي والله حتى غزاااال هنا يحسبو ليك الاباضة والحمل امتى وكلشي
[ندعوك للتسجيل في المنتدى أو التعريف بنفسك لمعاينة هذا الرابط]

ok الزين لهلا يخطيك

من طرف **زهرة ايلول** الأربعاء يونيو 13, 2012 9:25 am

وا دوي ا زعريآآآآآآآآآآآآآآآآآ

مالكي راه جاوبك ازهيرو

من طرف **زهرة ايلول** الأربعاء يونيو 13, 2012 9:29 am

راه مشفتوش آزين ربي يحفظك

غير مسحي سؤال و جواب

شكرا بزاف

okiiiz hobi

من طرف **mohera** الأربعاء يونيو 13, 2012 9:36 am

امولتي مكندخلش ليه بالعكز لي فيا ههههههههههههه
و لكن راه زويننننننننننننننننننننننننننننننننننننننن
مرسيييييييييييييييييييي

من طرف **الفيروزة** الأربعاء يونيو 13, 2012 9:38 am

الزعرية انتي راه طولتي فالعزوبية أنا راه من شهري خرجت حاملة وصاوني مناخدش لفانيد فالأول ومكنوجد والو غير الضروريات بحال سوفيطمات جوج وسريولات لقطن وتقيشرات وطاقية وليكوش ولمانطا ولكماط وخروق الكماط والرضاعة وبالنسبة لي أنا ليكوش للنفاس وسليبات قطن وكولونات وجوج بيجامات طوال وبينوار وبنطوفة وزيوفة د حياتي للراس هادشي للولادة

أما فترة الحمل كنبعد ما أمكن على دوايات من غير دوليبران والمقويات وجاتني حريق البولة والحكة خديت ليهم أنتبيوتيك وكنشرب لما بزاف فوقت الحمل وكنوع فالٱكل وكنكثر من الخضر ونقلل من اللحوم والفواكه

أما على الرضاعة كنرضع من ثديي الرضاعة كنديرها غير الشهر الأول واللهاية مكنديرهاش كاع وكنرضع عاماين كاملين وكندخل الماكلة بالتدريج من الشهر الرابع والحمد لله معمري لقيت شي إشكال وصحة وليداتي مزيانة اللهم لك الحمد والشكر

الله يعطيك صحة فيروزة
انا خواااافة من الولادة والله كيجيني رعب وقلت نتوالف مع الزواج بعدة
انا صغيرة فدار ولمفشة غتجني صعييييييبة نحمل وانا مازال ماوالفت نفيق نلقى بوعو رامي علي فرقيشته هههههه
اشنو هما خروق القماط واش هما غير ديال لقماط وفوقاش يقمطو وشحال ديال لوقت?

من طرف **الفيروزة** الأربعاء يونيو 13, 2012 9:57 am

راه كلشي كتخافي منو فالأول ٱنا مللي حملت أول مرة جاتني غريبة كيفاش بنادم براسو برجليه فكرشي"ههههههه ومللي قربت نولد كنخاف مللي كندخل للطواليط حاشاك كنكول غيتلاح فيها بنادم من كرشي ومللي ولدتو جاني غريب كنقلب فيه وكنكول سبحان الله هدا كلو كان فكرشي ولكن راه الفطرة هي هادي كولشي كيدوز مزيان خاص غير الأم تكون واعية ومتبعة الحمل ديالها مع الطبيب وتكمل الجلبات ديالها وكلشي يدوز مزيان
خروق لكماط كتمشي عند مول الثوب كولي ليه عطيني خروق الكماط راه داير بحال ثوب حياتي غير هو مثقون ورطب ومثين كيقطعهم ليك متر فمتر وكتاخدي معاهم ربع متر باش كتحزمي ليه رويسي مللي كيتزاد
كتكمطيه الغد ليه مللي يتزاد وكتكمطيه شهر تقريبا

ويتييي شحال كيحمقوني وهما مقمطيييين فحال لكميشة
انا لخوف جاني من بنت عمتي هي مراة خالي فنفس لوقت جابها راجلها حطها عندنا ومشى يعزي هو وماما وبابا فلعروبية وجاها ووجع مع 23H كنت ناعسة قفزاتنا بلغوات ودغياااا طرطقات ليها سقية والله لعظيم انا لي كنت غنولد فلاصتها والله ركابي مبقاوش عندي جاني شلل وبقيت غير كنبكي ما تواعيت خاصني نعيط للاسعاف حتى ضرباتني بقراصتها نتفاتها من شعرها هههه ناااري ليلة كحلة دازت علي ومن تمة وانا نسمع لولادة كنمووووت affraid

من طرف **mohera** الأربعاء يونيو 13, 2012 10:12 am

تبارك الله عليك فيروزتي ...
زعريتي الكماط ماغاديش تحتاجيه بلا متكمطي ...
انا مكمطتوش و بخير ..حتا مشا و ولفو ليك صعيب يحيدو ..
و الا بغيتي تكمطيه راه داكشي كيتباع واجد ...
الي نصحك بيه استمتعي بكل لحظة حبالة ...
شري حويجات يجيو معاك حركي كرشتك دهنيها بزيت ارغان باش متمزقش و متديريش زيت اللوز بدون نتيجة ..
و استمتعي بكل لحظة

بصح مهيرة كنسمع على الكرش كتمزق!!! ولكلف الله يستر اشنو نديرو ليه?
حنا نلحسو لراجل بين كتافو باش ميخرش فلوجه

من طرف **mohera** الأربعاء يونيو 13, 2012 10:26 am

خصك متلطخيش اي حاجة لوجهك اتناء الحمل ..
ديري غيراكرون تريو س ..كافي و زوين ..
و زيت ارغان للكريشة باش تبقا كيما هيا و حتى الثدي ملي توصلي الشهر السابع ...باش يرطاب و ميكونش عند البيبي مشكل في شدانها

وااااع مهيرة بورشتيني سناني كيتكزو فاش كنقيز بزولتي وللا راجلي كيقيسهم كيندم مسكين حسبلاك نرضع اووووووه عندي مشكييييييل
وجهي مكنديرلو وااالو من غير ecran total معنديش مع تلطاخ كيخنقني
غيراكرون تريو واش ecran???