واخييييييييييرا لقيتكم بنات عيشة بلا تأنيب

من طرف **غزالة الصحراء** الأحد يونيو 03, 2012 2:20 pm

البنات انا غزالة الصحراء اللي تم حظري من منتدى هيمون ولكن بلا هجوم بغيت نتسامحو ونرجعو خواتااات ملي درتو منتدى خاص بكم شجعتوني و قلت الحمد لله المغربيات اتحدو و ورجعو كيف كانو
عافاااااااكم سامحوني على مابدر مني في منتدى هيمون
انا هنا للمساعدة
توحشت كل البنات

من طرف **fati-fleur** الأحد يونيو 03, 2012 2:21 pm

مرحبا بك حبيبة فدارك الثانية .

من طرف **نادية** الأحد يونيو 03, 2012 2:23 pm

مرحبا بيك غزالة الصحراء نورتي المنتدى

من طرف **عيون المها** الأحد يونيو 03, 2012 2:27 pm

مرحبا بيك غزاله الصحراء والمسامح كريم نتمنى من البنات يرحبو بيك بيناتنا لانك فعلا كنت عضوه نشطه وكنت متبعا كل وصفاتك تبارك الله والله يبعد عليكم الشيطان ويجمعكم على خير

من طرف **مغربية حرة** الأحد يونيو 03, 2012 2:28 pm

مرحبا اختي غزالة الصحراء انا و الله معرفت المشكلة ديالك مع الاخوات حاجة وحدة و الله كنتي كتعجبيني بنصائحك و وصفاتك قبل منتسجل في منتدى اخر غير الا كنتي غزالة الصحراء الحقيقة و داخلة بالصفا و النية راه بنات عيشة قلبهم كبير و متسامحات غير خفت تكوني مزورة Very Happy
انا ما قصدت غير الخير راه كاين اللي كيدخل باسم لكن مكيكونش هو الاصلي سيري قراي في حوارات الاعضاء غادي تفهمي اكثر اما انايا فرحانة بوجودك معانا

من طرف **ملكات** الأحد يونيو 03, 2012 2:28 pm

مرحبا بك غزالة الصحراء ، نورتينا

مرحبا بغزالة الصحراء حتى انا كانو كيعجبوني وصفاتك و المسامح كرييييم

من طرف **غزالة الصحراء** الأحد يونيو 03, 2012 2:36 pm

شكرا ليكم البنات
شنو كاتقصدي
ا مغربية حرة

من طرف **زهرة ايلول** الأحد يونيو 03, 2012 2:39 pm

اختي غزالة او جيجي. مرحبا بيـــــــــــــك.
اخت مغربية خافت لتكون شي وحدا سرقا ليك سميا هذا مكان آختي

من طرف **عيون المها** الأحد يونيو 03, 2012 2:42 pm

واييه بحال العلاويه باقي محلينا للغز ديالها ههههه
دبا ملي دخلات وقالت لبنات داخله تسامح معاهم فهي نبت غزاله الصحراء الي كانت فداك الخربه لخرى ههههه مرحبا بيك وزارتنا البركه

من طرف **غزالة الصحراء** الأحد يونيو 03, 2012 2:44 pm

شكرااااااااااااااا لكم البنات شكرا عيون المها على كلامك في حقي

من طرف **عيون المها** الأحد يونيو 03, 2012 2:47 pm

دبا عاد نورتي بهاذ الصورة والله كنت متبعاك قبل تسجل فداك المكان المشؤوم وللاسف دخل فالوقت الي خرجتي والحين حصل ليةالشرف نتعرف عليك وربي يهدي النفوس وترجع المياه لمجاريها الناس الطيبه وبنات الاصل هما الي كيطلبو السماحه وتصفا القلوب

من طرف **ريم الفلا** الأحد يونيو 03, 2012 2:51 pm

مرحبا بيك بيناتنا غزاله الصحراء المسامح كريم كلنا تنتخاصمو وفالاخر تنرجعو مادام القلب صافي ومسالم

من طرف **مغربية حرة** الأحد يونيو 03, 2012 2:56 pm

ريم الفلا كتب:مرحبا بيك بيناتنا غزاله الصحراء المسامح كريم كلنا تنتخاصمو وفالاخر تنرجعو مادام القلب صافي ومسالم

اكيد اختي ريم دكشي اللي كلت لها لكن فهماتني غلط

من طرف **ريم الفلا** الأحد يونيو 03, 2012 3:10 pm

غزاله راه مغربيه حره ماقصدات والو غير كان قصدها انك تقدري ما تكونيش انتي غزاله اللي تنعرفو فالمنتدى القديم ويكون شي حد منتاحل شخصيتك فحال اللي طرا مع العلاويه وداخل باسمك هنا للمنتدى

من طرف **مغربية** الأحد يونيو 03, 2012 3:14 pm

مرحبا بيك والمسامح كريم I love you

من طرف **مغربية حرة** الأحد يونيو 03, 2012 3:19 pm

زهرة ايلول كتب:اختي غزالة او جيجي. مرحبا بيـــــــــــــك.
اخت مغربية خافت لتكون شي وحدا سرقا ليك سميا هذا مكان آختي

الله ينورك الزين الحبابات كتارات كيبغيوني

من طرف **غزالة الصحراء** الأحد يونيو 03, 2012 3:20 pm

لالا عادي الاخت مغربية
ماشي مشكل

من طرف **paloma blanca** الأحد يونيو 03, 2012 3:20 pm

مرحبا بيك نورتينا حبيبة ونهار كبير هدا وخا مكنعرفكش

من طرف **العلاوية1** الأحد يونيو 03, 2012 3:22 pm

مرحبا بيك اختي غزالة عيون المها راه دابا يتحل المشكل ديالي

من طرف **طنجاوية** الأحد يونيو 03, 2012 3:25 pm

انا عندي اميل جيجي كانت عندي فالمنتدى و كبرت بيها إلا بغات حيزبونة نعطيهلا فالخاص تأكد و البنات فرحو بدخلتها عندنا وطلبو مني نعملها مشرفة نهار كبرنا بيها و ردينها مشرفة جات كتعاير و تقول كنت كنمسح لها الكابة وبغيت نحتكرا لمنتداي شوف فالاخر شكان جزاءها عند هيمون لاحول ولا قوة إلا بالله

من طرف **نادية** الأحد يونيو 03, 2012 3:29 pm

طنجاوية الحبيبة المسامح كريم

من طرف **طنجاوية** الأحد يونيو 03, 2012 3:35 pm

نادية كتب:طنجاوية الحبيبة المسامح كريم

ييه الحبيبة ديالي المسامح كريم انا ما قلت والو غير بغيت نصصح هاد الفكرة عندا و صافي

من طرف **نادية** الأحد يونيو 03, 2012 3:37 pm

من طرف **reina.** الأحد يونيو 03, 2012 3:39 pm

مرحبا والف مرحبا بيك في دارك نورتي I love you

من طرف **paloma blanca** الأحد يونيو 03, 2012 3:40 pm

رينا فينك اصحبتي توحشتك دخلي الدار نتكلمو شوية

من طرف **غزالة الصحراء** الأحد يونيو 03, 2012 4:24 pm

الله يهديييييييييييك اختي طنجاوية
راه انا ماجااااياش انتخاصم Sleep

من طرف **طنجاوية** الأحد يونيو 03, 2012 4:52 pm

غزالة الصحراء كتب:الله يهديييييييييييك اختي طنجاوية
راه انا ماجااااياش انتخاصم

امين الزين ديالي الله يهدينا جميعا Very Happy

من طرف **مغربية** الأحد يونيو 03, 2012 6:01 pm

صافي نساو اللي فات وخلونا مجموعين على خير وسلام ومودة

من طرف العلاوية الأحد يونيو 03, 2012 11:46 pm

عادي مطرا والو غزالة مرحبا بك أنا البرح بقيت نبكي تا دوختني الحجرة ونعست

من طرف **amal123** الإثنين يونيو 04, 2012 12:55 am

طنجاوية اكيد غادي ناخدو الايميل باش نتاكدو من انها غزالة مع انه ممكندير اشتراك من ايميل ثاني مش دليل ترى
حبيبة طنجاوية واش هيا تسجلات عندك من بعد من طلعت من منتدى هيمون ؟؟؟؟
بغيت غير نعرف لانه حتى حد ما عرفها فين مشات من بعد
المسامح كريم من جات لباب دارنا مستحيل نردوها احنا ماليات الدار الكبيرة

من طرف **mohera** الإثنين يونيو 04, 2012 1:26 am

الاخت غزالة الصحراء كانت متسجلة في منتدجى الطنجاوية بعد ما تسد منتدى هيمون في الاول ..تم رجعات لمنتدى هيمون التاني ..
يا ريت يتم التاكد ..
و نتمناو تكون بالفعل حبيبتنا غزالة الصحراء ...

من طرف **noumy** الإثنين يونيو 04, 2012 1:35 am

marba bik ghazalat sa7ra2 wakha makan3arfakch kano kay3ajbouni lwasafat dyalk aziiiiiin

من طرف **زهرة ايلول** الإثنين يونيو 04, 2012 2:32 am

غزالة كلنا بقا فين حال حيت سبيتينا عند هيمون. و طانجوية لدوات و لا انا حيت بقا فين حال و حيت راك عزيزة داكشي علاش عاتبتك و لا عتبك انا و لا وحدا اخرى لاحقاش مدرنا ليك والو و حنا بنات بلادك باش تسبي فمنتدى مصري لا.حنا مبغيين لا صداع لا غوات. و كل لواحد فين كيرتاح. معجبكش عدنا حال. هدا لا يدل تسبينا لهيه و كنقولها قدام جميع لبنات انا راه منضارب منحمل صداع، هذا مجرد عتاب منا ليك

من طرف **أميرة** الإثنين يونيو 04, 2012 3:12 am

مرحبا أخت غزالة بين أخواتك بنات عيشة

من طرف **مريامتي1980** الإثنين يونيو 04, 2012 3:21 am

مرحبا اختي غزالة الصحراء

من طرف **رماد انثى** الإثنين يونيو 04, 2012 3:55 am

مرحبا بيك اختي

من طرف **karima78** الإثنين يونيو 04, 2012 4:13 am

مرحبا بيك معانا و المسامح كريم ولو غلطتي في حقنا والآن طلبتي السماحة .الله سبحانه وتعالوا يغفر و يسامح لعباده
فألف مرحبا بيك معانا ونبداو صفحة جديدة كلها محبة و مودة و مساعدة لنزيد للأمام وذلك كله من أجل دار بنات عيشة

من طرف nousa الإثنين يونيو 04, 2012 4:19 am

مرحبا بيك اختى غزالة الحمد لله منين رجعتى راه كنت غادى ندير عليك نداء فمختفون هههههههههههه انا راه وصفاتك كايعجبونى بزاف وحتى مساعدتك البنات داءما

من طرف **طنجاوية** الإثنين يونيو 04, 2012 4:32 am

amal123 كتب:طنجاوية اكيد غادي ناخدو الايميل باش نتاكدو من انها غزالة مع انه ممكندير اشتراك من ايميل ثاني مش دليل ترى
حبيبة طنجاوية واش هيا تسجلات عندك من بعد من طلعت من منتدى هيمون ؟؟؟؟
بغيت غير نعرف لانه حتى حد ما عرفها فين مشات من بعد
المسامح كريم من جات لباب دارنا مستحيل نردوها احنا ماليات الدار الكبيرة

لا الزين ديالي كيف قالت مهيرة الغزالة تسجلت عندي نهار تشد منتدى هيمون فالاول و كيف قلت البنات بداو يطلبو نردوها شيخة فالمنتدى و لا مشرفة عملناها مشرفة رجعات عند هيمون و بدات تفتح فمها و تقول راه بغينا نشبروها بزز و منعرف شنو يقولك كان المنتدى مفتوح غير عليها وفالاخر طردها.
اما منين خرجت من تما ما بانت اكيد كانت داخلة باسم اخر ولا فاين عرفت باللي فتحتو منتدى خاص بيكم ههههه
المهم الغزالة الا حتاجتو الايبي ولا المسن انا فالخدمة

والمسامح كريم مرحبا بيها غير شوية ديال النقاط على الحروف مزيان لواحد يعملهم فالاول

من طرف **paloma blanca** الإثنين يونيو 04, 2012 4:40 am

عغندك الحق طنجاوية انا مكنعرفهاش نهار تسجلت في هيمون لقيتها خارجة

انما مسامح كريم اهم حاجة نتاكو هي

من طرف **حيزبونة** الإثنين يونيو 04, 2012 5:22 am

طنجاوية
نتواصلو فالخاص
ناخد المعلومات

شكرا للبنات اللي رحبو بيا اما بالنسبة اللي كايعاتبوني كانقول ليهم و نعاود راني ماجاااياش ندابز
الاهت حيزبونة خودي الايبي عند الاخت طنجاوية
و تاكدي بنفسك
كانتمنى نكون خفيفة على قلبكم

من طرف **paloma blanca** الإثنين يونيو 04, 2012 5:31 am

غزالة الصحراء كتب:شكرا للبنات اللي رحبو بيا اما بالنسبة اللي كايعاتبوني كانقول ليهم و نعاود راني ماجاااياش ندابز
الاهت حيزبونة خودي الايبي عند الاخت طنجاوية
و تاكدي بنفسك
كانتمنى نكون خفيفة على قلبكم

مرحبا بيك اختي معنا واللي فات مات اهم حاجة نيتك مزيانة

من طرف **mohera** الإثنين يونيو 04, 2012 5:50 am

نتمنى تكوني انتي فعلا غزالة لانك اخت و صديقة غالية بزاف على قلبي و الله و ربي شاهد ..
كنت نتمنى دائما ترجعي لينا و لو باسم اخر على الاقل نطمنوا عليك ..
نتمنى متكونش شي شخصية منتاحلة شخصيتك باش تلفنا في المنتدى ..

مرحبا و الفا الف مرحبا بيك وسط اخوتك حبيبتي

من طرف **fati-fleur** الإثنين يونيو 04, 2012 7:33 am

نتمنى من كل قلبي تكوني فعلا غزالة الصحراء الحقيقية حيتاش كنت معجبة بشخصيتك ووصفاتك ومرحبا بك مرة تانية معنا.

من طرف **amira** الإثنين يونيو 04, 2012 9:07 am

سبحان الله البارح قلت ف نفسي كون غير غزالة الصحراء تلقى الرابط وتلتحق بالمجموعة ,واليوم فاش لقيت موضوعك استغربت بزاف ,اشنو هذا يعني اتصال ذهني ههههههههه
المهم مرحبا بيك وعفا الله عما سلف والبنات قلوبهم كبيرة

من طرف **طنجاوية** الإثنين يونيو 04, 2012 9:17 am

حبيبتي حيزبونة صردلي اميل باش نصردلك اللي بغيتي جربت الرسائل الخاصة ولكن ممنوعة

من طرف **karima78** الإثنين يونيو 04, 2012 9:25 am

نتمنى يكون خير وتكون فعلا غزالة هي غزالة

من طرف **حيزبونة** الإثنين يونيو 04, 2012 11:08 am

طنجاوية كتب:حبيبتي حيزبونة صردلي اميل باش نصردلك اللي بغيتي جربت الرسائل الخاصة ولكن ممنوعة

راني صيفت ليك رسالة خاصة على الاميل ديالك