اختي مها و جميع الاخوات

[b]السلام عليكم و رحمة الله و بركاته اخواتي البارح حلمت اللهم اجعله خيرا بالليل ان افعى دارت برجلي و عضتني حتا غوت حيت انا كنموت منهم غير كان حنش ذكر ماشي انثى المهم بكيت و اللي عقلت مشيت عند الطبيب هدشي اللي ذكرت غير منين فقت كنت مرعوبة بزاف و فرحت منين غير حلم ماشي حقيقة اخواتي اللي عارفة تفسيرها تجاوبني الله يجازيها بخير.[/b]

الله يبعد عليك كل شر الحبيبة مغربية حرة
نتمنى البنات يدخلو يفيدوك
اكم يحفض ربي اولتما

ان شاء الله اختي مغربيه يكون خير الله يحفظك من كل شر دابه يدخلو ان شاء الله البنات اللي تيفهمو في تفسير الاحلام ويشرحو ليك

حسنآآآآآء المغربية كتب:الله يبعد عليك كل شر الحبيبة مغربية حرة
نتمنى البنات يدخلو يفيدوك
اكم يحفض ربي اولتما

امين و لاكمي التما و الله يا اختي حسناء الا صبحت عرقانة ميتة بالخلعة فقت و نفت و كلت اعود بالله من الشيطان الرجيم و بدلت اتجاه النعاس

ريم الفلا كتب:ان شاء الله اختي مغربيه يكون خير الله يحفظك من كل شر دابه يدخلو ان شاء الله البنات اللي تيفهمو في تفسير الاحلام ويشرحو ليك

شكرا اختي هدي مدة محلمت بالحنوشة الله يحفضنا و يحفضكم منهم منين درت الرقية الشرعية مدة 4 شهور درتها لراسي بوحدي بلا فقيه و لا والو

الله يبعد عليك الشر حبيبة ديالي. أنا لي كنسمع أن الحنش فالمنام عدو الله ينجيك منو.

اختي مغربية حرة مني تبغي تنعسي في الليل قراي اعود بكلمات الله التامات من كل شيطان و هامة و من كل عين لمة 3 المرات
و من موراها قراي اية الكرسي 7 المرات راه متخافي والو

fati-fleur كتب:الله يبعد عليك الشر حبيبة ديالي. أنا لي كنسمع أن الحنش فالمنام عدو الله ينجيك منو.

شكرا حبيبتي على المشاركة لتفسير حلمي اوا اختي انا و الله قلبي ابيض ما كنعادي حد الله يبعدهم علي و على جميع الاخوات بنادم صعيب ممكن يحسدك غير على الضحكة اللي كضحكي كنطلب الله يعمي لهم العينين اللي بغاو لي شي ادى

حسنآآآآآء المغربية كتب:اختي مغربية حرة مني تبغي تنعسي في الليل قراي اعود بكلمات الله التامات من كل شيطان و هامة و من كل عين لمة 3 المرات
و من موراها قراي اية الكرسي 7 المرات راه متخافي والو

شكرا اختي حسناء على النصيحة راه مكنعس حتى كمدير الدكر و كنقرا المعودتين ايت الكرسي و اواخر سورة البقرة ان شاء الله ندير بنصيحتك

خير وسلام الثعبان يدل على عدو حسود شرير ولكنه ألحق بك بعض الأذى (العض) لكن بفضل الله فيها نهايته وبعده عنك يعني ملي عضك غادي يتفضح وتعارفيه وديري منه احتياط ربنا يحفظك من كل سوء ويقيك شر أعدائك آمييين

عيون المها كتب:خير وسلام الثعبان يدل على عدو حسود شرير ولكنه ألحق بك بعض الأذى (العض) لكن بفضل الله فيها نهايته وبعده عنك يعني ملي عضك غادي يتفضح وتعارفيه وديري منه احتياط ربنا يحفظك من كل سوء ويقيك شر أعدائك آمييين

شكرا حبيبتي عيون المها عضني اختي حتى غوت و حسيت بسمو ماشي لي في عضامي الله يبين فيه الحق يا ربي عاجلا ام اجلا اختي شكرا بزاف على المشاركة الله يبعد عليكم العديان راهم كثارو الله يحفضنا من اصحاب النفوس الخبيثة .

اللهم امين اجمعين يارب ويحظك باذن الله

حبيبتي أنا سمعت فسخ الحنش اذا حطيتيه في بزطامك ما عمر احد ياذيك بسحر اذا ما معلقة اي حرز خديه معاك دائماً و حطي منه في كتامة سودة في باب البيت ما عمر السحور ما يدخل

انشاء الله يكون خير انا كنسمع الحنش هو العدو والله اعلم

lamara2011 كتب:حبيبتي أنا سمعت فسخ الحنش اذا حطيتيه في بزطامك ما عمر احد ياذيك بسحر اذا ما معلقة اي حرز خديه معاك دائماً و حطي منه في كتامة سودة في باب البيت ما عمر السحور ما يدخل

شكرا اختي لامارا على مرورك العطر و شكرا على النصيحة دابا نديرها اختي راه سمعت واحد الفقيه واعرسوسي من عند واحد الاخت من اكادير في دار اخرى من غير هادي غادي نتصل بها الا عطاتني عنوانو غادية نعلمك

paloma blanca كتب:انشاء الله يكون خير انا كنسمع الحنش هو العدو والله اعلم

ايه اختي بالوما راه كالوها لي الاخوات قبل منك و مشيت قلبت في مواقع تفسير الاحلام نفس الجواب عدو اوى اختي رجايا في الله اللي ميخيبنيش

ما تخافي والو راهم العيان فين ما مشيتي وغادي تنتصري عليه انشاء الله
خير وسلام خير وسلام خير وسلام بقاي دايما تقوليها من تشوفي شي حلم

الله يحميك و يحفظك و يبعد عليك الحساد ..
ردي بالك

الله يحميك اختي ويبعد عليك كل اذى بجاه النبي العدنان

سبحان الله حتى انا حلمت نفس الحلم قبل 3 شهور غير انا كانت لفعى وعضاتني حتى سخفت، وهدشي كيدل على حاجة خايبة الله يحفظنا، ما بغيتش نخلعك لكن انا من بعد داكشي بقيت كنحلم بمرا تابعاني ملي ضربت اللدون عند وحدة قالت لي تخطيتي سحور فبلاصة بعيدة ولصقاتك تابعة منو الله يفكنا ويفك كاع المسليمين، وعودت لها الحلمة قالت لي لبلاصة فاش حلمتي بديك اللفعة تما كين سحور ماتعوديش تمشي لتما، لمهم الزين بقاي ديري رقية هاد الايام وبخري وفوسخي.

[quote="amal123"]ما تخافي والو راهم العيان فين ما مشيتي وغادي تنتصري عليه انشاء الله
خير وسلام خير وسلام خير وسلام بقاي دايما تقوليها من تشوفي شي حلم [/
شكرا حبيبتي أمل على التفسير الله يبعد عليك العديان

mohera كتب:الله يحميك و يحفظك و يبعد عليك الحساد ..
ردي بالك

شكرا التما اكم حفض ربي شحال قدي نرد البال ربي يحفضني و يحفضك من كل سوء فين غبرتي علينا

بوهاليةومجدوبة كتب:الله يحميك اختي ويبعد عليك كل اذى بجاه النبي العدنان

امين اختي بوهالية مجدوبة و يا ربي يحميك و يحمي وليداتك من اصحاب السوء و الله توحشتك كتباني في الصباح مكنكونش اون لاين

sarona كتب:سبحان الله حتى انا حلمت نفس الحلم قبل 3 شهور غير انا كانت لفعى وعضاتني حتى سخفت، وهدشي كيدل على حاجة خايبة الله يحفظنا، ما بغيتش نخلعك لكن انا من بعد داكشي بقيت كنحلم بمرا تابعاني ملي ضربت اللدون عند وحدة قالت لي تخطيتي سحور فبلاصة بعيدة ولصقاتك تابعة منو الله يفكنا ويفك كاع المسليمين، وعودت لها الحلمة قالت لي لبلاصة فاش حلمتي بديك اللفعة تما كين سحور ماتعوديش تمشي لتما، لمهم الزين بقاي ديري رقية هاد الايام وبخري وفوسخي.

شكرا اختي سارونا الله يحفضك غادية ندير الرقية ان شاء الله انا خايفة من واحد السيد بغاني و انا معجبنيش خفت يدير لي شي حاجة لكن غادي نتبالا براسي شحال هدا مدرت لا تفوسيخة سبحان الله يديا عجزين و الله شريت وحد تفوسيخة زوينة هدي شهر راها باقية محطوطة. واش دابا انتي بخير منين درتي اللدون و فوسختي؟

الحمد لله غساد ..
دائما حبيبتي دفعي البلاء بالصدقة ...

الصدقة تنجي و العبد لا يدري ..

و الصدقة ماشي دايما كتكون بالفلوس ..راه اماطة الادى عن الطريق صدقة ..و الكلمة الطيبة صدقة ..

maghribia ana mchit hta mradt safi kandir aldon kaykhraj kolo k7al makyban fih walo obalit brassi dart tfossikha dyal wra9 sidna mossa o dart dyal l7alba olkhzama ol3das odart fassoukh m3a zghab mama hadchi kolo darto kola tfosikha dartha 3 ayam o taba3t aldon hta sfa ol7mdolah b3da wlit 7sn mn lewl, had l7alma raha fiha khir bach tbali brassk otfoskhi 9bal mayfot lfout

mohera كتب:الحمد لله غساد ..
دائما حبيبتي دفعي البلاء بالصدقة ...

الصدقة تنجي و العبد لا يدري ..

و الصدقة ماشي دايما كتكون بالفلوس ..راه اماطة الادى عن الطريق صدقة ..و الكلمة الطيبة صدقة ..

الحمد لله على السلامة منين بريتي من المرض التما راه دائما كنصدق الحمد لله و عندك الحق في كلامك حيث وقعات ليا هد مدة من الزمن خرجت و عطيت صدقة بسيطة لواحد المسكين دعا معايا و من بعد 2 ساعات جاونا اخبار جدي اللي يرحمه مات مشينا في السيارة بسرعة و كانت الشتا كثيرة و درنا حادثة الله ينجيكم اللي شافنا كيكول العجب منين عاشو بقيت سنتين وانا مريضة نفسيا الطرق كتخلعني و هذا السبب اللي خلاني لحد الان مكنسوقش السيارة لكن الحمد لله بريت دابا غادي نحاول نسوق ربي نجانا بفضل هديك الصدقة

sarona كتب:maghribia ana mchit hta mradt safi kandir aldon kaykhraj kolo k7al makyban fih walo obalit brassi dart tfossikha dyal wra9 sidna mossa o dart dyal l7alba olkhzama ol3das odart fassoukh m3a zghab mama hadchi kolo darto kola tfosikha dartha 3 ayam o taba3t aldon hta sfa ol7mdolah b3da wlit 7sn mn lewl, had l7alma raha fiha khir bach tbali brassk otfoskhi 9bal mayfot lfout

شكرا اختي على الافادة و على سلامتك منين تخطيتي هد الفترة الصغيبة من حياتك راه ربي كبير اكيد غادي ينجينا من اصحاب السوء و ان شاء الله غادية ندير بنصيحتك الله يحفض من كل شر

الحمد لله ربي كبير ...
الله ينجيك من كل شر ..
شوفي سبحان الله ربي يسر لينا كلشي غير حنا مكنحشموش ..
صدقة قليلة كتدفع بلا كبير ..
حتى شر الانسان كتدفعو دعوات الخير ..