عاجل عتقووووووني

البنات هدشي بزاف أنا عييت مانكدب راسي وأحاسيسي ونقول هدشي مجرد تهيآت ووسواس مابغيتش نعمر راسي بالخوف وخة لخوف ديما راكبني بطريقة غريبة المهم الموضوع البارح بايتة عندي الوليدة فالدار دخلات نعسات هي وبنتي فبيت ونا نعست فبيتي اليوم فقت ومشيت نطل عليهم حليت الباب مبغاش يتحل هزيت عيني لواحد الساقطة على برة د الباب أقسم بالله لقيتها مسدودة عليهم شكون سد الساقطة مانعرف ؟؟؟؟ !!!!!! راجلي مكاينش السبت بيرمانونص ما يخرج حتى ليوم مع 4 إيوة عطيوني تفسير القرآن البقرة طالقها البارح جفيت بالملح الحية البخور كنطلقو

صباح الخير للا حبي , ماديريش فبالك يمكن الساقطة تسدت بوحدها كتوقع إلى كانت خفيفة , وبخري بداد والجاوي راه سمعت مزيان وبقاي تالقة القران .

لالة حبي شفي شي فقيه صحح يصرعطك

للاحبي غادي تحيدي داكشي الي في لاكاف سمعي نصيحتي
بلاش عليك وما حسيتيش بيه خدام حيديه فسخيه
وديري تسييقة الملح للدار والحيوط حتى هما وبخري بالداد
راه هادشي كيخلع الصراحة انا تخلعت في بلاصتك

amal 3andha hak ila kant 3andak chi haja 7ydiha ojafi balmalha lhaya ol3ar3ar

ختي العلاوية علاش فقيه يصرعني أنا ماملبوسة مامسحورة حمد الله والقرآن كنفرح لسماعه ــــــــ ختي أمال عندك الحق راني حتى أنا فكرت بحالك خاصني نحيد علية داك الهم من لكاف حتى قلبي مامرتاحش لداكشي ـــــــــــ ختي حسينة الله يعزك وينصرك على النصيحة

كينا تفوسخة كتخنق لجان ولكين متكونش بنتك في دار بخري لعرعاروقبصة صغيرة ديال كبريت كحل وحلي شراجم وديري شي كمامة على فمك وبخر بزربة

متعملشي فبالك اختي
وكيف قالو البنات حيدي شي حاجة ادا كانت ونتي الحمد الله كتعمل القران راه كتاب الله غادي يحفضك

هههه وحتا انا تخلعت والله

لفقيه معندو ميدير ليك يكول ليك رزق بينتك بلا فيدا

ههه حسينة دارت بيك ولا كيفاش
شوفي للاحبي راهم كاينين الي مسلمين وكيعجبهم يسمعو القران وبعد المرات في منهم يوليو متجمعين عندك فقط باش يسمعو القران
ديري البخور الي قالت ليك حسينة ورشي بالملحة الحيوط وما تمسحيهمش خلي عليهم الماء المالح

شوفي اختي ما عليك الا تخدمي دائماً سورة الجن و البقرة يوميا تحفظ البيت و كمان تنظيف البيت بالملحة الخشنة حق البحر و ما تخافي من والو سورة الجن تطرد اي جن و البقرة تحفظ و حتشوفي

البنات الله يعطيكم ما نويتو فخواطركم أنا إن شاء الله ندير هدشي ونرد عليكم وهدي بوسة كبيرة ليكم

لالة حبي الله يحفظك احبيبة
هادشي كيخلع انا خافت فبلاصتك

بصح متعمريش راسك راه الى كانت ساقطة مرخوفة وتسد الباب بجهد وترضخ راه تسد بوحدها حيدي الخزعبلات من راسك

للا حبي عفاكي فكي داكشي لي كنت درتي و حطيتيه في لاكاف ..
داك النهار شفتي خيال ..دابا الساقطة ..و انتي حاملة و عندك بنيتة الله يحفظها ..
واقيلا ديك الخدمة مجهدة و خاصها قواعدها ..
فكيها و سيقي دارك بداكشي لي قالت ليك الطنجاوية

اختي للا حبي ديري التفوسيخة اللي كالو لك البنات و ربما السقطة تسدات بوحدها متخافيش ما دمتي كتيديري القران في دارك راك محصنة