الغيرة ....... وما ادراكما الغيرة

السلام عليكم
موضوعنا الييووم عن الغيرة
هل الغيرة صفة محمودة ام صفة مذمومة
هل الغيرة هي حصاد الحب ام لا علاقة لها به
هل انت مع او ضد ان يكون شريكك غيوورا ولو كانت هناك غير تكون في حدوود
الكل يشارك

هههههههههههههه انا نعست احبي لطيفة عولت على فيروزة شفتها ميكة عليا اصلا ولا حتى تجاوبني ممكن لانها ما وجدت لفطور ههههههههههه

انا راجلي كيغير لكن غير شوية وانا مرتاحة من هاد الموضوع لانه انا كنكره الراجل الغيور كتولي تحكم في حريتك لواحد الدرجة لين ما تتحول لحالة مرضية عندو
انا الحمد لله ما عنديش هاد المشكلة معاه وكنحاول ما امكن انه ما ندير ليه علاش يغير ويجبد الصداع

الغيرة زوينة هي ملح العلاقة بين الراجل والمرا ولكن ماتزيدش على حدها.

مغيآآآآآارة ويلى قالو مغيارة !! مغيارة وهذا طبعي واش ندير مغيارة ههههههههههه الغيرة مرغوبة فالحب وهي دليل على أن حبيبك كيبغيك لكن إلى تجاوزات الحد كتولي مرض وكتهدم بيوت أقول قولي هذا وأنا أكبر مغيارة لدرجة الوسواس

اعترفتي يا للاحبي هههههههههههه
انا كنغير لكن ما كنبينش هههههههههه
الا غير وقف في الشارع من يكون يسوق والي وقف خلها دوز مرا كنحيح ههههههههههههههه شفتو ما كنغيرش بزاف وما كنبينش غير كنتفو هههههههههه

انا كنت كنغير دبا مبقيتش انما الراجل كيموت من الغيرة الصيف اللي فات منعلي الكلام حتا في الزنقة كنمشيو هيدا نتسخرو وقالك ممنوع تكلمي هههه حين قتلو علاش قالي فيك تلحوين وانا هادشي معجبنيش دوزها عليا كحلة حتا ماماه عاقت بيه وقاتلي راه غيراااااااااااااان وانا عجبني الحال

الغيرة هي الحلاوة ديال الحب وبلابيها العلاقة كتكون باسلة والازادت على حدها كتكون حارة والا كانت ف بلاصتها ماتشبعي منها
شكرا حبيبتي على الموضع

الغيرة لي ذاق منها بزاف كيكرها
أنا ذقت منها حتى كان غيسطيني،كان جلسني من الخدمة على ود الغيرة، نسيت بورطابل نهارك كحل وزيد وزيد..........
الغيرة مرض وكبت للحرية

انا مع الغيرة لانها كتبين ان الطرف الثاني مهتم بيك ولكن ما توصلش للغيرة المرضية بالنسبةليا في ايامي الاولى من الزواج كنت كنغير ولكن دابة درت عقلي ما بقيتش كنبين

مغيارة ومنحملش الراجل المغيار راجلي مغيار وبعد المرات مكيبينش لي غيرتو ولكن كنحس بيها وكيعجبني الحال

لطيفة حطيت الصباح موضوع الدندنة وشوية بدلتو بهدا هههههههه

كتعجبني عاود ندندن بأغنية سيدي عبد الرحمان مول المجمر ههههههههه

آمال والله ماشفت النداء كنت نضت نبدل لكوش للولد وخلليت المنتدى مفتوح يالاه سولت عليك فاتي كاتلي خرجتي كنتخالفو فالتوقيت

البنات عاودو لينا طرائفكم مع الغيرة سواء منك ولا من راجلك ولا صاحبك

أنا راجل مغيار لكن مكانبينش الغيرة لاعب الثقة فالنفس وبخير شاري دماغي

بصحتك اخويا امير الليل.قالو البنات انك كادير الكشف بصح

ختي مابقيتش كندير فيه الصداع

اوك خويا

أمير الليل كتب:ختي مابقيتش كندير فيه الصداع

ككنتي بعدا تعمل فيا خير وتدرلي كشف

الغيرة زوينه بين طرفين ولكن الا زادت عن حدها تتولي مرض ومشاكل

كيعجبني نشوف راجلي كيغير علي هدا دليل على الحب ولكن ميخنقنيش لمشكل مكنخليش ليه فرصة فين يغير وخا راه غاير غير من لبيسي كيشوفني كالسة كيكولي أشكديري؟ كتشاتي؟ والله تنهرس بوه شي نهار هاد المشقوف ههههههه إوا شفتو الحب كيف داير؟

انا ما كنبغيش الغيرة ابدا اما الا كان على الحب ممكن يبينو ليا بطرق كثيرة
الهدايا.. المحنة .. الاهتمام مش الغيرة الي كدير المرض في العضام

اشكرك اختي الفيروزة على الموضوع القيم فعلا اي حاجة كتزيد عن حدها كتولي مرض انا نبغي رجلي يغير على بالوسط و يخلي لي حرية التعبير و التصرف و انا نفس الشيئ لكن بكل صراحة انا مغيارة بزاف

ادا لم تتواجد غيرة
ليس هناك حب
الغيرة هي ردة فعل طبيعية لقلب يغلي بالاشواق
طبيعي الانسان يغار الغير الطبيعي هو الانسان البارد
لان البرود لا يجمد فقط الاشياء ولكن يجمد
حتى العلاقات الانسانية
بما فيها المشاعر