حبيبتي عيون مها وبنات فيدوني

حبيبتي مها راها رجع هداك جمجموم لي عودت ليك عليه لي قلت ليك راه رجع لطليقتو
جا اليوم مع صباح لدارنا وانا مكنتش في دار لقي بابا ولكن مابغاش يدخلو غير علي وجه واحد الامام معروف عندنا ودخل واعتذر لي بابا وحلف علي مصحف قدام شهود او مايرجع ليها
ولما شافني بغيي يركع ليا ومخليتوش باش نسامحو وشحال بقي كيطلب سماح مني وانا ما كنجوبوش ولكن قلبي كيبكي
مشا بايت دابا مع خويا في الاوتيل وبابا قال ليا رجعي ليه راه كيبغيك وحتي جارنا قال ليا مادام اعترف بي خطئ ديالو رجعلي ليه
مهم انا لحد دابا بقي معطيتهمش رد
انا تنبغيه وقلبي بغيه ولكن مقدرتش نسامحو علي داكشي لي دار
اش بان ليك اختي ولبنات عفاكم مافيدوني

شوفي احبيبه دام ارجع والا فيه الخير والله كاتبو لك ويمكن الي قالو لك ديك الخبار ديالو اول مره بغاو غير يفتنو بينكم وهو كان معاها ولقا بانه ميمكنش يرجع لها واكيد كيبغيك دام جا دريكت لداركم ومعيطش عليك يتلقاق بوحده توكلي على واستخيري انا نعطيك صلاه زينه هي الي كندير ديما والله هو الي غيبين لك الحق والى فيه الخير ربي يكتبو لك زوج صالح انتي صبرتي وتعذبتي بعد فراقه وهاو رجع راكع تحت رجليك والله يسخر

صح دايما كان كيغلط فيا ولكن عمري سمعت منو اسف ولا حتي اعت>ر مباشرة لا غير بطريقه غير مباشرة
وقبيله شفتو كيبكي
وحتي خويا قال ليا داباب فلان سمعو كيبكي في دوش دخل عليه خويا لقاه جالس في لارض وكيبكي وحق الله العظيم حتي بكيت
الله يسامحه وصافي

دري هذه الصلاه والله العظيم فعلا تحسي بشحد كيدفعك لليمين الى فيه خير والى شر كيدفعك لليسار دريها وردي عليا لخبار الى كنتي موضيا دريها دبا معندها وقت لانه قبل تكملي تعلمك الله بطلبك واش خير ولا شر والله يسخر لك يارب

صافي احبيبه غادي نديرها غير نعشي ضياف ونديرها مع قيام الليل
وشكرا بزاف والله مانسي خير ديما كتعطيني جواب شافي
الله ينصرك

الله يتقبل منك وانشاء الله تكون استخاره خير عليكي ونفرحو بيك عروسه والله يسر امورك ويسعدك ويعطيك مانوتي
والله هذي اول مره نعطي هذه الاستخاره عمري قلتها لشحد ومتغلاش عليكم لانها صحيحه ومجربه مني من سنين استعملها والي خرج لي فيها هو الي كندير بيه
وملي تسالي قرايه السورة وتسجدي قولي اشكرك واحمد فضلك يارب باش ربي يسر لك الامور ويبارك لك في مانويتي عليه

امين احبيبه من فمك ربي شكرا احبيبه انت ملات خير وكتبغي الخير ناس والله ماعمرو يخيبك
سيري اختي الله ينور طريقك فين مامشيتي

امين اجمعين وربي مغيخيبك لانك فعلا بنت الناس وقلبك كبير وكتسامحي رغم الي داز عليك ربي جاب لك حقك حتى لبين ايدك وهذا دليل على ايمانك القوي وصبرك وتضرعك لله سبحانه الحمدلله ربي عمرو يخيب مسلم غير الصبر والصلاه وذكر الله هو الي كينفع اللانسان والله يفتح لك ببان السعد والستر

والله اختي الي داز عليا ماعمري دعيت عليه غير الجمعه الي فاتت صليت وبكيت وقلت حسبي الله ونعم وكيل والله ماقصدتها في غير خرجتها كم قلبي ومهم ورغم هكاك بقي فيا مكرهتش نكون معاه في هديك لحظه وهو كيبكي مهم الله كبير وانا علي نيتي مشيت معاه والله يبعد علينا هاد الي بغاو يفرقونا

امين وباذن الله تفرحي وتنساي الي فات وعمرك تعاتبيه على الماضي عامليه بما يرضي الله والله يبارك لك فيه ويجعله زوج صالح يارب

امين احبيبه
شكرا بزاف كلامك كيريح قلب اختي

الله يسر لك امورك اختي ملاك ويعطيك ما تمنيتي ونفرحو بيك هاذ العام تستاهلي كل خير

ربي يخليك احبيبتي ريم ونفرحو بيك حتي نتي ويسعدك ربي وينور طريقك

مبروك رجوع خطيبك اللي فهمت توكلي على الله راه مادام جا يركع و يبكي اكيد كيبغيك سامحيه مادمتي كتبغيه و توكلي على الله و ديري لنا شي عراسية ان شاء الله بالتوفيق ان شاء الله

زرتنا بركه هلا بختي مغربيه توحشتك ازين والله حتي توحشتك كتحمقيني بزاف بزاف

ندير لختي العرس ان شاء الله وكلشي معروض بي اذن الله