خطر موجود في مطبخنا .....الكوكوت...

الكوكوت او السم البطيئ الموجود في كل بيوت و بعدد كثير ...
مؤخرا كلشي ولى عارف انو كوكوت الالمنيوم سم ..عندها سلبيات اكتر من الايجابيات ...
لكن واش شي وحدة فينا حارباتها ..واش جمعتيها و لحتيها خارج الدار .........منظنش
واش حيدتيها و فكرتي تشري البديل ديالها ..لي ولى في الاسواق ...كوكوت الانوكس ..
و هاد الانوكس ..مغتدوزش واحد عامين و ينوض يقولو لينا المخاطر ديالو حتا هو ..

قراو معايا اشنو تدير هاد الكوكوت الي هيا عينة بسيطة من ادوات الالمنيوم الموجودة ببيتنا و لي كتسرع العمل ديالنا



[quote] منذ يومين تكلم دكتورعلى احدى الفضائيات عن مخاطر دخول محلول الألمينيوم
لجسم الانسان بأنها تسبب سرطان بالجسم و تأثر على المخ و تسبب النسيان
حتى منذ الصغر كما هو الوضع حالاوأيضا تهشش العظام بالمستقبل
لو مع مرور الزمن و بالاخص لو تم دخوله مع الماء الساخن فان ضرره [quote]


و فعلا كثر فينا المرض الله يستر و الزهايمر خلاص ..الصغير فينا ولى ينسى كثر من الكبير ..

آودي يا مهيرة راه كلشي سم داير بينا مكلا معان لما لكنشربو لهوا بنادم لداير بنا غير الله يحفظنا و صافي

وحد نهار كنت بوحدي فدار و رديت لغدا و نظت شعلت مجمر . معرفت داكشي لوقع شنو هوا كوكوت دارت واحد صوت تقولي الله يحضر سلامة بوطة تفركعات.مشيت مسحت داكشي و عودت رديتها و رجعت لمجمر ههههههههه
الله يحضر سلامة و صافي

هههههههههه الحمد لله ما وقع والو ..
عندك الحق كلشي ولى سم ..
انا بديت نشوف الناس تيرجعو لداكشي ديال زمان ..الاكل الطبيعي ..و الادوات الطبيعية ..
هادشي ديال الامراض لي ولى خطيرررررررررررر و كتر الشي على ولادنا مساكن ..
لو فكرنا نحيدو او نبدلو شي حاجات في ديورنا اكيد غنقصو من المخاطر ..

عندك حق راه حتى شوا و طياب على فاخر قالك راه كيسبب سرطان.منين نشويو على لفاخر ديك لكحوليا هي مسسببة لسرطان. عوتاني قالك مكلا مطيبا على ضو حتى هي خايبا غير الله يلطف بينا و صافي

الفاخر منظنش و العلم عند الله لكن الضوء يمكن ..
الي متاكدة منو انو الميكروند خطيرررررررررررر بزاف ..
الله يسترنا ..
حنا كنحاولو نقصو الاضرار ..
يا ختي حتى هداك السيليكون كيجيب ليا الشك مع اني شارياه يا حسرة ..و لكن مشكوك في امرو ..
شفتي عصر السرعة و مادار فينا

شكرا اختي على الموضوع فعلا كثرت الامراض خصوصا المرض المزمن السرطان الله ينجينا و ينجيكم و السبب هو استعمال الادوات المطبخية المصنوعة من الالمنيوم و حتى نظام غدائنا عند يد في هذا المرض الخبيت فمثلا الفواكه نعطيكم مثال ديال الدلاح هد الفاكهة اللي كلشي كيبغيها كيحدوها من البحيرة قبل ما تنضج و كيديروها في وسط التبن و كيشعلو العافية الفوق باش طيب في ظروف غير طبيعية و هذا كل للربح بطريقة سريعة نتمناو من الله يجيب الرحمة في قلوب الفلاحة

ايوا فاش نطيبو

ممكن تطيبي في الطاجين و الادوات التقليدية زمان هد الامراض ما كانتش حيت كانو كيستعموا ادوات الطين و كانت البركة هد الساعة ولا كلشى و طارت البركة مع ماليها

شكرا مهيرتي ديمان الجديد ممممممواح

و ياه آختي راه كشي يه سم الله يلطف بينا

بنت عيشة كتب:ايوا فاش نطيبو

كيف قالت الحبيبة مغربية حرة ..او لا نشريو كوكوت انوكس ...حتى نشوفو اشمن بلان غيخرج فيها حتا هيا

ملاك الرحمه كتب:شكرا مهيرتي ديمان الجديد ممممممواح

الشكر ليك حبيبتي ملكات

مغربية حرة كتب:ممكن تطيبي في الطاجين و الادوات التقليدية زمان هد الامراض ما كانتش حيت كانو كيستعموا ادوات الطين و كانت البركة هد الساعة ولا كلشى و طارت البركة مع ماليها

عندك الحق ..زيدي عليهم الاواني ديال النحاس ...

ههههههههه بكرة غنطيبو في بانيو مكيدوبش هههههههههه

و شكون عرف ..ههه

شكرا مهيرة والله تحراف ليك احنا فهاد الوقت كلشي كيماويات كلشي خايب والله

شكرا مهيرة على المواضيع الهادفة ومفيدة
ايلول الفاخر غير ما تحرقيش هاديك المادة اللي غادي تطيبي عليه
حيت المحروق منهي عليه في السنة والاطباء اتبثو ان الاكل المحروق يسبب في الاصابة بالسرطان والله اعلم

شكرا اختي رماد على المعلومة ..و الله ماكنت عارفاها

شكرا اختي مهيرم على المعلوومة اللهم ما لطفك ياااارب هاد الشي ولى كيخلع

طيبو في طجين ديال تراب راه موجدين وكينين دوك تقال كاي طيابو بحال كوكوت

ولا ديرو ريجيم وا كولو ساطة هههه

شكرا مهيرتي عالموضوع دائما مواضيعك هادفة ومفيده زمان ماكانش هاذ الامراض منتاشره بزاف الله يلطف وصافي

شوفي تبارك الله الناس ديال البلاد غير طواجن ما يحملوش الكوكوت تبارك الله صحاح احسن من ناس ديال المدن والخبز ديال افارنو انا برع

شكرا مهيرة أنا عندي مقالي وكاسرونات ومرميتات مصنوعة من الحجر ماشي الطين بحال الطواجن لا هي حجر بحال الشكل طيفال مكاتلصق مكاتطلب زيوتات وكتبقى نقية مكتخدش مكاتجرح جربوها غادي تعافو ترجعو للحديد وإينوكس وأليمينيوم لكوكوط مخلياها غير لشرويطة هههههه

بوهاليةومجدوبة كتب:شكرا اختي مهيرم على المعلوومة اللهم ما لطفك ياااارب هاد الشي ولى كيخلع

الشكر ليك حبيبتي ..خصنا نحاربو السموم في بيتنا على وجه اولادنا

Hassina كتب:طيبو في طجين ديال تراب راه موجدين وكينين دوك تقال كاي طيابو بحال كوكوت

عندك الصح و الله الا زوينين ..و شارية منهم

ريم الفلا كتب:شوفي تبارك الله الناس ديال البلاد غير طواجن ما يحملوش الكوكوت تبارك الله صحاح احسن من ناس ديال المدن والخبز ديال افارنو انا برع

عندك الحق ..ناس البلاد ما شاء الله عليهم قوة الداكرة و الصحة ..
واش كياكلو غير خيرات ارضهم ..تاكرموس ارغان املو الخبز ديال تفرنوت ..

و احنا كنتشهاو و نتخيرو في الاكل ..و الفرشي احسن منا في الجهد

لالة حــــــبي كتب:شكرا مهيرة أنا عندي مقالي وكاسرونات ومرميتات مصنوعة من الحجر ماشي الطين بحال الطواجن لا هي حجر بحال الشكل طيفال مكاتلصق مكاتطلب زيوتات وكتبقى نقية مكتخدش مكاتجرح جربوها غادي تعافو ترجعو للحديد وإينوكس وأليمينيوم لكوكوط مخلياها غير لشرويطة هههههه

شكرا حبيبتي على الافادات ..لكن باش غنفرق بينهم و بين شي ماركات كيشبهو ليهم ..
و فين غنلقا هادو

عليكم بالطواجن الخفاف ماشي دوك الثقال لان فيهم مادة الرصاص
اما الاينوكس اوالاليمينيوم هم واحد ,اللي بغا الصحة يطيب ف الطين ولا اواني النحاس
شكرا حبيبتي على الموضوع

حبيبتي اميرة ..واش كتقصدي الطواجن التقال لي كيضارو فوق البوطة ..
واش سامعة بكوكوت انوكس بحال ديال فاجور ..مجرباها