القهوة كتعاير هي وأتاي ههههههه

هذه القصيدة تم تدوينها سنة 1980 بدوار أولاد كثير بمنطقة الغرب وهي لمؤلف مجهول ، كل ما يعرف عنه أنه "مول النخالة"وهي بالدارجة المغربية انْقدّم لِكُم أتاي تخاصم مع القهوا ، وما نَفْعاتو خصومة قالت لو أنا كحلة القمقوما ، اسْناتْ عليَّا الحكومة يشربوني الناس مع الصباح ، وتاتْقِيَّل شبعانا مَكْهومة وإذا جا الضيف كنَسْتر الحشومة ماشِي بحالك أنت حريـمَل مْعَلَّق ف الرْدُوما********************قال لها أنا أَتَايْ و أتايْ بَلْيَة والناس كلها مْصَدّقَة فِيَّا يشربوني ف الصباح ويشربوني ف العشية وأنا جيت مْلَكَّكْ ف البَكِيَّة عندي اربعة النجوم والكتابة عربية واسْنَاتْ عليَّ الدولة الوطنية ماشي بحالك ألقهوة أنت كحلة مَقْلِيَّة كَاتْباني بْحَال البَـرِّيوْ دْيَال القْنِية********************قالت لو أنا القهوة كحلة السِّيفا كايشربني القايد وكايشربني الخليفة واللي ما شافني شاي دَايزَة عليه حْسِيفَة********************قال لها أنا أتاي و أتاي الحار وجيت مْلَكَّكْ ف البَكِيَّة دْيَال الخنجارودَايْرين لي الـحْوَانت ف كل دَوَّارماشي بحالك ألقهوة كحلة كيف الغبارواللي شربك كيَنْعَس ف السبيطار********************قال أنا القهوة أصلي حبوب والله إلا كحلة ما فـيَّ كذوب البْريق كيَتْشَحَّر بالعوافي كيذوب الرَّابوز كيسُوط بالعوافي مثقوب المجمر حامي بالعوافي مقلوب********************قال لها أنا أتاي الـمنسوم جيت مْلَكَّك عندي أربعة النجوم أتاي بلا إِقامة كُلُّو مظلوم ماشي بحالك كحلة بحال الـحْمُوم********************قال لو أنا القهوة عندي الراسجيت مْلَكّْكَة وجِيت من فاس دايْرينْ ليَّا البرارد من النحاس وكَنْفِيَّقْهم ف الصباح باقْيِين ف النعاس البريق كيتشحر ويْعَمَّر الكاس ماشي بحالك أنت طَيَّحْتِ لِنَا الضْرَاس اخرج يا ولد الحرام اغطس خلاص********************قال لها أنا أتاي و أتاي الـمَزْيان فـيَّ الصِّدق وفـيَّ لَـمَانوجيت مْلَكَّك على يد سيدنا مولاي الحسن ما بْقِيتْشْ كَنتْباع ف الجورنان ماشي بحالك ألقهوة كحلة بحال القطران سيري بحالك راكِ وَسَّخْتِي الكيسان********************قالت لو أنا القهوة شادَّا البلاصةا لناس كلها علي عَسَّاسآ للي قارْيِيـن واللي مْدَوْزِين ف المدرسة ماشي بحالك أيتاي غَا حْلاسة كايشربوك غا السُّرَّاح وْلاَ كَايَنْ شِي خَـمَّاسا********************قال لها أنا أتاي و أتاي الزعامة ما نحتاج إقامة والناس عليَّ خَدَّاما لا اللِّي ف الأرض ولا اللِّي ف السَّما ماشي بحالك ألقهوة كحلة بحال الرخامة********************قالت لو أنا القهوة كحلة مسكينة الناس كلها تْبْلاتْ بِينَا لا اللِّي ف البادية ولا اللِّي ف المدينة سير بحالك أَيَتَايْ أنت َبَـهْدَلْتِ بِنَآ تبعتِ بكْبالة هذا كلام مول النخالة

هههههههههه زوينة بحال الطوبيس ملي عاير الطاكسي : الطوبيس : سير ألسر فر الطاكسي : أنا بعدة السر فر مانوض حتى نفطر ومانهز غير الفسر ماشي بحالك أعوج الظهر تنوض قبل الفجر وتمشي بلا ماتفطر وماتهز غير البقر نهار ينوضو ليك يرجموك بالحجر هههه

هههههههههههههههه واعرة
بحال الشبكة تعاير الغربال تقول له يا ابو العيون لكبار لوووووووول

هههههههههه شكرا لكم

ههههههههههههه واعرة هادي
ماتقلقوووووش
بزوج بيكم عزاااز علينا
ولكن اتاي شوية اكثر
ههههه