الى امهات المنتدى......

انا يا له دخلت و داخلة نشكي ههههههههههههههههه عدروني ..ولدي مريض ليا هادي 6 ايام ...كتطلع ليه السخانة ...و مافيه والو غير السخانة ..صراحة غلطت و خديت لي مضاد حيوي بدل منديه للطبيبة ديالو ..
المهم البارح تاني شد فيه الرواح مزين و تيكحب ...
معرفت اش ندير ليه ..ومبغيتش نديه عند الطبيبة الى للضرورة القصوى ...بغيت يقاوم و تربى عندو المناعة ..
و المشكل العويص مبقاش تيشرب الحليب و لا يبغي ياكل ..
شورو عليا بشي وصفات و اكلات تقوي ليه المناعة ..
شكرا ليكم مسبقا

شحال فعمرو أمهيرة ؟ واش كمل سنينات ولا مزال؟ ياكما ضاربو لبرد؟ جاوبي باش نفهم

ما يكون باس عندو ومتخافيش عليه لوليدات كلهم كيعذبو فالصغر

شوفي هادشي لي واقع لبنتي هاد الايام خودي ليه قويلبات تروفيريس وسيرو كالميكسان ودوليبران كل ربعة سوايه انا راه بنتي مديتهاش حيت مبقاتش تتقاوم والو غنديها لو عاود غيخرج لها الكورتيكويد

الفيروزة كتب:شحال فعمرو أمهيرة ؟ واش كمل سنينات ولا مزال؟ ياكما ضاربو لبرد؟ جاوبي باش نفهم

ما يكون باس عندو ومتخافيش عليه لوليدات كلهم كيعذبو فالصغر

عامين و شهرين ..السنينات كملهم بالحق معرفتش واش كمل الضراس او مازال ...البرد يا له ضربو ملي عاود تقلب الجو ..

شكرا ليك حبيبتي

مغربية كتب:شوفي هادشي لي واقع لبنتي هاد الايام خودي ليه قويلبات تروفيريس وسيرو كالميكسان ودوليبران كل ربعة سوايه انا راه بنتي مديتهاش حيت مبقاتش تتقاوم والو غنديها لو عاود غيخرج لها الكورتيكويد

اهلا بالغالية ..الله يشافيها ..انا وليت كنتفادا شوية الطبيبة ...و الادوية ..بالنسبة للكورتيكويد راه خطار حاولي ما امكن تتفادايه ..
شكرا ليك وان شاء الله غادي نشوف هاد الادوية لي عطيتيني ...

الله يشفيه حبيبتي راه ولاو على سبة وراني وليت كنحاول منديهاش لطبيب الى كانت شوية باش ميعطيهاش الكورتكويد ولكن بعد المرات هو اللي تيعتقها وينفسها

الله يشافيهم يا رب ..
واش كتعاوني بالجلبات ..يعني متبعة ليها في الخاص ..
انا تبعت ليه في الخاص و كنحاول ما امكن يستافد من الجلبات لان الامراض الله يسترنا كترات و تنوعات

يقدر يكون تيهوض ضروس أمهيرة راه كيديرو هكا لوليدات عطيه أسبيجيك حسن من دوليبران ولتقوية المناعة مكاين محسن من العسل والحليب ولمبغاش يشرب لحليب خلطي ليه معلقة دلعسل فدانون وعطيه ليه وبقاي مرة مرة تخرجيه للشمس فالصباح راه مزيانة للوليدات

الفيروزة كتب:يقدر يكون تيهوض ضروس أمهيرة راه كيديرو هكا لوليدات عطيه أسبيجيك حسن من دوليبران ولتقوية المناعة مكاين محسن من العسل والحليب ولمبغاش يشرب لحليب خلطي ليه معلقة دلعسل فدانون وعطيه ليه وبقاي مرة مرة تخرجيه للشمس فالصباح راه مزيانة للوليدات

شكرا ليك حبيبتي على نصائحك الثمينة ..

اختي مهيرة مايكون عند باس راه داكشي غير من السنينات و الضروس انا قالهالييا واحد الطبيب راه سنان حتى يديرو حتى الكحة و السخانة و الرواح الصراحة حتى انا وليت كنتجنب الطبيب نمشي ليه كل ساعة قهرونا بالانتبيوتيك واعر عليهم انا بنتي كانت ديما هاكاك كل سيمان تمرض و نهزها للطبيب صافي و انا نحبس من الطبيب ملي كتمرض كنعطيها شي حاجة ديال الدار و كيدوزها الحال داب راه ولات بخير الحمد الله نقصات لييا من دوك المرضات

حسنآآآآآء المغربية كتب:اختي مهيرة مايكون عند باس راه داكشي غير من السنينات و الضروس انا قالهالييا واحد الطبيب راه سنان حتى يديرو حتى الكحة و السخانة و الرواح الصراحة حتى انا وليت كنتجنب الطبيب نمشي ليه كل ساعة قهرونا بالانتبيوتيك واعر عليهم انا بنتي كانت ديما هاكاك كل سيمان تمرض و نهزها للطبيب صافي و انا نحبس من الطبيب ملي كتمرض كنعطيها شي حاجة ديال الدار و كيدوزها الحال داب راه ولات بخير الحمد الله نقصات لييا من دوك المرضات

اهلا بالغالية ..و الله عندك الحق ..يمكن الضراس باقة شي حاجة ..البارح باغي غير يعض ..قتلوه بالحريق ..
اما على الطبيبة ديالو ..كنت كل شوية نديه ليها ..ساعة ولا يبقى فيا بكثرة الدوايات و القويلبات ..و انا نحبس ..
وليت نمشي عندها غير للضرورة القصوى و للجلبة ..حيت متبعة ليه في الخاص ..
و راحنا باقي كنتعلمو ..و مكين ماحسن من حاجة طبيعية لمقاومة المرض

mohera كتب:انا يا له دخلت و داخلة نشكي ههههههههههههههههه عدروني ..ولدي مريض ليا هادي 6 ايام ...كتطلع ليه السخانة ...و مافيه والو غير السخانة ..صراحة غلطت و خديت لي مضاد حيوي بدل منديه للطبيبة ديالو ..
المهم البارح تاني شد فيه الرواح مزين و تيكحب ...
معرفت اش ندير ليه ..ومبغيتش نديه عند الطبيبة الى للضرورة القصوى ...بغيت يقاوم و تربى عندو المناعة ..
و المشكل العويص مبقاش تيشرب الحليب و لا يبغي ياكل ..
شورو عليا بشي وصفات و اكلات تقوي ليه المناعة ..
شكرا ليكم مسبقا

آ لخواتات راه هادشي لي واقع هاد الأيام لكل الوليدات كون تشوفو ولدي عندو عام و 9 شهور كيرجع أو الإسهال ملي ديتو عند الطبيب قال لي راه بزاف لوليدات واقع ليهم هاد الشي أو دوا راه ما قدا ليا والو ما نفعاتني غير المخينزة مع الليمون واخا الليمون تايزيد الإسهال ولكن درتو باش تهبط بعدا السخانة أو لحمد لله راه ولا شوية أو ما زال كانعطيه دوا ديا الطبيب أو بدا كايكل شوية شوية

خودي شوية المخينزة أو عصري الليمون أو طحنيهم مزيان أو صفيهم أو عطيهم ليه في الرضاعة أو غير شوية ما تكتريش ليه

االله يشافيه ليك يا الحبيبة ..
بانسبة للاسهال غادي نعطيك وصفة زوينة كتساعد بوقف الاسهال دغية ..
2 معالق كوكا كولا مع 3 معالق حليب بوريسيما ..
خلطيهم في كاس و عطيه يشرب ..
ملي سمعتها رفضت اني نديرها ..لكن ملي اظريت جربتها و لقيتها فعالة بزاف

اختي الله يشافيه ويعافيه يارب انا بالنسبة لي ما كنديش وليداتي للطبيب الا للضروررة القصوى وعندي ليك واحد الوصفة طبيعية هي باش كنداوي وليداتي من البرد والكحبة تاخدي 3معلق كبار عسل حر +3معالق كبار قرفة بلدية مطحونة مزيان+3معالق زيت لوسيور وتخلطيهم مزيان حتى ينساجموا وتعطيه معيلقة منين يبغي ينعس هدا الوصفة راها كتقوي حتى المناعة

شكرا ليك حبيبتي و الله يجازيك كل خير

mohera كتب:االله يشافيه ليك يا الحبيبة ..
بانسبة للاسهال غادي نعطيك وصفة زوينة كتساعد بوقف الاسهال دغية ..
2 معالق كوكا كولا مع 3 معالق حليب بوريسيما ..
خلطيهم في كاس و عطيه يشرب ..
ملي سمعتها رفضت اني نديرها ..لكن ملي اظريت جربتها و لقيتها فعالة بزاف

اه بصاح امهيرة انا كانت بنتي فيها الاسهال و مني ديتها عند الطبيب قالييا عطيها تشرب كوكوكولا راها كتوقف الاسهآال و فعلا راها مزيانا اللي تزادات في الراس تنفع