BANAT BGAHYA MOS3DTKOM

twhchtkom walah bzaaaaaaaaaaaaaaaf ojit had nhar ntlab chi hajat lakin 3andkom tdhko 3liya ana omahsbtkomch fhal khoti man9olhlach likom walah khtkom makatfhmchi tyab maraaaaaaaaaaaaaa odaba 1 3ad dyal zwaj frmadan fdar rjill omakanfham la nsawib la chibakiya wala silo wala hrira walah fdarna diman mama katdrhom omama kanit kat9oli nodi t3almi kan9olha ana kanfham ofdar rajil radi ndir kolchi da ba hsalt walah  


la chibkiya nfham ndrha wala sillo wala hrira ama tyab khlas rajil rja3 kaytyaib hhh  ama ana makanfhmchi awili chni had fdiha fiya hta haja makats9li la msmin wala hta haja okmlha 9ali khso ysichof trid dyali wana mafha hta kifach nbdah 3fakom 3twnii m9adir okifach n3mal rah khtkom sitlaaaaaaaaaaa  hmam khsni hta ana nrja3 nfham n3adil haja rah mab9itch nrda walah ghda kay9oli gher 9li haja oflil ida bgha chi tajin dyla lham ojdad howa y3adlo hhhh

دابه تعلمي كلشي غير بالخاطر والصبر والمنتديات مابقاو خلاو حد مابعرفش غير يوتوب عامر ومره على مره تعلمي غير ماتملي ولا تصاوبي بزاف غير شويه بحال الرفيسه ديري نص كيلو الفورص الطحين باركه قطيييره الزيت العاديه ومليحة صافي وقصحي لعجينه وعطيها الدليك باش يجي المسمن هشيش مش انتي تجري وهوا يجر هههههه والباقي انتي عارفاه واهم شي تصبري على العجينه تخليها ترتاح لمسمن سواء ديال الرفيسه او مسمن عادي تقلي عليه ايدك ماتزربيش بيه يعني قسميه خليه يرتاح عاد قرصيه خليه يرتاح عاد من تبغي طيبيه تقرصي الاخير المهم حاولي تبداي دخلي لليوتوب غادي تعلمي منه بزاف

اجي لهنا نوريك ها امووول وراتك العجينة انا نوريك المرقة
خلي العجينة ترتاح وجبدي الطنجرة ديري فيها الدجاج و قطعي عليه 3 حتال 4 البصلات بالطول بحال الهلال فهمتي و ديري معلقة سكنجبير/الخرقوم البلدي/الابزار /ملح/و شوية العشوب او المساخن على حساب اشنو كاتعيطو ليهم كاين اللي كايقول ليهم راس الحانوت / وربيطة ديال القسبور و المعدنوس المهم وديري كاس ديال الماء صغير بلا زيت وخليهم حتى طلق البصلة وتذبااال عادي زيدي نص كاس زيت بلدية ونص زيت رومية ومرقي مزيان يعني حتال 4 كيسان كبار و زيدي شوية حلبة وشوية العدس و التومة انا كانولحها هاكااااك بكولش ليها مجموعة كرة وحدة او 2 كاتعجبني و نسد و نقص البوطة ونمشي نسرح المسمن
كاتقرصيهم صغاااار على قد يديك وتخليهم يطلقو
و تبداي تسرحي ديري زلافة فيها غير زيت بوحدو ماديريش الزبدة كادار غير فالمسمن اللي ماشي ديال الرفيسة و ترحيها حتى تولي رقيييقة بحال الورقة و انت كاتسرحي عاوني بالزيت الى تقبات ليك الاولى والتانية ماشي موشكيل انتي غير كاتعلمي المهم حتى تولي على شكل داءري وجمعي الجنب مع الجنب تولي مستطيل و عاد طوي تاني الجناب باش تولي كاري
ايوا حتى تكملي الكمية اللي عندك و بداي طيبي و الى طابت من الوجوه بزوج حاولي ديري شي معلقة وتحليه من الوسط وتفرقيها وريقات وحطيهم يطيبو ولكن ماشي بزاف غير يتجمعو شوية و حيديهم حتى تسالي وقطعيهم طراااارف صغار و ديريهم فالقصرية
من بعد سيري شوفي المرقة  دوقيها الى كانت خاصاها الملحة زيديها و زيدي معلقة صغير السمن الحار و هزي غير المرقة وبداي تسقي ماتهزيش الدجاج و العدس صافي حتى تسقيه يقياسك مايكون جاري مايكون ناشف عينك ميزانك و من بعد هزي ديك المغرقة اللي كاتصفي و بداي هزي الجاج وحطي من الفوق هو و العدس
وقدميها بالصحة والراحة ضروري تجربيها وتردي عليا راه يديا عياو بالكتابة
دوزي ليا ندوق

حيزبونه مافورتيش داكشي علاش اويلي 
احنا كنفورو المسمن بعد مانكونو قطعناه ومن نفوروه تفويره واحده كنحطوه ونبردوه عاد نبداو نسقيو باش مايتعجنش 
هادي طريقتي في الرفيسه الدكاليه هادي هههعهه

وزعما بالوما غادي دير هادشي هههههههه محااااال

chokran likom amola ohayzbonti hhh rahdi  njrbha walah 3ajbtni tari9a ana ras lhanot 3andi lakin holba la ndrha bla biha  ghada sibt n9ayil nwjad rfisa bilha9 hhh matwjad hta lchi 5 d3chiya  ana rda anjrbha onrja3 3likom khbar kif jat


amal yakhti 3yit bpc nchof on3adil waloooooooooooo matsd9li orajil ytyib tyabo yji hisn min dyali wana walo n3aidl kolchi omaysd9lich ydi mafihomch lida hhhh wa9ila mchat bktrat wasaft li kont n3adil

اماال راه تريد الكدرة اللي كايتفور ماشي العادي

بالوما قولي باسم الله عاد بداي الماكلة
عنداكي تكوني كاتنسايها

البنات تبارك الله عليكوم
بالوما حاولي تجربي و لو ماتصدقش الحاجة ماعليهش
امال و حيزبونة زيدونا الوصفات البلدية راني سطل مقرقب هههههه

قصدك فتات الشطبه احيزبزنه 
لا هادي الرفيسه كتفور تفويره واحدة كتجي احسن

ماعمرنا فورنااها كانقطعوها ونسقيوها ديريكت
شي نهار نجرب نفورها
فاطمة قولي شنو بغيتي الى كنت عارفاها علاش لا

لالاا حيزبونه خاصنا نضاربو شويه انا نقول تفور وانتي قولي لا ودخلو لبنات يفكو هههههههه
لابصح نيت من كتفوريها كيطيب لمسمن وكيجي غزال ولكن من تحطيها تبرديها تفرقي مزيان لمسمن حتى يولي دافئ عاد تسقي يكون دافي مش باااارد بزاف

امال و حيزبونة كيفاش تاتصاوبو فتات الشطبة؟عمري ما دقتو
امال مصبان حتى هو ممكن تعطينا طريقتو

كاااين فرق بين فتات الشطبة و تريد الكدرة
فتات الشطبة كايتلاح المسمن وهو باقي عجين فالبرمة مع المرقة كاتفتتي العجينة في المرقة و طيب فيها
و تريد الكدر راه كاينة كدرة ديالو خاصة ديال الطين كبيرة مقلوبة وعلى قفاها كايطيب المسمن كانورقووه ورقة وحدو ونديروه يطيب فوقها
حتى نكتب ليك المقادير مصبان حتى هو مشهور عندنا فاسفي كايجي بنين بحال الكعب الغزال

allah ye3tik lkhir hayzabouna
tan3ayenkoum te3tiwni wasfat masaban al jamilat:bounce:

انا عمرني ماصاوبته المصابان عارفه بس انه فيه عشرين مح البيض والبياض البيض كتصاوبي بيه حلوى الكوك باش ما يضيعش اما نصاوبو ماعمرني جربت كاينين عندنا في اسفي المتخصصين

المصبان

المقاديرديال العجينة 500غ دقيق ممتاز ديال الحلوى +4 صفار البيض +2 معالق زيت +ماء الزهر لجمع العجينة كندلكو العجينة بالملاك او الراقة من الاحسن الوراقة تتجي لعجينة رقيقة وتنقطعوها بكاس دوائر و تنديرو وسطها كورة ديال الحشوة

(الحشوة ديال اللوز) كيلو لوز مصلوق ومفسخ ومطحون + كيلو الا ربع سكر كلاصي +20 صفر بيضة +4 قشور الليمون 2 معالق ماء زهر باش نجمعو الحشور ملي تنحطو الحشوة الوسط تنبداو نهزو لعجينة ونضغطو بحال الى غادين نديرو وردة ومن فوق الحلوة تنديرو شوية من حبيبات العقيق الملونين

و ديري بحال الى غادي ديري شي كاس بالعجينة فهمتي

جربيها