شنو هي اقتراحاتكوم لاحياء المنتدى و عودة العضوات المختفيات و الاخت امال

tout est dans le titre!!

امال كانت غضبانه بزااف جبتي شي سكر بعدا

جبت السكر اتتمر و الحليب على سلامتك مني رجعتي و تانتمنى لبنات كاملات يرجعو

ياختي راه فقسوني شي عناصر بغض النظر على مجموعات اخرى الي فعلا مشغولين الله يكون في عونهم واساسا كانت مشاركاتهم قليله حتى في المنتدى القديم لكن شي عناصر كانو دايما متواجدين وللان باقين معمرين في المنتدى القديم باسامي اخرى وعلاااش ماكيكونوش هنا ماعرفتش احتمال البعض منهم كيبغيو شوي الدل والمسابات والمضاربات باااز

الله يهدي الجميع و يرجعو

ماشي كلشي داخل لهيه عن نفسي لقيت منتديات نسائية مفيدة كلشي محترم كلشي ومواضيع هادفة كنستافد منها
لقيت راسي كنقول بصح كنت كنضيع لوقت مع زبل ديال بنادم لي راسو خاوي ومستوى متدني وتعاطى ونتساب معاه
عن نفسي بدلت سيستام حياتي درت كريشة ومابين لخدمة ودار وراجل ولفراش ونجار وصباغ وحوايج لبيبي ... كيدوزو الايام وشهور
نتمنى تكونو كلكم بخير وعلى خير

كيفاش ازعريه اشنو قصدك انه احنا هنا بوزبال ومابقيتيش كدخلي هنا لهاد السبب مابقيتيش كدخلي تما ومابقيتيش كدخلي حتى هنا

هههههههههههههه وا لووووووول
اعيدي القراءة
راكي عارفة معامن كنت كنتعاطى فدار لوخرى وحتى فاش رحلنا خليتو واحد الفطريات تبعنا حتال لاسباب سياسية وانا كنت معارضة بشدة وكنت كندابز معاها و واحدة خرى حاسبة راسها سيدنا سليمان وكتشطح الجن على صبع
درت بناقص وبدلت الموجة لطبخ والديكور والجمال ولي بغى يتعارك يصطح راسو فلحيط حتى مشاو على خاطرهم

الزعريه باقي للان ماعرفتش السبب الي مخليك ماعندكش مع هاديك السيده اساسا احنا ماكناش كنعرفوها من الدار الاخرى بانت في وقت المشاكل وكانت من الناس الي وقفو معانا نوعا ما حتى لو دعم معنوي ولكن انتي ما حملتيهاش مش هاديك الحمقة الاخرى الي باقيه تما هاديك مرفوع عليها القلم لا انا كتهضر على الي هنا

وحتى لو عندك مشكله مع شي واحده هنا كنظن على قبلوا احناتبقاي تدخلي ولا احنا ماكنعنيو ليك والو

دابا عاد فهمت علاش المنتدى خوااا
احنى ماشي فالمستوى
اييييييييييييييييوا هادشي اللي عطا الله قبلو على ماوجد

علاش ندخل باش نلقاكم كتجاوبو بكل بلادة مع داك الزعت ديالها كنت كنتصدم ملي كنلقاكم مهبطين ريوسكم لمستواها ومتجاوبين معاها وعلاش باش يتسمى المنتدى خدام!!!!
لحاصول الى هي صاحبتك ومكيبانليكش بيلا راها مزنزنة وكتركع وعندها حساسية مفرطة مني شغلك هداك
ولي بغى يفهم لهضرة كيفما هي مرحبا لي بغى يحورها ويدير فيها ايدين ورجلين مرحبتين
انا ممسالياش نهدر على زبالون نمشي نقضي شغلي
شفناكم على خير وسلام عليكم

لبنات طفيو الغضب و اللي مريض الله يشافيه
بغينا نجتمعو ونضحكو ونساو الهم

على سلامتكم البنات انا توحشتكم والله

دابه انتي غبرتي حتى عيتي وجيتي تخسري الهضره شنو البلاده الي كتهضري عليها واقيلا كتشوفي شي حاجة احنا ماكنشوفوهاش ممكن لكن كتبقى حريه شخصيه وكل واحد يدخل للمنتدى وقت الي بغا وموضوع انه خدام ولا ماخدام مارانيش ندخل من وراه لفلوس سواء خدم ولا تسد ثمني كلامك شويه الزعريه وماتحاوليش تفرضي علينا شي حاجة انتي مقتنعه بيها ولكن احنا لا

فاتيمه هانتي تشوفي السيده داخله علينا سخونه شويه دير لينا مسطره وسبوره ودير لينا الفلقه على رجلينا

صافي عفاك اختي امال مسحيها في

فاطمه حبيبه والله العظيم الا على قبلك دخلت اما على هاد حرق الاعصاب والهضره الخاويه مابقيتش بغيت ندخل

الله يكبر بيك
مززال مافهمتش فين طارو باقي العضوات