مبروك عيدكم كي خرجت دوارتكم ابنات عيشة

صباحكم مبروك تعيدو وتعاودو باش ما تتمناو انشاء الله ودوم مجموعين هنا ابنيات عيشة الغزالات
كي خرجت دوارتكم واشنو درتو نهار العيد يلاه عاودو لينا كيف داز عيد تمارة هههههه

salam zin t3aydi w t3awdi incha alah bach tmaniti
ila gha tamara mojoda ghi sbar w safi

صباح النور مبروك عيدكم تعيدو وتعاودو ما شفت لادوارة ولا حتى حاجه ما درت والو ماتنبغيش ديك الروينة ديال العيد واعرة بزاف دابه فالاسواق غادي حيدو المجامر وطواجن وحطو داكشي تاع عاشوراء الله يرزق غير الصحة والسلامة

نهار مبروك البنات امولة اش خبارك دوارتنا خرجت حسن من دوارتكم ههههههههههه
اش غنقوللك انا مدرت والو فقت لقيتهم علقو الحوالو وغسلو الدوارة بقيت حدا بنتي باش متفيقش وتسمعهم غتبغي تخرج لعندهم للجردة وسمعت الدكتور تيقول ممنوع دراري اقل من سطاش لسنة يشوفو الدبح والدم ايوا نضت غسلت وجهي ماكيت وكليت جوج قطبان بولفاف مع اتاي ولبست ووجدت بنتي وهزينا الكتف ومشينا عند عجوزتي دار الحنزازة والحضاية يخ صبحت وجهي كلي محرود وفيه حبوب صغير ولكن الحمد لله عموما داز نهار مزيون واخا مشفتش الحولي ومتصورتش معاه للدكرى
ونتي كيف دوزتيه مع دوك المفششات

شكرا حنونة ينعاد عليك بالصحة والرزق انشااالله وتكايسي على راسك من تمارة راه ما كتساليش تمارة الا تبعتيها

ريم الفلا فكرتينا في عاشورا نوصي على الصابون البلدي ههههه من دابة نوجدو باباه

هادشي عندك زوين مغربية هههههه ماكديري معاهم والو والله الا عبرتي
انا الامور كانت عادية دبحنا في دارهم وانا بقيت في الدار حتا جاب الدبيحة مقطعة صدق الي فيه النصيب والباقي جابو لينا لقاني لبست ولبست الوليدات ومشينا نتغداو عندهم طبعا العايلة كلها تما كاين الي ما نشوفوه غير نهار العيد وطبعا بخ عليا نبخ عليك الفساتين والمكياجات والتسريحات والحناني هههههه المهم تغدينا ووزعنا العيدية علي الوليدات الصغار طبعا حتا هما فرحو وليداتي بالعيدية وطبعا كناخدها انا ههههههههه النصب والاحتيال ههههه كلشي داز مزيان حتى المغرب عاد رجعنا للدار
ثاني عيد خرجنا لوليدات للالعاب شوية وهوا العيد سالى
بالنسبة للشهيوات ما درت والو كلشي دخلتو للفريزر نطيبوه عادي اوصافي

هههه
الله يعز لمغرب و بسلامتكم معانا
شديت مع لكزار هتا سلخ، خويت لكرشة وغسلتها مع لمصارن و لكنبس و حكيت ستاح لي دبحنا فيه و نزلت وجدت بولفاف وصينيا ديال ا تاي، فطرنا و نضت وجدت تقلية و رديتها طيب و مشيت نينيت شويا حيت عييت
مني كنت منزلا راس لشواي تلاقيت بنت جيرانا ماكيا و لابسا احسن ماعندها بحال يلا معروضة وانا مانGوليكمش دايرا كي لGزار بدم و حالتي حالة
على لعموم داز مزيان و لكن تكفصت فتران لله يخلصهم 9 سوايع باش نوصل كون مشيت لحج و جيت و تران مازال ماوصل

امولة لحتي لمصارن ولا خليتيهم

لاحوهم على انا شفت شي حاجة جابو مقتول مسالي ههههه فيه غير الكبدة والقلب حتى التقلية كيلوحوها المبدرين الله يسمح ليهم

مريامتي تبارك الله عليك والله ياختي خاصك غير الراجل ههههه غادي يتهنا انتي ديري كلشي ههههه

كون وصيتيني كون خليتهم

aid moubarak azwinat samho lia rani yalah tlak lah srahi ojra3t ldari otlakit m3al7oli en fin wahad lmoch hehehe

حسيييييييننننننة افتقدناك اصاحبتي لالالالا هادي غير شي حجة فين غبرتي العفريتة

لحمد لله على سلامتك
اوا كلنا عيدنا بلمشاش هاد لعام ماشي كي موالفين

amaoula
walah akhti lkhadma rani mchit deplacement orja3t m3a l3id nichan oman ba3da hatit kazibti fi dar bach nbali bi borkabi chwia

حسينة اختي الله يقدرك عليه ويغلبك عليه

واش انتوماااا مانشوفووووكومش زعما راه غبرتووووو و الله خاصة دييييك الهرااابة ديال امووولة
ولكن حتى انا راني غابرة راه كاين المسيو و كانوجد باش نقلع من دااارنااا
المهم من هادشي كامل توحشتكوووم كاملييين

اماا العيييد هاد العام دينا الدوارة عند عمتي مسكينة ميت ليها الراجل و تجمعنا كلنا عندها و تغدينا عندها و جيت نعست مافقت حتال 6 ديال العشية لقيت الضياااااااااااف

حيزبونة ؟؟؟؟؟؟؟؟؟
ربي ربي ما حشمتيش انا هنا النهار وما طال وانا ندور في الاقسام بوحدي كي الحمقاء وانتي تغبري تغبري وتجي تقولي فينكم فين غابرين خاصك لعصا واخة انتي المديرة غادي نعصيك هههههه