سمعو ليا على هاد السمعة خدامتي كتسحر ليا

سمعو اخر الاخبار انا بعدا باقية مصدوم خدامتي قبل لنسافر صيفطها حتا هيا لدارهم تشوفهم بعد ما جلست عندي عامين وطلبت انها تجدد العقد فقلت لها سافري شوفي داركم ومن نرجع انا من المغرب نصاوب ليك وراقك باش ترجعي وداكشي الي كان دابة هيا خدامة تما شغلها وقاعدة على السحورات ويصحاب ليها سحورها شاد فيا ههههههههه ماعرفاش راني دايما لابسة بيكينيا مقلوب ههههههه ايوا يا خواتاتي السيدة من اتصلت بيها طلعت للجبل وبدات تشرط وطلبت الزيادة في الراتب مع انها من كانت عندي كنت زدتها وتعتبر انها كتخلص احسن من الي في نفس جنسيتها
ايوا غادي تقولو ليا كيفاش عرفت مشي بالنية وبات مع الحية دار راجلي صيفطو ليا خدامتهم تعاوني كانو عندي شي ضياف وهيا تسولني قالت فلانة غادي تجي قلت لها لا ما بقيتش بغيتها وهيا تضحك قلت لها مالكي كضحكي قالت لي راها من سافرت اتصلت بيا وقالت ليا جمعي شي تصاور وحوايج مولات الدار راني طحت على سحار واعر ههههههههه مسكيييييييينة مافي راسهاش راه السحارة ولاو غير الكدابة وطاااااارت بركتهم ايوا شوفو ليا الخدامات حتا هما في راسهم لعجب ولكن مع من هههههههه افيييييييك موااااااااا الله يتبعها لبلا الحمد لله تهنيت منها

هههههههه وا عالآآآام!!!!!
اتق شر من أحسنت إليه

هادشي لي بقا تفاكينا حتى مع كحل راس بقاو غير لخدامات.. ودابا كون بصح تلاقات بشي سحار نيت وعطات لاطاك ولا يعطيها ما توكلكم?? ولا قرنات فراجل كااااع... مابقات تقة لا مغاربة ولا غيرهم هادشي ولا فكل بلاد الله يحفظ

واييييه شفتي على حالة هوا بصح انا كنت من نعصب عليها كنسمعها كتقول شي حاجة يصحاب ليا غير كتنكرز اناريها كتقرا عليا ههههههه الساكنة والمسكوتة
علاه ما شفتوش في ام بيسي الاندونيسية الي دبحات بنت مالين الدار عندها اربع سنين مسكينة غير على قبل السحر والشعودة بحال الا عطاتها قربان لهادوك الي ما يتسماو

اه قريت عليها مسكينة ولمصيبة لي كتر ماماها فاش ساقت لخبار عيطات لباباها جاي كيجري بطموبيل دار كسيدة قتل راجل وبنته مسكنة عندها سكتة دماغية الله يحفظنا يا رب

أعود بالله من الشيطان الرجيم
في هذا الوقت ما بقات ثقة و الله
الحمد لله لكشفتيها على حقيقتها ولا كون تطورات الأمور و دارت ليك في الراجل
حضي راسك الحبيبة و الله يبعد عليك بنات الحرام و قليلات الأصل لي ما يثمر فيهم
لا خير و لا طعام يطيح ليهم في الركابي إن شاء الله.

اواه هيا الطوبة الخامجة كادخل تشمشم هنا انا كنت قايلاها للبنات من زمااااااااان وانتي عارفة غير فكرتها اليوم جات تنقل ايوا خليها تنقل تدي غير تفيد لبنات
الشريف ما عندي عليه اخبار للاسف كيبان ليا كيدخل لكن ما كيكتب والو الا بغيتيه عير عايريه ويبان ههههههههههه

ضحكتيني على الكابرانة هههههه لانه الكابران تيكون كابران على مالين الزبل هههههههههه
كتبي ليه هنا نداء او لا كاينة طريقة اخرى وعايرييييييه تلقايه تلاح هنا يجاوبك هههههههه خاصك تجبديه ههههههههه غير تنضحك ليعود يتلاح عليا انا نيت هههههه

وا شكون هد شريف علامن داويين؟

مريامتي على الشريف المغربي الي كان في المنتدى لقديم وجا معانا هنا

حبيبة توكيتن ماكتبانش ليا الكتبة ديالك كاملة مانعرف علاش

أعتدر يابنات عن هد الخطأ أعتذر توكثين

amal123 كتب:حبيبة توكيتن ماكتبانش ليا الكتبة ديالك كاملة مانعرف علاش

أمال عمرك جربتي الوصفة ديال الشرويطة د قمرة ؟ غزااااااااااااااااالة

والحمد لله لي مزالين عايشن أنا قلت يمكن فاض عليكم المْطْر

للاحبي قصدك التمرة ؟؟؟؟

امير الليل فين غبورك زعما انت الي كنتي كتدخل ويلي خليتينا غير لوليات بوحدنا وجي غير دافع علينا بدوك العضلات وانت مربع ايديك وكتفرج هههههههههههه

ختي أمال الله يطول عمرك والله غير الوقت لي بعدني عليكم

العشير راك هنا وفاين ألبنات ملي حتاجيناكم عاد كلشي سلت

عاشق كلشي كاينين غير انت الي ما تسلتش

امولتي توحشتك بزاف واتصلت بيك بزاف ومجوبتيش وقلت مشغولة صافي
توحشت الكل واحد وحدة قسم قسم موضوع موضوع دار دارهههههههههههههههه
الله يتبعها البلا معرفتش ان المغاربة عارفين كاع القوالب الله يبعد بلاهم منك

مغربية حبييييي والله حتى انا توحشتك اما هادوك اتصالات المغرب راه حمقوني ما كيطلعو لي لا ارقام ولا كنعرف شكون اتصل حتى ريان كان تتصل ما جاوبتها حتا رجعت قات لها سمحي لي راني فعلا ما عرفتش شكون كان يتصل وكنجاوب شي حد مابغيت نهضر معاه ورقم الامارات ضاع لي بتلفونه في المغرب هههههه سرقووووووه يا مي وداوه ههههه حتا جيت عاد طلعت واحد اخر المهم الهضرة كثيرة وانا دابة نتصل ليك توحشتك العفريتة ماتبقايش تغبري هنا دارنا

امال الله يحفضك اختي وتيقة كاع مابقات
عمب كان جاب خدامة وكانت تسحر ليه رجع كره مراتو وفكر فيها غير هي ههههه انا بعدا مندخل عليا خدمات

amal123 كتب:مغربية حبييييي والله حتى انا توحشتك اما هادوك اتصالات المغرب راه حمقوني ما كيطلعو لي لا ارقام ولا كنعرف شكون اتصل حتى ريان كان تتصل ما جاوبتها حتا رجعت قات لها سمحي لي راني فعلا ما عرفتش شكون كان يتصل وكنجاوب شي حد مابغيت نهضر معاه ورقم الامارات ضاع لي بتلفونه في المغرب هههههه سرقووووووه يا مي وداوه ههههه حتا جيت عاد طلعت واحد اخر المهم الهضرة كثيرة وانا دابة نتصل ليك توحشتك العفريتة ماتبقايش تغبري هنا دارنا

ايوا المهم هو سلامتك نتي والوليدات
حتى دارك مبقيتيش تباني فيها
المهم الى دخلتي كتبي نمرتك الجديدة ليا بالايميل
حتى انا والله الى توحشت حديثك
يالالا غير شفتكم بنتو وانا نرجع راني كنت ندخل ومايبان لي حد نرجع فحالي
وحتى حنونة عيطت باش نبارك لها العيد مجاوباتش بلاتي نشدها
ومن طبيعة الحال هادي دارنا الله يخلينا فيها مجموعين مواح شيري

داري راني مابقيتش ندخل لانه لابتوب ديالي خليتو فيذالمغرب وكنستعمل ايباد الدراري مش منزلة فيه الماسنجر باقي ولكن انشاء الله غادي نزلو غير نسالي راني باقية مبرزطة شحال من حاجة لقيتها كتسناني

amal123 كتب:داري راني مابقيتش ندخل لانه لابتوب ديالي خليتو فيذالمغرب وكنستعمل ايباد الدراري مش منزلة فيه الماسنجر باقي ولكن انشاء الله غادي نزلو غير نسالي راني باقية مبرزطة شحال من حاجة لقيتها كتسناني

ايوا الله ييسر ليك الامور ويوقف معاك
بصح الحاجة الى مقضيتيهاش مكين اللي يقضيها لك بقات تماك

اناري ياختي على الخدامات الحمدلله بعدا الي صيفطتيها لدراهم الله يحفظك ازين ويبعد عليك ولاد الحرام

بارك الله فيك رينا ايه والله راني صيفطها ودابة تتصل باغية تجي قلت ليها راجلي ما بغاكش هههههههه ما عجبتيهش لصقتها فيه هوا المهم هيا راها دات المتريال معاها الله اعلم اشنو هزت معاها الله ياخدها انشالله

وايييه بالوما مابقات تيقة راه في المغرب وحصلوها كتبول ليهم حاشاك في الطنجرة لغدا باش يسمعو القول هههههه

ياربي امين مغربية حبيبتي الله ييسر الامور