والله حتي عيقتو أجيو نكوليكم علاش

أولا اللي عندها لوليدات ويدها بوحدها بحال راسي لصكع نعذروها إوا واللي غير كطل وتمشي ولا مبقاتش دخل بمرة بحال فاتي و لالة حبي و مغربية حرة وطنجوية وزهرة و زيد وزيد حشومة راه حنا مجموعين على الخايبة والزوينة ماشي غير مكين وصفات للطبيخ والحريق نقطعو الرجل ولواه ديرو عقلكم وكونو عيالات ياللا دبا اللي دخلت تحط لينا شي وصفة طيباتها فلفطور أو طيبتها ماماها وتحركو شوية راه كلكم تبارك الله حادكات وريونا حنة يديكم نشوفوها لربما يحن عليكم سيدي ربي فهاد الشهر بكل ماتمناو

fairouza ki dyra hbiba

ana khti had ramdan special madart walo jatni tahjija lah inajik
wach msn 3andak mahloul?

أهلا الزين صبري نحل لحانوت ونهضرو توحشتك

hbiba ana diman hna wilah inama maknl9a had f9soni wilah kol whda fin mchat man3arf hta hyzbona 9alit ratchod montda

wili 3la tchod lmontada

كلامك صحيح فيروزتي انا راني كنطل واخة راه الله الي عالم بيا رمضان بنهار النهار طويل غير في الكوزينة والليل قصير يلاه نفطرو ونصليو جوج ركعات صافي كنتهدو رمضان راه تغيير في الجو وتغيير في البرنامج وبروكرام الحياة اليومية انشاء الله نرجعو نتلاقاو بحال الاول

فيروزتي توحشتك حبيبتيييييييييييييييييييييييييييي...رمضان مبارك يا الغالية ...
انا تحت الصفر في الطبخ فبلا متسناو مني شي شهيوات هههههههههههه...
اما على الطلان راه في هاد الايام وليت كنعس بزاففففففففففففففففففففف كتر من القياس ...

عندك الحق انا كل ما ندخل ما نلقى حتا حد ان شاء الله على ربي نتجمعو في اقرب وقت دابا مع رمضان البنات مشغولين في الكوزينة والوقت ضيق شوية احنا نشوفو ورا رمضان واش غادين اتجمعو و لا لا
اه فيروزة كيف بقا ولدك احبيبة ان شاء الله يكون ولى بخير ياربي

سلآآآآم
أنا صايبت الرايب كتشدي 1 لتر حليب +دانون فاني+ساشية نيدو صغيرة( خديتها لماما بزز شارياها باغا ديرها مع خيار لوجها هههه) +ساشية فاني+سنيدة حسب دوقك كطحني كلشي فالميكسور وطيبي 1 لتر ديال الماء خلطي كلشي و ديره فشي سوبيرة كبيرة و خليه إيروب 8 سوايع ديريه فقراعي و حطيه فالتلاجة كيجي خاتر و زوين

paloma blanca كتب:hbiba ana diman hna wilah inama maknl9a had f9soni wilah kol whda fin mchat man3arf hta hyzbona 9alit ratchod montda

بالوما كيف عاملة مع رمضان؟ مشات عكوزتك ولا مزال؟ حطي لينا شهيوات شمالية ديال رمضان راكي حادكة زعمة معندي منقول غير الله ينور طريقك

amal123 كتب:كلامك صحيح فيروزتي انا راني كنطل واخة راه الله الي عالم بيا رمضان بنهار النهار طويل غير في الكوزينة والليل قصير يلاه نفطرو ونصليو جوج ركعات صافي كنتهدو رمضان راه تغيير في الجو وتغيير في البرنامج وبروكرام الحياة اليومية انشاء الله نرجعو نتلاقاو بحال الاول

أهلا أمولة عندك الحق فكلشي ولكن ضروري مرة مرة طليلة ماشي يهربو فمرة راه رمضان علينا كاملين غير الله يكملو بالصحة وصحة العبادة

إوا مللي كظللي فلكوزينة كتبي لينا أش كتوجدي للفطور والعشا والسحور عطينا بروكرامك اليومي نشوفو الحداكة المغربية كيف عاملة

mohera كتب:فيروزتي توحشتك حبيبتيييييييييييييييييييييييييييي...رمضان مبارك يا الغالية ...
انا تحت الصفر في الطبخ فبلا متسناو مني شي شهيوات هههههههههههه...
اما على الطلان راه في هاد الايام وليت كنعس بزاففففففففففففففففففففف كتر من القياس ...

شوفو شوفو شكون طل علينا؟ أهلا أهلا موهيرتي رمضان مبارك علينا وعليك حبيبتي بالفكاكة إن شاء الله

النعاس مع الصيام والحمل عادي حبيبتي راكي كتسخفي بالجوع والعطش والبيبي حتى هو غير صبري مبقا قد مافات حبيبتي

ومتكوليش هكاك راه تاواحدة مكتصنع الصوارخ فالكوزينة كلشي كيتعلم وأكيد كتعرفي تقني شي حاجة لمهم حطي لينا كل ما كتوجديه للفطور ولخصاتك شي حاجة احنا موجودات معاك حبيبتي موهيرة

reina. كتب:عندك الحق انا كل ما ندخل ما نلقى حتا حد ان شاء الله على ربي نتجمعو في اقرب وقت دابا مع رمضان البنات مشغولين في الكوزينة والوقت ضيق شوية احنا نشوفو ورا رمضان واش غادين اتجمعو و لا لا
اه فيروزة كيف بقا ولدك احبيبة ان شاء الله يكون ولى بخير ياربي

أهلا رينا الزين إوا على الله يكون غير رمضان اللي قضى عليهم وإلا كل وحدة تخلص الفالطة ههههههه

إسول فيك الخير حبيبتي دبا شوية نحمد الله كندير داكشي اللي كتبو لي البنات و إن شاء الله بعد رمضان نديه للخيايطة كيف قالو لحبيبات نقطع ليه تماك الجعرة والتابعة الله ينجيكم وينجي وليداتكم

samahir كتب:سلآآآآم
أنا صايبت الرايب كتشدي 1 لتر حليب +دانون فاني+ساشية نيدو صغيرة( خديتها لماما بزز شارياها باغا ديرها مع خيار لوجها هههه) +ساشية فاني+سنيدة حسب دوقك كطحني كلشي فالميكسور وطيبي 1 لتر ديال الماء خلطي كلشي و ديره فشي سوبيرة كبيرة و خليه إيروب 8 سوايع ديريه فقراعي و حطيه فالتلاجة كيجي خاتر و زوين

تبارك الله عليك اختي سماهر باينة كيجي لذيذ مع هاد الحر درمضان إن شاء الله نجربو ويعجب لوليدات

زيدينا شهيوات من يديك الله يعطيك الصحة

فيروزتي انا الحمد الله احنا نعاديو

اما عكوزتي والله مشفتها رها فطنجة مع رمضان مجاتش عندي ولا انا مشيت تهانيت منها

اما على شهيوات مجودين غير البنات فين هما

نبا ليكم بالحريرة تطوانية هههه مغاديش تعجبكم واقيلا

انا كنشد الكرافس والمعدنوس ونطحنهم في مولينكس من بعد نطحن طماطم وبصل ونعملهم ابزار وزعفران وملح وسمن وشوية قرفة ولحم والحمض مقشر وونعمل الماء ونشد عليه يطيبو واحد 20 دقيقة من بعد ندرها بطحين وشوية ديال فداوش داك رقاق ونعملها الصلصة الحمراء انا تنبغي حريرة حمراء وخفيفة ملي تطيب الشعرية نعملها بيضة وحريرة شمالية كتجي خفيفة ههههه نهار درتها للراجل قالي شنو هاد الماء والزغاريت هما مولفين بحريرة تقيلة

وكنعمل خبيزات معمرين لكن اختك معكازة الخبز كنشريها والحشوة كنديرها بيدي كل مرة وفاش نعمرهم

وكنعمل رسكوس كيجو مزيونين فيهم كاس برتقال معصر شوية ليمونة محكوكة 3 بيضات كاس ونص ديال اتاي سكر وحسب الدوق وجمعهم بطحين مخلط معاه لفاني وشوية خميرة دحلوة ونخاليهم مخفاف متقال عادين ونطولهم وندورهم كيجو دائرين ونقليهم في الزيت ملي نقليهم نعمل ليهم شكلاط ولا سكر كيجو مزيونين

واه اخواتاتي انا تنطل مرة مرة ما تنلقى حتى شي وحدة و المشكلة منين رجعت مع الاولاد من فلوريدا لقيت الايميل ديالي انسرق و هكدا ضعت ما بقى لي حتى شي ايمال نتاع البنات حسينة الحبيبة و عيون المها و سوسية و كل البنات لي بيتواصلو معي كل الايميل مع الملفات راحوا. و دخلت في بداية رمضان و حطيت بعض الشهيوات من هناي لكن لقيت ركود و الواحد ما يلوم احد كل واحد و همه. و نزيدكم قصة تانية الراجل فجأة قرر يصاوب راسه الاقرع و بغى يسافر و مشيت معاه و صاوب القرعة نتاعه و المصيبة لما كان في المستشفى كان تلفونه عندي واش نقوليكم البلاوي لي شفتها في تلفونه لي ملصقه حاشاكم في طيزه ايش علاقات ماهي واحدة ما 2. دازت علي انا ما بينت له شي لغاية الحين لكن الراجل راه شاعلة فيه النار اكثر من ولدي لي فسن المراهقة. و هاد الهم لي شاغلني عليكم عاملة زي االعساس حاظية الدراري في المدرسة. المشكلة تنخمم من بعد رمضان نمشي المغرب نبالي به لكن مع سوء الحظ كل المعلومات لي اعطاوني بنات الجواد ضاعت كلها في الايميل و في نفس الوقت خايفة نروح نجي لقاه تلوت عليه شي وحدة و يتزوج خاصة دابة منين صاوب قرعته نصحوني البنات ربي يخليكم و راه ايميلي غيرته الى lamaramis45@

سمح
ني اذا قصرت راه غير هم الراجل لي شاغلني عليكم لكن ثقو ان معزتكم عندي كبيرة و انشاء الله يلاقينا في ظروف احسن من هذي

مسا الخير البنات والله كلكم توحشتكم غير مشغولة شوية جات ماما وخوتي وخوتاتها وامها جاو عندي وصداع دراري الصغارماولفتوش تنظل خارجه وليت تاكسي ديالهم اما فالعشيه غير نفطر من بعدها بساعتين ننعس حتى للسحور هذا هو برنامجي اليومي اما الكوزينة قليل فين تندخل ان شاء الله ورا رمضان نرجعو نتجمعو كيف اول وجبت معايا شهيوات زوينين ان شاء الله ورا رمضان نحطهم لامارا بالي بزوجك ما تبقايش غافله راه كاين شي بنات عزيز عليهم المتزوجين ماعندهم فرق

عارفة الزين راه هذه الظاهرة عندنا هناي كثير وهي لي يدوروها البنات حتى و لو هي لي تتكفل بالكل المهم عندهم يلويو على راجل و يتسماو متزوجين و يعملو لي بغاو الله يسترنا و يرحمنا يارب

paloma blanca كتب:فيروزتي انا الحمد الله احنا نعاديو

اما عكوزتي والله مشفتها رها فطنجة مع رمضان مجاتش عندي ولا انا مشيت تهانيت منها

اما على شهيوات مجودين غير البنات فين هما

نبا ليكم بالحريرة تطوانية هههه مغاديش تعجبكم واقيلا




انا كنشد الكرافس والمعدنوس ونطحنهم في مولينكس من بعد نطحن طماطم وبصل ونعملهم ابزار وزعفران وملح وسمن وشوية قرفة ولحم والحمض مقشر وونعمل الماء ونشد عليه يطيبو واحد 20 دقيقة من بعد ندرها بطحين وشوية ديال فداوش داك رقاق ونعملها الصلصة الحمراء انا تنبغي حريرة حمراء وخفيفة ملي تطيب الشعرية نعملها بيضة وحريرة شمالية كتجي خفيفة ههههه نهار درتها للراجل قالي شنو هاد الماء والزغاريت هما مولفين بحريرة تقيلة

وكنعمل خبيزات معمرين لكن اختك معكازة الخبز كنشريها والحشوة كنديرها بيدي كل مرة وفاش نعمرهم

وكنعمل رسكوس كيجو مزيونين فيهم كاس برتقال معصر شوية ليمونة محكوكة 3 بيضات كاس ونص ديال اتاي سكر وحسب الدوق وجمعهم بطحين مخلط معاه لفاني وشوية خميرة دحلوة ونخاليهم مخفاف متقال عادين ونطولهم وندورهم كيجو دائرين ونقليهم في الزيت ملي نقليهم نعمل ليهم شكلاط ولا سكر كيجو مزيونين

تبارك الله عليك بالوما حادكة مع راسك وتهنيتي مني مجاتش عجوزتك عندك فهاد رمضان كون راكي تصبحي فلكوزينة ومتفكيش ومتدي خير فالأخر

lamara2011 كتب:واه اخواتاتي انا تنطل مرة مرة ما تنلقى حتى شي وحدة و المشكلة منين رجعت مع الاولاد من فلوريدا لقيت الايميل ديالي انسرق و هكدا ضعت ما بقى لي حتى شي ايمال نتاع البنات حسينة الحبيبة و عيون المها و سوسية و كل البنات لي بيتواصلو معي كل الايميل مع الملفات راحوا. و دخلت في بداية رمضان و حطيت بعض الشهيوات من هناي لكن لقيت ركود و الواحد ما يلوم احد كل واحد و همه. و نزيدكم قصة تانية الراجل فجأة قرر يصاوب راسه الاقرع و بغى يسافر و مشيت معاه و صاوب القرعة نتاعه و المصيبة لما كان في المستشفى كان تلفونه عندي واش نقوليكم البلاوي لي شفتها في تلفونه لي ملصقه حاشاكم في طيزه ايش علاقات ماهي واحدة ما 2. دازت علي انا ما بينت له شي لغاية الحين لكن الراجل راه شاعلة فيه النار اكثر من ولدي لي فسن المراهقة. و هاد الهم لي شاغلني عليكم عاملة زي االعساس حاظية الدراري في المدرسة. المشكلة تنخمم من بعد رمضان نمشي المغرب نبالي به لكن مع سوء الحظ كل المعلومات لي اعطاوني بنات الجواد ضاعت كلها في الايميل و في نفس الوقت خايفة نروح نجي لقاه تلوت عليه شي وحدة و يتزوج خاصة دابة منين صاوب قرعته نصحوني البنات ربي يخليكم و راه ايميلي غيرته الى lamaramis45@

بغيت ليه دقة جدي واش هدا تشاب عاد بغا يصغار؟ لا لا جمعي مع بوه لمطاوي وتحزمي ليه راه شداتو لمراهقة هدا

ريم الفلا كتب:مسا الخير البنات والله كلكم توحشتكم غير مشغولة شوية جات ماما وخوتي وخوتاتها وامها جاو عندي وصداع دراري الصغارماولفتوش تنظل خارجه وليت تاكسي ديالهم اما فالعشيه غير نفطر من بعدها بساعتين ننعس حتى للسحور هذا هو برنامجي اليومي اما الكوزينة قليل فين تندخل ان شاء الله ورا رمضان نرجعو نتجمعو كيف اول وجبت معايا شهيوات زوينين ان شاء الله ورا رمضان نحطهم لامارا بالي بزوجك ما تبقايش غافله راه كاين شي بنات عزيز عليهم المتزوجين ماعندهم فرق

أهلا ريم ليك وحشة يالزين الله يعاونك على صداع الدراري ها رمضان غادي فحالو مصاب غير الصحة والسلامة و أكيد غنتجمعو كثر من الأول إن شاء الله

يتوحشك الخير فيروزتي حتى انا توحشتك لي طلب البنات البارح كنت فالصالون وسمعت واحد البنت تتكلم على دجاج كنتاكي kfcتتعملو فالدار قالت تيجي لذيذ ونسيت ما سالتهاش الا ممكن اللي تتعرف الطريقة تكتبها لي الا ممكن

فيروزة متقلقيش منا رمضان راه ولا يدوخ
انا فهاد رمضان كلو صاوبت كلاص ههههههههههههههه راه عييت و الله و صهد ياربي غير يقبل منا

اختي فيروزة لباس عليك توحشتك بزاف وولدك كيولا شويه الله يحفضو ليك
غير نسالي ونكتب ليكم شهيوات فنين
اختي ريم لباس عليك احبيبه توحشتك ازين انا عندي انواع ديال دجاج كنتاكي وكلهم جربتهم وكيحمقو غادي نكتبهم ليك اختي

ملاك ايمي كتب: اختي فيروزة لباس عليك توحشتك بزاف وولدك كيولا شويه الله يحفضو ليك
غير نسالي ونكتب ليكم شهيوات فنين
اختي ريم لباس عليك احبيبه توحشتك ازين انا عندي انواع ديال دجاج كنتاكي وكلهم جربتهم وكيحمقو غادي نكتبهم ليك اختي

لاباس الفنون يتوحشك الخير وانتي كيدايره ان شاء الله بخير اوكي اختي الا ممكن تكتبيهم لينا فقسم الطبخ باش نستافذو كاملين مشكورة

شوفي افيزورة انا مووودة هادي باش كندخل ومكلقى حد والموضيع باقى فبلاصتها كيف هي فكنخرج وان مشي غير هاد المنتدى اي منتدى مؤخرا وليت نطل ونجاوب بالزربة ونخرج لاني مكرهتش نضل نهار كامل فالمنتديات ولكن راه كل واحد عندو ظرف ومشاغل
وخصنا نقدرو هادشي مع بعضنا مشي تتقولي مبغيناش ندخو وكنهربو راه الله يحسن عوان كل واحد فاش ملاهياه الدنيا
وايد واحدة مكتصفقش انا مني غندخل ونلقى المنتدى مافيه حتى وحدة اكيد غنخرج معمن غنهدر ولمن غنحط مواضيع

أهلا مغربية حبيبتي أنا مقدرة ظروف كل وحدة ولكن متقوليش مكنكتبو والو فينما ندخل كنكتب أو نجاوب وكانو لبنات اللي دخلت كتحط وخا غير تساؤل المهم رمضان هاهوسالا الله يعطينا غير صحيحتنا وطول لعمر

وعواشرك مبروكة حبيبتي

lahla ikalak fairouza dialna
3wachar mobarika 3likom kalin

الفيروزة كتب:أهلا مغربية حبيبتي أنا مقدرة ظروف كل وحدة ولكن متقوليش مكنكتبو والو فينما ندخل كنكتب أو نجاوب وكانو لبنات اللي دخلت كتحط وخا غير تساؤل المهم رمضان هاهوسالا الله يعطينا غير صحيحتنا وطول لعمر

وعواشرك مبروكة حبيبتي

انا عارفة انك اول من كتجاوب فكل المواضيع ومهدرتش عليك نتي البنات الاخرين اللي فيين هما خاصنا كلنا نديرو يد فيد امين الله يرزق الصحة والسلامة ونتمنى من البنات جميع يتضامنو معانا ويبدلو ولو مجهود قليل