رمضان جانا

بما انو غدا اول نهار فالشهر الأبرك، اشنو ضهر ليكم، كل وحدة تقول لينا اشنو وجدات!!!

ana khti 3amart lafrigo
sowabt lhamss othant maticha
odart labraiwat m3amrin fi chkal
olbatbot
lamsama m3amar
bach gi najbad onsakha hehehehehe

نبدا انا لولا
جبدت ياخواتاتي شنطة، درت فيها حويجاتي و صبيبطاتي و بيجاماتي، و صيفتها لمراكش باش نمشي ندوز رمضان تما، هههههههه، عندي كونجي من 28/07 حتى ل 26/08 ان شاء الله
شريت ورقة درت سيكار، خضرة بلكفتة و حوت و بيبي،و ديال فرماج، شريت شباكية، بلحداقة لي فيا يستحيل نصايبها شي نهار،شريت لملوي و رزيزة، هربل ودرة و لمفلق للحريرة، صافي هدشي لي وجدت لدوك ليام لولى
لحريرة حامضة غادي نشربها هد ل w end فدارنا
ايوا كيجيتكم، حادكة ونص، ههههه

حسينة حادقة سبقتيني
الله يدخلو بالصحة و السلامة

الله اخلي ليك لواليدة وطول في عمرها تتشوف وليداتك مكاين محسن من رمضان مع لحباب سيري بغيت سبعتو رجال اشدوك تما بشي راجل ديال لقلب لي فرحك وهنيك

الله يسهل عليك و يعطيك باش تفرحي

تقبل له منكم صالح الاعمال ويدخل علينا وعليكم بالصحه والسلامه
الله ياحبيبه اشنو بغتي دري فمراكش المووووووت تصهد عالعموم توصلي بالف سلامه
اما التوجاد لقيت الوالده مسكينه الله يطولي بعمرها موجده كلشي هاد العما تفكيت من التوجاد ههههههههه
‎(¯`v´¯)˙·٠• ۩˙·٠• RamadaN kaReeM •٠·˙۩ •٠·˙♥
`·.¸.·´
☻/
/▌
/ \

يا اختي والديا تما و لو يكون صهد، تانسيني فيه دفئ لعائلي ولما ديال لخوت

الله يجمعكم على خير وعالمحبه وربي يطولك بعمرهم ياربي وبشحجه انشاء الله

مبروك رمضان تبارك الله عليكم انا وجدت البريوات بجميع الانواع وصافي وماما مسكينة اللي وجدت كلشي مريامتي نزلي لينا طريقة بريوات الخضرة

انا مازال ماوجدت والو يالاه درت السفووف و قلت مشي نتقدى ونرجع ندير شي مسيمنات
انا بووووحدي هاد رمضااااااااااان ماكاين لا ماما لا بابا غييييييييير بوحدي ماعندي كانة ندير والو بلا بيهم كون ماشي جدة اللي دايرة فيا الحماس وكل ساعة تقول ليا شنو وجدتي شنو درتي كاين فاش نعاونك ...... عاد كانبقى نقول مع راسي نوض ندير شي حاجة
والله العظيم فيا البكية واناا كانكتب ليكم توحشت ماماااا و بابا بزاااااااااااااااااااااااااااااااااااااف

رمضان كرييييم
لكووووووووووووووووووووولشي بنات عيشة الحااادقااات

حيزبونة حتا انا والله ماترة بزااااف هدا اخر رمضان فدارنا والله مقهورة انشاء الله يرجعو ماماك وباباك والله يخاليهم ليك انا حاسة بمسؤولية تابعاني من راجل نعمل عيال اويلييييييييي شنو يستناني

تبارك الله على حسينة الحادقة
مريامتي انتي حداقتك بحالي ههههههه جمعت حوايجي وجيت لدارنا ولكن ماخشاي من العوين والمساعدة في الكوزينة درنا الشباكية ودرنا السفوف ودرنا بريوات كاوكاو
ايوا والحريرة كل نهار نديرها انشاء الله فريش تعرفو قاعدين غير في الدار ما كاين ما يدار نصاوبوها ايوا كل نهار نديرو شي حاجة يا مسمن يا بغرير يا بيتزات يا فطاير معمرين كل نهار وهوا وطبعا لعشاء بوحدو بعد التراويح وعاد السحور كنفيقو للسحور باش نتسحرو ونصليو ركعات التراويح والفجر باش يثبت الاجر
وهادشي الي كاين

اموووووووووووووولتي حبيييييييييبتي فيييييييييييييينك توحشتك بزااااااااااااااااف
بغيت غير نبارك ليك العوااشر

tbarkallah 3lkom alhadguat wa tquabala allaho mina wa minkom saliha la3mal