لبنات فينكم تعالو نتعاودو ونقصرو شويا توحشتكم

غبرت عليكم ولكن راكم في القلب فين غبوركم من نطل نلقاكم هنا ولا نتقلق
يلاه دخلو ولا نغضب
بغيتكم تعاودو ليا عن طفولتكم بمناسبة عودتي لدار الابوين وبيت الطفولة في خاطري نذكر ونعاود عليها
عاودو ليا حتا انتوما دخلو عاودو ليا على طفولتكم كيف كانت

هاني جييييييت هههههه توحشتك والله اختي ماالك على هاد الغبوووور المغرب غبرك علينا اوجه الخير

انا طفولتي كنت كذابة وكان عزيز عليا نخترق القصص وكانت تسخرني ماما مع 10 مانجي حتى للوحدة
و كنا انا واختي فايتااني بعام ماكانتفارقوووش الزبلة اللي درنا نتشركو فيها والسلخة حتى هي نتشركو فيها
وهي ديما كانت شجاعة ماكاتخافش كادفعني ندير شي حواايج صعاب بحال اجي نجلسو فالسرجم ولا اجي نعومو فالسطح وزيد وزييد
المهم اياااااام زييينة
ياليت الطفولة تعود يوما

سلام امولة توحشناك اصحبتي في غبورك

والله عندك الحق الطفولة احسن ايام من العمر ديما اتمنى الوقت يرجع بيا ليها كنا ماهزين هم حتا دحاجة الضحك وللعب والنوم في الليل

نبدا انا نعاود عليها انا الاولى انا كنت شقية بزااااااف نبكي على اي حاجة ودا شي حد اتكلم معيا ويقولي حشمي نزيد نبكي هههه وحاجتي مسمومة عليها منعطي لحد حتى ورقة هههه
وكنت نتخاصم مع بنات الجيران ولاد الجيران مهم كنت قبيحة ههه وصافي

حيزبونة كتب:هاني جييييييت هههههه توحشتك والله اختي ماالك على هاد الغبوووور المغرب غبرك علينا اوجه الخير

انا طفولتي كنت كذابة وكان عزيز عليا نخترق القصص وكانت تسخرني ماما مع 10 مانجي حتى للوحدة
و كنا انا واختي فايتااني بعام ماكانتفارقوووش الزبلة اللي درنا نتشركو فيها والسلخة حتى هي نتشركو فيها
وهي ديما كانت شجاعة ماكاتخافش كادفعني ندير شي حواايج صعاب بحال اجي نجلسو فالسرجم ولا اجي نعومو فالسطح وزيد وزييد
المهم اياااااام زييينة
ياليت الطفولة تعود يوما

ههههههههه حيزبونتي كنتي شقية وصافي والله اختي احسن ايام ياريت ترجع كنا مهازين هم تا حاجة

انا كنت قبييييحة نضرب غير من التحت يا ويلهم الا جاونا الضياف وعندهم الدراري صغار كنقااادهم هههه كنديهم ورا الدار ونسلخهم مزيان ههههههه

بالومتي لاباس
انا كنت نهز الهم غير للامتحانات والمعدل غير هذا كانت الحياه وردي ههههه

ههههههههههه امال كنتي فحالي وصافي انا قبيحة وبزااف والله كنفكر نجلس نضحك ومسمومة بززززززززاف

amal123 كتب:بالومتي لاباس
انا كنت نهز الهم غير للامتحانات والمعدل غير هذا كانت الحياه وردي ههههه

الحمد الله احبيبة والله اختي كنا هانين وانا مشكيت عليك هلكني فقر الدم هاد الايام مكنقدرش حتا نوقف والله بالدوخة

بالوما انا دابة وليت ظريفة ههههههه
ما كنضربش غير كنركل لووووووول

بالوما عليك باسبانخ

amal123 كتب:بالوما انا دابة وليت ظريفة ههههههه
ما كنضربش غير كنركل لووووووول

هههههه انا نقصت شوية لكن نهار يجبدني شي حد هههه منسكتش ليه مرة

السبانخ كيف نديرهم ازين واش نطيبهم ولا كيفاش انا بدوا والووووووو كنكون مزيانة شوية نرجع نفس الحاجة وعندي 9 عملت تحاليل اليوم لقيت نسبة الهيمولوجين 9 طايحة

بالومتي افين مانشوفووكش بس بس اجي نتصاحبو
عرفتي شنو الموووووووووت ديال الضحك ملي جبدتو السليخ والمضاربة
انا راه ماكايحملوونييش حيت انا عربية و هما شلووح ماكايعرفونيش شنو كانقوول
كايديرو عصابة وكايتلقاو ليا فالزنقة من نساليو القراية
واحد المرة جبدت منهم وحدة وريتهم فيها الشونطيو و هما يوقرووني
عرفتوووووو قمشتها حتى بانت ليها الشحمة خارجة ونتفتها وضربت ليها راسها مع واحد الدرجة وجابت ليا باهااا و المدير حولني وخا تعجبو المعلمين والمدير قالو العجب هادي مافيها بلى ماتكون غير المظلومة
هاديك البنت كانشوفها دابا عندها وليد وباقي الاثر تقووول فاتحة وداير الغرازي فيدها ولكن راه مابقااش شي حد يقد يدوييني ولاو يحتارموني

بالوما السبانخ طيبيهم بحال البقولة بالثوم والقزبر والتبزيرة وماطيشة
حنونة حبي انا كنحماق عليك لانك كتبردي ليا القلب في الخماماج هههههه نتفي بوهم مزيااااان لووول

صراحة ايام الطفولة ماكاتنسى
انا واحد بنت خالتي من بين عامين والله كنا محمقين الواليدة الله يرحمها الناس يجو يشكو الجيران ديما سالخين ولادهم صراحة دوزناها
حيزبونة واش انت صحراوية

الحنونة 8 كتب:صراحة ايام الطفولة ماكاتنسى
انا واحد بنت خالتي من بين عامين والله كنا محمقين الواليدة الله يرحمها الناس يجو يشكو الجيران ديما سالخين ولادهم صراحة دوزناها
حيزبونة واش انت صحراوية

لا يا حبيبتي كنت نتمنى كون كنت صحراوية الصحرااوى ناس فنيين
انا عبدية وساكنة فسوس

مرحبا بيك فالصحراء والله انا صحراوية

مرحباا ياوني بييك

amal123 كتب:غبرت عليكم ولكن راكم في القلب فين غبوركم من نطل نلقاكم هنا ولا نتقلق
يلاه دخلو ولا نغضب
بغيتكم تعاودو ليا عن طفولتكم بمناسبة عودتي لدار الابوين وبيت الطفولة في خاطري نذكر ونعاود عليها
عاودو ليا حتا انتوما دخلو عاودو ليا على طفولتكم كيف كانت

اهلا اختي امال و لا توحشتك بزاف نتمنى تكوني بخير وسط اهلك و احبابك بالنسبة لطفولتي كنت رزينة لكن شوية شقية الا شفت الغلط في والدي كنت ناقشهم الوالد الله يرحمو كيتقبل نقاشي بصدر رحب لكن الوالدة كانت صعيبة كنت فين ما رونتها معها كتجري علي و كنمشي لواحد البالكو و ناخد المفتاح بسرعة قبل ما توصلني و نسد على راسي بالساعات حتي كيجي المرحوم هو اللي كيفكني من العقوبة واحد النهار تعطل و بقيت في خويا اللي صغر مني و جاب جوج ايزور لواهم و لاحهم لي و عقدت مع باب البالكون و حاولت نزل غير ربي اللي شاف في تحل الحبل و طاحت واقفة ههههههههه كنت مشاغبة خصوصا منين وصلت لسن 15 سنة واو لا احب النقاش سبحان الله دابا منين كبرت فين ما طليت من البالكون كنفكر فيه طفولتي ايام كانت زوينة الله يسمح لنا من حق الوالدين .

على سلامتك نونة وانشاء الله دوزي ايام زوينة وسط الحباب .
بالنسبة لطفولتي ...من كثرة الهم بدات كتمحى من دماغي اللي مزالة عاقلة عليه هو اني كنت كندوز كنلوي قرصة ف الدراري والبنات حتى كيغوت وماكتعرف امو منين جاتو الضربة ومايجي يشرح ليها حتى كنكون تلفت مع الزحام .واحد النهار حصلتني الواليدة وهي تعطني قتلة ديال العصا ...الصراحة كنت ظريفة لكن بمااني عربية وسكنا ف بلاد الشلوح كانو البنيتات اللي كيقراو معايا كيتعداو عليا داكشي علاش مابقيتش كنحن كنقرص كلشي هههه

أنا طفولتي ما كنبغش نتفكرها هزت الهم بكري الوليدة كانت خدامة و أنا لي كبرت خوتي أنا نوكل و أنا نقري عد كنت فاخرة و عاطية لعين ما كانوش كي خلوني نخرج و إلى خرجت كانو كيتبسلو عليا واحد جارتنا مقبلاني و تنقر كات حلف ما بنت 86 بنت 84 حيت هي بنتها قدي ولكين رقيقة و قصيرة كانت كنقرة بزاف و غي كنبكي كانو مسميني أم دميعة كانو كي دلمون ما كندويش دبى وليت واحد العيشورية واحد شطة ماطا إلي رجل و مذغرتة عليه مو يدوي

ليك وحشه يا غاليه بغيت نشوفك فالله صديقتي لو تسمح ظروفك

صباح الخير عليكم اموله توحشناك بزاف كيدايرين الوليدات والاهل ان شاء الله بخير وباقه ما ناوياش طلي علينا يا خيتي
انا طفولتي كنت ظريفه وفنفس الوقت قبيحه كنت ما نبغيش اللي يقرب الحاجتي وكبرت منعازلة اكثر حاجه فالدار كانت صاحبتي وحده اللي عندي وفرقاتنا الايام ساكنة هي دابه فالرباط كنا فحال التوام وغير ولا عمري 17عام ولات القباحه عندي دوبل ههههه كنت ام المقالب

امولتي والبنات ليكم وحشة خارقة للعادة ههههههههههههه اتمنى تكونو بخير وعلى خير كنموت انا على بنيات عويشة راني بايتة نحلم وهاد يومين مرفوعة شكون تفسر لي الحلمااااااااااا

على سلامتك امولة ...اشخبار الوليدات