لبناااااات ساعدة بليييز

حبيباتي هادي 7 شهور ديال زواج وختكم عايشة غير بلقلي او ماما كتيبلي وكتعطتيني فبلاستيكات ..ولي كان نافعني هو عكوزتي مكتطيبش وغير كدور غتقولو لي اش كياكلو غنقوليكم ماعرفتش والله اعلم وهادشي كيخلي راجلي يجيه عدم طياب فدار امر عادي جدا
لبارح راجلي طرطق علي وحشالي الهضرة وجه الصندالة(اكيييييد شي حد عمره) وقالي الى مكتعرفيش طيبي وهادشي امر مفروغ منه واستعوضت الله فيه ديري غير شي تخربيقات خدمي داك فران ديال دو وطلقي ريحة طياب فدار راه ريحة عشوبك ومجامرك هلكوني
تفقصت موالف غير بجوع جا يتشهى علي مع ان ماما طيابة لي تشهاها كديرا ليه طواجن حريرة كسكسو حلاوي بسبوسة كيكة ملاوي...قلت مكاين باس ونقلب غير على ساهلة
قلبت فقسم طبخ لقيت هاد لوصفة ساهلة جدا ولني واش دقيق هو الفرص ولا القمح سبيسيال لفينو???
[ندعوك للتسجيل في المنتدى أو التعريف بنفسك لمعاينة هذا الرابط]
عافاكم لي عندها وصفات ساهلة فحال هادي ولا اسهل هههه تحطها لي بليييز بغيت نتسيف على بو خنفارة

الزعرية خدي هاد المواقع بالخف باش نمسحهم ههههههههه ليحصلونا
.......
زيدي عليهم حتا اناقة مغربية ...و نتي تولي للا مولاتي ...

حبي دقيق هو فورص

oui hadak beauty zin bazaf

سترو مستر الله راه غيقطعو لينا الرجلين و ماباقيش غندخلو عندكم ههههههههههه

حسينة و الله الا زوينين بزاف و كيعلمو السطولة بحالي من داكشي الرفيع

ميرسي مهيرة خديته ومسحته لا من شاف ولا من ديري ههههه

ميرسي زهرة لحبيبة دابا فينما نقرا دقيق هو لفورص?? ماهم ميكتبو فورص وميحمقويش كنت غندير قمح سبيسيال

حتى لالة مولاتي غزال

حسينة حطي لينا وصفات شلحة بلخق ساهلة ويا رييييت توجد ف نص ساعة الى تعطلات

ههههههههههه زعرية كنقول انا مكنعرفش ساعا لقيت ما كثر مني هاني نزلك واحد بتزا عقي عليه بها

دقيق= فورص

انا راه مكاين مكفس مني اقسم بالله لبيض مسلوق ومكنعرفش شحال ديال لوقت يا كنخليه خضر يا كنزرقو ههههه
لبيتا مرة درتها جات لابات رقييييقة وكتهرس ولعمارة فازقة لمهم جات حالتها حاة قلبت لعمارة فلكريب ههههه

lwaasafat dial chleuh kahshom lokt
ana kan dir dakchi cocote minute matanahmalch lcusina hehehe

زهرة ايلول كتب:حتى لالة مولاتي غزال

حتا هوا غزال ..
الصراحة عندنا منتديات مغربية اجتماعية رائعةةةةةةةةةةةةةةةةةةةةةةةةةةةةة جداااااااااااااااااااا

زعريتي طلي على هادوك لي وريتك فيهم وصفات ساهلةةةةةةةةةةةةةةةةةةة..

حتا انا مكفسة في الكوزينة و دايما كنسمع الهدرة منو ..
و لكن عندو الحق خاصني نتعلم على ود وليداتي

الزعرية كفضي وكوني مرا ووريه لعيالات علاش قادات وراه كلشي تعلمي ليه وتولي حادكة غير خصك لوقت والخاطر

الفيروزة كتب:الزعرية كفضي وكوني مرا ووريه لعيالات علاش قادات وراه كلشي تعلمي ليه وتولي حادكة غير خصك لوقت والخاطر

بصح فيروزة وقت مكاينش كنرج من لخدمة حتال 18h ايوة فوقاش ندير شهيوات? ولويكاند يجري من اي يالله نمشيو عند مما فحاية دايرة لينا قردة والدة

mohera كتب:زعريتي طلي على هادوك لي وريتك فيهم وصفات ساهلةةةةةةةةةةةةةةةةةةة..

حتا انا مكفسة في الكوزينة و دايما كنسمع الهدرة منو ..
و لكن عندو الحق خاصني نتعلم على ود وليداتي

OK زين

نحظر الصينيه وتدهن قليل زيت ونوزع فيها 5 حبات جبن كيري نقطعه صغير

نحظر مقادير العجينه

نضع في الخلاط كاس حليب
4 بيضات
5 ملاعق دقيق
... ذرة ملح
ملعقتين صغيره سكر
ملعقه وربع كبيره بيكنج باودر
ملعقه صغير خميرة
كاس زيت


ونخلطهم زين ونصبهم عالجبن



ثم نضع خلطه الصلصه او صلصة البيتزاء الجاهزه او الكيتشاب






ثم نضيف سوسيس مقطعه صغي مشحرة في شوي زيت وملح مع بصل وفلفل اخضر مقطعين صغار
بامكانكم تحطون بد سوسيس بالكفت



ونضيف جبن موزاريلا مبشوره وبالامكان اضافة زيتون مبشور


ثم ندخلها فرن حار من تحت 20 دقيقه تقريباً
ثم تحمر من فوق


لاحظو قطع الجبن كيري من تحت

[ندعوك للتسجيل في المنتدى أو التعريف بنفسك لمعاينة هذا الرابط]

زعريتي واش شارية الالات لي كتساعد في الكوزينة ..

لللا زهيرو هادشي غزال عندك تبارك الله واش كتديريها

زعرية هدا جهدي عليك اكثر من هكا منقدرش

زييينة هلادي عندك يا لعفيريتة ما قال لا عجينة هشيشة ولا عمارة ولا والو بيه فيه
انا عندي مول ديال بيتزا زاج يصلاح لي ولا لا?

تبارك الله على زهرة الحادكة دخلي ونسينا فقسم الطبخ وعطينا تجاربك باين عندك ما يتكال

الزعرية لبغا راجلك الشهيوات يثبت فدارو فالويكاند ويعاونك فالكوزينة راه تانتي معاوناه برا أو وجدو شهيوات من يديكم

mohera كتب:لللا زهيرو هادشي غزال عندك تبارك الله واش كتديريها

مهيرة حشمت نقول ليك صراحة

mohera كتب:زعريتي واش شارية الالات لي كتساعد في الكوزينة ..

شارية لمدلك وموليكس ولمولات 2 ديال فران وايد باش نخرج لمول صااافي هادشي لي تفكرت

الزعرية الحرة كتب:زييينة هلادي عندك يا لعفيريتة ما قال لا عجينة هشيشة ولا عمارة ولا والو بيه فيه
انا عندي مول ديال بيتزا زاج يصلاح لي ولا لا?

يصلاح لهادي آ حبي

الفيروزة كتب:تبارك الله على زهرة الحادكة دخلي ونسينا فقسم الطبخ وعطينا تجاربك باين عندك ما يتكال

الزعرية لبغا راجلك الشهيوات يثبت فدارو فالويكاند ويعاونك فالكوزينة راه تانتي معاوناه برا أو وجدو شهيوات من يديكم

ايلا خيرته بين شهيوات وجوع ديال مو غييقولي مي حتى نرجعو ونديرو شهيوات
لمهم انا نديرهم لراسي وهو يمشي يوم عند ميمته

حبيبتي خلي عليا داكشي ...
علاش متشريش العجانة عبري بالميزان و لوحي ليها تعجن و حطي في اللاطات و المولات ...
شري روبو ...
شري الة الطبخ بالبخار ...
الفريتوز ..............الخ
كلشي غيعاونك و تحطي و نتي هازة راسك ...
شري الكونجيلاتور

كل مرة خدي حاجة على قد جهدك

زهرة ايلول كتب:

mohera كتب:لللا زهيرو هادشي غزال عندك تبارك الله واش كتديريها

مهيرة حشمت نقول ليك صراحة

زهرة اعترفي واش مجرباها??راي علت نديرها واش تصدقلي فمول الزاج,

za3raia jarbi fi boh mara harki omara gadi tat3almi omani t3almi chatfi 3la kbilto tatytafgass
hehehe

تصدق ليك و لكن شري مول ديال البيتزا ديال طيفال غزاللللللللل...

و نوصيك خدي دايما الماركة المعروفة و الغزالة باش تتميزي ...

و نهار يجيو يدخلو لكوزينتك يتفاجؤو بتجهيزاتها

الفيروزة كتب:تبارك الله على زهرة الحادكة دخلي ونسينا فقسم الطبخ وعطينا تجاربك باين عندك ما يتكال

الزعرية لبغا راجلك الشهيوات يثبت فدارو فالويكاند ويعاونك فالكوزينة راه تانتي معاوناه برا أو وجدو شهيوات من يديكم

ربي خليك نجي نونسكم على راس و عين

لعجانة عند ماما الى شراها غيولي طيبي لخبز وانا والله مندصرو ونهار يجيو دارهم يقولي ديري لبابا وماما خبز مسوس وهما فاش كنمشيو يشري لي خبزة من لمخبزة لحقاش كيديرو طيابهن وميبدلوهش واخا نمشي انا
لا امهيرة غيرصداع بلعجانة ونزيد علي لهم
والة طبخ بلبخار نفس شي فينما يجيو غيدصرو غيقولي ديري لمبخر لحقاش مو وباه كيداو يتفشو عند ناس نا كنقلي ليهم لحوت كيمشيو منفوخين ومراض الى لقاو عندي لخبز ولمبخر والله ميمشيو من عندي يعطيهم دقة الصكعة عوجة لحنك

mohera كتب:تصدق ليك و لكن شري مول ديال البيتزا ديال طيفال غزاللللللللل...

و نوصيك خدي دايما الماركة المعروفة و الغزالة باش تتميزي ...

و نهار يجيو يدخلو لكوزينتك يتفاجؤو بتجهيزاتها

مغجباتنيش لقيت غير لي كتفصل من لتحت خديت ديال 2 زاج ديال 27 وديال 30 cm
تجيهم فراس انشاء الله قولي يجيو لكوزيني ونفرقع عليهم بوطة نيت

za3raia rah kayn dok li kaybi3o lkhobz dial dar chrih okat3ih des morceaux odirh falafrigo rah makayoka3 lih walo

كوني شطورة حبيبتي ...
خودي العجانة و قولي ليه ابدا واش غنعجن بيها الخبز غتخسر ليا دغيا ...و خليها ليك حبيبتي ...
و الة الطهو بالبخار راها حتا هيا مزيانة و نهار يكونو عندك حطي ليهم الحوت بلا شرمولة فيها دغيا تطيب ليك العجب ...راه كتسهلي عليك العمل ...
فين ما تخرجي معاه شري حاجة و خليها ...لابد ميجي نهار و تبغيها ليك و لوليداتك

الزعرية مللي تكوني بوحدك فالدار وعندك الوقت عجني الخبز ولمسمن وطيبي لخبز نص طيبة وديريه فبلاستيكات ولوحي فلفريكو ديري خبيزات غير صغار ونفس الشيء للمسمن ديري لمقلة غير حطيه يطيب وقلبي وشقلبي بدون ميتحمر ودهنيه بالزيت وعمري لبلاستيكات ودخلي لفريكو والربيع والثومة نقيهم وقطعيهم وديريه حتى هما فالفريكو أما الكاميلة حالها ساهل مللي تجي مع 18 نصبي الكوكوط و لوحي لخبز اللي فلفريكو فلفران وصيبي شليضة وها عشاك واجد فنص ساعة راه كلشي ساهل خاص غير شوية الخفة والخاطر

لااااا راه كيشوف ماما كتعجن بيها وكتشكر فيها وهو يحماق على خبز دار راه ماشي غنريح راسي بلكس غنزيد مشكلة ةالى جاو دارهم يقولي عجني ليهم علاه هما كيكبرو بي فحال ناس
ولمبخر باف على كمارتهم كنير ليهم لقلي كله زيوتات كيقطر نيشان لمرض ولفرش هادشي فكرت فيه شحال هادي ومسلكنييييش

za3rria jibi chi mra une fois par semaine, ta3jan lik lkhobz olamsaman olbatbot odiri kolchi fal frigo
odiri ta labriwat olihi fal frigo

الفيروزة كتب:الزعرية مللي تكوني بوحدك فالدار وعندك الوقت عجني الخبز ولمسمن وطيبي لخبز نص طيبة وديريه فبلاستيكات ولوحي فلفريكو ديري خبيزات غير صغار ونفس الشيء للمسمن ديري لمقلة غير حطيه يطيب وقلبي وشقلبي بدون ميتحمر ودهنيه بالزيت وعمري لبلاستيكات ودخلي لفريكو والربيع والثومة نقيهم وقطعيهم وديريه حتى هما فالفريكو أما الكاميلة حالها ساهل مللي تجي مع 18 نصبي الكوكوط و لوحي لخبز اللي فلفريكو فلفران وصيبي شليضة وها عشاك واجد فنص ساعة راه كلشي ساهل خاص غير شوية الخفة والخاطر

اناري كاع هادشي!!! والله راجلي ميستاهل وممولفش بيه فدارهم يحط زبالة لفلوس وكيوكلوه لعدس ولا دواز مرة حصلته عاطي 3000 درهم مصروف دارهم!!! وهكاك يقول على مه مسكينة ودارهم مزيااانين
راجلي نوع لي كيدصر مه ممدصراهش وحتى خوته صغر منه وخواتاته ميوجدوش ليه وكيعيطهم قيييييمة وفاش سكنا كان فرحااان كنوجد ليه غير شوية ولف لفشوش ولا كيزيد فلادوز ودييييما دارهم مهلييت فيه وانا لي مراته ممهليش فيه ايوة والله حتى باااااز
رالي مولف تمارة فدارهم كيوجد راسه وفاخر شهر كيحط ليهم مرب وفداره تحلو ليه لعنين ومحمدش لله خاصه لجام اكيييييد

Hassina كتب:za3rria jibi chi mra une fois par semaine, ta3jan lik lkhobz olamsaman olbatbot odiri kolchi fal frigo
odiri ta labriwat olihi fal frigo

لاااااا ابدا راه غيولف يطلعلي فوق راسي هدا مرررررة مررررة خاصه يدوق شي حاجة زوينة ونجمع ونطوي اما الى ولفها فضيحتي بجلاجل

ايييه يا فيروزتي معضلة صافي
بغت مرة مرة ندير لمسة ديالي فدار بلق منلفهالوووش

حبيبة الزعرية الله يعاونك مع عائلة راجلك و الله ينصرك عليهم ، قوليلي واش مجربتيشي التطويع د القفل ديال عيون المها

لا حبي ملكات مازال مدرتها وليني قيدتها اش مزيان?

الزعرية حبيبة تا انا كنت مكنعرف نعمل والو لكن والله تعلمت غير بشوية نهار الاول تجيك ماشي مزيانة نهار تاني تجيبيها مزيانة ومزال انا نتعلم

وانشاء الله نرجعو طبخات ماهرات

اختي الزعرية نقولك واحد الحاجة و متقلقيش خاصك تعلي طيبي كيما جات تكال حتى تولي تصرعيها ماشي بالضرورة تجينا الماكلة بنينة من الاول الا بديتي بشوية بشوية و كتعلي صافي غادا تدي على الطياب و انتي غتبداي تبتاكري راسك و عطا الله المنتديات المغربية ها الطواجن ها المسمن ها اللي بغيتي بحال نهار السبت الا مخدماش في العشية ندير واحد الكيكة ونشوف كيغاتجيني و لا ناخد القصرية ندير فيها شوية الفورص و الالسبسيال و مليحة ونعجن مسمن و كيما جا راه كاتبانيلييا خايفة من الطياب و لكن الا بقيتي خايفة راكي سماغاداش تعلمي لا لازم مانخافش و نزعم في الكوزينة راكي مزوجة و راجلك ضروري خاصك طيبي ليه او اصحبتي راه الا ماهدرش دابا غغادي يهدر من بعد اوا حيدي الخوف و دخلي الكوزينة متلا انتما زوج شري طاجين صغير على قدكم و حطي فيه متلا الدجاج و ديري عليه بصيلة مشلدة و ديري شوية الملحة و شوية سكنجبير و بزار خرقوم غير قريصة اوا زيت بلدية الا لا و شحري لييا داكشي و قطعي شويه القزبور و المعدنوس رقاق و ديريهم من الفوق وشوية التومة محكوكة و شوية الماء اوا وقلي داكشي و خليه خودي ليك الالة واحد البصلة قطعيها جوانح رقاق ملحيها غير شوية اه بعدا الدجاج ديري في عود القرفة واحد ورقة سيدنا موسى اوا اشدي الالة ديك البصلة و ديريها من الفوق و خودي الزبيب غسليه و ديريه فوق البصلة ديري شوية الماء ماعمرك تكتري الماء باش تجي المرقة بنينة و نقصي العافية و خليه يطيب اوا خودي البطاطا ديرها فريت راه ساهلة اوا ديريليك شي سلطة متلا خودي الخص و غسليه مزيان مزيان و قطعيه طريفا ت وقطعي عليه مطيشة و الخيار وحتى تبغي تحطي الطاجين عاد ديري الزيت و الملح للسلطة اوا هاهو عشا معتبر مالكي اختي و مرا اخرى ديريه باللحم اوا الا بغيتي شى حاجة نزيدك حتى الا بغيتي الطاجين بالخضرة نوريك كيفاش احنا هنا خواتات

الزعرية الحرة كتب:لا حبي ملكات مازال مدرتها وليني قيدتها اش مزيان?

وي حبيبة عملها لراجلك ولماماه باش تهنى من الصداع

الزعرية بيتزا مادريهاش فمول الزاج عمليها فالمول الخاص بيها اما عن الطياب انا ماما كاتبه ليه كتاب كبير انت عارفه ماكلة ديال هذيك البلاصه ما تتعجبنيش بزاف انا اكثر حاجه تنطيب بكتب رشيدة مهاوش تعلمت منها شحال من حاجه وكل شي تبارك الله تيصدق والماكلة بنينه بزاف وبالصور شحال من وحده من عيلة بابا اتزوجت وتعلمت غير من مهاوش انا كنت مانعرف والو فالكسكس اجي طللي عليا وليت حادكة

تبارك الله عليك ريم حادكة معندي مانقول مللي رحت عند راجلي مكنت نعرف والو كانو يضحكو علي وعكوزتي كانت تزيدني لكوزينة وتكولي خاصك تعلمي راه زعم تاكل اللحم وكانت كتشجعني وتوريني الله يعطيها صحيحتها ودبا الحمد لله كلشي نعرف ليه ومزال كنتعلم

حسنآآآآآء المغربية كتب:اختي الزعرية نقولك واحد الحاجة و متقلقيش خاصك تعلي طيبي كيما جات تكال حتى تولي تصرعيها ماشي بالضرورة تجينا الماكلة بنينة من الاول الا بديتي بشوية بشوية و كتعلي صافي غادا تدي على الطياب و انتي غتبداي تبتاكري راسك و عطا الله المنتديات المغربية ها الطواجن ها المسمن ها اللي بغيتي بحال نهار السبت الا مخدماش في العشية ندير واحد الكيكة ونشوف كيغاتجيني و لا ناخد القصرية ندير فيها شوية الفورص و الالسبسيال و مليحة ونعجن مسمن و كيما جا راه كاتبانيلييا خايفة من الطياب و لكن الا بقيتي خايفة راكي سماغاداش تعلمي لا لازم مانخافش و نزعم في الكوزينة راكي مزوجة و راجلك ضروري خاصك طيبي ليه او اصحبتي راه الا ماهدرش دابا غغادي يهدر من بعد اوا حيدي الخوف و دخلي الكوزينة متلا انتما زوج شري طاجين صغير على قدكم و حطي فيه متلا الدجاج و ديري عليه بصيلة مشلدة و ديري شوية الملحة و شوية سكنجبير و بزار خرقوم غير قريصة اوا زيت بلدية الا لا و شحري لييا داكشي و قطعي شويه القزبور و المعدنوس رقاق و ديريهم من الفوق وشوية التومة محكوكة و شوية الماء اوا وقلي داكشي و خليه خودي ليك الالة واحد البصلة قطعيها جوانح رقاق ملحيها غير شوية اه بعدا الدجاج ديري في عود القرفة واحد ورقة سيدنا موسى اوا اشدي الالة ديك البصلة و ديريها من الفوق و خودي الزبيب غسليه و ديريه فوق البصلة ديري شوية الماء ماعمرك تكتري الماء باش تجي المرقة بنينة و نقصي العافية و خليه يطيب اوا خودي البطاطا ديرها فريت راه ساهلة اوا ديريليك شي سلطة متلا خودي الخص و غسليه مزيان مزيان و قطعيه طريفا ت وقطعي عليه مطيشة و الخيار وحتى تبغي تحطي الطاجين عاد ديري الزيت و الملح للسلطة اوا هاهو عشا معتبر مالكي اختي و مرا اخرى ديريه باللحم اوا الا بغيتي شى حاجة نزيدك حتى الا بغيتي الطاجين بالخضرة نوريك كيفاش احنا هنا خواتات

ربي يخليك حبيبتي حسناء راني قيد طويجناتك هدو حتال لويكاند ونجربهم وسط سيمانة نقدر ندير غير كيكة ولا بيتزا لوقت ماكاينش
لبارح درت صفة مريامتي1980 ديال لفائف بلللحم لمفرةم جات غزااااالة وعجبات راجلي هههه جبدت قسرية وعجنت يا سلااااام كيجي حدايا يقيسني فراسي كيقولي سهاااام كتعجن ياكما طالعاك سخانة احبيبة...طنز علي مزياااان وليتي فلخر سكتو جا داكشي بنيييين