شكرا لكم البنات كلكم

البنات أنا دخلت عندكم باش نشكركم على المساعدة والإهتمام لقدمتوه لخويا رشيد كزاوي حر فعلا تبتو بانكم مغربيات حقيقيات بأخلاقكم وحبكم لفعل الخير بدون مقابل شكرا بزاف مرة أخرى .

العفو حبيبة والله بحال خونا وانا لي عليا درتو والسيدة فتحت ليه الخط قالت لي اشنو يدير

العفو ازين هذا واجب نتمناو غير يولي بخير وعلى خير ولي عرفناه منبخلوش بيه راه بحال خونا ومرحبا بيك مرة اخرى

ربي يخليكم ويسهل عليكم

مرحبا بيك اختي معنا واخوك راه خوانا وانشاء الله يرجع مزيان

مرحبا بك أختي معنا وخوك راه بحال خونا مادرنا معاه غير الواجب ونتمناو ليه الشفاء

مرحبا بيك اختي معانا وخوك راه وسط خواتاتو مانبخلوش عليه باي مساعده وان شاء الله يصير احسن من اول الله يخليكم لبعضياتكم

مرحبا بك اختي كازوية حرة و احنا جاوبنا الاخ على مشكلت بصدر رحب لاننا اعتبرناه اخ لنا و الله يشافيه

شكرا لكم بزاف البنات الله يوقف لكم ولاد الخير فالطريق

منورنا بنات عيشه وولاد عيشه والله يشوف من حاله ويفك صراحه وتفرحو بوليداتو ان شاء الله

مرحبا باختنا مرحبا بيك اكيد انتي الي قال لينا عليك متبعا ليه مع شي فقيه
الله يشافيه ويبعد عليه ديك خيتي حاولي تهضري معاه

شكرا لكم أه أختي أنا هي ولكن هداك الفقيه مدار ليه والو .

والله الا دخلتي بصح هههههههه انا ما كنتش متوقع دخلي
شفتي لبنات عاونوني الله يكثر خيرهم وعجبوني بزاف كاملات مزيان الي اتعرفتي عليهم قلتها ليك راه غادي يعاجبك الحال معاهم

مرحبا اختي هو فحال خونا واللي تقالت على خوتنا خفافت علينا ومستحيل نبخلو باللي كنعرفو اللهي يحل عقادو ويفرحكم بيه

رشيد عندك الحق البنات ضريفات بزاف نتمنى نوليو صحابات أحسن درتيها يابو الزبايل هي أنك تعرفتي وعرفتيني عليهم .

غادي يعجبوك بزاف انا متأكد كيهضرو بحال الي كتقولي ليا نفس النصائح

مرحبا بيك حبيبة معنا واحنا خوتك والله تا انتينا باينة ضريفة

واتمني نتعرف عليك اكتر