الشهدة مالحة ولا حلوة

من طرف **مريامتي1980** الخميس يونيو 07, 2012 9:31 am

المقادير:
4 بيضات . نص لتر حليب.كاس عنبة عصير برتقال.كاس عنبة زيت.كاس عنبة سكر.1 خمارة حمرا.شوية د الخميرة د العجين.طحين حسب الخليط..
الطريقة: نجمعو جميع المقادير ما عدا الطحين و الخمارة الحمرا حتى الاخير و نزيدوهوم خاص العجينة تبقى مطلوقة شوية..نخلّيوها تخمار مزيااااان من بعد ما تخمار ندهنو يدّينا بالزيت و ناخدو كويرات صغار و نديرو فوسط كل كويرة شكلاط او فروماج على حسب اختياركم و نديرووهم فطاوة دائرية وحدة حدا لوخرا..و نخليوهم يخمرو شوية من بعد ندهنوهم بأصفر البيض مخلط بشوية د الحليب و ندخلوهم الفرن سخوووون..و بالصحة و الراحة