تقشير سهل وبرائحة عطرة

السلام اليوم غادي نقول ليكم واحد السر غزال وساهل باش الجسم ديالك يولي بحال الحرير خصوصا ان هاد الصيف الاغلبية ما تيمشيش بنفس الوثيرة للحمام وما تيقدرش يحك بالكيس
2 معالق كبار قهوة مطحونة (ماشي سريعة الدوبان)
1 معلقة صغيرة عصير حامض
1 معلقة كبيرة خل تفاح
خلطي المواد وديريهم لجسمك يكون مبلول وقومي بحركات دائرية لكل اعضاء الجسم والى قدرتي تبقاي في العضو اكثر من 2 دقايق يكون احسن مللي تشللي غادي تهبط مع القهوة واحد المادة دهنية بحال الزيت غادي تكوني ضربتي عصفورين بحجر واحد درتي كوماج نقيتي البشرة وزولتي معاها الدهون الزائدة اللي تحت البشرة
والله النتيجة مبهرة من اول استعمال جربوها واللي ما لقاتش نتيجة تدخل تقولي انت كدابة
تحياتي للحبيبات لانكم تستاهلو

شكرا حبيبة وصفة ساهلة غير عندي استفسار صغير واش وخا تكوني مسخة تستعملي هاد الطريقة بلا ما تحكي؟

واه فيروزة بالعكس الى كنتي موسخة عاد ديريها راه كتحيد الوسخ كله اللي في الجلد وكتخليه رطيطب وزيدي عليها ان ريحة القهوة كتحيد ريحة العرق باصحة والراحة

شكرا للجواب حبيبتي معنديش خل تفاح ممكن نعوضو بالخل العادي؟ وسمحي لي على كثرة الأسئلة حيث عجباتني لوصفة وبغيت نجربها الحكان كيسخفني ههههههه

هانية مرحبا ممكن ديري الحامض بزايد وشوية ديال زيت الزيتون لا ماديرش الخل العادي

الله يحفظك حبوبتي شكرا بزآف على لجواب غادي نجربها ونرد عليك

ان شاء الله تلقايها زوينة انا هي اللي تندير ما تنقدرش نحك بالكيس في الصيف ان شاء الله تجربيها بالصحة والراحة

شكرا رماد من شكراتها فيروزة غادي نجربها حتى انا الحكان كيسخفني ههههههههه

amal123 كتب:شكرا رماد من شكراتها فيروزة غادي نجربها حتى انا الحكان كيسخفني ههههههههه

بالصحة والراحة حبيبة امال ان شاء الله تنال اعجابك حتى انتي وشكرا على المرور العطر

انا جربتها اختي رماد راها فعلا زوينة و ريحة روعة ديال القهوة اوا الله يبيض ليك سعدك الحبيبة

الله يحفظك رماد الزين نجربها ان شاء الله خاصني غير نجيب الخل الله يعطيك ما تمناي

الله يعطيييك الخير حتى انا دابا نجربها
شكرااا حبيبتي
عفيتيينا من قوة الحكاااان
وحتى الكيس مضر بالجللد

شرف ليا انك تعطري صفحتي اخت حيزبونة وهادا وسام نفتخر بحمله من عندك
مرحبا ونتمنى نكون عند حسن الظن