بخصوص العشوب لي كانزيدو مع الغاسول

حبيت نفيدكم بخصوص العشوب لي كانزيدو مع الغاسول

غادي تشري من عند العطار الغاسول و قوليليه مايعطيكش لي مسقي يعني لي بالعشوب غالبا غادي يعطيك واحد كايكون ف بلاستيكا خضراء
و غادي تشري 3 دراهم من الخزامى + الريحان + القرنفل + الورد + السنبل
بالنسبة للطريقة ساهلة غادي تشمشي الغاسول مزياااان حتى يولي كيتفرت ليك بين صبعانك
من بعد غادي طحني دوك الاعشاب و تاخدي طنجرة ديري فيها 2 لتر د الماء و تسخنيه و تظيفي عليه الاعشاب لي طحنتي حتى يغليو مزياااان و تطفي عليهم خليهم حتى يدفاو و زيدي عليهم الغاسول و خليه حتى يدوب هو غادي يولي بحال العجين من بعد سرحيه ف لاطة ديال الفرن مثلا و بقاي تشمشيه مزيااان حتى يولي كايتفرتت
بهاد العشوب الغاسول كايكون مفييد للشعر و كايرجع ررررررطب و فيه ريحة زوييييينة
انا كنستعملو حتى للجسم فاش كنقرب نكمل كندهن جسمي و وجهي بالغاسول و من بعد كنشلل كايبقى اللحم رررررررطب و كايلمع
و بعد المرات كانديرو ف وجهي بحال شكل ماسك كاندير الغاسول و كانزيد عليه شوية ديال الماء ورد كايولي وجهي رطب هاد الماسك خرجتو غير من عقلي هههههه

شكرا فيروزتي ولكن واش تيصلاح للشعر المصبوغ

شكرا فيروزة

شكرا اخيتي العزيزة

اه فعلا الحبيبة فيروزة انا كتصايب لييا ماما مني كنكوووون في المغرب راه روعة و كما قلتي كنديرو حتى الجسم ديالي كيخليه رطب