الى بغينا نحتافضو بالقوق والخرشوف لمدة طويل

نقيوه مزيان نوضعوه في الما فيه الحامض حين نكملو تنقية ديالو نصلقو في الما معلقة فورص والحامض معصر ثم نصفيه نوضعو في كونجلاتور

خرشوف الى بغينا نحتافضو به لمدة طويلة

نقيوه نصلقوه مع الحامض والملح والماء يكون بزايد _منين يتصلق ناخدو قراعي زاج معقمين ثم نوضعو الخرشف في لقراعي مع الما ديالو نغلقو لقراعي نوضعوهم في لكوكوط مع لما باش يتعقمو نحيدوه من لكوكوط حين ببرد نوضعوه في بلاكار راه ما كاي خسرش

شكرا على النصائح مغربية انا منين نقي الخرشف اولا القوق تيبقاو يديا مصبوغين ما نتعرفش نشقى بالليكات والحامض ما تيقضي لي والو فيهم واخا نبقى نقي ونحك الحامض تيبقى صابغ واحد المدة الى عنك باش تفيديني شكرا

رماد انثى خلطي الملحة مع الخل يكون عاقد وحكي بيه يدك مزياااااان حتى يبدا يتحايد وعاود شللي وديري ماسك الحامض والزبدة دايبة وخليه تحت الليكات شوية وغسلي بصابون الكف انشاء الله تنفعك
عفوا حبيبة

شكرا مغربية سمحي ليا

هي لفكرة زوينة غير عن نفسي أنا مكنحتفضش بالخضر والفواكه فالمجمد كنفضل ناكلهم طريين وفوقتهم وحتى لبقاو فلفريكو مللي كيطيبو كيعطيو مذاق خايب ماشي بحال الطراوة

تبارك الله على مغربية الحادقة

عفوا رماد

فيروزة مكين محسن من الطري غير الواحد يعمل كمية قليلة الى تشهيناها نلقاوها وديال الدار احسن من ديال ازنقة والمعلبات

الله يبارك فيك حيزبونة