بنات يا له فيدونا بخبراتكم في التجارب المنزلية ...

تذكير بمساهمة فاتح الموضوع :

كلشي ولات عندو مكينة الصابون الحمد الله تهنينا من عدابو ...

اشمن صابون كتستعملو و لقيتو فيه راحتكم ..يعني مكيكشفش الحوايج و تيخرجو يا سلام ..

في البداية كنت خديت ماكينة الصابون العادية ..صراحة مشيت غالطة مع كلام الناس ..كانت عندنا في الدار و كانت امي الله يحفظها هيا لي كتخدمها دايما ...
ملي شريتها جيت مع الموجة ديال الفوطوكوبي ههههههههه الدوزييم شوا ...
مصدقاتش ليا ..خرجات ليا على الحوايج بزاف ...الحمد لله شريت lg الاوتوماتيك لي ولاو جداد ..و التصبين ماشاء الله فرق كبير في كلشي ..
كنت كنستعمل اومو ماتيك شوية رجعت لارييل ...لكن سمعت الناس تيقولو كيكشف ..
واش بحال هاد الماكينات نقدر ندير فيهم الشمبوان ..
واحد السيدة قالت ليا كتصبن دايما حوايج ولادها بشمبوان ديال الشعر ..و دايما حوايج ولدها ..بحال الا عاد شراتهم ليهم ...و الناس كيسولوها على السر ..

واش كتديروا الخل لماكيناتكم باش تحيدو الكالكير ...

شاركونا حبيباتي بخبراتكم

تبارك اله على البنات انا عندي ديك الماكينة رويال ديك العادية كنصبن فيها غي ب امو ماتيك تيخرج زوينين و لا كنت شي طبعة كنفركها بصابون الكف صافي كيخرج زوينينو في التشلال كندير باندوش معاه باش تبقا رويحة زوينة في الحوايج
و المانط كنصبنهم اما بشمبوان و لا باندوش يكون فيه شي ريحة زوينة و الصراحة مني كينشف كتبقا فيهم ريحة منعشة وحتى الزربية كنصبنها بالشامبوان و كنحكها بزلافة مقلوبة و لا ديك باش كنعصر الليمون والعابايات و الفولارات حتى هما كنصبنهم بالشمبوان باش ميكشفوش

مغربية كتب:تبارك الله عليكم الحادكات وشكرا موهيرة على الموضوع انا تنستعمل السكيب للمكينة اوتوماتيك تندير القياي ونعمل معاه شوية من مسحوق فانيش وفجهة ثانية قياس الغلاقة ديال سائل فانيش وهو جافيل ديال البيض والالوان الريحة كتعطعط فالحويجة فنيييييين والنظافة خلاص والى كانت شي بقعة صعيبة نحط عليها ديركت سائل فانيش ونخليه شوية ونلوحهم يتصبنو وحتى ستيلو حايد من الحوايج

الشكر ليك حبيبتي ..
ماشاء الله عليك ..بالنسبة لفانيش ناوية ناخدو ..غير عندي استفسار ..
مسحوق فانيش اش تايدير ..و السائل قلتي جافيل واش لكلشي البيض و الالوان ..
نقدر نديرو للحوايج المخلطين حيت بعض المرات الا كانو قلال كنخلط البيض مع الملون ..

Hassina كتب:انا كندير امو متك ولكنو لحوايج موسخين ديري كاي زول لما ميسخ وكمال بماء جديد باش لحوايج ميدوروش فلما موسخ
هدك لعبة ديال زلفة قتلتني كندير شيتة صغيرة مان بعد من خلي زربية ترطاب كنت نجيب لصبن وجننتني ههه

مرحبا بللا حسينة منزكمين ...فعلا الجبانية كتجيع واعرة الا كانت الزربية كبيرة ..لكن النتيجة ممتازة ..

ريم الفلا كتب:موضوع زوين ومفيد صراحه انا تنستعمل سكيب غزاله ريحتو تتحمقني واخه بوحدي راني حادكه هههههههههه تبارك الله عالحادكات دياولنا

ما شاء الله عليكي ...و شكون يقدر يقول عليك ماشي حادقة

حسنآآآآآء المغربية كتب:تبارك اله على البنات انا عندي ديك الماكينة رويال ديك العادية كنصبن فيها غي ب امو ماتيك تيخرج زوينين و لا كنت شي طبعة كنفركها بصابون الكف صافي كيخرج زوينينو في التشلال كندير باندوش معاه باش تبقا رويحة زوينة في الحوايج
و المانط كنصبنهم اما بشمبوان و لا باندوش يكون فيه شي ريحة زوينة و الصراحة مني كينشف كتبقا فيهم ريحة منعشة وحتى الزربية كنصبنها بالشامبوان و كنحكها بزلافة مقلوبة و لا ديك باش كنعصر الليمون والعابايات و الفولارات حتى هما كنصبنهم بالشمبوان باش ميكشفوش

تبارك الله عليك يا الحبيبة ...بالنسبة لبان دوش فكرة زوينة ..
انا الماكينة العادية مصدقاتش ليا ..واخا كانت عندي كبيرة وكنت نصبن فيها الطلامك و كلشي ..و لكن يمكن سرعتها كانت كبيرة بزاف ...كانت كتقطع الحوايج مع الوقت او كتحيد ليهم الخيوك و تفك الخياطات ..
و بالنسبة للزرابي ..جربي تعودي تحكيهم بوالماس ..كيخلي لمعان و نظافة في الزربية .