العشيرات منعت

السلام العشيرات كيدايرات هانيات تكايسو علينا الله يحفظكم راه ديك الشرويطة كتشروطنا وكتخلي دار بونا هههه المهم العشيرات دخلت باش نشكركم كلكم على المساعدة ديالكم ونشكر حبيبي وصديقي أمير الليل على الوقفة لي وقف معايا يالله العشيرات واااااافينكم دخلو نعاود لكم قصة حديدان لي هو أنا

لالة حبي الله يسلمك نعاود لكم لكن حتى تجمعو مافية ليبدى يعاود لكل وحدة بوحدها ههههههه وانتوما مايقد عليكم غير لي خلقكم هدي والتوبة عمري مامزال نتيق فيكم يابنات حواء

والعاشق الله يهديك راحنة غزالات و نعومات وظريفات وحنانات ولكن غبنتونا وكويتونا وقهرتونا وبهدلتونا حتى حاجة ماكتقر فيكم من غير الشراوط وماجاورهم ههههههه إيوة لي بغا حبيبو فهاد الزمان شنو يدير في نضرك

الحمد لله أنا فقت بكري وخة شوية معطل هههه ياوعمر شي بنت المرى مامزال ديرها بية خوك لبس الخودة ودار التحصين

فين ازين ديالنا اشنو الجديد صراحة خليتنا مشطونين عليك
هههههههههههههههه ياك ماتزوجتي

لالة حبي والله أختي ماكاين ماحسن من الحلال حتى الواحد كيجمع راسو وحتى فلوسو الله يسهل علينا بشي بنت الناس تكون لية زوجة صالحة وماتكونش كتآمن بالسحر ههههه

الحنونة ديالي توحشتك وافين الفنون صافي مابقتيش كتسولي

على السلامة والله خويا الى سولنا عليك راه كتبت لك موضوع
راه انت لي غبرتي صراحة بقينا مشوشين عليك

على الاقل خلي لنا الايميل غير نسولوا فيك
وحتى امير راه غبر لقيتوا الجديد ونسيتونا

إحم إحم نحن هنا

حنونة راه ملي مشيت للمغرب مابقيت دخلت للإمسن وزيد عليها شي مشاغيل على مشاكيل صافي وخوك ظاع

لالة حبي دوري مع الدرب الله يحفظك ههههه ولا غير كنظحك ختيتو

ياك دابا كاتحس راسك مزيان؟
دازت عليك احنيني عمرك مازال تعاودها هههههههههههه

حديدان الا فلتي من هادي عمرك ما تشد والضربة الي ما تزوج تقويك العفريت ووصينا حتى عينا وانت بغيتي تاكل لعسل بلا ما يقرصك النحل هههههه واخة غير ضريسة وصداع الراس وماتمشي فالت ايوا عاود لينا الخبيرة اهم شي تكون النهاية زوينة بحالك ههههههههه

أمال أش غادينعاودلك وراس الطارو بحالي هو لي مزال يلعبها قافز السيدة مصوراني فالبورطابل ونا بارك نتبوزة ونتعنكر حتى عمرتها تصاور وكانت تلبس حوايجي شي جبتو وشي بقى عندها وخوك طلع بقرونو

زعمة زعمة كنت حاضي غير مع الكلينيكس

ههههههههههههههههههههه ومازال مصوراك وباز احنيني

وإيه راه إحسابني دزعطات فية الساعة هي كتسمن للظربة

الحنونة وأمال تصبحو على خير حتى إلى دخلت غدا نعاود لكم بالتفصيل

ايوا خليتي بنات المنتدى ومشيتي لوحدة ثانية
ههههههههههههههه هانك خلصتي احبيبي

على سلامتك اخونا هادي ديرلك عقل
عليك غير بالسياسة حتى تمسح ليها كل تصاورك الا لقيتي كيفاش وحوايجك راه اخطر رد بالك ممكن نتنقم منك وتعمل لك فيهم سحر سفلي وساعتها عمرك الا طفرتيه
وثانيا قلتي بغيتي شي وحده ما كاتامن بالسحر لا السحر راه حنا مامنين بلي راه موجود راه مذكور في القران وراه الرسول عليه الصلاة والسلام تسحر المهم هي تعرف تحصن راسك والطرق كثيرة وساعتها ما يشدش فيك والا حتى شد فيك ما يصور ليك واااالو لانك كتكون محصن
المهم رد بالك وستافد من خواتاتك هنا في المنتدى