بنات عيشة دخلو

اليوم السبت قلت نفتح شي موضوع نسهرو معاه .


البنات كل وحدة فيكم تقول متى حبت أول مرة فحياتها وشحال كان فعمرها وأشنو المواقف المضحكة اللي وقعو ليها .

أنا أول وحدة حبيتها كانت بنت خالتي كان عندها 26 وأنا 14 وليت غير غادي جاي عندهم وملي تيحطو الماكلة وخى تنكون جيعان خوكم تيحشم وماتيرضاش ياكل قدامها ههههههههههه

أممممممم موضوع حساس بلاتي نسد السراجم والبيبان ونرجع

انا حبيت ف 16 عام و كنا انتراسلو من السرجم كايجلس تحت السرجم ويبقى يكتب و يرسم ليا فالقلوب حيث كان موووولع بالرسم و كان يتسناني حدا الليسي و نخرجوووو مع بعض و كنت كانسمع سميتو كنولي كولي كانترعد و كنت مخصصة وقت قبل النوم مباشرة نفكر فيه

ودابا باقي التوابع ديالو .................

شكرا أختي حيزبونة لتشريفك صفحتي

فعلا الحب الأول وخى بريء التوابع ديالو تترافق بنادم حياتو كلها .

ويلي انا اول مرة مكنت نعرف والو فحال سطلة فالسادس ابتدائي قالولي البنات شوف هاداك كيبغيك و باغيك تعطيه صورتك و هو يعطيك تصويرته المهم عطاولي تصويرته خبيتها فشكارتي و خايفة ماما تشوفالي ههههههههههههه المهم الحمق و صافي

ههههههه أختي لطيفة كلنا كنا حمقين ولكن هاديك الايام كانت زوينة ياريت ترجع .

أنا أول حب لية كنت فدوزيامأني وكنبغي واحد الولد فالكاتريام وحتى هو كنعجبو وكنا كنتخالفو معاهم فالأقسام كنت كنقعد فنفس الطويلة ليكايقعد فيها فحصة الفرونسي كنلقاه ديما كاتب لية أحبك فالطويلة ونمسحا ويرجع يكتبها وملي كانخرجو لستيراحة كيكون وسط صحابو وكايبقى يشوفية وعاود مع 6 كايبقى داير شي سبة بصحابو حتى نخرج ويبقى تابعني كنت كنموت عليه وما كنهظر غير عليه لكنه حب لم يتعدى النظرات

ههههههههههههههه للا الحب فكرتيني بواحد المنظر
فلانة + فلان = حب هههههههههههههههههههههههههههههههه

أختي للا حبي الحب ديال البراءة زوين وخير دليل على دلك أنك مازال عاقلة على التفاصيل البسيطة .

هههههههههههههه لطيفة عجبتني عندك هاد فلان +فلان =حب

فين هي لطيفة

سمحيليا راني حول ولات تتبان ليا نادية هي لطيفة هههههههههههههه العفريتة مشعلا ليا شي مجمر

ههههههههههههههههههههههه اممم هادي شي لطيفة مولات الفعلة

موضوع مزيون انا اول مرة حبيت كان عمري 19 عام هههه حبيت شارفة

الله يساااااامحك فكرتينا في الذي مضى
ههههههههههه
لو قلت ليكم انا في اي سنة حبيت تموتو بالضحك
في قسم الاول ابتدائي التحضيري هههههههههههه
وغير من طرفي انا وبقيت كنبغيه حتى وصنا للتاسع طبعا هوا مش كل سنة كيجي معايا في نفس الصف وكنبقىى متبعاه فين مشى اي قسم اي مدرسة من بعيد فقط كان ساكن قريب لينا من بعد هوا مشا يكمل في الاخوين انا مشيت لكازا وتفرقنا
تخيلو مؤخرا عرفت انه غادي يجي لدبي من واحد الصديق
هدا كله وهوا مش عارف اساسا انه انا كاينة في الوجود
هدا الحب الي انا حبيت اما الي حبوني كثييييير ههههههه

أختي أمال قصتك بحالي حتى أنا دوزت عامين ديال العداب وبنت خالتي تتعاملني بحال ولدها ههههههههههههههههه

نادية كتب:ههههههههههههههههههههههه اممم هادي شي لطيفة مولات الفعلة

وغير خليها على الله أختي نادية الصاطة عندي سميتها لطيفة متلفاني على صباطي .

هههههههههههه اموله هاديك ايامات الحمق عمرها كتنسى منتفكرو داك الحمق نبقاو نضحكو بواحدنا

هممممم انا غير عرفتو كان اول حب واول راجل فحياتي ثلاث شهور تزوجنا خمس سنين طلقنا هههههه وتزوجت الثاني عن حب والحمد لله الله يخليه ليا

amal123 كتب:الله يساااااامحك فكرتينا في الذي مضى
ههههههههههه
لو قلت ليكم انا في اي سنة حبيت تموتو بالضحك
في قسم الاول ابتدائي التحضيري هههههههههههه
وغير من طرفي انا وبقيت كنبغيه حتى وصنا للتاسع طبعا هوا مش كل سنة كيجي معايا في نفس الصف وكنبقىى متبعاه فين مشى اي قسم اي مدرسة من بعيد فقط كان ساكن قريب لينا من بعد هوا مشا يكمل في الاخوين انا مشيت لكازا وتفرقنا
تخيلو مؤخرا عرفت انه غادي يجي لدبي من واحد الصديق
هدا كله وهوا مش عارف اساسا انه انا كاينة في الوجود
هدا الحب الي انا حبيت اما الي حبوني كثييييير ههههههه

اماااااااااااااا ل الله اختي قطعتي ليا قلبي والله قصة مؤترة والله انا اول مرة نحب حب حقيقي كان مع ولد خالتي كان خاطبني انما مات الله يرحمو كان عمري 19 عام كنت محموقة عليه والله

باااااااااااالوما ختك حادgة فالسادس ابتدائي كنت فحال سطلة مكنعرف والو ^^ ههههههههههههههههه

الله يخليه لك أختي عيون المها أنت كنت محظوظة.

الله يخليك ويسر امورك وباذن الله يعطيك شبنت الناس جوهرة ورجيلات حليب هههههههه

ههههههههههههههههههههههههههه
ههههههههههههههههههههههههه
عجبتني هاد الدعوة اللي دعيتي معايا .

اناحبيتبزافحتى مبقيت عاقلة

ههههههههههههههههههه امير ليل عطاك الله الصحة هالمعقووول
الحب صعيييييييييييييب

ختي عيون المها شي دعيوة مع هاد العبد الظعيف وتكون من القلب

هههههههه جبتيها هي هذيك امير دبا مابقا حب كلشي ولا مصالح قليل الي تقا الشاب يحب من قلبه ويتقطع مع اغاني الراي الرومانسيه ههههههه

أمير باينة فيك أصحيبي صدرك تخرشش ونفط بالكويات ديال الحب هههههه

أمير الليل كتب:ختي عيون المها شي دعيوة مع هاد العبد الظعيف وتكون من القلب

بغيت لك ياخاي ربي يعلي مقامك وينصرك على عديانك وتوصل لمبتغاك باذن الله والله ينور طريقك ويفرشها لك ورد بلا شوك قول امين

أخاي نقولك الصح الحب صعيب والولف ساهل والفراق ماقدرت عنو تكويييييت أعشيري

البنات فكرتوني في حبي الاول والله حتا بكيت كان مزيان معيا الله يرحمو ودبا مع هاد المسخوط مخرجلي حياتي بالمعيور

الله يحفظك ختي عيون المها

بالوما الله يرحمو ويوسع عليه أختي .

وي بالوما راها قصة مؤثرة نيت والمشكل انه مش عاقل عليا اساسا هههههههههههههههههه
سولو واحد الصديق تلاقيتو بالفيس من ايام الراسة والبرائة وعندو كان وسولو قال له عقلت على فلانة قرات معانا قال ليه ما عقلتش عليها مزييييان عاقل على الدار ديالنا لكن وجهي نسى عليه ههههههههه
وتخيلي حب العذري من طرف واحد
سبحان الله انا برج الجدي وفعلا ما كيكونوش محضوضين في الحب ابدا الي كيحبوهم ما كيتوفقوش معاهم وكيتزوجو بالعقل مش بالعاطفة

بالوما طلبي ليه الرحمة وما تبكيش
راجلك راه مزيان غير خاصكم تعيشو مع بعض وغادي تولفو على بعضياتكم البعد راه كيطفي الحب

امين اخي

ياختي الحب صعيب والله انا راجلي مكنبغيهش هههه كنبغي رامي عياش هههههههه

زين حب الاول كيكون مرحلة المراهقة وصبحان الله والله جاي لدبي هههه شي نهار تشوفيه في الزنقة

أمال الجدي شخصية قوية بزاف

واييييه شوفي انا تزوجت وهوا تزوج لكن سبحان الله شي حاجة غريبة الحب البرئ

نادية مكونتيش سويهلة انا اختك كانت دافعة كبير هههه حتا طحت في الشبكة اول واخر حب دبا وخا كنبغي راجلي انما ماشي داك الشغف وداك الحب والله معرفتش واش الزواج كيبرد العلاقات

amal123 كتب:واييييه شوفي انا تزوجت وهوا تزوج لكن سبحان الله شي حاجة غريبة الحب البرئ

سبحان الله حب الطفولة والبرائة كيبقا دكريات جميلة

امير راه الجدي شخصية قوية ومثابرة وحنينة لكن مش محظوظة في الحب سبحان الله وفعلا من كيبغي يتزوج ممكن يتزوج عن غير حب بالعقل والعقل فقط

فحالي انا الجوزاء ماشي محضوضين في الحب انا تزوجت وصافي اما الحب مات فيا شحال هادي والله شحال من مرة ياختي كنقول شبابي ضايع والله مكنحسش بالسعادة مرة

أواااااااااااااااااااااااه حتى أنا جدي داكشي علاش معاشر معايا النحس .

موضوع كيفتح الجراح , أنا أول واحد حبيتو كان أستادي ديال اللغة الفرنسية ملي كنت فالسابعة وبقيت مزعوطة فيه وتنحماق عليه حتى دزت لليسي عاد نسيتو وهو طبعا ما كنش حاسة بيا .

نقول نعترف مممممممممممم هاني نقول كان يقرا معايا فباك و كان يجلس ديما و رايا مهم كنت نحماق عليه و هو كان مهتم بيا و لكن جامي اعترف ليا و لا انا اعترفت له
مشيت انا سقطت ههههه لعام ثاني دورة اولى كلها كان يجي لعندي زعما كيشرح ليا مهم بشوية بشوية حتى مبقاش جا
داز يام و مشات يام و بحكم عمل تعرفت على ناس بزاف
وحد نهار تلاقيتو في محل تجاري و انا نتخبا ههههههههه جاتني بحال حشمة بحالا خفت. مهم انا باقي عزيز عليا و هذا اول حب عرفت

زهرة أيلول ماعرفتش علاش الحب الأول غالبا كيكون من طرف واحد وفاشل.