الى مهيرة وعيون المها والفيروزة وامال ولالة حبي

اخواتي تبارلك الله عليكم والله كيعجبني اسلوبكم في النقاش واي حاجة منين دارت مهيرة تجارب في الحلول المنزلية انا نقترح عليكم تجاربكم في الحياة الزوجية

كيف نتعاملو مع عائلة الراجل ختو الولاد البنات المزوجين العكوزة


والراجل متعصب كيف نتعاملو معاه

واش ديما خصنا نقلو نعم في اي حاجة يقولها ولا لازم نهار الاول يموت المش

ادا متلا الراجل غلط فيك واش تستنايه حتا يقولك سمحلي ولا عادي تعاملي فحال مكاين والو


وادا راجل بغا يخرج واش نخاليه ولا لا حيت انا منعا عليه الخروج بوحدو الا ادا كان عمل هههه قالي جبت الحكام لراسي كنت هاني

مهم تجاربكم في الحياة الزوجية عموما واللي عندها شي حاجة تفيدنا بيها

شوفي احبيبه اي زوج عليه حقوق وله حقوق من المراه يعني لاحترام واجب من اول يوم وبزوجكم يكون احترام الاول للعائله سواء عائلته او عائلتك وديما احترميهم باش عمرو يغلط فيك ويقولك انتي الي ممزياناش و مدخليش بينهم وعليك بالصبر لان الله هو الي كيجازي ماشي الشخص وثاني حاجه الى غلط فيه عمرك تبداي بالغوات والمشاحرات جلسي بهدوء وكلميه فاي شي كيضرك من جيهتو والحوارات تكون بالعقل فكري مزيان فكلامك قبل تقوليه وعمرك تقولي له كلام يجرحو احنا لعيالات كنساوي اي شي داروه معنا الرجال ولكن هما كيبقا ديما هاز عليك نظره انك شاطه ماطه او قلبك اسود استعملي معاه الحنان والحيله اما الضد والعناد عاد مايزيد المشاكل بينكم والله فاول زواجي كنت عصبيه ونرد عليه ونعادو وكنا ديما فشجارات مكتسالي وملي درت عقلي ونفكر بيه والحمد لله امور ماشيه كبغيت والي بغيتها كيقضيها لي خص غير الصبر والله يوفقك يارب ويبعد عليكم الشيطان

معنديش بزاف باش نفيدكم لكن لي نقدر ناكدو ليك انو كل راجل و طباعو ..ماشي كلهم بحال بحال ..
في البداية كتكوني هادية و كتدرسي الشخصية ديالو ..و ملي كتلقاي النقط الاساسية كتلعبي عليها ..
انا صراحة نفعني واحد المنتدى بزافففففففففففففففففففففففف

و اهم نقطة نقولها ليك ..انو اغلب الرجال الا ما قلناش كلهم
طلب الاعتدار ديالهم تيكون في طلب *** معاك
يعني الا تخاصمتو و جا تينغز عرفي راه طالب المسامحة ماشي كيف تيقولو بغا غير يدير خاطرو ..
و هادا طبعا قول استشارية معروفة و رائعة

عيون المها كتب:شوفي احبيبه اي زوج عليه حقوق وله حقوق من المراه يعني لاحترام واجب من اول يوم وبزوجكم يكون احترام الاول للعائله سواء عائلته او عائلتك وديما احترميهم باش عمرو يغلط فيك ويقولك انتي الي ممزياناش و مدخليش بينهم وعليك بالصبر لان الله هو الي كيجازي ماشي الشخص وثاني حاجه الى غلط فيه عمرك تبداي بالغوات والمشاحرات جلسي بهدوء وكلميه فاي شي كيضرك من جيهتو والحوارات تكون بالعقل فكري مزيان فكلامك قبل تقوليه وعمرك تقولي له كلام يجرحو احنا لعيالات كنساوي اي شي داروه معنا الرجال ولكن هما كيبقا ديما هاز عليك نظره انك شاطه ماطه او قلبك اسود استعملي معاه الحنان والحيله اما الضد والعناد عاد مايزيد المشاكل بينكم والله فاول زواجي كنت عصبيه ونرد عليه ونعادو وكنا ديما فشجارات مكتسالي وملي درت عقلي ونفكر بيه والحمد لله امور ماشيه كبغيت والي بغيتها كيقضيها لي خص غير الصبر والله يوفقك يارب ويبعد عليكم الشيطان

الي قالتو ليك الاخت الغالية عيون ..كلام في الصميم و هوا من الاخطاء لي ارتكبت و باقا كنخلصها ..
اهلو متجبديهمش بسوء حداه ابدا ...لا و هو بوحدو و لا و هما مجموعين ..
الا صدر شي عيب بينك و بينهم سكتي و ربي كبير ..
و الا صدر حداه ....مزيانننننننننننننننننننننننننننننننننن غير سكتي و بيني الحزن ديك الساعة ..راكي حققتي هدف اول..
و مع الوقت غيولي يلاحظ شكون كيجبد العيب

الرجالة ميجوش غير بالعين الحمرا

ههههههههههه فين غابرة يا الحبيبة علينا

وجااااااااءت مغربية بالكرباك فينو هاداك الكرباك الي كنتي هازاه في الصورة كانك تروضي اسد ههههههههههههه

رجال بحال زمان كتقلبو وتلونه و كي قلت ليك عيون متجبديش تصلتو عليك بتقار ولكنو زيغين دربي من تحت وكحزي لتيساع هههه

سلام اختي بالوما اول شيء مبروك اعليك الالتحاااااااااق بالزوج وصبااحية مبااااااركة(ياكما اسبقني شي حد) ههههههههههه الي نبغي نضيف اعلى الي قااالوا الاخواااااااااات هو انك تعاملي زوجك كيف ولد اصغير اشوية الدلع والحنان راك تاكلي ليه ادمااغو حاااولي دائما تبيني ليه انه الكل في الكل والرجاال من طبعهم كيبغيوا المراة الي ترضي غرورهم وتحسسهم انهم اسود في دارهم وبالنسبه لعائلتو عامليهم بالحسنى ثم الحسنى واخة يسيئوا ليك قابلي اسائتهم بالمعاملة الطيبة وكوني على يقين انك غادي تكسبيهم في صفكمهما طال الزمااان وخااااصة امه ديريها ابحال امك والله غادي ينصرك وغادة تكبري في عينين زوجك وبالنسبة لمعاملتك مع زوجك حاااولي تخلي اسلوب الحووووار الهادىء تكون طريقة لحل مشاااكلكم والى ضراااتك شي حاااااجة صارحيه بيها وناقشووها باسلوب حضاري بلا اغوات بلا خصااااااااااام و العيب ديما تليه او حيديه هههههههههه مع راجلك ما عندك ما ديري بكلام العيب ههههههههه خليكي في عينيه ملاك الرحمة ههههههههه ( حتى يخرج وتبقاي وحدك اوا اراكي للمعيوووور والغوات حتى تفشي قلبك ههههههه)والي نوصيك اعليه ما عمرك تولفيه قطيع الكلام دائما واخة تناقشوا يبقى الكلام بيناتكم واخة غير اعلى خفيف وحدااااري من اعزيل الفراااااش اياكي ثم ايااااك دائما يكون نعاااسكم واحد واخة امخاااصمين واخيرا حبيبتي ادعوااا لك بالراااحة والسعااادة مع زوجك والله يبعد اعليكم اولاد الحرااام واعين الحاسدين

انا من تجربتي في زواجي السابق الرجل ماكيبغيش المراة تجبد عائلتو ابدا واخا يخطيو فيك دربيها بسكتة و لو قدامو كوني ذكية راه واحد النهار غادي يدور فيهم و ثنيا دربي من التحت و حاولي تقربي منهم و ما عمرك تجبدي العيب واحد الصديقة الله يدكرها بخير خدامة معايا العكزوة ديالها صعيبة بزاف منين كتجي عندها ضيفة شهرين في العام كالت لي كنمشي تحت واحد الشجرة في دارها و تبقى تسب كاع السبان اللي بغات تكولو في وجها ههههههههه و كتبرد و ترجع لعندها و دير لها خاطرها حتى كتمشي

شكرا ليكم كل واحدة باسمها سمحولي قبيلة مشاتلي كنكسيون ونصائحكم على راسي وعيني وانا غادي نتبعها بصدر رحب اكتشفت فيا حجات خايبين هما الغوات ههه وانكير ونتكلم فعائلتو خايب انما مشي ماماه عمتاتو وخولاتو اللي يقولي عمتي قالت نقلو وزعما هي شنو حسبا راسها

احسن عوان شجرة مسكينة هههه

hhhh chb3at m3yor

Hassina كتب:احسن عوان شجرة مسكينة هههه

ههههههههههه العفريتة كتنطقي كلمة و كتهربي شحال هدي مهدرت معاك في داري توحشتك الزين

اهم شي احبيبه مبروك عليك اختي تطوانيه محال واش عرفتني انا كنت كنعرفك من منتدي ديال طنجاويه ومسجله بي اسم تطوانيه وعرفت قصتك مع بوركابي ديالك
مهم احبيبه كما قالو ليك البنات اهم شي متغوتيش وديما كلام لحلو وعائلتو متجبديهاش اعتبري راسك مكاينيش و راجل ماكيبغيش لمرا الي فيها غوات وردان ديال هدرة وتجبد عائلتو حتي لو غلطو فيه قولي حسبي الله ونعم وكيل مهم تهلاي فراسك ودرسي شخصيتي بعدها تعرفي كتعملي معاه
الله يكمل عليك ويحفضك

ملاك ايمي كتب: اهم شي احبيبه مبروك عليك اختي تطوانيه محال واش عرفتني انا كنت كنعرفك من منتدي ديال طنجاويه ومسجله بي اسم تطوانيه وعرفت قصتك مع بوركابي ديالك
مهم احبيبه كما قالو ليك البنات اهم شي متغوتيش وديما كلام لحلو وعائلتو متجبديهاش اعتبري راسك مكاينيش و راجل ماكيبغيش لمرا الي فيها غوات وردان ديال هدرة وتجبد عائلتو حتي لو غلطو فيه قولي حسبي الله ونعم وكيل مهم تهلاي فراسك ودرسي شخصيتي بعدها تعرفي كتعملي معاه
الله يكمل عليك ويحفضك

شكرا حبيبتي ليا الشرف تعقلي عليا قلي ليا شنو كنتي دايرة اسمك

ربي يخليك احبيبه والله حتي توحشتك
كان اسمي اسمهان 1982

ملاك ايمي كتب:ربي يخليك احبيبه والله حتي توحشتك
كان اسمي اسمهان 1982

حتا انا اختي والله عقلت عليك دبا ايوا مرحبا بيك معنا الغزالة ديالي

ترحب بيك جنه احبيبه راكي عزيزة والله
شكرا ازين

حتا انتي والله عزيزة عليا بزاااااف