شكون بحالي

بنات أنا كنقترح قسم سيرت أهل البيت الأطهار نحطو فيه قصصهم أدعيتهم و كلشي يخصهم و والله القسم إلا الحجة عن طريقهم مقضية و بتجريب . اش بان لكم؟ يالله العاشقة في نبي تصلي عليه

انا الاولى نجاوبك احسن حاجة والله قسم للادعية اختي هههه قبيلة كتبت ليك اسم موقع كنقول ياربي تقراه قبل ميمسحو هيمونة

اللهم صي وسلم على حبيبنا لمصطفى

شكرا اى زين أنا بغى نعرف شكن كتبغي أهل البيت بحالي عد باش نهدر باش منتسماش كان فرض رأي ديالي عند بزاف ما يتقال عليهم .

حبيبة حنا المغربة الحمد لله ماتنفرقوش بين الشيعي والسني وحنا اللهم صلي وسلم على محمد وعلى أل محمد والصحابة أجمعين . فكرة زوينة

الحمد ليالله حنا فالمغرب حتى اليهود كنديرهوم في عنينا حيت معدنا طيب ولي الله الحمد و كلشي ناس كي بغونا. اللهم صلي على محمد و على ال محمد وصحبه المونتجبين.

اكيد ضروري يكون فيه قسم الادعيه وحتى وصفات طاهره وبذكر الله سبحانه وكل سورة وخواصها ومفعولها على الانسان

اللهم صلي وسلم على نبينا المختار وعلى اله وصحبه وسلمو تسليما
انشاء الله حبيبتي علم وينفد اقتراحاتكم اوامر بنات عيشة

تسلمين لنا ياموله الحلوه هذا عشمنا فيك ديما المساعده والطيبه

من عيوني مهاوي حاضرين للطيبين

اللهم صلي على سيدنا محمد النبي الامي وازواجه امهات المؤمنين ودريته واهل بيته كما صليت على ال سيدنا ابراهيم فالعالمين انك حميد مجيد

بغينا نعرفو قصتك مع اهل البيت

حتى أنا جاني الفضول واش أحنا عندنا الشيعة فالمغرب ؟؟؟؟؟؟؟؟؟؟

غا تصدمي إلا قلت لك المغرب دولة شيعية قبل ما تكون إيران شيعية دولة الفاطمية هي أول دولة شيعية في تاريخ و إلا شفتي عادات و تقاليد المغربة غا تلقاي كلها يا شيعية يا يهودية علاش حنا كنحتفلو بعاشوراء و سعودية لا؟ علاش حنا عندنا عيد المولد و سعودية لا؟ او نزيدك ضربة القاضية علاش المغرب كيصوم نهار مرة سعودية؟ سولي أي شيعي غا يقول لك كيصومو مورة سعودية بنهار. شكونا هو المولى إدريس مؤسس دولة المغرب علاش المغاربة كي سميو فاطمة زهراء و المهدي بكترة و دول تانية لأ شكن هو سيدنا قدر ليكيتسناوه المغاربة او زيد و زيد و زيد

حبيبة الدولة الفاطمية حكمت فتونس ومصر وبلاد الشام ولكن بالمغرب كان ينوب عنها أمراء سنيين أي بمعنى لم يصل التشيع إلى المغرب.أما بالنسبة إلى عاشوراء فنحن بالمغرب نحتفل كما قلت لانحزن والشيعة يحزنون 40 يوما حتى الإستحمام ممنوع .وبالنسبة للصوم فبحكم الموقع الجغرافي .أما بخصوص الأسماء فنحن عرب ومسليمين ونسمي أيضا موسى وعيسى فهل كنا مسحيين من قبل؟والمولى إدريس الأول فعلا هو من أحفاد علي وليس بشيعي وليست كل سلالة علي رضي الله عنه شيعية وهل كان الإمام علي شيعي؟؟؟؟؟؟ وعندك الق سيدنا قدر أول مرة نسمعها يمكن ليلة القدر

معلوماتك حلوة خلينا نتناقش . أما بنسبة لدولة الفطمية فقد بنت أول جامعة في التاريخ وهي القرويين بفاس في نضرك هل ستبني جامعة و تدرس فيها مناهج غي مناهج معتقداتها؟ تانياً لو سبق لك حضرتي جنازة في فاس أو في مولاي دريس زرهون غتلحضي أنهم كيديرو دورا و يبداو يدرب في صدرهم تماماً متل شيعة عراق. أما بخصوص عاشوراء سمعي الأهازيج مزيان و بإمعان غا تلقيهم كيهدرو على الحسين. و على المقتل ديالو أما بخصوص الصيام علاش أمريكا و دول الغربية كيعلنو رؤية الهلال مع سعودية علماً أنهم جغرافيا أبعد منا و إيران كتعلن رؤية الهلال معانا وهم شرق سعودية. ادن لا يتعلق العامر بالموقع الجغرافي تم حتى لو تعلق الأمر بالموقع خاص لفرق يكون في في سوايع لأن الأرض كتكمل دورتها في 24 ساعة يعني هما إلى شافو الهلال خصنا نشوفه مراهم ب-5 سوايع لفرقنا مشي نهار . علماً أنا شيعة بسعودية و عراق و إيران كيصمو معانا .

أما بخصوص الأسماء عيسى وموسى كانو على ملة ابراهيم و هي الإسلام لأنه الرسالة سماوية كلها من نهار بدت كتسم إسلام داك شي لش دينو عند الله الإسلام . وش سيدنا ابراهيم و موسى و عيسى غا يمشو نار ؟ لا لأنه أي واحد كي واحد الله قد أسلم أمرو لله عز وجل أما بخصوص الإمام علي عليه سلام فهو المدهب تسمى عليه شيعة علي . الشيعة لغة هي الاصحاب أو الحزب و شيعة علي هم ناس لي ما رجعوش فالعهد ديالهم لعطوه للرسول عليه أفضل صلاة و سلام في يوم غدير

ختي فتي فلور أنا كتير فرحانة لكن تناقشو في موضوع مهم و بأسلوب راقي و حضاري فن كنا و فن ولينا

شكرا لك حبيبة لأنك فتحتي موضوع جميل للنقاش وفعلا أنا أول مرة فحياتي نصادف شيعي مغربي أنا قريت على موجة التشيع والتمسيح التي أنتشرت مؤخرا بالمغرب ومصدقتش فلهدا قبل من نكملو النقاش على أن المغرب أول دولة كانت متشيعة جاوبيني بصدق وصراحة كيفاش تشيعتي هل تربيت عليه أو إتجهتي له بعد أن كبرتي .

نعودها لك كي لخرافة يا ختي كنت ما بني و بن دين غير الخير او ليحسان عايشة مع مخي في مريكان . غا حتى بدات دنيا كتعكس ليا إوة لا شغل هو هداك لا صحة هي هديك تعاكست بالمزيان. إو أنا نقل أجي ندير رقية شرعية بديت كنحس بتحسن نسبي دوامتها لiل و نهار حتى واحد نهار كان سمع لها ويشدني راس تحت غيبت بدات رجلي كفركل و كنتخشب و كان كنزز . مالي فقت قلبت على شنو وقع ليا فجوجل لقيتها علامات المس مشيت لغد ليه قلتها لصاحبتي ماجيت فن نكمل معها الكلام حتى طحت إو وجي تفرجي ساعتين و أنا طيحة نبكي و غا كيقرو عليا القرآن بحل إلى شوتني نغوت داوني كوما إو داك ضو كيطلع ليا من سبع رجلي طل قلبي غا يطرتق ودارو ليا الأمونيا والو حلفت لا فقت إوا ضو كيدربني من رجلي تل قلبي شافو ط عياو خلوني في لشمبر ديال كومة و زادو إو وهي تسلت واحد خيتي مركنيىة بدات كتقرى اش داك لعجب عندها

بديت كان غوت لها جاو خرجوها مالي خرجوها بحل إلى تفكرت را نقدر نقرا قرآن بديت كنقرة لقد عليه و شهدت حيت قلت الموت هادي ما فيهاش ملي هزيت صبعي نشهد قلت لا إله إلى الله و محمد رسول الله حطتو ويختي تقولي شي حد هز ليا صبعي و قال ليا علي ولي الله. والله العضيم ياتى صبعي تهز بوحدو و قلتها أنا براسي معرفة لا لش ولا كفاش المهم قلتها بحال إلى كنت خايفة نموت و شي حاجة مهمة في حياتي ما درتاش و هي ديك علي ولي الله و تقي بي يا ختي إلى قلت لك ملي قلت علي ولي الله ياتى عينية تحلو و داك ضو لكان كي ضربني حبس و ضحكت من بعد ملي مشيت لدار بديت كان قلب على علي بن ابي طالب عليه سلام ولقيت بزاف لحوايج

و منهم تفسير ديال واحد سورة فالقرآن عطاوها ليا لجواد والله دبى كان سول عليها شيعة بروسهم من عراق ما عرفين تفسير ديالها . و هادي هي حكايتي مع تشيع و انشالله نزيدك أدلة اخرين لمهم آنا ما بغى نفرض رأي ديلي على حتى حد و ما بغى نشيع حتى وحدة و ما بغى نشري عداوة حتى شي وحدة أنا لسولتني نجوبها حيت غدا أمام الله غا نتحاسب الخبيت الحقيقة.

سبحان الله . والله يبعد عليك الشر حبيبة , ولي الشرف أني نتناقش معاك وأتمنى أن تكون لديك رحابة الصدر كيفما لمست فيك وغير متطرفة في أرائك وتوضحي لنا الغموض الدي يلف المدهب الشيعي في نقاشات قادمة إن شاء الله . والله حتى كندخل اليوتيوب تنلقى السبان وتنخرج ههههههههههههههههه خلينا نفتحو موضوع ونتبتوه نسميوه الإتجاه المعاكس الودي باش نتشهرو ونطيحو البق على اليوتيوب

والله يا حتى فكرة قال لك لماعندو سيدو عند لالاه و داك شي لعجزو عليه شرقيين يديره المغربيات هههه أنا وجدة لأي بنت بغات تناقش معايا بعقل و بادب و نبحت بجوج و إلى أنا غلطة تصحح ليا و إلى هي غلطة تقبل مني تصحيح والله يهدي الجميع

حبيبة خودي راحتك غي عندي واحد الملاحظة ليك أنت تبارك الله عضوة نشيطة نزلي المواضيع اللي عجباتك غير حاولي تنوعي ما تركزيش على مواضيع الشيعة بزاف باش كلنا نستافدو وخصوصا أن المنتدى مغربي وأنت عارفة الشيعة فالمغرب حالات شادة . وحتى واحدة حبيبة ماغادي تعاديك ولا تقول لك بغيتي تشيعينا حنا هنا الحمدلله كلنا متعلمات وكل وحدة فينا مقتنعة بدينها ومدهبها مرحبا بجميع الديانات والطوائف نحن إخوة في محبة الله.

كلامك هو لكبير اى زين