جوماج الخاص بيا قنبلة لشد الجسم وسيلولايت وشلة فوائد تبعوني

من طرف **مغربية** الأربعاء يونيو 12, 2013 9:02 am

البنات هدا سر من اسراري تنبيعو لمقرباتي لي تيتيقو فيا مكنتش باغة نحطو لانو سر المهنة ههههههه ولكن ميغلاش عليكم غير كونو لالياتي وطبقو
طبعا بعدما بحثت على كل مكون وفوائدو قررت نجمع الخلطة بالدرجة الاولى للسيلولايت والمساعدة على تدويب الدهون ولكن مشي بوحدهها لازم تشربو معاها اعشاب منحفة وشوية الريجيم وتبعوها زائد كتبيض وتقشر الجسم وترررررررطب غير لازم المداومة
بلا منطول وخا غنطول [ندعوك للتسجيل في المنتدى أو التعريف بنفسك لمعاينة هذه الصورة]
جوج كوب كبير قهوة مطحونة ولا نيسكافي والافضل تكون قهوة بحبيبات خشنة المهم قهوة البن مطحونة
نص كوب روز مطحون
نص كوب بودرة جونسون للاطفال
نص كوب داد
نص كوب قشور البرتقال مكرمين ومطحونين
نص كوب خرطال
ربع كوب ملحة عادية
معلقة كبيرة بكربونات الصوديوم
نص كوب خرقوم بلدي مطحون كلشي يكون بودر
نص كوب حليب نيدو
ربع كوب ورد مطحون
ربع كوب قرنفل مطحون
نص كوب سكينجبير مطحون جديد
معلقة كبيرة شبة مطحونة مزيااان بودر
واخرتها حلاوة نص كوب سنيدة
المهم الالياتي غتخلطو هادشي كلو بيديكم ناشفة باش ميخسرش لكم عملوه فقرعة الزاج محكمة الاغلاق بعد ماتخلطو فحالا كتكسكسو [ندعوك للتسجيل في المنتدى أو التعريف بنفسك لمعاينة هذه الصورة]
ندوزو للطرق غتشدو ربع الوصفة تحطوه فبواطة بوحدو ديال الزاج يبقى ناشف
الربع الاخر تحطوه فبواطة دزاج وتزيدو عليه جل الصبار او الدركة حتى يولي فحال الكريم جل وسدوه
والربع الاخير ختشدوه الالياتي وتخلطوه مع كريم فازلين بزبدة الشيا وليي لقات الموف ديال تجديد البشرة احسن وزيت جونسون عينكم ميزانكم يوليو كريم وطحنوهم مزياااان بمولينكس يكون الخليط خفيف شوية ماشي بزاف المهم يكون على شكل كريم عادي يتطحن مزيان [ندعوك للتسجيل في المنتدى أو التعريف بنفسك لمعاينة هذه الصورة]
مني غدخلو للدوش غسلو بما سخون بالبخار حتى يتحلو المسام وشدو من القرعة لي فيها الناشف ديرو منو فكف اليد وعصرو عليه نقيطة الحامض غير شوية داكشي خص يبقى حرش وحطو على الاماكن لي باغين تجمع ولي مترهلة وهارية ههههه واراكم للفريك بيديكم تاتعياو بحركات دائرية يمين شمال يعنو دورو هك وهك وفركو ودورو عاود بالاتجاه المعاكس [ندعوك للتسجيل في المنتدى أو التعريف بنفسك لمعاينة هذه الصورة]
انا مني تانعيى بالفريك تنجبد هاد الالة نكمل بيها بعد مايحمار لحمكم وتعياو من الفريك جبدو البواطة لي فيها جل الصبار بعد ماتشللو جسمكم بالما دافي نوعا ماشي سخون وطليو كوماج لي بالصبار على البلايص لي باغين يضعافو ويتشدو واراكم للزليقة والحركات الدائرية حيت فالاول ضروري الايد وتكملو بهادي حيت تتساعد على الجوماج وتفتيت وتحريك الشحوم اللاصقة فجدار الجدر والعروق [ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]

مني تساليو شلو بما دافي وبارد نوعا ما بما ان الوقت بدات تسخن وماسيو الكريم لي طحنتو كمرحلة اخيرة بنعوووومة بيديكم كاخر خطوة بعد ماتعملو شمبوات والماسك ديالكم والصافون خلوه عشرة دقايق وشللو بنعومة وتفمتعو بالشد والنعومة والنقاء والبيوضة والصفاء نشفو مزيان مني تخرجو دهنو لحمكم باي كريم يشد الجسم مثلا فازلين بالكولاجين ولا نيفيا كود باي سيلولايت ولا اي ماركة لوريال مثلا اي كريم للسيلولايت تلقاوه
وبالنسبة للمغتربات لي لقات هادو تاخدهم بعينيها مغمضين روعة رووعة وعشق لاينتهي

[ندعوك للتسجيل في المنتدى أو التعريف بنفسك لمعاينة هذه الصورة]
وهاد المجموعة على حسابي

بالصحة والراحة شي دعيوات [ندعوك للتسجيل في المنتدى أو التعريف بنفسك لمعاينة هذه الصورة]