وصفات دجاج كنتاكي

دجاج كنتاكي فرايد تشيكن
وصفه اولي
ومقاديرو
دجاجة مغسولة مزيان بالحامض والملح ومسقطرة مزيان ومقطعة
كنرقدوها في قليل من التحميرة ملح هريسة ولبزار و2 ضوس تومة محكوكين ونرقدوها ليلة كاملة
ومن بعد ندوزهم في الدقيق والبيض اشيبس باي نكهة وندخلهم لفريكو 4 سوايع او اكتر ونقلوهم في زيت تكون سخونة ومن بعد نقسو عليهم العافية باش يطيبو من الداخل
المذآآآآآق منعاودش ليكم

كنتاكي
نوع تاني
بالطريقة ,,


نرقد افخاد دجاج في ليل او دجاجه كامله علي حسبفي الليل بـ(( كاس دانون مسوس + بياض جوج بيضات + ملح

الدجاجة تكو ن بالعظم والجلد

من بعد بعد نطحن _ كورن فلكس عادي" يكون جوج كسان ,مع 6 حبات بيمو مالح وبودرة ثوم وبودرة فلفل حار نخلط كولشي مع بعض
من بعد نغمس دجاج في كورن فليكس ونحطو في طاوة ديال الفران نغلف الصينية باالور ق المونيوم قبل ندخلها الفرررن ,,


وتدخل الفرن وسط بحرارة عالية من أسفل لمدة ساعة, وبعد مايطيب نعري عليه ونخليه يتحمر شغلت عليه الفرن من فوووق ,,


كنتاكي وصفه تالته


وصفه ثالثة



د المقادير والطريقة في نفس الوقت

دجاجة من وزن كيلو ونصف نزولو ليها الجلدة ونقطعوها الى عدة قطع

في اناء نخلطو ملعقة كبيرة ديال موطارد شوية الملح الابزار ودانون طبيعي وبيضة نطربو الكل ونرقدو فيه الدجاج على الاقل ساعتين انا كنبيتو في الثلاجة

هاهو بعد ليلة كاملة

منبعد ندوزو كل قطعة في الشابلير مزيان

في مول ديال الفران نفرغو لبقى ديال الصلصة

نستفو قطع الدجاج ثم نضع طريفات من الزبدة من الفوق هدا اختياري انا مكنديرهمش نحلوه الفران حتى يتحمر


وصفه الرابعه


كريسبي دجاج ديال كنتاكي

المقادير:

شرائح لداند مقطعه بشكل طولي غليظه شويه
دانون مسوس
الملح /البزار/شويه تحميره التومه محكوكه و شويه الخل

للقلي : الطحين البيض كورنفليكس مهرمش شويه ماشي بزاف

لطريقه:

ناخدو لداند و نزيدو لليها جميع المكونات نخلطوهم مزيان و نديروهم ف تلاجه علا الاقل ساعتين
من بعد نديروهم فالطحين من بعد البيض و كورن فليكس و نقليوهم .
انا كندير معاهم واحد لاصوص الا بغيتو ديروها:
دانون مسوس +شويه الملح البزار التومه محكوكه و شويييييييه تحميره صافي من بعد مايتقلاو تتنزلي معاهم هاد لاصوص ليبغاها
تيديرها معاهم.

راهم تيجيو تمآآآاما بحال ديال كنتاكي و بصحتكم الغزالات.
نتمني تجربيهم ويعجبوك وسمحلي تعطلت عليك والله غير ضروف وامي مريضه وهدا وين لقيت باش نصيفتهم ليك
الي دحل يدعي لي امي بشفاء العاجل
عواشركم مبروكه

ربي خليك شكرا بزاف بزاف اختي ملاك غير اليوم شفت الوصفه لهلا يخطيك الله يشافي امك وخليها ليك
امانة ما تنسايش طمنيني عن والدتك