داكشي اللي كنت شاكة فيه وقع

كنت حطيت موضوع طالبة مواساتكم لاني كنت كنفكر ف الطلاق ,لكن اليوم فاجاني بالصدمة ,قالي من الاحسن نتفرقو وجيت طالبة مساعدتكم ...ماكنتش كنتصور ان فاش غنسمع بحال هد الخبر ان الارض غدور بيا ...فكرت لكل الصبر اللي صبرت معاه .اني كبرت بنتي وهو بعيد عليا ..عانيت مع عائلتو وصبرت باش غير مايقولو (انت ماشي مرا ومكداش) صبرت وصبرت ,تخليت على خدمتي وقاطعت صحباتي وضحيت وفالاخير جزاني بالطلاق ,وكون تعرفو علاش السبب غدي تستغربو ,سوء تفاهم جد بسيط وبسبابو قاعني وهجر الفراش وماكيتجامع عايا لا ف ماكلة ولا بيت ,البلاصا اللي نعمرها يخويها .وكنكول دبا يهديه الله راه سحابة وتمر لان المشكل مايستاهل والعجيب انه هو اللي اختالقه
اليوم مشيت عند واحد الشريفة كالت لي امو ماخلاتكم بالسحورات ,وهو راه مشا سول على راسو ف المحكمة باش يعرف اش يمكن يدير والقوانين الي خاص يخلص ...كلشي هدشي وانا ماجيبا خبار كالسة وكنكول دبا يهدا وهو كيحفر ليا
كون تشوفو حالتي غتبقى ف اليهودي لان الشمتة والظلم والحكرة كلهم تجمعو ..
بقاو فيا غير ولادي ,بنتي اليوم ضلت تبكي وتسولني واش بصح غادي نتفارقو ,
-اش ذنبها هزت الهم من دبا ومزال طفلة
-كنكول اش غتربح امو من بعد الفراق
-كنتساءل علاش حنا كنحنو وكنصبرو على ود العشرة
ماسمحت لامو والله يخلصها ف الدنيا قبل الاخرة
سمحو ليا ولكن ماعندي مع من نهدر

الى تعدات عليك بغيت فهاد الشهر الكبير عند الله تعذب فحياتها والله حرام عليها
بغيت من الله تصالحو وتولو بخير الله يكون معاك الى غير الرجال كلهم بحال بحال

الله يصبرك اختي وما بعد الضيق الا الفرج

شوفي اختي لهلا يردوووووووووووووووووووووووو
الله بغاك تفرقي معااااه باش تشوفي الدنياااا وتفرحي وتفتحي على الناس و تفجي انتي وبنتك ماشي نهاية العالم
الله يعطيييه دقة قوليه طفرتيييه
انتي غادي تجييك صعيبة فالاول ولكن كوني مراة ونص وفهادي غادي تبااني
انا راه اختي لاحهااا ببنتها و جلسات معانا شي 6 سنيين
وتزوجاات دابا بواح اخر مهلي فيها وتمشي فينما بغات وماكاتحطش يديها فالما و بنتها كاتقرا فاحسن المدارس وهاداك الكلب كايعيط يقول لينا نشوف بنتي
وفاش كايشوووفها يبدا يبكي وينوح ندممممممممممممممممممم
ودابا بنتو كاتعيط لو ويهدرو عادي وعزيز عليها وكولشي ولكن ماماحتاجاه فوالو
غير بالسمية وصافي
صافي مسحي دموعك وطلبي ربي يعوضك احسن راكي مازالة صغيرة و تجيبي احسن منو الله يحرق لمو الجدر
واللي دار شي حاجة يتحاسب عليها

بصح كلام حيزبونة لا تبينيش انك ضعيفة قدامو او لاصقة فيه لا بالعكس خليه حتا يتفش وانتي نوضي جري على راسك بالتفوسيخات وحرقي بوه مزيان وميكي عليه
لا تخرجي من دارك وتهزي ولادك وتخرجي بغا يمشي الباب اوسع من كتافو دارك لا تخرجي منها سمعتيني
انا نسالي ونهضر معاك راني خاسر ليا كمبيوتري وداخلة من التلفون صعيب الكتبة فيه
اهم شي لا تخرجي من دارك

حبيبتي اميرة كلام البنات صحيح قوي راسك وضحكي وفرسيه راه متعرفي شنو مخابي ليك هي صراحة صعيبة والله لكن الرجال ولاد الحرام ديما ينساو العشرة وديما شحال معملتي معاهم ينساوه انما انتي فوسخيه وانشاء الله يكون خير

ما عرفتش علاش رسالتك حسيت بها بالعمق وأثرات فيا ، الله لا يرضا الظلم ولي ظلماتك الله يجازيها ،ما عرفتش باش نفيدك ، أنا بغيتك تعملي التفوسيخة لي كتلصقي فيها صورتك بصورة راجلك بالعسل وتوضعيها مع الماء والكروية العمية والعرعار والفاسوخ على البوطا وتخليها شي 10 دقايق كل يوم مدة سبعة ايام معرفتش شكون كاتباها
راه البنات شكروها اقلها يحيد السحر لي بيناتكم والله يسهل ليك اختي

الله اجيب ليك لي فيها الخير

كنس الرجال كنس يهودي إلا من رحم ربي وكان رحيما انتي بغيتي تجمعي الشمل وهو كيحفر ليك فين يفرقك بقيثي فيا حبيبتي أميرة وحسيت بمعاناتك واللي نقوليك لمزال كتحسي بشوية الحنان من جهتو أختي جرري على راسك راه ماشي حرام الحرام هو أنه تشتت ٱسرة ويضيعو وليدات ومكنضنش كاينة شي أم باغيا تفرق حفيدتها وتشتت أسرة

ولدها مهما بلغ حقدها لعروستها راجلك على دوك المؤشرات اللي قلتي دايرة بيه شي وحدة راه لخانزات عطاهم الله ومكيخفوش الله تبني سعادتها على تعاسة الآخرين
نصيحتي ليك هي صبر و جري وجاري حتى تقاد أمورك مع زمانك على ود بنتك وعشرة السنين اللي بيناتكم الله يحنن قلبو فهاد العواشر وينعل الشيطان ويجمع عائلتو كثري من الدعاء والاستغفار أأميرة بنية هداية الزوج راه عندو مفعول عجيب أختي والله يصاوب ليك ولجميع لوليات المغلوبات يارب

لاحول و لا قوة الا بالله علي العظيم
رجال أخر زمان و باز هاذ الام لي باغ تفرق و شتت شمل ولدها ما شاء الله
أخت AMIRA البكاء وراء الميت خسارة نضي جري على راسك و فسخي و كوني لالة و مولاتي و متبينيش ليه ضعفك و نهيارك و ديري في راسك حاجة وحدة راها هي لي غتبردك شوية و هي كل شيء بأمر الله سبحانه و تعالى و لن يصيبكم إلا ما كتب لكم... الله يقويك ويغلبك عليهم و الله يسر ليك أمورك و يفرج كربك و يزيل غمك.

lah ikon f 3wank a khti

اختي اميرة و الله الا تصدمت من تصرف زوجك شوفي عكوزك الحرامية ما خافت من الله سبحانه و بغاتي تشتت عشكم واش باغية تشد بلاصتك لو فكرت غير شوية غادي تكول مع نفسها كفاش نفرق شمل ولدي راه الا تفارق معاك اكيد غادي يجيب شي وحدة اللي تصيفطها لمستشفى الحماق خصوصا هد بنات اليوم ما كيصبروش الله ياخد فيها الحق سيري يا اختي جري على راسك سيري عند الفقيه اللي حكيتي لنا عليه واحد المرة من تزنيت و لا شوفي واحد قريب قبل ما يدخل شهررمضان المبارك يا ربي يدخلو عليك بالهنا و رجوع زوجك لك ديري الذكر اللي كتبت لك في الموضوع الاول راه زوين بزاف

شكرا لكل البنات اللي واسوني والله كل كلمة زادت من شجاعتي ومابقا كيهمني لان الحياة كلها اقدار وانا الا كان الطلاق مكتوب عليا مانقول غير الحمد لله على ماكتب الله .خديت درس وفهمته مزيان .الثقة منعدمة في جنس الرجال .واللي دازت على الراس مزيانة .قالو الضربة اللي ماتقتل تقويك .

lah ykoun m3ak akhti oli n9dar ngolik howa ana m3a hayzabouna fhadrtha liana had l9adia wa93at lmama hia lowla lahha zaml dial bba bina hna 3 lbnat sghira 3adha 2 mois.ot3adbat walakin flekher tzewjat owldat o3chna m3aha flkhir olkhmir o9rayna kamlat ojina ltalyan kamlat lhamdo lilah.owa93at hta lkhti wldat m3a wahd lkhribgi olaha bwldha odaba khdat talyani o3aycha hia owldha bhal l amira.mat9antich men rahmat lah ra lah kbir omakaynsa ta wahed.

اميرة حبيبة الله يكون لك فالعون صبري و تحملي من اجل بنتك ودافعي على حقك وحقها,الله ينصرك عليه ويعملك شي تاويل دالخير

اميره كوني مرا وما تخليه يشمت فيك انا راني صبرت حتا طبت وشفت جهنم فوق الارض وفالاخير وليت طالبه غير راحتي وولادي فحضني ...........صحتك هي راس مالك وبنتك هي حياتك والراجل عل قوله الفيروزه الا من رحم ربي وفين تلقايه معرفت ما نقول ليك واش نواسيك ولا نشجعك حرت بزااف ابنت الناس لكن ربي ينصرك مهما طال الزمان حقك تاخديه منو الله يكتب عليك مكاتيب الخير

ماعندي ما نقول اختي اميرة فوق كلام البنات كلامهم عين العقل جري على راسك وفوسخي وعملي المحبة وكيفما قالت امل ما تخرجيش ليه من الدار وصلي ودعي راه الرجال الله يعطيهم مصيبه والله ياخذ الحق في اللي كان السباب وخليك قوية واللي دارها الله هي اللي كاينه ماعرفتي الله اشنو مخبي ليك ان شاء الله نسمع عليك اخبار زوينه الله يفرحك

والله حتى بكيتي قلبي مش عيني
لاكن كلامي على كلام امل وحيزبونة ولكن اللي مبغاش يدخل لراسي اشنو السبب دطلاق
وهاد مو ديري ليها التباريد وحرقيه بالشراوط بعد ماتفوسخي الله يفك وحلتك ويجيب لك اللي فيها الخير طمنينا عليك

لا حول و لا قوة الا بالله العلي العظيم ...قطعتي قلبي بحزنك حبيبتي ...
ربي كبير و ان شاء الله غيكون ديما في صفك لانك اصيلة ...
حاولي تفوسخي راجلك و تفوسخي حتا انتي ...باش الا كانت شي حاجة تفسخ ...
ديري محاولات اخيرة الا رجع كيف كان مرحبا ...الا لا ...الله يهنيه ...ولو انها اصعب عبارة ممكن تسمعي في حياتك ...
صعب انو العشرة تسالي بكلمات قاسية ...لكن ربي كبير ...
الله يصاوب ليك الايام و يرجعو ليك بجاه الرحمن ...
الله يقويك يا الغالية ..
واحد الاستشارية معروفة بزاف في الخليج كتقول دائما ..
المراة مخسهاش تضحي ..لان حتا واحد مطلب منك التضحية ...
و الا ضحيتي و سمحتي في حقك عرفي انك في بداية الانحطاط.