استشارة منزلية عاجلة

صباح الخيرات يا احلى الاخوات ...
فينكم واش كلشي مشا سافر بقيت غير انا كندور في الدار بوحدي ....

حبيباتي بغيت نستفسر على الة الغسيل ..
واش ضروري تتحط على كرسيها او بلاش ...
انا مكنتش حاطاها عليه برغم انو كاين عندي و ملي جربت و حطيتها بانت ليا كتزعزع فيه برغم من انو تابث ..
و خفت عليها الصراحة لانها غالية بزاف ...الا خسرات الراجل غيشري ليا الفراكة بدون نقاش ههههههه...

صباح النور ازين والله المنتدى خوا من الاحباب انشاء الله الجميع يكونو بالف حير واجازه سعيده للجميع
انا محطتهاش عليه لان ملي جا ديال الصيانه ركبها لي قالي خليها عالارض لانها كتبقا تهتز والبيسات كيبقاو يتحلو من الاحسن خليها عالارض ميوقع لها والو بالعكس الى حطتيها عالكرسي ونهارك مبروك احبيبه

حبيباتي لباس عليكم كي راكم مع الحرارة نتمنى الجميع يكونو بألف خير
اختي مهيرة انا عام هادي حاطاها على الارض وخدامة مزيان ماوقع ليها والو وحتى اللي كانت قبل منها نفس الشي حسن حيدي ليها الطبلة وتهناي

حتى انا مخلياها علاارض

حسن الارض لانو فيها الاهتزازات راح تخسر منين تكون تشلل الله يحفظ

حنا ديرينها على الأرض هادي 6 سنين و ما جاري ليها والوا تبارك الله.
غير ديرها على الأرض من الأحسن.

شكرا ليكم حبيباتي على النصيحة ....و الله يجازيكم كل خير