السلام عليكم ماغاديش تيقو اشنو وقع ليا

الله يستر عليكم الا ما ساعدوني وفسرو ليا كيما عارفين انا متبع مع واحد لفقيه في المغرب وعاطيني شي امور كنتبعها وهوا خدام من عندو بحال اوقات الصلاه والفجر ما يفوتونيش البارح صليت لفجر ورجعت نعست وماكنتش باقي داني النعاس بين فايق وناعس المهم الي جاء وقف عليا راجل طويل ولابس لكحل ما شفتش وجهو قال ليا مالك اش بغيتي عندي ماشي انا الي ساحر ليك الي دايرة ليك اسمها خدوج ماشي خديجة خدوووج عاودها ليا شحال من مرة انا ماعمري عرفت شي خدوج فقت من النعاس كلي عرقان كنترعد قلبي بغا يوقف مابغيتش نتصل باختي ديك الساعة الوقت كان معطل في المغرب وباقي ما ردات عليا قلتها ليها ومشات باقي ما جاوباتني الله يحفظكم راني وليت مخلوع نعس ليجيني ثاني هاداك الي جاني

الله يحفضك خويا انشاء الله البنات يعاونوك انا والله معرفة مها كتعرف فهادشي انشاء الله تجاوبك ومتخلعش قرا القران ونعس وعملو حداك

خويا على مفهمت انت قبل متبدا العلاج مع الفقيه مكنتيش كتصلي؟ اللي كنعرف هو أنه الحلم بإسم خديجة أو خدوج لأنه إسم دلع لخديجة هو أنه خاصك تستاقم فحياتك الدينية وتلتزم بالصلاة والاستغفار والأذكار وقرائة القرآن

سلام خويا يقدر هاداكشي لي فيك كيتسيف لك
المهم كمل دواك والله يشوف من حالك

صلاتك ماتخليها داوم عليها وقبل ماتنعس قرا القران وخدم الرقية الشرعية والى كان ممكن حط كاس ديال الماء هدا التلفازة حتى تكمل الرقية وشربوا والله حتى ترتاح
انشاء الله نسمع عليك خبار تفرح

ربي معاك اخويا الله يحفظك

الله يحفظك اخويا كزاوي ما تخاف والو غير قرا القران وحافظ على صلواتك وان شاء الله البنات يدخلو ويفيدوك

نفس المواصفات ديال دوك لكنت كنشوف هداك أخويا راح ميمون الله يبعد بلية من بلاه الحمد لالله أنا عطاني تقار كان معدي عليا كي جي هو و عائلتو حتى ما بقطيش كان خاف منو وليت كان قل هدر معه بحل الوليدة كان قلو صافي صافي وخى غا خليني نعس . المهم هو را معن ما يدير لك غير لعكس وخى يتسيف لك راح غي كي برزت في نعاس. و إلى كنت ختك في كازا نوره سيد لقطع ليا ميمون تمشي لعندو راح دقة ببطلة نت غير ما تخفش من حيت إلى خفتي كي زيد يشنت . آه و ميمون راح كي جعر برقية راح سفطني كومة واحد ليلة

خويا دواك عند امرأة ماشي فقيه هادشي اللي فهمت من حلمتك

البنات اللي سميتها خدووج تعتق لولد من هداك مول لكحل يا لاه شكون سميتها خدوج تهز صبعها وتداوي لولد ههههههه راه مكهضحكش دواه عند خدووووج ماشي لفقيه

خويا رشيد حاول تبعد على هاديك لي معاك وديها فصلاتك وتبع دواك وتاكد الله ماغادي يخيبك
انا والله عندي امتحانات غذا ودخلت غا نسول فيك ولقيتك حاط الحلم نتاعك
راه الرقية زوينة بزاف داوم عليها

الفيروزة كتب:البنات اللي سميتها خدووج تعتق لولد من هداك مول لكحل يا لاه شكون سميتها خدوج تهز صبعها وتداوي لولد ههههههه راه مكهضحكش دواه عند خدووووج ماشي لفقيه

ختي فيروزة عرفتي راني قلتلو بلي واحد السيدة كنعرفها خوها وقع لو نفس الشي ودواتو واحد المرأة وقالت لي شكون راه سميتها خديجة

إوا خاصو شي خديجة تداويه راه لعيالات غلبو الفقها ويمكن داكشي اللي عندو ماشي ديال لفقيه

الله يوقف معاه ويشوف من حالو انا بقا فيا بزااااف والله

شكرا لبنات الي جاوبتوني واش دابة بصح هادشي الي قلتو ليا
بصح ختي فيروزة ماكنتش متبع صلاتي ولكن كنصوم ماشي نهائيا ما كنصليش غير كنقطعها دابة لا انا كنصلي في الوقت
ختي نادلنا نقول لاختي تواصل معاك
خواتاتي راني غادي نحماق واقيلا دابة كنبغي نكتب نجاوبكم السوري ديال البيسي كطير مابغات تشد في بلاصة

الحنونة صاحبتي هزات حوايجها وغضبات بنت الكلب فهماتني علاش كنهضر انا واختي في السكايب ووراتني ختي واحد الصورة راسمها لفقيه بايدو وقال ليها خاصني نشوفها وترجعها ليه غادي يحرقها صورة ديال راجل ومكتوب عليه شي اسماء وعاقت قالت ليا انت كتسحر ليا ههههههه انا كنسحر ليها هزات حوايجها ومشات احسن تهنيت

كزاوي حر كتب:شكرا لبنات الي جاوبتوني واش دابة بصح هادشي الي قلتو ليا
بصح ختي فيروزة ماكنتش متبع صلاتي ولكن كنصوم ماشي نهائيا ما كنصليش غير كنقطعها دابة لا انا كنصلي في الوقت
ختي نادلنا نقول لاختي تواصل معاك
خواتاتي راني غادي نحماق واقيلا دابة كنبغي نكتب نجاوبكم السوري ديال البيسي كطير مابغات تشد في بلاصة

خويا واش ممكن تعطيني اميلك

الله يرحم ليكم الوالدين اشنو ندير الا حسيت براسي بغيتها ثاني راها مشات البارح بالليل خرجات وانا دابة بيييخير ما مفكرش فيها قال ليا لفقيه بقا توضا كل ما جات في بالك وصلي الله يقدرني دعيو معاية

ديوها في ميمون را غي كداب شوف اى خويا والله داك لفقه حتى يقطعو لك خالي غير الأخت ديالك تتصل بية والله ط حاسة بيك

هاديك راه بنت الحرام عاقت بيك كتجري على راسك وعرفاتك عقتي بيها قالت هي تسبقها ليك خير طريقة للدفاع الهجوم

نادلينا نتصل ليها تكونيكطا داااااابة هضرو معاها راها قفة اختي ما كتعرف والو

ان شاء الله تمشي ما ترجع تفكيتي منها انا فالصراحه اكره حاجه عندي خدمة الفقيه وما تتصدقش ليه عزيز عليا خدمة العيالات ولكن في حالة كزاوي يصلح له غير الراجل والله اعلم
طريق الفقها والشوافات تتسطي شوية وكانو غادي يحمقوني
الله يشافيك اخويا ونسمعو عليك خبار زوينة

كزاوي حر كتب:نادلينا نتصل ليها تكونيكطا داااااابة هضرو معاها راها قفة اختي ما كتعرف والو

خزيا قل لختك دخل عندي لإميل ولا دخل انت

خويا كزاوي حر انا اللي فهمت ان داك الفقيه خدام معاك مزيان لدرجة دكشي اللي فيك جاك بالليل حيث تقهر لهذا غير كمل مع فقيهك و حاول تقرى القران بالليل و الذكر قبل ما تنعس و خصوصا قرائة اية الكرسي و اواخر سورة البقرة- امن الرسول بما انزل اليه من ربه و المومنين كل امن بالله و ملائكته و كتبه و رسله الى اخر الاية- و دائما تنعس على وضوء ان شاء الله متخاف والو الا عملتي هدشي

انصلت بيها قالت غاديا تدخل

الله يعطيكم الستر البنات حشمتونا بضرافتكم , حنونة 8 ختي راني درت هاديك الوصفة ديال الصورة والعرعار اليوم ورميتها فالبحر واش نقدر نعاودها وسمحيليا حبيبة برزتك

ختي ريم رها دايما تغضب واااانا الي كنرجعها هيا عارفة اشنو دايرة وناعسة على جنب الراحة كنصبر وكنرجع نطلبها المشكل حتا الخدمة ما بقاتش هاد الساعة كيعيطو ليا الشركة لاني ماشي رسمي كنخدم غير السوايع ونسااااوني وليت شومور اوصافي

على الله الحرة مغربية يكون بصح ويقدي ليا الغراض راه وصلت لمرحلة غادي نتصطا كيبان ليا غير لمغرب ننزل واخة ظروفي مؤزمة ولكن نصبر راه المستقبل غادي يمشي راني صابر اوصافي

خاي الكازاوي سمحلي نقولك الي عندك هو البواب الاكحل وهو مسلط عليك من شوافه الي حضراتو عليك هي الي اسمها خدوج هو ديما كيقولو اسم الساحر الي سلطهم ماشي اسم الشخص الي سحر لك يعني شوف اخاي هذيك الي سحرات لك مشات عند شوافه اسمها خدوج وهي خدمات لك التسليط بهاذ البواب هو الي كيحضر لابس اسود وهو اسود وطويل من طوله متشوفش وجهو هاذ المره الى بغتي تنعس قرا ايه الكرسي واحد وعشرون مره ونعس على جنبك اليمين وبقا تصلي على نبي حتى يديك النعاس لان العلاج لي كدير بدا كيخدم فيه وخاف يتحرق وجاك طالب التسليم ملي انطق باسم الساحره والفقيه ديالك راح ياكد لك هاذ الكلام وباذن الله يغلبك عليهم والله يشافيك اخاي غير دير الي قلت لك لان احنا كنا نعالجو مثل هذه الحالات التسليط وكنا نحرقو الجن المتسلط على الشخص وحتىةالساحر كنا نعاقبوه والله يحفظك من شر

رشيد فتح الإيميل ديالك

كزاوية حرة كتب:الله يعطيكم الستر البنات حشمتونا بضرافتكم , حنونة 8 ختي راني درت هاديك الوصفة ديال الصورة والعرعار اليوم ورميتها فالبحر واش نقدر نعاودها وسمحيليا حبيبة برزتك

حبيبه من الاحسن تفوسخيه سبعه ايام لان اكيد هي تخدم له كل نهار لذلك خصك تفوسخيه مده اسبوع اي جميع ايام لاسبوع
وشوف اخاي بقا تشرب الماء بالملح وديما غسل ايدك بالملح ورشها فالارض فالبيت الي كتنعس فيه جميع قنات الدار رش الملح باش الجان المتسلط ميقدرش يقرب لك فعلا علاج الملح كيهربهم منك وديما قرا ايه الكرسي كما قلت لك ملي تبغي تنعس وملي تفيق باش النهار كله تكون محصن
سمحي تاخرت عليك فالمساعده لضروف السفر والعوده للمغرب والشطنه مع الاهل والله يحفظك ويسر امورك

كزاوي حر كتب:ختي ريم رها دايما تغضب واااانا الي كنرجعها هيا عارفة اشنو دايرة وناعسة على جنب الراحة كنصبر وكنرجع نطلبها المشكل حتا الخدمة ما بقاتش هاد الساعة كيعيطو ليا الشركة لاني ماشي رسمي كنخدم غير السوايع ونسااااوني وليت شومور اوصافي

اخاي الي لقيتي تجيب ماء البحر وتعوم بيه كل ماتبغي تنعس ومتشللش منه حتى لصباح او تحط ماء فيه الملح وتعوم بيه باش اي حاجه تخدمها لك تفسخ وربي يعينك ويغلبك على كل ساحر يارب

شكرا ختي عيون المها صافي نكملها 7 أيام ولكن بغيت نسولكم أمي الله يرحمها سميتها خديجة واش عندها علاقة بالحلم ديال خويا .

شكرا الله يحفظك اختي عيون المها لفقيه ما فسر والو قال اناعرف اش كندير صافي هادشي الي قالت ليا ختي من عيطات ليه

اوكي دابة نفتحو

ان شاء الله خويا كزاوي ترجع كيفما كنتي قبل واحسن وان شاء الله تخدم ونسمعو عليك خبار زوينه راك فحال خونا وهذيك الجعبة بلا روبيني ديال صاحبتك الا حسيتي راسك بغيتي تعيط ليها وتوحشتيها توضا وقرا القران وعيط لاختك تفوسخك وتبع مع ذاك الفقيه كيفما قالت عيون بانت النتيجة ديالو الله يسر امورك خويا والله راك عزيتي علينا

كزاوية حرة كتب:شكرا ختي عيون المها صافي نكملها 7 أيام ولكن بغيت نسولكم أمي الله يرحمها سميتها خديجة واش عندها علاقة بالحلم ديال خويا .

الله يرحمها ويجعل متواها الجنه يارب
لا احبيبه اي جن مسلط بالسحر كيقول اسم الفقيه او الشوافه الي مسلطينو على الشخص لانه هو ملي بدا العلاج خرج له البواب وقالو بانه ماشي هو الي كياديه الي اسمها خدوج اي الي كتخدم بيه وتسحر له بالبواب والله يبعد عليه كل مكروه يارب غير تبع راه بدا يجيب نتيجه معاك العلاج

شكرا حبيبة ريم الله يحبب فيك خلقه .

بارك الله فيك ريم ختي حتا نتوما الا خففتو عليا غربتي وعاونتوني في مصيبتي
هاديك صافي ما بقاتش تدخل مع الباب راها ختي قالت ليا جري عليها ولا مانبقاش ندخل ليك ونعاونك

شكرا حبيبة عيون المها على مساعدتك لينا

كزاوي حر كتب:شكرا الله يحفظك اختي عيون المها لفقيه ما فسر والو قال اناعرف اش كندير صافي هادشي الي قالت ليا ختي من عيطات ليه

فعلا هو فقيه واعر ملي بداو العلامات كيبانو ديال العلاج والله انا امس مشيت عند شيخي الي الفقيه ديالي وفعلا خرج لي سحر مدفون لتفريق انا وراجلي وبالليل حلمت بهم كيخرجو ليا من كرشي وبديت كندابز معاهم حتى حرقتهم الليل كلو وانا معاهم حتى لفجر وملي قلتها لفقيه قالي قاع الشياطين الي مسلطين بالسحر خرجو وتبطل السحر والحمد لله الكف الي كان ضارني برا مبقيتش نحس بيه والحمد لله الي جعل لنا سبب وشفاء من عندو والله يحفظنا ويحفظكم من الجن والانس

الله يرحمها الوالدة كون كانت مسكينة كون تفقسات عليا

وفعلا هي معاك بروحها وباذن الله دعواتها لك تغلبك على كل من عاداك او اذاك
ونزيدك باش السحر يتفسخ ديما قرا هذه الايه من سورة النمل كيخافو منها الجان بزاف ويبعدو عليك
إنه من سليمان وإنه بسم الله الرحمن الرحيم
ألاّ تعلوا علي وأتوني مسلمين

هوا راه واعر اختي لكن شروطه كثيرة كيعطيني قران نقراه من وراء لعشاء وقران نقراه في الواحدة الليل والفجر لازم نفيق في الوقت نصلي ونقرا وهوا خدام من عندو حتا هوا هاشي الي قال اهم شي كيقول المواظبة الا نتعطل على فرض من الفروض نعاود من الاول

كزاوية حرة كتب:شكرا حبيبة عيون المها على مساعدتك لينا

العفو اختي الشكر لله وحده حنا غير سبب وهو المعين والشافي والعافي

كزاوي حر كتب:هوا راه واعر اختي لكن شروطه كثيرة كيعطيني قران نقراه من وراء لعشاء وقران نقراه في الواحدة الليل والفجر لازم نفيق في الوقت نصلي ونقرا وهوا خدام من عندو حتا هوا هاشي الي قال اهم شي كيقول المواظبة الا نتعطل على فرض من الفروض نعاود من الاول

شي طبيعي اخاي لانها الرقيه الشرعيه عن بعد واي علاج خصك تكملو اى غير ساكيتي فرض واحد يبطل كله وتعاود من جديد غير ملي تكون تقرا القران باش مايمنعوك او تحس بان القرايه تقيله قلبك حط حداك موس كله حديد وسوارت وملح باش مايقرب لك ويعكسو لك امورك والله ينجيك منهم ويحفظك اما هذيك الى عندك القطران ديرو فالعتبه لباب وتحت فراشك الي تنعس فيه وباش تبطل اي سحر توكلو لك اشرب ماء وملح على الريق كاس كبير ومالح مزيان وغادي تنتاظر دقيقتين اول اقل غادي تجيك الردان وخوذ بانيو رد فيه الى كان ماء عادي راك ماواكل والو اما الى خيوط عرف انها موكلاك وخصك تشرب اللبان الذكر حر مدقوق فكاس حليب على ريق باش ترجع كل شي واكلو فكرشك

nati87 موصلني منك والو حبيبة .

معنديش اختي القطران ولا الللبان ولكن راه لفقيه قال ليا ما دير والو لاني سولتو قلتوليه شي بخور يليق ليا قال بلاش ما تخلط والو الله يحفظك ويعطيك لخير

الله يشافيك اخويا ويحفظك من كل مكروووه ياربي ويبعد منك كل شر نتمنى الي يعرف شي حاجة ميبخلش عليك بيها واهم حاجة اذكار الصباح والمساء والمواظبة على سورة البقرة واية الكرسي والمعوذتين وان شاء الله تولي لاباس حتا انا راه بحالك تيوقف عليا واحد لابس الكحل متخاف والو غير قرا القران وتبع صلاتك والله يشافيك