لكل من هو مواطن مغربي و تهمه مصلحة البلد

السلام عليكم و رحمة الله و بركاته
اخواني اخواتي لا يخفى عليكم ان المغرب يعيش ازمة اقتصادية مثل باقي دول العالم باسره امريكا الاتحاد الاوروبي الخ...... و الحكومة اصدرت قرار للزيادة في البنزين و الكازوال لان صندوق المقاصة يتلفض انفاسه الاخيرة للافلاس .وأوضح بن كيران أن الزيادات "ستكون ذات أثر ليس بالهيِّـن على المواطنين العاديين، والذي يمكن تحمّله بشكل أو بآخر، بالنظر لكون أسعار النفط تضاعفت سِـتّ مرات خلال السنوات الأخيرة"٬ إضافة إلى أن المحروقات أصبحت تكلِّـف الدولة المغربية أموالا طائلة٬ وأن مواصلة دعم هذه المادة وِفقا للنهج الجاري به العمل، ستكون له "انعكاسات وخيمة".
و فعلا على إثر دخول قرار الزيادة في أسعار المحروقات حيِّز التنفيذ، ارتفعت أسعار بعض المنتوجات الغذائية، خاصة الخُضر والفواكه، ما بين 20 و50%، وقرّرت نقابات مِـهَـن النقل رفع تعريفة النقل ما بين 10 و7%. وبالإضافة إلى تذمّر المواطنين، خرجت نقابات في تظاهرات أطلقوا عليها اسم "تظاهرات الغضب"، كما شنّت احزاب المعارضة حملة إعلامية على بن كيران وحكومته.
لخبير الاقتصادي المغربي نجيب أقصْـبي يعتقد أن صندوق المقاصة كفِكرة مشروع خاطئ، ولم يُوجد أساسا لصالح الفقراء بقدر ما وُجِـد لدعم الدولة للرأسمالية والمقاولات (أي الشركات والمؤسسات الإقتصادية عموما)، لأنه أقيم نتيجة نمط تنمية رأسمالية، بدعم أثمنة مواد يستهلكها عامة المواطنين، للحفاظ على الحدِّ الأدنى للحياة بالأجور المنخفضة، التي يتقاضونها من المقاولة. كما يشير إلى أن قرار إلغاء صندوق المقاصة، بقدر ما هو قرار سليم، إلا أنه يأتي تلبية لتعليمات منظمة التجارة العالمية، باعتبار أن الدعم غير المباشر للمواطنين عبر ما توفره الحكومة من دعم لأسعار المواد الأساسية، يتنافى مع قانون اقتصاد السوق، وأساسا قانون أسعار اليد العاملة، التي اتبعتها الدولة في إطار حماية الإنتاج وتخفيض تكاليفه، لتحسين القدرة التنافسية للمنتوج المغربي عموما.
انا اتسائل لماذا اختار بن كيران الزيادة في المحروقات و لم يكتفي في الزيادة لثمن احد المواد الغدائية فقط لان بكل صراحة الفقراء سيتضرّرون من هذا القرار، ليس بفعل الزيادة في حدِّ ذاتها، وإنما بفعل المضاربات. فالزيادة تشكِّـل ارتفاعا طفيفا في كُـلفة الإنتاج (نقل البضائع)، لكنها ستؤدّي إلى رفع أسعار مواد استهلاكية كثيرة، و هذا ما لاحضناه في هذه الايام بعد القرار الحكومي بسبب وجود فئات كثيرة لا تتردّد في المضاربة في الأسعار، لكونها مقتنعة بهوان الدولة وعدم قُـدرتها على فرض قواعد صارمة لحماية المستهلكين وضمان التنافسية المتكافئة.
لم يبقى لي الا ان اقول اذا اسندت الامور لغير أهلها فانتظر الساعة

لا حول ولا قوة إلا بالله فين بغاو يوصلونا هاد الناس الفقر راحنا غارقين فيه بغاو يقتلونا بالجوع واقيلا الله يخد فيهم الحق .

بنت الميمة كتب:لا حول ولا قوة إلا بالله فين بغاو يوصلونا هاد الناس الفقر راحنا غارقين فيه بغاو يقتلونا بالجوع واقيلا الله يخد فيهم الحق .

شكرا اختي على مرورك العطر فعلا اختي بن كيران ولى متراس الحكومة و لا كيتقاضى الملايين و يسكن في الفيلات كفاش بغيناه يحس بالفقر و الزيادة في المواد الغدائية اما المحروقات فهي مجانا كلشي بينكي الله ياخد فيهم الحق بانو على حقيقتهم

بنكيران بغى الشعب يولي يقتل ويسرق باش يقدر يعيش لاحول ولا قوة إلا بالله

fati-fleur كتب:بنكيران بغى الشعب يولي يقتل ويسرق باش يقدر يعيش لاحول ولا قوة إلا بالله

شكرا اختي فاتي فلور على المرور انا كنتسائل فين هي تلك الخطابات اللي كانت قبل الانتخابات صافي شد بلاصتو اين هي الوعود

الوعود الرنانة تبخرت فالسماء كما العادة بح

ياختي هداك بن كيران اصلا حمق والله تاني ديال القدافي وغادي يدير في بلاد مزيان راه الفقر اصلا في المغرب ودبا غادي يزيد لاحول ولا قوة الى بالله

هههههه غادي يولي المغرب بحال مصر فقر اكثر من الغنى غيولو ياكلو البيصاره ههههه الله يحفظنا من الفاسقين والفاسدين كون بنقصو لهم من الرواتب غادي تقاد الميزانيه يقبطو بحالهم بحال الموظف او الفقير وتتساوى الاوساط ديك ساعه يتقاد المغرب

مها وخا ينقصو راه كاين ناس كنخلص ب2000 درهم في الشهر انا واحد النهار والله بكيت والله انا غادية في الزنقة واحد راجل كبير كيتكلم مع واحد قاليه كيتخلص 20 درهم فنهار شنو غادي تعمل لاحول ولا قوة الى بالله والله ناس كاينة ضايعة والله وشكون دها فيها حتا حد

paloma blanca كتب:مها وخا ينقصو راه كاين ناس كنخلص ب2000 درهم في الشهر انا واحد النهار والله بكيت والله انا غادية في الزنقة واحد راجل كبير كيتكلم مع واحد قاليه كيتخلص 20 درهم فنهار شنو غادي تعمل لاحول ولا قوة الى بالله والله ناس كاينة ضايعة والله وشكون دها فيها حتا حد

الله كريم معند الميت مايدير قدام غسالو كاين الله اقوى من كل جبار

ايه اختي انا بنت تطوان راك عارفة وتشوفي والله داك نهار هبطت مع ماما لسبتة كانو مزال زايدين علينا 2 سعات هبطنا بكري وكان صباح مزال بكري شوية وتشوفي الناس اللي داخلين خدامين وداق فيهم المغرابة يضربو والنصارة تضرب اويلي على منضر والله مبغيتش والله مرة قلبي حرقني عليهم كرهت والله سبتة بمنضر ديالها حتا حاجة مكتبان في التلفزة لكن انا شفت بعيني نساء كبار هازين جبولة في ضهرهم على 20 درهم مكملاش واقيلا في النهار

شكرا على الطرح المميز مغربية ولكن كان ضروري في الزيادة من ثمن الكازوال حيت ميمكنش الدولة تدعم هاد الشي كامل , الدولة على حافة الافلاس و المستحيل تقدر توافق سوق البترول اذا مازادتش في سعر الكازوال بالإظافة أن الاغلبية ديال الناس الأغنياء هما المستفدين من هاد السعر قبل الزيادة
ونعطيك مثال فحال مثلا حنا في تطوان قريبة علينا سبتة بزاف شنو وقع الاسبان لي فسبتة كلهم كيجيو ل تطوان يديرو pleine ديال الكازوال لحقاش كان رخيص.
وفي الأخير الدولة لازم تزيد في الاسعار هدا واقع مر لكي تساير السوق العالمية
تقبلي مروري حبيبة والله يدير الخير لهاد البلاد

راه شاف الصداع ما ناضش في المغرب بحال مصر وتونس وليبيا وسوريا قال اجي ندير بلاصتي مع الكبار ونطحن الشعب وخليهم ينوضوها حسبي الله ونعم الوكيل

حسبيه الله ونعم الوكيل فعلا مناظر توجع اللقلب كلشي تبدل فالمغرب حتى الامان مبقاش وليت نخاف نخرج والله شماكريه ولاو غير هما فالبلاد كيخلعو والكريساج على الجهد الله يجفظنا ويحفظ امه محمد عليه السلام

نادية حبيبة الغز في سبتة غلا مبقاش نفس التمن اللي تعرفي انا بابا كيعمر تما سيارة ديالو زاد في التمن انما اصحبتي انتينا عارفة تطوان كيف عاملا اغلبية الناس معندهومش اولا

amal123 كتب:راه شاف الصداع ما ناضش في المغرب بحال مصر وتونس وليبيا وسوريا قال اجي ندير بلاصتي مع الكبار ونطحن الشعب وخليهم ينوضوها حسبي الله ونعم الوكيل

هههه اه والله هداك انا جاني مجنون مشكلتو غير مع الكرافت معارف كيف يعملها

الله يحفظ و صافي الاسعار غادي تزاد الله يلطف بينا يارب

بنكيران مسكين على نيته هههههههههههههه

ونادية اصحبتي هنا في تطوان غادي نشريو بطاطس ب100 درهم للكيلو هههه اصحبتي متنساش احنا معندناش فلاحة

ههههههههههههههههه بعدا نضعافووو لووول
والله مشكل كبير هادا الله يدير شي تاويل د الخير

paloma blanca كتب:ياختي هداك بن كيران اصلا حمق والله تاني ديال القدافي وغادي يدير في بلاد مزيان راه الفقر اصلا في المغرب ودبا غادي يزيد لاحول ولا قوة الى بالله

شكرا حبيبتي على التعليق و لا حول و لا قوة الا بالله

عيون المها كتب:هههههه غادي يولي المغرب بحال مصر فقر اكثر من الغنى غيولو ياكلو البيصاره ههههه الله يحفظنا من الفاسقين والفاسدين كون بنقصو لهم من الرواتب غادي تقاد الميزانيه يقبطو بحالهم بحال الموظف او الفقير وتتساوى الاوساط ديك ساعه يتقاد المغرب

شكرا اختي مها على التعليق عمر ما تتساوى الاوساط ما دام باقي فرق شاسع بين الأغنياء و الفقراء نتسناو رحمة الله اما اللي جا كيفكر غير فراسو و اهله

نادية كتب:شكرا على الطرح المميز مغربية ولكن كان ضروري في الزيادة من ثمن الكازوال حيت ميمكنش الدولة تدعم هاد الشي كامل , الدولة على حافة الافلاس و المستحيل تقدر توافق سوق البترول اذا مازادتش في سعر الكازوال بالإظافة أن الاغلبية ديال الناس الأغنياء هما المستفدين من هاد السعر قبل الزيادة
ونعطيك مثال فحال مثلا حنا في تطوان قريبة علينا سبتة بزاف شنو وقع الاسبان لي فسبتة كلهم كيجيو ل تطوان يديرو pleine ديال الكازوال لحقاش كان رخيص.
وفي الأخير الدولة لازم تزيد في الاسعار هدا واقع مر لكي تساير السوق العالمية
تقبلي مروري حبيبة والله يدير الخير لهاد البلاد

شكرا اختي نادية على المرور و مبروك نجاحك انا يا اختي مع الاصلاح لكن كاين مداخيل كثيرة لا نعرف من يستفيد منها ؟؟؟؟؟؟؟؟؟؟ فمثلا ناخدو الفوسفاط فالدخل ديالو تخلي كل مغربي يعيش حياة كريمة و نستغناو على هد صندوق المقاصة كاع .هذه خطة باش يبقى المغربي دائما مدلول الله ياخد فيهم الحق

amal123 كتب:راه شاف الصداع ما ناضش في المغرب بحال مصر وتونس وليبيا وسوريا قال اجي ندير بلاصتي مع الكبار ونطحن الشعب وخليهم ينوضوها حسبي الله ونعم الوكيل

شكرا حبيبتي امال على مرورك العطر حنا كنحبو المغرب و ان شاء الله نبغيوها تكن دائما من ارقى الدول لكن يخليوا الشعب المغربي يعيش حياة كريمة بارك من التفقير و سياسة التجويع

عيون المها كتب:حسبيه الله ونعم الوكيل فعلا مناظر توجع اللقلب كلشي تبدل فالمغرب حتى الامان مبقاش وليت نخاف نخرج والله شماكريه ولاو غير هما فالبلاد كيخلعو والكريساج على الجهد الله يجفظنا ويحفظ امه محمد عليه السلام

عندك الحق و الله ما بقى الامن و لا الامان تصوري الانسان في خدمته و خايف من شي دقة تجي لراسو اما برا غير الله يلطف مع سياسة التجويع و لا شي ياكل شي و كلشي خايف رجال الامن خايفين و السلطة كذلك اوى شكون غادي يحمي المواطن غير الله يحفض .

نادية كتب:بنكيران مسكين على نيته هههههههههههههه

عرفتي اش وقع لبنكيران اناري جابها في راسوا

مغربية اول حاجة لازم الدولة تراقب الضرائب بصرامة لانه لي خارج على الدولة هو المماطلة في أداء الضرائب من طرف الشركات الكبرى والله كارتة هادي

نعم اختي هدي هي المشكلة الكبيرة الاغنياء اصحاب الشركات الكبرى يتملصون و يتماطلون في اداء الضرائب اما المواطن العادي الا مخلص الضريبة و لو غير قليلة كيتاخدو فيه اجراءات صارمة و هذا كيخلي الازمة تفاقم اكثر

انا بعدا من نهار بديت كنفهم الهدرة وانا ديما كنسمع هادي زادت هادي زادت عمري سمعت شي حاجة نقصات أو مالنا الناس عاد بدات عندهم الأزمة حنا عندنا الازمة قرن هدا قبل الله ياخد فيهم الحق هلكو الناس وهما عايشين فالرفاهية وزايدين مكملينها بدوك الكراكيز ديال موازين اللي حادقين يجيبوهم بالزبابل ديال الفلوس كل عام ههههه فكروني فواحد الكتاب ديال ارسطو كان كيهدر فيه على الحكم الطغياني قال فيه بلي الدولة الطغيانية كتلهي المواطنين بإقامة المحافل بمناسبة وبدون مناسبة وفعلا هاد الخطة نجحات باراكا داك موازين كيولي بحال الى غادي يفرقو عليهم مليون للواحد الناس تتسابق وهادي غير نقطة من واد خلي السياسة ديال التوظيف وقضايا الرشاوي استغفر الله من هاد العيشة الفقير يزداد فقر والغني يزداد غنى عيشة تقرف

حنا قلنا هادا جا غيقادها شاعة بان على حقيقتو الله ياخد فيهم الحق كيما قالت الخت لوكان كان المغرب على حافة الافلاس ميخسروش زبابل دلملاير على مغنيات فموازين بينما الشعب والناس اللي محتاجين اولى بهادوك الفلوس يمشي يعملو غير للشباب سكن ويوظفوهم ماباغينش موازين
الله يحد الباس حسبنا الله ونعم الوكيل

يا ختي مغربية هانتي تشوفي الفقصة ياختي راه مكاين لا افلاس لازمر راهم بغاو يديرو الشعب تحت السباط حيت شافو المضاهرا وخافو قالو اجيو نردو هاد الناس يفكرو غير فقوت نهارهم وراه ما عرفوش بلي الجوع كيرد الفكيرين صعصع اما موازين هي الحلقة اللي كيخليو فيها دماغ الشعب مبنج يتفرجو وينشطو ويحسابلهم الدنيا على خير بصح داك الخدع كتنطلي على اللي جاهل اما اللي قاري وفاهم راه عارف اش طاري وانا متنضنش الناس تقدر تبقى ساكتة ديما واحد عامين بالكتير ونلتحقو حتى حنا بالدول ديال الربيع العربي وخا كنتمناو الوضع يتصلح ومانوصلوش لشي حاجة خايبة كتر من هكا

لالا تواحد مغيهدر ناتي عرفتي علاش حيت مدوخينهم بالقرقوبي والبلية غسلو ليهم الادمغة شحاااال هادي دبا تيفورماطيو فعباد الله كيف بغاو باغين ينوضو الفتنة عاين باين وحنا يلاه هنينا ماباغين صداعات اللهم اجعل كيدهم في نحورهم ويحفظ الاجيال القادمة اما دبا نسبة قليييلة اللي عايقة وكاين اللي عايق وكيدير راسو مفاهمش وكاين اللي عايق فحالنا مي معندو ميدير الرجى فالله هو وكيلنا

ياختي راه عرفتي مبقيتش نحمل نمشي لصونطر كتشوفي الناس بالدكتوراة كيجي واحد مردة ماعندو حتى الاعدادي يضربهم بحال الكلاب واحد النهار انا بكيت والله كانو المكفوفين مساكن معتصمين غير جالسين وهازين وريقات مطالب ابسط ما يكون وبداو يضربوهم للريوس زعما منضر تيقطع فالقلب حسبي الله ونعم الوكيل على كل واحد كيخرب بلدنا الحبيب الله ياخد الحق فكل محتسب وكل مرتشي وكل سارق وكل مسؤول استغل منصبو باش ياكل فعباد الله الله ياخد الحق

ايوة دابا يبانو لي صوتو على بن كيران كيف طلعوه خاصهم يلعنوه
لمغرب كيدخل ازبابل ديال لفلوس غير لفوسفاط راه لمغرب تاني منتج للفوسفااااط و اول دولة مصدرة ليه فلعااالم ومناخ معتدل حمد لله كيخليه بلد فلاحي بامتياز و2 بحورة ها الاطلسي ها المتوسط تروة حقيقية وها سياحة ها الصناعة وزييييد وزبببد وكيقوليك لمغرب في ازمة!!!لحماق فين فلوس الشعب? وكون غير ياكلو ويخليو بنادم يعيش لااااااا ياكلو يهلكو ويمو دم بندم وماقانعيش
كلشي منا حنا لي ساكتين شعب سلبي فيه لقوة لعسرية

لا حبيبة زعرية الناس كتهضر كتبات ما تصبح القمع ثم القمع لمصالحهم الخاصة حسبي الله عليهم

ههههه امال والزعرية القمع مجود في المغرب بزااااف هاد الشتوة ناس خدات ليهم الدولة ارضهم ومخلصتهمش قاليك غادي تدوز منها الطري كانو عاملين اعتصام في البرد حدا المحكمة والضرب فيهم والو اخر حاجة عياو ومشاو فحالهم

ناتي ضحكتيني والله انا بيدي ملي نعقل ونعرف الحاجة كتزيد معمرها نقصت

الزعرية الحرة كتب:ايوة دابا يبانو لي صوتو على بن كيران كيف طلعوه خاصهم يلعنوه
لمغرب كيدخل ازبابل ديال لفلوس غير لفوسفاط راه لمغرب تاني منتج للفوسفااااط و اول دولة مصدرة ليه فلعااالم ومناخ معتدل حمد لله كيخليه بلد فلاحي بامتياز و2 بحورة ها الاطلسي ها المتوسط تروة حقيقية وها سياحة ها الصناعة وزييييد وزبببد وكيقوليك لمغرب في ازمة!!!لحماق فين فلوس الشعب? وكون غير ياكلو ويخليو بنادم يعيش لااااااا ياكلو يهلكو ويمو دم بندم وماقانعيش
كلشي منا حنا لي ساكتين شعب سلبي فيه لقوة لعسرية

ياختي غير سكتي كنت كنتفرج فقناة نسمة هادي شي يومين دارو ربورتاج على السياحة فالمغرب فهاد الصيف اللي داز اصاحبتي المغرب دخل مليارات محيت كان الربيع العربي كل السياح جاو للمغرب وهاد الناس غير يمصو فدم المواطنين مساكن الله ياخد بإيدنا

موضوع رائعععععععععععععع حبيبتي مغربية حرة ...
السياسة لي غادي بيها بن كيران ماخداماش بالكل ...و ماكيتسحقش يكون شاوش فما بالك برئيس حكومة ...متيعرفش يتكلم و لا كيعرف البروتوكول السياسي ...للاسف ..
هاد الارتفاع كلشي غايخلصو ابتداءا من الضعيف الى الغني ...
لان كلشي غادي يتزاد ...
المواد الاولية و الاستهلاكية و المركوب ...بزاف هادشي و الله حرام ..
انا لي قاتلني في عظامي ...الفلوس لي تيديروا بيها المهرجانات منين جاتهم ماشي من الدولة ...
كيجيبو فنانين يغنيو و يضحكو علينا ساعة ...كياخدو فيها لي غيعتق لينا مدينة من الجوع ..و الله حرام ...
شحال ديال المهرجانات و السهرات و الناس ملقات ماتاكل ..
البارح كنتفرج في الخيط الابيض ..زوجين عندهم 5 اولاد و الفقر المدقع ...
كتطلب في الراجل يعطيها غير 20.00 درهم في النهار باش غير توكلهم ...
لا حول و لا قوة الا بالله ..و الله قلبي كيتقطع ملي كنشوف هاد الناس ...
و كنشوف راسي متيكفيونيش الفلوس غير في راسي ...
يا ريت شي وحدة تحل صفحة في الفيس بوك تكون ضد هاد المهرجانات و نقويوها لعل و عسى نقدروا نغيروا هاد المنكر

اما فكرة الضرائب مخداماش بالكل ...لان فيها غير تحراميات ...
كيمشيو للشركات و المقاولات الصغرى و تيخليو الكبرى ...
متلا حنا كنخلصو ضريبة صحيحة كل شهر .......و مع اننا كنخلصوها و مكنتهربوش منها الا اننا متعرضين في اي لحظة لكونترول ...
و ملي تيجي لابد ميخرج ليك لي يخليك تنتاحر ...
الله يبعدهم علينا يا رب

شكرا اخواتي بنات عيشة أسعدني مروركن وانا فرحانة انكن تجاوبتوا مع الموضوع كنشكر كل اخت كتبات في هذه الصفحة و عبرات على رايها خاصهم يعرفو من هد المنبر احنا راه ماشي غير نساء بديهات كيهمنا في هد المنتدى الشعودة و الكلام الفارغ احنا هنا مجموعين ندرسو و نتناقشو مواضيع الساعة و هذا مشكل كنعيشوه يوميا الزيادة في الاسعار تقلات على ميزانية كل مغربي له دخل شهري فالاحرى المغاربة اللي لا حول و لا قوة لهم لا دخل كنتسائل كفاش غاديين يسايروا و يعيشوا بحال كافة الناس الاخت نيتا تكلمت على مهرجان موازين اللي كيكلف الدولة ميزانية كبيرة ممكن تعيش الاف المغاربة و تخدمهم و اقترحت الاخت مهيرة نفتحوا صفحة في الفيسبوك نعم اختي تفتحات صفحة في الماضي من طرف بعض الاخوان و طلبوا مليون توقيع و انا واحدة من منهم ساهمت و درت توقيع لكن بدون فائدة... اما الاخت مغربية تكلمت على ضاهرة المخدرات اللي ولات منتشرة في بلدنا الحبيب في كل مكان حتى امام المؤسسات التعليمية بالعلالي باش يخدرو اطفالنا و بزاف . اما الاخت الزعرية فقد شاطرتني الفكرة ان المغرب تدخل عليه ملايير الدراهم غير في الفوسفاط فين امشاو اما العائدات الاخرى فين هي ؟؟؟؟؟؟
اما الاخت مهيرة تكلمت على برنامج الخيط الابيض انا كذلك شفت الحلقة و الله حتى تاسفت بزاف و كلت مع راسي امراة كتطالب غير باش تشبع هي و و لادها ما طالبة والو ما طالبة سياحة ما طالبة عيشة الليكس طالبة 20 درهم يوميا باش تسد رمق اطفالها اللي مييتين بالجوع اللهم الا هذا منكر
لاحياة لمن تنادي [b]

مهيرة كل كلمة قلتيها صحيحة ولكن عرفتي شنو جوابهم على المهرجات كايقولو بأن sponsor هما لي كيخلصوا فلوس موازين و الخ...

مغربية اختي والله هادشي كيالم ناس كتموت بالجوع وهما فموازين الله يعطيهم الدل داك المسؤولين ونهار تكلم يقولو عليك كتعمل الشغب هههه اصحبتي راه كلشي واضح غير الناس ساكتة حيت مقموعين
وبزااااااااااااااااااف اختي والله شفت انا ديك المرة بغا 20 درهم الله يكون فعونها الفقر صعيب بزاااف

نادية كتب:مهيرة كل كلمة قلتيها صحيحة ولكن عرفتي شنو جوابهم على المهرجات كايقولو بأن sponsor هما لي كيخلصوا فلوس موازين و الخ...

اختي نادية حتى ميزانية الدولة كتساهم بنسبة مائوية لكن ليس لدي المعطيات باش نحط البورسنتاج.

paloma blanca كتب:مغربية اختي والله هادشي كيالم ناس كتموت بالجوع وهما فموازين الله يعطيهم الدل داك المسؤولين ونهار تكلم يقولو عليك كتعمل الشغب هههه اصحبتي راه كلشي واضح غير الناس ساكتة حيت مقموعين
وبزااااااااااااااااااف اختي والله شفت انا ديك المرة بغا 20 درهم الله يكون فعونها الفقر صعيب بزاااف

نعم اختي بالوما سياسة القمع شف و اسكت الى متى اكيد واحد النهار الاخرس غادي يتكلم و قريبا ان شاء الله

اكيد راه الناس غادي تعيا وتمل وغادي تنفجر وتكلم انما الدولة خصها تبدل ضحكو علينا بن كيران بخبارك العدالة والتنمية كانت تقول انا ادا منجحتونيش غادي نخرج للساحة نجحت تحت التهديد

الله يحفظنا من الفتن ويارب يصلح حال هاد الوطن وحكومته ويهدي ما خلق.
رغم الفقر حتى الشعب لازم يتوعى شوية الله يدير الخير راه الدولة غادي تمر ب crise économique الله يستر بينا يارب

نادية كتب:مهيرة كل كلمة قلتيها صحيحة ولكن عرفتي شنو جوابهم على المهرجات كايقولو بأن sponsor هما لي كيخلصوا فلوس موازين و الخ...

ندوش حبيبتي كيتفلاو علينا صحابهم كنرضعو صبيعاتنا ...
راه الميزانية ديال دوك المهرجانات خياليةةةةةةةةةةةةةةةةةةةةةةةةةةةةةةةةةةةةةةةةةةةة...
و الدولة هيا المساهم الاول فيها ...
عرفتي الا حبسوها غير عام واحد و حلو بيها مشاكل الناس .........يا سلام شحال ديال التغييرات غتكون في البلاد ...
لكن معامن كتدوي ...
حتا من بن كيران كان واعد الناس انو اول مغيطلع للرئاسة غيحيد المهرجانات ...
ساعة اول ما طلع دار الكرفاطة ...و زاد في المازوط ههههههههههه
لا حول و لا قوة الا بالله

مغربية حرة كتب:شكرا اخواتي بنات عيشة أسعدني مروركن وانا فرحانة انكن تجاوبتوا مع الموضوع كنشكر كل اخت كتبات في هذه الصفحة و عبرات على رايها خاصهم يعرفو من هد المنبر احنا راه ماشي غير نساء بديهات كيهمنا في هد المنتدى الشعودة و الكلام الفارغ احنا هنا مجموعين ندرسو و نتناقشو مواضيع الساعة و هذا مشكل كنعيشوه يوميا الزيادة في الاسعار تقلات على ميزانية كل مغربي له دخل شهري فالاحرى المغاربة اللي لا حول و لا قوة لهم لا دخل كنتسائل كفاش غاديين يسايروا و يعيشوا بحال كافة الناس الاخت نيتا تكلمت على مهرجان موازين اللي كيكلف الدولة ميزانية كبيرة ممكن تعيش الاف المغاربة و تخدمهم و اقترحت الاخت مهيرة نفتحوا صفحة في الفيسبوك نعم اختي تفتحات صفحة في الماضي من طرف بعض الاخوان و طلبوا مليون توقيع و انا واحدة من منهم ساهمت و درت توقيع لكن بدون فائدة... اما الاخت مغربية تكلمت على ضاهرة المخدرات اللي ولات منتشرة في بلدنا الحبيب في كل مكان حتى امام المؤسسات التعليمية بالعلالي باش يخدرو اطفالنا و بزاف . اما الاخت الزعرية فقد شاطرتني الفكرة ان المغرب تدخل عليه ملايير الدراهم غير في الفوسفاط فين امشاو اما العائدات الاخرى فين هي ؟؟؟؟؟؟
اما الاخت مهيرة تكلمت على برنامج الخيط الابيض انا كذلك شفت الحلقة و الله حتى تاسفت بزاف و كلت مع راسي امراة كتطالب غير باش تشبع هي و و لادها ما طالبة والو ما طالبة سياحة ما طالبة عيشة الليكس طالبة 20 درهم يوميا باش تسد رمق اطفالها اللي مييتين بالجوع اللهم الا هذا منكر
لاحياة لمن تنادي [b]

الشكر ليكي حبيبتي ...
عرفتي ملي كنا في داك المنتدى ..كنت دائما كنقول للاعضاء انو حنا في منتدى شامل ماشي خاص بالسحر ..و الا علاش كين اقسام للدعاء و التسالي و الموضة الخ .....
و الحمد لله احنا في هاد المنتدى كنبغي نتناقشو في كل المواضيع الي كتمس حياتنا الاجتماعية ..لان في النقاش كنتبادلو خبرات و تجارب و افكار و معلومات ..و كنطرحو قضايا كتهمنا بشكل كبير ...

البنات كاينة واحد الصفحة في الفيس ديال بن كيران كنت كندخل ليها قبل ميكون وزير و موراها ...
دخلو نحطو ليه ما يسممو شوية ...وخا مغيدير والو لكن نكون فرغت الي في قلبي هههههههههه

ويي مهيرة الناس كانوا واثقين من بنكيران في أنه غادي يحل المشاكل وياربي يوفقه ويهتم بالجانب الانساني و بالبطالة ويحل مشاكل الدولة لانها معقدة بزاف اولا خاصهم مراقبة كبيرة بزاف للضرائب بخصوص الشركات الكبرى لانه كاينة ممطالة و مثلا الدولة كتدعم السكر يعني حنا كنشريو السكر بنصف الثمن دياله الحقيقي ياك علاش حتى شركة كوكا لي موجوده في المغرب تستافد من هاد الدعم ديال السكر خاص كوكا تشري السكر بالثمن ديالو الحقيقي لحقاش هي شركة كبيرة ماشي فحالنا مواطنين انا هادا رأيي.
اما بالنسبة نالكازوال فهداك كان ضروري لان الدولة مقدراش تساير براميل النفط في الاسواق العالمية.
مهيرة كيف دايرة لاباس عليك حبيبة ديالي الله يفك وحايلك على خير ويعطيك ربي واقفة ساهلة انشغلنا بالسياسة و نسيت مانسولك على صحتك اشيري