سؤال للأمهات الحبيبات

حسنا حبيبة والغالية مهيرة والطيبة الفيروزة وامل المحبوبة بغيت نسولكم على الحبالة انا كنت كناخد حبوب ديان 35 لمدة 1 سنة ومن قبل كنت كناخد ميكروديول اللي مدها لي الطبيب من بعد تحليلة ديال الهرمونات وقرر انها المناسبة لي ودبا حبست ديان مي قريت بلي راها كتأخر الحمل
وسؤال اخر الى سمحتولي البنات واش من بعد مكتحبس الكينة كتعطل الدورة الشهرية وخا ميكونش حمل؟
واش فالنهاية ديال الاباضة ملي كتلصق البيوضة واش كدير الم اسفل البطن ممكن يستمر يومين ؟ و واش كتبدل الافرازات ؟
وشكرا مسبقا ليكم البنات ةالله يخليلكم وليداتكم

حبيبة بالنسبة للحبوب انها كتعطل الحمالة مسالة نسبية حسب هرموناتك انتي وتغيراتها انا شخصيا غير كنقطعها كنحمل في شهري كناخد ياسمين خفيفة

بالنسبة للوجع بصح من تكوني تاخدي البيلييل تكون الوجع اخف بزاف الطبيب قالها ليا

وبالنسبة للافرازات صحيح كيتبدل لونها لانها عبارة عن افرازات هرمونية من تكون تاخدي الحبوب هرموناتك تكون مختلفة

الله يسترك احبي حيت انا اول هر نقطع فيه البيليل ودرت الحساب وعلى هاد الحساب سالات الاباضة نهار 12 ولكن هاد اليومين كنحس بحريق فالمبيضين والافرازات تغيرات كتافتها وشكلها ملي قلبت فالنت لقيت بلي داك الشكل هو اللي كينذر بفترة الاباضة وما بقيت فهمت والو راسي تنفخ وقلت نستاعن بخواتاتي

بصح الحبيبة دابة هاد المرحلة ممكن تحملي فيها كتكون البيضة كتنتظر التلقيح
واش انتي بغيتي تحملي ؟؟؟
خاصك تبداي تاخدي الفوليك اسيد قبل الحمالة مزيانة باش البيبي يجي سليم معافى انشاء الله ويرزقك الذرية الصالحة

حبيبة أنا غير قطعت الحبوب حملت فنفس الشهر وملي كنت حااملة كان كل شهر كيجيني الوجع فالظهر بحال إلى محملاش وبالنسبة الوجع بصح الحبوب كتخفف منو والإفرازات على حسب البرد إلى كان ضربك

amal123 كتب:بصح الحبيبة دابة هاد المرحلة ممكن تحملي فيها كتكون البيضة كتنتظر التلقيح
واش انتي بغيتي تحملي ؟؟؟
خاصك تبداي تاخدي الفوليك اسيد قبل الحمالة مزيانة باش البيبي يجي سليم معافى انشاء الله ويرزقك الذرية الصالحة

اه احبيبة بغيت نحمل انا مكنتش عارفة على الفوليك حتى قريتو فبيبي سنتر ارابيا غدا ان شاء الله ناخدو

fati-fleur كتب:حبيبة أنا غير قطعت الحبوب حملت فنفس الشهر وملي كنت حااملة كان كل شهر كيجيني الوجع فالظهر بحال إلى محملاش وبالنسبة الوجع بصح الحبوب كتخفف منو والإفرازات على حسب البرد إلى كان ضربك

كنتمنى حتى انا اختي نحمل من هاد الشهر على الافرازات ماشي ديال البرد راه قريت فواحد السيت عليهم ملي كتكوني ففترة الاباضة كتولي الافرازات متماسكة وتقيلة ما شي بحال الافرازات العاديةوملي شفت التصاور لقيت نفس الافراز اللي شفتو البارح ولكن اليوم ماشفتوش داكشي اللي خربقني الاعراض اللي عندي كتقول بدات الاباضة عاد والحساب كيقول بلي سالات ههههههههه شفتي على دوخة

ختي فاتي اي حبوب كنتي كديري واش ولدتي ولا مزال

حبيبة بنتي دابا عندها 3 سنين والحبوب كنت كنخد حبوب ياسمين راها كاين عندنا فالمغرب خفيفة وزوينة أنا جربت جميع أنواع الحبوب كلها كانت كتروعني وعطتها لي الطبيبة ديالي مبقيتش كنبدلها

حبيبة ناتي عام باش خديتي الفانيد ماشي بزاف متخافيش راه دغيا تحملي تقدري فالشهر الليقطعتي فيه لفانيد متحمليش لأنه الرحم كيتخلص من ٱثار الفانيد و آلمخلفات وتجيك الحيض شوية كثيرة على اللي سبق والإفرازات كتكون كثيفة فوقت الإباضة و حتى مللي كتقرب تنزل الحيض إلى جاتك الحيض حاولي تشربي القرفة والقرنفل باش يتنقى الرحم وإن شاء الله ربي يرزقك الذرية الصالحة ومتاخدي والو دبا حتى يحصل الحمل ويثبت فالرحم عاد شوفي مع الطبيب يخرج ليك فيتامينات ومقويات والله يقويك
ونزيدك فوقت الإباضة متمارسيش مع زوجك يوميا ديري نهار إيه ونهار لا باش تكون المني مجتمع مزيان وفرصة الحمل ٱكبر

الله يخليليك الكتكوتة اختي فاتي وتفرحي بيها اه جاسمين قريت بلي مزيانة مي دابا فات الفوت ما بقا عندي ما ندير بيها الله يجعل البركة اختي بغيت مع من نتلاها اصاحبتي شرفت ههههههههههه

الله يرزقك الدرية الصالحة بصح حبيبة الوليدات زوينين كيشغلو الواحد وإحساس الأمومة مايمكنش يتوصف كيحس بيه غير لي مجربو

الفيروزة كتب:حبيبة ناتي عام باش خديتي الفانيد ماشي بزاف متخافيش راه دغيا تحملي تقدري فالشهر الليقطعتي فيه لفانيد متحمليش لأنه الرحم كيتخلص من ٱثار الفانيد و آلمخلفات وتجيك الحيض شوية كثيرة على اللي سبق والإفرازات كتكون كثيفة فوقت الإباضة و حتى مللي كتقرب تنزل الحيض إلى جاتك الحيض حاولي تشربي القرفة والقرنفل باش يتنقى الرحم وإن شاء الله ربي يرزقك الذرية الصالحة ومتاخدي والو دبا حتى يحصل الحمل ويثبت فالرحم عاد شوفي مع الطبيب يخرج ليك فيتامينات ومقويات والله يقويك
ونزيدك فوقت الإباضة متمارسيش مع زوجك يوميا ديري نهار إيه ونهار لا باش تكون المني مجتمع مزيان وفرصة الحمل ٱكبر

الله يخليك اختي فيروزة ويخليليك الوليدات ياربي راه انا احبيبة عام باش خديت ديان من قبل كنت ناخد وحدة اخرى يعني راه ربع سنين تقريبا وانا نصرط فالكينة وما على باليش اختي وراه كنت حسبت ايام الاباضة وكنت درت كيف قلتي مع راجلي الجماع نهار اه نهار لا انا خايفة محيت مفاهمة والو ههههههه وراجلي مكيبغيش يهدر معايا فهاد الموضوع تيقولي داكشي ديال الله ويسد وانا كيخصني نفهم كلشي فضولية ههههه

fati-fleur كتب:الله يرزقك الدرية الصالحة بصح حبيبة الوليدات زوينين كيشغلو الواحد وإحساس الأمومة مايمكنش يتوصف كيحس بيه غير لي مجربو

امين احبيبة ديالي الله يسمع منك والله يمن على كل البنات بإحساس الامومة والأمهات الله يخليلهم كبيداتهم ياربي

الحبيبة ناتي فين راكي غابرة تواحشناك الحبيبة الله يعطيك شي درية صالحة باش نفرح ليك و نجيوا نشقاوا في السبوع و نشطح
المهم انا مني كنقطع الفانيد من موراه كدوز 4 ايام عاد كتجيني حق الشهر و مني كنكمل 7 ايام كنبدا ناخد لاخور
و راه بطبيعة الحال كتبدل الفرازات و ضروري شوية الوجيعة راه كل امرأة و كيفاش كيجيها داكشي

حبيبة هداك السيت راه غزاااال غير تسجلي فيه غادين هما يحسبو ليك الاباضة امتا ومن تحملي انشاء الله غادين يحسبو ليك ويفيدوك بزاف غير تسجلي ماغاديش تندمي

حسنآآآآآء المغربية كتب:الحبيبة ناتي فين راكي غابرة تواحشناك الحبيبة الله يعطيك شي درية صالحة باش نفرح ليك و نجيوا نشقاوا في السبوع و نشطح
المهم انا مني كنقطع الفانيد من موراه كدوز 4 ايام عاد كتجيني حق الشهر و مني كنكمل 7 ايام كنبدا ناخد لاخور
و راه بطبيعة الحال كتبدل الفرازات و ضروري شوية الوجيعة راه كل امرأة و كيفاش كيجيها داكشي

حسنا حبيبة كيف راكي وكي دايرين الصغار وكيدايرا ت,,, الخضراء قاتلي ختي كاين الشغب راها تماك ياك لاباس بعدا ما بقتيش كتباني فدارك اصاحبتي لا نتي لا الصغيورة ديالي وغير وجدي راسك راه مكينش اللي يكون بيا ويجمعني ويوريني الله يخليلك الوليدات ياربي موااااااااح والله الى توحشتك بزاااف

amal123 كتب:حبيبة هداك السيت راه غزاااال غير تسجلي فيه غادين هما يحسبو ليك الاباضة امتا ومن تحملي انشاء الله غادين يحسبو ليك ويفيدوك بزاف غير تسجلي ماغاديش تندمي

اه اختي امل زوين بزاف وراهم هما اللي حسبو لي الاباضة كاين حتى واحد اخر سميتو اسلام ويب زوين ولكن ماشي بحال بيبي سنتر عجبني كتر

ايه راني انا كنت متبعة فيه عطاتو لي دكتورة لا والغريب انهم انشاء الله من تحملي غادي يقولو ليك كل شهر شنو غادي تحسي لا بالاسبوع كيصيفطو ليك مل اسبوع ايميل يتبعو معاك حتى تولدي حتا اغراض الي خاصك توجدي للمستشفى كيقولوها ليك التطعيمات للبيبي انا باقية متبعة معاهم حتا لدابة كيصيفطو ليا كل شهر لانه ولادي كبرو من كانو صغار كل اسبوع كلشي كلشي كيشرحوه واخة تكوني ما كتعرفي وااالو يفيدوك بزاااااف

هانا الحبيبة ناتي و الله حتى انا توحشتك راه الدار مكندخلش ليها بزاف و لكن صافي دابا ندخل اوا الصداع كاين و لكن ماشي بزاف و حنا نيت بعاد على البلايص اللي فيهم الصداع و لكن متخافيش الا كان شي حاجة خايبة نجيب ولادي و نجي الله يخليلينا بلادنا بلاد الخير و الكرم و الهنا راه اختك الصغيرة ديما كتسول فيه راها كتحماق علييييك ديما كتسول فيكر كنقوليها شحال هادا مدخلات اها كتسلم علييييك الحبيبة اوا سربي ديريلينا شي كريشة و حنا معاك الحبيبة الله يودي