راجلي قالي من بعد العرس نعمل نقاب باغيني نرجع فحال بوبوعو

البنات مفقوصة والله واش تقبلو النقاب انا منقبلوش انا عصبني نهار تزوجنا قالي حجاب قلنا واخا معليش من بعد الخمار قلنا وخا معليش زولتو مرتحيتش فيه خاليت حجاب عادي موديرنو مزيون نلبس اللي بغيا محترم وحجاب مزيون بارح قالي انتي في زنقة وهما يشوفو فيك عاطيك من دبا العرس وغطي وجهك هو ماشي سني معامل لا لحية لا والو لباسو عادي وانا يقهرني بالنقاب فقصني والله حيت الصيف اللي فات صدعات على معكسات في الشارع ودبا قاليك نصارة يشوفو فيك وحتا مغاربة غطي وجهك وانا في حرب قتليه انا ماشي بوبوعو

اويلي وتقاشر والوانتيس ولباس طوييييييييييييييييييييييييل ونزيدها بداك شي على وجهي قالي غاتدريع عاطيك مدة من بعد العرس عملو ولا غادي تبقاي متخرجيش مرة

حبيبة طاعة راجلك واجبة
ادا كيغار عليك شئ صحي لكن انتي حاولي تعالجي الموضوع بعقلانية ومش شرط انك الا درتي النقاب غادي تولي بوعو راهم كثار الي ملكات جمال ومخبين وراء الخمار اشنو باقي بغيتي راجل وعندك علاش بغيتي تكشفي وجهك
دام هادي رغبه ديال راجلك واجبك تطيعيه وموضوع مش بزاف مزعج لانه راجلك عندك مش محتاجة تبيني وجهك مازال

ياختي منستهملوش والله انا طبعي كيعجبني نلبس نعمل مكياج والله وخا يكون عمري 50 سنة منتبدلش هو فيه الغيرة على والو وصافي والله الصيف اللي فات منعلي نتكلم حتا في الزنقة حتا ماماه رديت البال وقاتلي مغيار قاليك حتا كلامك محلوين بغيني نتكلم فحال الرجل هههههه ودبا اللي جاه النقاب عملو ولا ماكين خروج اول حاجة في اروبا ممنوع كنخاف غير يجلسني في مغرب هو كيقولي كيفكر يبقا هنا وتصور مغرب ونقاب والحبس وهو يعمل اللي بغا بارح كيرشيني قالي دريه ونشري ليك اللي بغيا قتلو غادي تشري اللي بغيا ومغاديش نعملو

منك نضربه بقنت هاد راجل لعل وعسى يتقادله الدماغ
امال ماشي كنعريو وجهنا بغرض يشوفونا ناس ...باش نعيشو فحال نس ونشمه لهوا ماشي رزامة كتمشى على رجلين عندكم فلخليج عادي وجاري به العمل اما فاسبانيا...
وزيدون راجلها ما اخواني موالو باغي غير يتحكم وباغي يشعل لعوافي
النقاب ماشي فرض بمرررررة وبلعكس عندنا فهاد لبلاد سعيدة عاااد رجال ميزيدو يحنزو فعينين لمنقبة وخلاااص فبلاد برا
فلول يناقشها ماشي حتى تزوجو ويفرض عليها هدا تسلط وزمت زامتها

اه والله اختي هو ولد الحرام انا حديا يقولي انتي والو والو داك نهار اختو مزوجة فمكناس قاتلو خالي مراتك تجي عندي قالها لا نغير عليها مراتي عينها كبار ومزيونين عندهم يشوفو فيها خوتو راجلك وهي مبغاتش قاتلي اختي انا ختو راجلي مادبين وناض الصداع على والو وهو التحكم اللي فيه كرهني فيه وزيدها قالي انتي مكتغريش عليا ههههه وانا طبعي منغيرش على الراجل مرة باغيني نمرض فحالو والله شي مرة كيقولي اعترفيلي باللي درتي قبل منتزوجو وانا شنو غادي نقول منعرف

خاصك تشري ليه و تفهميه قوي لمشيت اسبانيا و درتو راه يسحبوني غير ارهابية و قنعيه حتى انت تنازلي شوية متبقيش تعمل ماكياج فزنقة

ازين احنا يمكن نعيشو فيا ماشي ماكدة هو فين غادي يستقر والله حيت عندو الجنسية حتا انا عطاوها ليا دبا انما معقد والله بزاااف

شوفي راه خاصك تعلمي كيفاش تعملي معاه. شيفي غير بديا و شنو درتي منين تزيدو قدام شنو غادا ديري..

ههههههههه ازين ادا عصبني والله منجلس معاه زعما كاين غير هو في هاد العالم اهم حاجة دبا عملي الوراق نمشي نعيش مع خالتي ونكمل قرايتي راه الدل ماشي مربين فيه والله على الله يطلق راسو مطلقوش بسلامة والله منبكي عليه بكيت قبل حتا مرضت

الله يخاليك كريمة ايوا ياختي فحال راجلي دارلي حجاب من بعد خمار ودا نقاب لكن انا زولتهم وليت مرة مرة معاه فطموبيل نخرج بلا حجاب بعدا حتا نعمل 30 ونعمل اللي بافي ماشي دبا اختي بغا نلبس منكبش عليك كنموت على حاجة اسمتها موضة هههههه كيعمقني نبدل كلشي فيا طبعي هيداك وهو بغاني في الاول هيداك خصو يولف وانا كنبغيه هو راه وخا يكون حديا ملك الجمال ماغديش نشوف فيه وكيزدها يقولي اعترفلي بالماضي دياليك

بالوما يا بالوماااااااااااااااااااااا
وياك تنازلي أختي إلى مشيتي حتى تنازلتي مرة غادي تبقاي تنازلي طول عمرك attention attention
راه بوركابي ديالي نهار شافني وتعرفت عليه مكنتش متحجبة من بعد درت الفولار من بعد قالي جلابة
نهار خطبني قال لـ بابا غدي سكنها بحدها غير ديرنا العقد قالي نسكن مع دارنا غير عام و نعزليك داب مصاريف العرس وووووو ... و أنا تنقول غير حاضر حاضر والكل تينصحني أنه بعد الزواج غادي يتغيرو لكن ...العام أصبح 16 عام و تعنته زاد إلا منفدتش داكشي لي باغي يثور و تنوض القيامة لبسني الجلابة و الفلار و حتى الألوان تيتحكم لي فيهم. دارنا ما نمشي ليها غير فين و فين. الفلوس ما نشوفهم من عندو و ما يشري والوا. يمشي خرج الفلوس من البنك و يحطهم عند ختو و حتى la carte de guichet و أوراقه المهمة حاطهم عندها وووووووو داك شي كثير...
أنا من هاذ شي كله بغيت غير نقوليك وياك تنازلي و تقولي غادي يتغير من بعد الزواج حاجة أخرى وياكي ثم وياكي تحكي ليه ماضيك أو أسرار عائلتك شديها مني نصيحة راه يولي يعيرك بها ... سمحي لي طولت عليك الله يصاوب ليك و غلبك عليه

اختي بالوما شوفي الزواج ماساهل ولكن الصبر
حتى انت نقصي من الماكياج وختى الخروج
ايوا عندو الحق تبارك الله زوينة وماخاصك والو من حقو يغير الله يصلح من بينكم

اميرتي والله وصلتي اللي فقلبي انا منتانزلش واخا يكون اللي يكون

عندك الحق اللي يتنازل مرة يتنازل ديما اللله يهديهم والله تقولي كتكلمي على راجلي



حنونة عينيك اللي مزيونين واحتا انتي مزيونة والله وانا اختي كحل وكلوص والله مكنزيد عليهم هو فيه الوسواس

paloma blanca كتب:ياختي منستهملوش والله انا طبعي كيعجبني نلبس نعمل مكياج والله وخا يكون عمري 50 سنة منتبدلش هو فيه الغيرة على والو وصافي والله الصيف اللي فات منعلي نتكلم حتا في الزنقة حتا ماماه رديت البال وقاتلي مغيار قاليك حتا كلامك محلوين بغيني نتكلم فحال الرجل هههههه ودبا اللي جاه النقاب عملو ولا ماكين خروج اول حاجة في اروبا ممنوع كنخاف غير يجلسني في مغرب هو كيقولي كيفكر يبقا هنا وتصور مغرب ونقاب والحبس وهو يعمل اللي بغا بارح كيرشيني قالي دريه ونشري ليك اللي بغيا قتلو غادي تشري اللي بغيا ومغاديش نعملو

ماشي شرط احبيبة انه الى درتي النقاب ما ماتبقايش تديري الماكياج وتهلاي فراسك لراجلك فقط
انا كانعرف منقباااات صابغين لبشعر وماكايستغنوش على الكوافورة و كايلبسو دجييين و الكسيوات على الموضااا ولكن فدارها كايدخل راجلها كايلقا مراتو اجمل مافي الكون و بحالها بحال دوك اللي خارجين هاكااك ولكن الفرق بيناتهم العفة و الطهارة
انا من راي امال الراجل ماطلب منك تستري حتى بغاااااااااااااااااااااك تكوني ليه بوحدو و ديالو ويشوفك غير هو
اشنو بغيتي الى تقاديتي او خرجتي يشوفوك الناس انا ماعندي ماندير بالبشر
فيهم غير داع الراس او التوشويش و الهدرة الزايدة
لا زوينة لا غليظة لا رقيقىة
فكري ابالوما فالموضوع حتى انا كانفكر فيه شوفي فكري فالاخرة والاجر الكبيراللي غادي تاخدي
وراه حتى النقاب فيه اشكال مريحة و جميلة بزااااف
هانتي شوفي هاد السيت
[ندعوك للتسجيل في المنتدى أو التعريف بنفسك لمعاينة هذا الرابط]

شكرا حيزبونتي والله اترتي فيا بكلامك والله اختي الله يسمح لينا انا نفكر في الموضوع ومع المدة نقدر نعملو حيت الدنيا اخرها موت والله يسمح لينا وصافي والله ومزيون هاد السيت والله شكرا حبيبتي مواح عليك وكيف بقتي شوية ازين

عرفتي عاجبني صورتك والله اللي دايرة نيا ها ها ها ها كتحمقني داك الضحيكة والله

اختي امال حاولي تصبري شوية واش اول كلمة نتفارق و نطلق لا الحبيبة ديري له خاطرو لكن غير بالتحلوين و كلام طيب تديري اللي بغيتي قولي ليه النقاب كيخنقني مثلا انا مع الاخت اميرة مسكينة شف كيف صابرة هدي 16 سنة و حاولي تفرضي رايك غير بالمهل بلا صداع لاني بكل صراحة انا اكبر منك سنا و منقدرش ندير النقاب دايرة حجاب عادي و كنلس اللي يعجبني كل الالوان غير ماكياج كنديرو دسكري بزاف الاغلبية كندير ليكران و قلم العينين و احمر الشاه لون الفم ما باينش لكن استعمل العطور حيت هما روحي الله يسمخ لنا و صافي

العفو للتصحيح الاخت بالوما امال دات لي عقلي

مغربية حبيبة بالك مع امال ازين شكراااا على نصيحتك انا راه فقصني والله بزااااف

بالوما ولله تضحكتيني هههههههههههههه شوفي اختي فكرتيني راجلي تاهوا قال هكا تقدري تلبسي عبايا ونقاب صغير مزيون فهمتي نقاب واحد ستيل واعر راه تصطا اجي راه محرش من صحابو يمكن شافوك وقالو ليه زوينة وصافي غار انتي خليك في راي ديالك مبغيتيشهش فرضي شخصيتك وانشاء لله خير

هههههه حبوبتي علاوية داكشي اللي وقع والله قالي صحبو اليوم قالو سعداتك بمراتك مزوج هاد الزين كلو قالي وانا نكفر عليه قتلو لا حبيب ديالي انا انت اللي عندي وخا يشوف فيا اللي شاف انت الحب ديالي وهو يدوخ مسكين كيبقا فيا الغيرة خايبة

شفت البناااات اغلبيتهم كايقولو لييك
ديري اللي فراسك حتى وحدة ماجبدات الدين او ارضاء الله اولا ثم طاعة الزوج تانيا
ماكاين لا اختناق لا والو هدرة خاوية هاديييك
كونو واقعييين
واش تخسر راجلها وحياتها ومستقبلها على ود تخنقااااااات
لا احبيبة اطيعي زوجك و كوني له زوجة و ام وصديقة يلقى فيك كولشي اللي بغى

شكرا حيزبونتي الله يخاليك ليا حبيبية قولي ليا كيف بقيتي شوية والله بالي معاك ازين ديالي

ههههههههه ما بوعو ما والو اصحبتي تبارك الله عليك غزالة و خايف عليك من النظرات
ولكن النقاب صعيب فاللباس حاولي تقنعيه بأن الحجاب كافي

هههههه وصراحة ياختي مكيعجبنيش حتا انتي والله غزاااااااااااااااة بزاف عاودلي اخر الاخبار حيت تدخل للدار حيت انا عندي قضية حامضة شوية مهم عشية نعاود ليك

وباااالوما رجعي لله راه الدين كيامر المراه بطاعه الزوج من طاعه الله وسمعي لكلام الحق انا غير امس قالي تلبسي النقاب ملي شاف هنا بالمغرب كلشي يتبعني بعينيه ويحنزز قلتو اي نعملو علاش لا هذا دينا الاسلام وستر المراه واجب علينا غير صبري اجرك عد الله كبير اش غتقضي بالزواق واللبس كل ماطعتي زوجك كل ما الله يسر امورك وجعل لك بيت بالجنه تبعي الاخره ونساي الدنيا راك تزوجتي ماشي بقا ديال راسك والله يهدي ماخلق انا غير نرجع بعد رمضان وغانديرو عادي مغديش تموتي الى لبستيه بالعكس حشمه وستر ووقار

عيون المها كتب:وباااالوما رجعي لله راه الدين كيامر المراه بطاعه الزوج من طاعه الله وسمعي لكلام الحق انا غير امس قالي تلبسي النقاب ملي شاف هنا بالمغرب كلشي يتبعني بعينيه ويحنزز قلتو اي نعملو علاش لا هذا دينا الاسلام وستر المراه واجب علينا غير صبري اجرك عد الله كبير اش غتقضي بالزواق واللبس كل ماطعتي زوجك كل ما الله يسر امورك وجعل لك بيت بالجنه تبعي الاخره ونساي الدنيا راك تزوجتي ماشي بقا ديال راسك والله يهدي ماخلق انا غير نرجع بعد رمضان وغانديرو عادي مغديش تموتي الى لبستيه بالعكس حشمه وستر ووقار

الله يعطيييك الصحة
و يكملك بعقلك

شكرا حيزبونتي وبالوما

حبيبة حيزبونة عندجي بيك الغرض والله ضروري ازين دخلي الدار عندي بغا واحد الحاجة