نعيمة واحمد مول طاقية

نعيمة عندها28 سنة مشرارة وسوسة تاتاكل من العينين عرفتي نسيبة حديدان؟ هي نعيمة.
احمد مول طاقية زوج نعيمة عندو 33 سنة حتى هو ماساهلش وفيه نقير وفيم غي لفم كيف قالو لولين (الفم ماضي والذراع ....) خدام عساس في شركة ومسميين عليم مول طاقية حقاش عمرو مازولها شتا وصيف مخبي بيها واحد الضربة كانت ضرباتو نعيمة.
القصة
هو:وافين غادية المسخوطة شفتك سالتة؟ هي:وانا جاية تجيك في الراس اش باغي؟
هو:دوزي جلسي في دارك غير تتفرفري من دار لدار كيف الذبانة؟
هي:غادية نجيب شوية لملحة وشويت التيد وآتاي من عند جارتنا مليكة راه بان ليا راجلها يلاه خرج من لحانوت مقدي ههه نستغلوها شوي بنادم ياكل وحدو؟؟
هو:وادوزي الطلابة قابلي بنتك وغداك راه عندي لعسة في ليل خلوني نعس.اجي بعدا فين لفلوس لي تنعطيك اش تديري بيهم ونتي نهار كامل ونتي طلبي؟؟!
هي:ماشي شغلك ياك تاتاكل؟ وخلينولي ي نهبط.
هو:سيري بغيت ليك طيحة من دروج لقبر نيشان فقصتيني غادي نموت قبل لوقت وقال لبنتو نعسي بحالك بحال مك!!!!
المهم نعيمة جلسات ساعة وكثر وهي مجمعة ماحسات حتى خرج تيعاير
هو: وادخلي المسخوطة اللفعة هي:انا جاية اوجه لفضايح
دخلات نعيمة مشمرة على كتافها وقالت: مالك اش كاين نوضوها تاني؟؟ هو: راه بغيت نعس شدي لبرهوشة ضرها الجوع.
المهم كلمة بكلمة حتى ناضت لمضاربة وناض لغوات من كثرة ما الناس ولفو مابقى حتى حد تيفك هه لي سمع لغوات تيقول راه غير نعيمة قاجة حمد ولي سمع سكات تيقول راه غير احمد خاشي راس نعيمة في سطل
هو:واش ماغاديش تموتي نتهناو
هي:موت نتا الشماتة. هو:انا الشماتة اوجه لحبس؟ناض نتفها ورجع بلاصتو.
نعيمة هزت كاسرونة وقالت ليه إلا ماسكتي راه غادي نفرق ليك راسك تاني وقبل ماتكمل جات بنتها تتقول: مي مي ضرني جوع ديري ليا بطاطا او مطيشة لحك في خبز.(هههههه) هو: غادي ضربيني تاني واهاكي لاح عليها مقلة ماتجي غير في لبنت (ههههه) مسكينة عمرها ماذكر لماكلة
يجي من لماكلة الدقة لي خدات شبعاتها ونعساتها ههههههه
كملو لمضاربة وقالت نعيمة يخ كون مشيت غير لبرنامج مدام مسافرة ونخليك ضرب لكرفي والجفاف مع راسك
هو: هاي هاي نتي تادخلي لدارك باش تجفي ولا تربي شوفي لالياتك السوسة يا اللفعة لقرطيطة
ولاكن انا لي غادي نشارك بشرط يكون لبرنامج على لمدام ميتة تكوني متي إنشاء الله الفقصة ........ إلخ
لحاصول تنتمنى تعجبكم لقصة وضحكو شويا راه بحال نعيمة وحمد مول طاقية كاينين بزاف بزاف

معجبكمش ديالوك؟ هههههههه

هههههه واااعرة يا فيروزة قتلتيني بضحك بهادي: لي سمع لغوات تيقول راه غير نعيمة قاجة حمد ولي سمع سكات تيقول راه غير احمد خاشي راس نعيمة في سطل هههه

الزعرية شكرا للمرور راه عجباتني وضحكاتني كلت نجيبها ليكم ضحكو شوية بحال هاد النماذج موجودين فمجتمعنا ههههههه

ويييي وراني كنقرا وكنتخايل داكشي وتخايلت حالتهم ونكيرهم ههههه علااام

قصة غزالة و موجودةةةةةةةةةةةةةةةةةةةةةةة

و الله الا بقات فيا البنيتة مسكينة

مشكورة فيروزتي

زوينة افيروزة شكرا ضحكتينا انشاء الله تبقاي ديما ضاحكة

[ندعوك للتسجيل في المنتدى أو التعريف بنفسك لمعاينة هذه الصورة]

فاصل اشهاري
[ندعوك للتسجيل في المنتدى أو التعريف بنفسك لمعاينة هذه الصورة]

زورونا بقسم بيت اللغات ...شاركونا بردودكم ...اتحفونا بمواضيع رائعة كروعتكم ..
[ندعوك للتسجيل في المنتدى أو التعريف بنفسك لمعاينة هذه الصورة]

هههههههههههههههههههههه الله يخليك ديما ضاحكة

شكرا اختي الفيروزة ضحكتيني الله يعطيك الخير هذا نموذج من الاسر اللي كيعيشو في بلادنا في الفقر المدقع و عددهم كثير الله يصاوب حتا واحد ماحاس بهم مع كل الأسف الفقر و النكير

ههههه فيروزة ضحكتني والله

ههههههههه الفيروزة شكرا كاين فحال هاذ النماذج فمجتمع ديالنا المغربي