حكاية..(زجل)

حكاية..(زجل)

كَانْ الفَارسْ فوقْ جْوَادُو

عْلى مْوَاجْ النَّخوة..

كَانْ..وكَانْ

تابُوت اللّيل الطويلْ

وسماه تمشي و تميلْ

على طُول الطريق

كْهُوف..وخُوفْ

ودْموع..وشْعَر منتوفْ

والريح تسوط تضرب عْناق

وعَافية شاعلة طالعة من لَعْمَاقْ

والفارس غادي..غادي

*****

طاحْ الفارس مْن ظْهر جوادُو

وَسْط غابة و الدّيابْ

مُوحالْ وَاشْ يْرجع لولادُو

ليوم تْسَد فوَجْهو البابْ

وصوت الوديان..

مجلجل فكُل مكانْ

وفين العود مْشَى..!؟

داب بين غفلة و رمشة..

*****

وبقى الفارس وْحيد..

حتى شاف ضّو شاعل من بعيد

وْرَاح يجري و فخْطاويه يْزيد

خْرجوا الناس ليه..

وعرفوا ما جرى ليه..

ما بين الدهشة و اللهفة..

نسَاوْ الريح المسعُورة

اللي تْسوط فكل أرض مهجورة..

*****

ومن بعد ليلة طْويلة

جا الصباح وفاقو على صْياح

صْياح صْبيان قْباح..

اللي جَاو وجابُو معاهم لخبارْ

خبااااار ..! واشْ من خْبار..

خْبار دم،

وريحة دياب ،

وفْريسة..

وشْياطة عَود كْلاَهْ سرب الدياب..

غزاااااااااااااااااااااااااااااااالة يا قمر

الله ينورك يا الغالية