صباح الخير البنات توحشتكم و سمحو لي بزاف

كما العنوان رانا تندخل كذا مرة لكن الخاطر مكسور سمحولي من قلة مشاركاتي لكن العالم الله أنكم دائماً في البال راني غير الاكتئاب لي ما باغيش يفرقني و النعاس والو نخدم سورة البقرة يوميا و شيوخ الرقية و أخرتها الاسبوع لي فات درت الحجامة نقول شوي لكن مؤ مرة.

بغيت نسولكم الحبيبات اخر مرة واحد المرأ شافت لي الكارطة و قالت لي خصك ذبحي راه امورك عمرها ما تقاد غير اذا ما ذبحتي لحمو !و أنا بصراحة الموضوع هذا بدا يوم ما سوتها الوالدة كما نصحوها الناس و من تما صارو يقولو لي لازم تسويها كل سنة و بصراحة الحاجات هذه منحبهاش الشي لي خلاني زمان من ٥ سنين طلبت واحد الفقيه يقطعها لي قالي تلوحيها في مولاي عبد الرحمن و ذرتها. لكن هاذ المرأ قلقتني واش كاينة شي وحدة تفهم في هاذ الشي لأني في الحقيقة راني ضبعة في الموضوع هذا و للمعلومية أنا لا تنحلم و لا تنطيح و صحيح أني صارت لي اجهاضات كثيرة قالو لي مس واش الموضوع هذا ليه علاقة و لا ايش و اذا ليه علاقة واش ممكن الواحد ينويها و يصدقها على الفقرا و لا ايش نصحوني ربي يخليكم راني تايهة

صباح النور حبيبة هاد الذبح كيكون للعالم الاخر سواء كالوه الفقراء او المحتاجين لكن النية الي عليها كلشي الدبيحة صعيبة الا بديتيها كتبقاي خاصك كل عام دبحي ليهم بطقوس معينة وهادشي كيف قلتىليك كيمرضك الا ما داوتيش عليه
هضرة الشوافات لا تاخديهاش كلها صحيحة ساعات كيبقاو غير يكثرو عليك وكلهم كيقولو لينا كاااااملين واقفة عليك الدبيحة هضرتهم واحدة تقولي قاريين بنفس المدرسة
انتي حاولي تاخدي شي دواء راهىالاكتئاب كيدير هاد الحالة شوفي طبيب مش عيب ترا عادي كلنا كنمرو بظروف كتعصبنا

ميرسي الزين الله يحفظك راه الدوا طايحة فيه سيبراليكس و تناخد واحد خر نتاع النعاس و عتدك الحق بالنسبة للشوافات راه مدرسة وحدة غيرخليها على الله. المهم الزين انا مابغاش اي احد يتقلق مني و ياخد عن خاطره مني ان شاء الله تكون هاذ السنة سنة رقي للمنتدى و بقاء الاحبة مجتمعين و.ربي يوقف على كل مظلوم و على كل خلق مكسور

لا حبيبة حتا حد ما يتقلق عليك غير ما تغبريش راه احنا ما تجمعنا هنا الا نواسيو بعضياتنا ونتعاونو بالي قدرنا

صباح النور حبيبه لامارا توحشناك ان شاء الله وليداتك على خير نصيحه ليك الزين كاختك ما دبحيش راني تندبح وحلت دابه خاصني كل عام ندبح جوج دبيحات والا ما دبحتش تنمرض فعظامي وتيكثرو مشاكلي بعدي على دبيحه واخه يقولك واقفه عليك مادبحيش انا مجربة وباقه فيه لحد الان وحتى واحد ما مقلق عليك راكي عزيزة علينا بزاف وربي يجيب لك الشفا

ربي يحفظكم الغزالات راني عن جد في حيرة راه كلشي تينصحني نبعد منها و حالي واقف لغاية الحين ملقيتش حتى شي خدمة باش نكركب الككلب (راه حصلت عليها علاقات فساد مع سعوديات هناي و الحين قال رايح المغرب باش يرح على راسو)لي عندي واش لقالي شي واحد قطعتها لك واش يكون صادق و لا متتقطعش راها كانت غير دبيحة صغيرة (فروج) انا المصيبة ماكنتش نعرف بلاها لكن لي متاكده منه انه من يوم ما رفضت نكمل مصيبة ورا مصيبة حتى الحمل كان يجهض لي ميكملش شهر واش يكون منها و لا من حاجة اخرى لاني دوزت جميع التحاليل كلها كانت طبيعية

لامارا من قال ليك راه قطعها راه صافي
لانه على حسب كاين الي يطلب ليك الدبيحة الكبيرة وقوامها وبزاف الاغراض باش يهز عليك داكشي ياخدو هوا ودام قال انه قطعها الا وما فيها فضل يعني مالهم لازمة ما مزيانينش لانه كاينين لجواد الي مزيانين كيعاونو
تعرفي اشنو ديري ديري واحد الصدقة ونويها صدقة يا فلوس يا تخلي شي حد في المغرب يصدق لشي ارملة ولا شي يتامى المحتاجين عندنا بزاف في المغرب المهم صدقة مش تنويها شي ثاني
صدقة نويها على صحتك وعلى امورك تتيسر وبالنسبة للخدمة راكي عارفة الازمة الي صارت بالعالم كله حتى هنا ومابقينا لقينا الخدمة حتى المشاريع كلشي كثر ايوا اذا عمت هانت
وبالنسبة لبوركابي ميكي عليييييييه وفهمي نسايه ديري راسك بحال الا فعلا تفرقتي معاه صافي بحال داك النوع صعيب النصح معاه مبتلي الله يستر نسايه وعيشي حياتك بحال الا ماكاينش فيها فهميني راه الحياة كنعيشو مرة واحدة تبقاي فاقسة راسك معاه ولادك محتاجينك فكري الا صار ليك شي اشنو غادي يكون مصيرهم يجيب ليهم مرات اب نغص عليهم
جمعي راسك وكوني مرا والحركة بركة وقادي نعاسك وبداي تفيقي بكري الفياق بكري راه كيجيب الرزق والتيسير الله يسر امورك حبيبتي

ربي يحفظك الغزالة و يناولك لي بالك و انت كمان يا ريم الفلا الله يعطيك ما تمني و قويك و.يسر ليكم كل اموركم